यूहन्ना 16
16
1येशू आरहौ कहैल्कै, “यी सभे बात हमे तोरासिके इहे ल्याके कहैछियौ, ताकी तुहेंसब हमरामे भेल आपन विश्वासके नैछोडहैं। 2ऊसब तोरासिके यहूदी आदमीसिके सभाघरसे निकाली देतौ। एतनें ही नै, वास्तवमे एरंको समय आबैछै कि जे कोय तोरासिके जानसे मारि देतौ, ऊ अपने आपके सोच्तै कि एरं करिके हमे परमेश्वरके सम्मान करैछियै। 3ऊसब यी काम इहे ल्याके कर्तै कहिनेकी ऊसब नैते हमरा चिन्हैछै आर नै हमर परमेश्वर पिताके चिन्हैछै। 4मगर यी सभे बात हमे तोरासिके इहे ल्याके बतैलियौ छे, कि जब समय ऐतौ ते, तोरासिके हमे कि कहैलियौ रहे से याद आबी जौ। जब तुहेंसब शुरुआतमे हमर चेला बन्लहैं हमे तोरासिके यी बात नैबतैलियौ, कहिनेकी हमे तोरसिके संगमे रहियौ।”
पवित्र आत्माके काम
5मगर आब हमे हमरा भेजेवालाके लगत जैछियै, तैय्योपर आब तोरसिमेसे कोय भी हमरासे यी नै पुछैछैं कि तुहें कते जैछह। 6मगर जे बात हमे तोरासिके कहैलियौ छे, ऊ बातसे तुहेंसब बहुते उदास छैं। 7मगर हमे तोरासिके सच कहैछियौ, तोरसिके लिए यी बढियाँ छौ कि हमे जैछियौ, कहिनेकी हमे नैजैबौ ते ऊ सहायक तोरसिकेलगत नैऐतौ। मगर हमे जैबौ ते ओकरा तोरसिकेलगत भेजी देबौ। 8जब सहायक पवित्र आत्मा आबिके संसारके आदमीसिके पाप, धर्मी घोषित होना आर परमेश्वरके न्यायके बारेमे देखैतै। 9पापके विषयमे सच्चाईके पवित्र आत्मा देखैतै, कहिनेकी ऊसब हमरापर विश्वास करैसे इन्कार करैछै। 10परमेश्वरके धर्मी घोषित हुऐके विषयमे सच्चाईके ऊ देखैतै, कहिनेकी हमे पिताके लगत जैछियै, आर तुहेंसब फेर हमरा नैदेख्भैं। 11आर न्यायके विषयमे सच्चाईके देखैतै, कहिनेकी परमेश्वर पहेला ही यी संसारके मालिक शैतानके दोषी ठहरैल्कै छे।
12हमरलगत तोरासिके बताबेवाला बात बहुते छै मगर एखन तुहेंसब ऊसब बात नैबुझे सक्भैं। 13मगर जब सच्चाईके प्रकट करेवाला पवित्र आत्मा ऐतौ, तब ऊ तोरासिके परमेश्वरके बारेमे जे भी सच छै बुझाबैके कारण बन्तौ। ऊ आपन अधिकारसे नैबोल्तौ। ऊ परमेश्वरके तरफसे जे सुन्तै, उहे बोल्तै, आर भविष्यमे हुएवाला बात तोरासिके बतैतौ। 14ऊ हमर महिमा कर्तै, कहिनेकी ओकरा हमर तरफसे जे मिल्लै छे, ऊ तोरासिके उहे बतैतौ। 15जे कुछु पिता परमेश्वरके छै, ऊ सभेटा हमर छै। इहे कारणसे हमे कहैलियौ कि, सच्चाईके प्रकट करेवाला पवित्र आत्मा हमर तरफसे जे कुछु पैतै, उहे तोरासिके बतैतौ।
चेलासिके दुःख सुखमे बदली जैतौ
16“कुछु समयके बाद तुहेंसब हमरा नैदेख्भैं, आर फेर कुछु समयके बाद तुहेंसब हमरा देख्भैं।” 17यी बात सुनिके ओकर कुछु चेलासब एक-दोसरसे एरं कहे लाग्लै, “ओकर यी बातके मतलब कि भेलै, ‘कुछु समयके बाद तुहेंसब हमरा नैदेख्भैं, आर फेर कुछु समयके बाद तुहेंसब हमरा देख्भैं’ आर एकर मतलब कि भेलै कि, ‘हमे पिताके लगत जैछियै?’ ” 18ऊसब आपसमे यी पुछतहैं रहलै, “ऊ जे कहते रहै ‘कुछु समयके बाद’ ओकर मतलब कि छै? हमेसब ते नैबुझ्लियै, ऊ कि कहे चाहैछै।” 