Wĭkheegŭn 15
15
1Nel noolămāwe‐alagwemenâksooĭ, ha ’Nmĭhtakws nootkekāwĭn.
2M’seu p’skĕtkwŏŏnool ’nhŭkĕk tan skat menenook, oosāmatoon: ha’mseu p’skĕtkwŏŏnool tan menĭk, oomoosegĕhtoon, wĕlaman ăjemĭnkasoo.
3Tŭkā’ch wĕje‐pĕhkegool‐teĕkw kulooswagŭn ĭkŏŏk tan keseyŏŏhoolĕkw.
4N’gĕsooltĭkw nel ’nhŭkĕk, ha nel kelooow’ ŭkhŭkāwŏk. Stŭkā’ p’skĕtkwŏŏn skatŭch kesemĭnkaseu skat chegŭlmenook alagwemenâksĭk, ha kelooow’ na skat ’ngĕsoolteuwĕhkw n’hŭkĕk [skatŭch kese‐wŏŏlātakŭteepa.]
5Nel alagwemenâk’s; kelooow’ p’skĕtkwŏŏnool. Tan wĕn ĕngĕsĭt n’hŭkĕk ha neaga nel na n’tŭngĕss oohŭkĕk, nāgŭm wŏŏlemĭnkasoo: eebŭchŭl nel skat ëeuŏn k’tŭchĕlĕsoolte’bach.
6Tan wĕn skat ĕngĕseekw ’nhŭkĕk, lesāmalŭkwsoo stŭkā’ p’skĕtkwŏŏn, ha kespahsaasĭk, ha mowāoodasooŭl ha k’chŭseāoodasooŭl, ha p’skwŏŏlādasooŭl.
7N’gĕsoolteĕkw ’nhŭkĕk, ha n’kŭlooswa’gŭnŭl ’ngĕsooŭl ŭkhŭkāwŏk, wekoodŭmŭnea’p tan ĕlewŏŏle‐dŭha’‐dŭmĕkw ha tŭlookāukĕneya’ch.
8Net ’Nmĭhtakws wĕjĭkchetŭmetŭhamkoosĭt ketanagwe‐mĭnkase’nea; ha neaga kelooow’ kootŭkĕhkĭmkooseba’ch n’hŭkĕk.
9Stŭkā’ tan N’mĭhtakws ĕlĭksĕlmĭtpŭn, nel net kelooow’ ĕlĭksĕlmŭlĕkw: n’gĕsooltĭkw n’kŭsĕltŭmooa’gŭnŭk.
10Saktŭmĕkw n’tŭlgetŭmooagŭnŭl’ k’tŭngĕsoolteba’ch ’nkŭsĕltŭmooa’gŭnŭk. Stŭkā’ nel ĕle‐hemoowŏŏkpŭn N’mĭhtakws ootŭlgetŭmooa’gŭnŭl, ha n’tŭngĕss ookŭsĕltŭmooa’gŭnŭk.
11Yootŭl kĕkwsăl keseyŭhoolāgwĭl wĕlamân noole’dŭhasooagŭn ëu ŭkhŭkāwŏk, ha neaga wĕlamân kooledŭhasooagŭnooŏl oochĭpsŭnātasoo.
12Yoot n’tŭlgetŭmooagŭn, kelooow’ kŭsĕltootoolte’nea; stŭkā’ ĕlekesĭksĕlmŭlĕkw, net na kelooow’ ŭlĭksĕltooltĭkw’.
13Skat wĕn agwâmk’ lekesĭksĕlmooāoo tŭhaloo wŏŏt tan ĕlepoo’nŭk oopŭmowsooagŭn ooche ooseewe.
14Kelooow’ ’nseweŭk ŭlookhŭteyĕkw tan ĕlgĭmlĕkw.
15Skat agwŏmk k’tŭlme‐lewehooloopa nootlookātŭmŭk; eebŭchŭl nootlookĕt skat ookŭjejetoo’ŭn tan tĕbĕltŭmŭlejĭl tan ĕlookālĭt: kānookŭloo k’tlewehoolpa n’se’weŭk, eebŭchŭl ’mseu kĕkwsăl tanĭl wĕjenoodŭmanĭl N’mĭhtakwsŭk k’takenooĕhtoolneapŭnĭl.
