Imizekeliso 6
6
1NYANA wam! ukuba ubambele ummelwane wako, wabambana nowasemzini isandla sako; 2ukuba utiyelwe ngeziteto zomlomo wako, wabijelwa ngeziteto zomlomo wako; 3yiti ke, nyana wam! uze uzikulule, wakuba uzile esandleni sommelwane wako: uye, uziqubude, umqu̔be ummelwane wako. 4Unganiki ubutongo emehlweni ako, nokunqenqa ezinkopeni zako; 5zikulule njengebadi esandleni somzingeli, nanjengentaka esandleni somtiyeli.
6Yiya embovaneni, livilandini! nakana imikwa yayo, ulumke; 7eti ke, ingenamkokeli nje, nampati, nankosi, 8ilungiselele ukudla kwayo ehlotyeni, ibute ukutya kwayo ekwindla. 9Uya kulala kude kube ninina, livilandini! uya kuvuka ninina ebutongweni bako? 10Ibe yintwana yobutongo, ibe yintwana yokunqenqa, ibe yintwana yokuxabanisa izandla kuze kulalwe; 11bandul’ ukuza ubuhlwempu bako njengomhambi, nokuswela kwako njengoxo̔bileyo.
12Umntu wobunginingini, umntu wokungendawo, uyahamba ngobugwenxa bomlomo: 13uyapanyaza ngamehlo ake, uyaṙweca ngenyawo zake, uyabonisa ngeminwe yake; 14ubumenemene busentliziyweni yake, uyaceba ububi ngamaxesha onke, uyavusa amapike. 15Ngako oko ilishwa lake liya kuza ngokuzuma; uya kucitwa ngebaqo, kungabiko lusizo.
16Ezizinto zontandatu uyehova uyazitiya; ewe, zixe̔nxe eziyintshontsho kumpefumlo wake: 17Amehlo okuqanqalaza; ulwimi lwobuxoki; nezandla ezipalazayo igazi elingenatyala; 18intliziyo ecebayo amaqinga akohlakeleyo; inyawo ezinxamela ukubalekela ububi; 19inqi̔na lobuxoki elipimisela ilwimi; novusayo amapike pakati kwabazalwana.
20NYANA wam! wubambe umyalelo kayihlo, ungalahli nomteto kanyoko. 21Yibope entliziyweni yako futi; yinxibe entanyeni yako. 22Ekuhambeni kwako wokukapa; ekulaleni kwako wokulinda; wakuvuka, uya kuncokola nawe. 23Ngokuba umyalelo usisibane; nomteto usisikanyiso; ziyindlela yobomi izohlwayo zokufundisa; 24ukuze ugcinwe kuyo inkazana ekohlakeleyo, kuko ukubonga kwolwimi lwasemzini. 25Ungakanuki ubunzwakazi bayo entliziyweni yako; kanjako mayingakubambi ngenkope zayo. 26Ngokuba ngenxa yenkazana eyenza umbulo kutotyelwa kude kube lisimba lesonka; nomfazi wenye indoda uyazingela ubomi obunqabileyo. 27Umntu angatabatela umlilo esifubeni sake, zize zingatshiswa na izivato zake? 28Umntu angahamba pezu kwamalahle atshayo, zize zingaṙauki na inyawo zake? 29Unjalo ke ongenayo kuye umfazi wommelwane wake; akayi kuba ngongenatyala osukuba empata. 30Akudelwa isela, nxa leba̔yo ukuze lizalise umxe̔lo walo, ngokuba lilambile: 31kodwa, nxa lifunyenweyo, lohlaula ngokusixe̔nxe; yonke impahla yendlu yalo liya kuyinika. 32Or̔exeza umfazi uswele ingqondo; uyabubisa umpefumlo wake owenje njalo. 33Uya kufumana izibeto nodelo; nehlazo lake alisayi kucinywa. 34Ngokuba ubukwele buvusa umsindo wendoda; ngako ayiyi kuba nataṙu emhleni wempindezelo. 35Ayiyi kubuka nasinye isizi; kanjako ayiyi kuvuma, nakuba ulandisa ibaso.
Currently Selected:
Imizekeliso 6: XHO1902A
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902.