19येशू जान्ते रहै कि ऊसब ओकरासे पुछैले चाहैछै, तब ऊ ओकरासिके कहैल्कै, “कि तुहेंसब एक-दोसरसे यी पुछैछैं कि हमर कहैके मतलब कि रहै जे हमे कहैलियै कि कुछु समयमे तुहेंसब हमरा नैदेख्भैं आर तब कुछु समयके बाद हमरा फेर देख्भैं? 20हमे तोरासिके सच कहैछियौ, हमर मौतके बाद तुहेंसब कान्भैं आर विलाप कर्भैं मगर संसारके आदमीसब आनन्द मनैतै। तुहेंसब शोक मनैभैं, मगर जब हमे जिन्दा वापस ऐबौ तोरसिके शोक खुशीमे बदली जैतौ। 21जब जनानीके बच्चा जनमाबैके समय आबैछै, तब ऊ बहुते दरदमे रहैछै। कहिनेकी ओकर दरदके समय ऐल रहैछै, मगर जब ऊ बच्चा जनमी जैछै, तब ओकरा ऊ दरदके याद नैहैछै, कहिनेकी दुनियाँमे एकटा बच्चाके जनम भेलै कहिके ऊ खुशी हैछै। 22अहिने करिके एखनी तुहेंसब शोक मनाबैछैं, मगर फेर हमे तोरासिके दिखाई देबौ आर तखनी तुहेंसब आनन्दित हैभैं। आर तोरसिके आनन्द कोय छिने नैसक्तौ। 23ऊ समयमे जब तुहेंसब हमरा फेर देख्भैं तब तुहेंसब हमरा कुछु नैपुछभैं। हमे तोरासिके सच कहैछियौ, तुहेंसब जे कुछु भी हमर चेला हुऐके नातासे माँग्भैं, परमेश्वर पिता तोरासिके देतौ। 24एखनतक तुहेंसब हमर चेला हुऐके नातासे पितासे कुछु नैमाँग्लहैं छे। माँग ते तोरासिके देल जैतौ। ताकी तुहेंसब पुरा आनन्दित भ्याजहैं।
25यी सभे बात हमे तोरासिके झाँप्ल भाषामे कहैलियौ छे। मगर समय आबैछै फेर हमे तोरसिसे झाँप्ल भाषामे नैबोल्बौ, मगर पिता परमेश्वरके बारेमे तोरासिके स्पष्ट कहबौ। 26ऊ समय तुहेंसब हमर चेला हुऐके नातासे प्रार्थनामे माँग्भैं। हमरा आपन पितासे कहैके जरुरत नैहैतै कि ऊ करै जे तुहेंसब माँगैछैं। 27परमेश्वर पिता खुद तोरासिके प्रेम करैछौ, कहिनेकी तुहेंसब हमरासे प्रेम कैल्हैं छे, आर हमे परमेश्वर पिताके तरफसे ऐलियै छे कहिके विश्वास कैल्हैं छे। 28हमे परमेश्वर पिताके लगतसे संसारमे ऐलियै छे, आब फेर हमे संसारके छोडिके परमेश्वर पिताके लगत जैछियै।” 29तब ओकर चेलासब कहैल्कै, “हौं, एखन तुहें झाँप्ल भाषामे नै मगर स्पष्ट कहैछ। 30आब हमेसब बुझ्लियै कि तुहें सभे कुछु जानैछ, आर तोरा ककरो जरुरत ही नैछै कि कोय तोरासे सवाल करै। सेल्याके हमेसब विश्वास करैछियै, कि तुहें परमेश्वरके तरफसे ही ऐलह छे।” 31येशू ओकरासिके जबाब देल्कै, “कि तुहेंसब आब विश्वास करैछैं? 32देख, उटा समय आबैछै, वास्तवमे चल ऐलै छे, जब तुहेंसब छिरिया-बिरिया जैभैं। तुहेंसब आपन-आपन घर भागी जैभैं आर हमरा असकल्ले छोडी देभैं। तैय्योपर हमे असकल्ला नैछियै, कहिनेकी परमेश्वर पिता हमर संगमे छै। 33हमे यी सभे बात तोरासिके यी कारणसे कहैलियौ छे, कि हमरामे तोरासिके शान्ति हौ कहिनेकी तुहें हमरसंगे रहैछैं। संसारमे तोरासिके संकट हैतौ, मगर हिम्मत कर, हमे यी संसारके शासक यानी शैतानके पराजित करि देलियै छे।”
Currently Selected:
यूहन्ना 16: KYVNT
Highlight
Share
Copy
Want to have your highlights saved across all your devices? Sign up or sign in
Kayort (केवट) Bible by The Love Fellowship is licensed under Creative Commons Attribution-ShareAlike 4.0 License.