16Kelooow’ skat kŭmŭkŭnebakoopŭn, kānook kelooow’ nel kŭmŭkŭnŭloobapŭn, ha ĕloohegalĕkwpŭn, wĕlamân k’tŭleulte’nea, ha neaga k’mĭnkase’nea, ha tan ĕlemĭnkaseĕkw oomājeme‐ŭngĕsoo. Welaman ’mseu’ kĕkwsăl ooche‐wekoodŭmĕk’ ’Nmĭhtakwsŭk n’nooesooŭnŭk, kŭmĭlkoonea’ch.
17Yootŭl kĕkwsăl ĕlkĭmlāgwĭl wĕlamân kŭsĕltoolteba.
18Ooskĭt’kŭmĭkw akwetŭhamla’kw, kŭjejetoo’nea n’takwe‐tŭhamkoonāpŭn nel mĕskw kelooow’ akwetŭhâmloowâk’w.
19Ooskĭt’kŭmĭkw tŭlāowoolteĕk’w, ooskĭtkŭmegoop ookŭseltŭmŭnp’ tan yoot nāgŭm. Kānookŭloo ooskĭtkŭmĭkw skat ŭktŭlāowoolteeba, kānook nel koojĭmkŭnloobapŭn ooskĭt’kŭmĭkw, netwāje ooskĭtkŭmĭkw k’takwedŭhamkoo’nea.
20Mĭkwedŭhadŭmook’ yŏŏhoolĕkwpŭn: Nootlookĕt skat peĕmĭtpŭseu skatŭk tanĭl tĕbĕltŭmŭlejĭl: Nel kesewĕhkanhetĭt kelooow’ŭch’ŭna k’toowĕhkan‐hoogoowŏk’ch. Saktŭmootĭtsŭpŭn n’kŭlooswagŭn, neaga saktŭmagoonŭlch kelooow’ ŭkŭlooswagŭnooŏl.
21Kānookŭloo ’mseu yootŭl kĕkwsăl tlĕhlŭgoonea’lch ooche nooesooŭnŭk, eebŭchŭl skat oonŭnowawewŭl Tanĭl pĕtŭkŭmĭtpŭnĭl.
22Nel skat pŭkŭchehawŏnsŭpŭn ha kŭloolawŏnsŭpŭn, skatŭp ootëeunca lakŭmĭksooagŭn. Kānookŭloo tŭkā’ch skadama ootëeu’nea tan wĕje‐kese‐asooŏhmootĭt ootŭlkŭmĭksooagŭnoowŏl.
23Tan woot akwedŭhamĭt nel, N’mĭhtakwsŭlna ootakwedŭhamal.
24Skat ŭlookāwŏnsŭpŭn oohŭkāwŏk lookāwa’gŭnŭl tanĭl mĕskw wĕn ĕlookākwĭl, skatŭp ootëeunea lakŭmĭksooagŭn oohŭkāwŏk. Kānookŭloo tŭkā’ch n’nŭmehoogoonān ha neaga n’takwetŭhamkoonān tŭkweu nel ha ’Nmĭhtakwsŭl.
25Kānookŭloo nel ŭlĭhĕ wĕlaman kŭlooswagŭn tan elooĭkhasĭk oobootoosooagŭn ĭkŏŏk ŭlĭhĕ: N’takwe‐dŭham‐koo’bŭnĭk ooche pesooweu’.
26Kānookŭloo tan toocheu’ Nooje‐wŏŏlĕhlooĕt pŭkŭcheha’t, tan wĕtŭkemookch ’Nmĭhtakwsŭk, M’chŭchakw oolămāwagŭnā’ tan wĕjemachŭhat ’Nmĭhtakwsŭk’ Nāgŭmch nŭspeuwŏŏlămāwŭkw.
27Ha neaga kelooow‐ŭchŭna k’nŭspeuwŏŏlamhŭteba’ch, eebŭchŭl wejāooeba wĕjĕhtagāmŭkŭtā amskooŏs majŭhâ’k.
Currently Selected:
Wĭkheegŭn 15: PQM1870
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1870.