यूहन्ना 16
16
1येशू आरहौ कहैल्कै, “यी सभे बात हमे तोरासिके इहे ल्याके कहैछियौ, ताकी तुहेंसब हमरामे भेल आपन विश्वासके नैछोडहैं। 2ऊसब तोरासिके यहूदी आदमीसिके सभाघरसे निकाली देतौ। एतनें ही नै, वास्तवमे एरंको समय आबैछै कि जे कोय तोरासिके जानसे मारि देतौ, ऊ अपने आपके सोच्तै कि एरं करिके हमे परमेश्वरके सम्मान करैछियै। 3ऊसब यी काम इहे ल्याके कर्तै कहिनेकी ऊसब नैते हमरा चिन्हैछै आर नै हमर परमेश्वर पिताके चिन्हैछै। 4मगर यी सभे बात हमे तोरासिके इहे ल्याके बतैलियौ छे, कि जब समय ऐतौ ते, तोरासिके हमे कि कहैलियौ रहे से याद आबी जौ। जब तुहेंसब शुरुआतमे हमर चेला बन्लहैं हमे तोरासिके यी बात नैबतैलियौ, कहिनेकी हमे तोरसिके संगमे रहियौ।”
पवित्र आत्माके काम
5मगर आब हमे हमरा भेजेवालाके लगत जैछियै, तैय्योपर आब तोरसिमेसे कोय भी हमरासे यी नै पुछैछैं कि तुहें कते जैछह। 6मगर जे बात हमे तोरासिके कहैलियौ छे, ऊ बातसे तुहेंसब बहुते उदास छैं। 7मगर हमे तोरासिके सच कहैछियौ, तोरसिके लिए यी बढियाँ छौ कि हमे जैछियौ, कहिनेकी हमे नैजैबौ ते ऊ सहायक तोरसिकेलगत नैऐतौ। मगर हमे जैबौ ते ओकरा तोरसिकेलगत भेजी देबौ। 8जब सहायक पवित्र आत्मा आबिके संसारके आदमीसिके पाप, धर्मी घोषित होना आर परमेश्वरके न्यायके बारेमे देखैतै। 9पापके विषयमे सच्चाईके पवित्र आत्मा देखैतै, कहिनेकी ऊसब हमरापर विश्वास करैसे इन्कार करैछै। 10परमेश्वरके धर्मी घोषित हुऐके विषयमे सच्चाईके ऊ देखैतै, कहिनेकी हमे पिताके लगत जैछियै, आर तुहेंसब फेर हमरा नैदेख्भैं। 11आर न्यायके विषयमे सच्चाईके देखैतै, कहिनेकी परमेश्वर पहेला ही यी संसारके मालिक शैतानके दोषी ठहरैल्कै छे।
12हमरलगत तोरासिके बताबेवाला बात बहुते छै मगर एखन तुहेंसब ऊसब बात नैबुझे सक्भैं। 13मगर जब सच्चाईके प्रकट करेवाला पवित्र आत्मा ऐतौ, तब ऊ तोरासिके परमेश्वरके बारेमे जे भी सच छै बुझाबैके कारण बन्तौ। ऊ आपन अधिकारसे नैबोल्तौ। ऊ परमेश्वरके तरफसे जे सुन्तै, उहे बोल्तै, आर भविष्यमे हुएवाला बात तोरासिके बतैतौ। 14ऊ हमर महिमा कर्तै, कहिनेकी ओकरा हमर तरफसे जे मिल्लै छे, ऊ तोरासिके उहे बतैतौ। 15जे कुछु पिता परमेश्वरके छै, ऊ सभेटा हमर छै। इहे कारणसे हमे कहैलियौ कि, सच्चाईके प्रकट करेवाला पवित्र आत्मा हमर तरफसे जे कुछु पैतै, उहे तोरासिके बतैतौ।
चेलासिके दुःख सुखमे बदली जैतौ
16“कुछु समयके बाद तुहेंसब हमरा नैदेख्भैं, आर फेर कुछु समयके बाद तुहेंसब हमरा देख्भैं।” 17यी बात सुनिके ओकर कुछु चेलासब एक-दोसरसे एरं कहे लाग्लै, “ओकर यी बातके मतलब कि भेलै, ‘कुछु समयके बाद तुहेंसब हमरा नैदेख्भैं, आर फेर कुछु समयके बाद तुहेंसब हमरा देख्भैं’ आर एकर मतलब कि भेलै कि, ‘हमे पिताके लगत जैछियै?’ ” 18ऊसब आपसमे यी पुछतहैं रहलै, “ऊ जे कहते रहै ‘कुछु समयके बाद’ ओकर मतलब कि छै? हमेसब ते नैबुझ्लियै, ऊ कि कहे चाहैछै।” 19येशू जान्ते रहै कि ऊसब ओकरासे पुछैले चाहैछै, तब ऊ ओकरासिके कहैल्कै, “कि तुहेंसब एक-दोसरसे यी पुछैछैं कि हमर कहैके मतलब कि रहै जे हमे कहैलियै कि कुछु समयमे तुहेंसब हमरा नैदेख्भैं आर तब कुछु समयके बाद हमरा फेर देख्भैं? 20हमे तोरासिके सच कहैछियौ, हमर मौतके बाद तुहेंसब कान्भैं आर विलाप कर्भैं मगर संसारके आदमीसब आनन्द मनैतै। तुहेंसब शोक मनैभैं, मगर जब हमे जिन्दा वापस ऐबौ तोरसिके शोक खुशीमे बदली जैतौ। 21जब जनानीके बच्चा जनमाबैके समय आबैछै, तब ऊ बहुते दरदमे रहैछै। कहिनेकी ओकर दरदके समय ऐल रहैछै, मगर जब ऊ बच्चा जनमी जैछै, तब ओकरा ऊ दरदके याद नैहैछै, कहिनेकी दुनियाँमे एकटा बच्चाके जनम भेलै कहिके ऊ खुशी हैछै। 22अहिने करिके एखनी तुहेंसब शोक मनाबैछैं, मगर फेर हमे तोरासिके दिखाई देबौ आर तखनी तुहेंसब आनन्दित हैभैं। आर तोरसिके आनन्द कोय छिने नैसक्तौ। 23ऊ समयमे जब तुहेंसब हमरा फेर देख्भैं तब तुहेंसब हमरा कुछु नैपुछभैं। हमे तोरासिके सच कहैछियौ, तुहेंसब जे कुछु भी हमर चेला हुऐके नातासे माँग्भैं, परमेश्वर पिता तोरासिके देतौ। 24एखनतक तुहेंसब हमर चेला हुऐके नातासे पितासे कुछु नैमाँग्लहैं छे। माँग ते तोरासिके देल जैतौ। ताकी तुहेंसब पुरा आनन्दित भ्याजहैं।
25यी सभे बात हमे तोरासिके झाँप्ल भाषामे कहैलियौ छे। मगर समय आबैछै फेर हमे तोरसिसे झाँप्ल भाषामे नैबोल्बौ, मगर पिता परमेश्वरके बारेमे तोरासिके स्पष्ट कहबौ। 26ऊ समय तुहेंसब हमर चेला हुऐके नातासे प्रार्थनामे माँग्भैं। हमरा आपन पितासे कहैके जरुरत नैहैतै कि ऊ करै जे तुहेंसब माँगैछैं। 27परमेश्वर पिता खुद तोरासिके प्रेम करैछौ, कहिनेकी तुहेंसब हमरासे प्रेम कैल्हैं छे, आर हमे परमेश्वर पिताके तरफसे ऐलियै छे कहिके विश्वास कैल्हैं छे। 28हमे परमेश्वर पिताके लगतसे संसारमे ऐलियै छे, आब फेर हमे संसारके छोडिके परमेश्वर पिताके लगत जैछियै।” 29तब ओकर चेलासब कहैल्कै, “हौं, एखन तुहें झाँप्ल भाषामे नै मगर स्पष्ट कहैछ। 30आब हमेसब बुझ्लियै कि तुहें सभे कुछु जानैछ, आर तोरा ककरो जरुरत ही नैछै कि कोय तोरासे सवाल करै। सेल्याके हमेसब विश्वास करैछियै, कि तुहें परमेश्वरके तरफसे ही ऐलह छे।” 31येशू ओकरासिके जबाब देल्कै, “कि तुहेंसब आब विश्वास करैछैं? 32देख, उटा समय आबैछै, वास्तवमे चल ऐलै छे, जब तुहेंसब छिरिया-बिरिया जैभैं। तुहेंसब आपन-आपन घर भागी जैभैं आर हमरा असकल्ले छोडी देभैं। तैय्योपर हमे असकल्ला नैछियै, कहिनेकी परमेश्वर पिता हमर संगमे छै। 33हमे यी सभे बात तोरासिके यी कारणसे कहैलियौ छे, कि हमरामे तोरासिके शान्ति हौ कहिनेकी तुहें हमरसंगे रहैछैं। संसारमे तोरासिके संकट हैतौ, मगर हिम्मत कर, हमे यी संसारके शासक यानी शैतानके पराजित करि देलियै छे।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kayort (केवट) Bible by The Love Fellowship is licensed under Creative Commons Attribution-ShareAlike 4.0 License.