Shıǵıw 37
37
Kelisim sandıǵınıń isleniwi
1Besalel akaciya aǵashınan Kelisim sandıǵın isledi. Onıń uzınlıǵı eki yarım shıǵanaq, eni bir yarım shıǵanaq hám biyikligi bir yarım shıǵanaq edi. 2Sandıqtıń ishi-sırtın sap altın menen qapladı. Al ernegine altınnan jiyek saldı. 3Sandıq ushın tórt altın halqa quyıp, olardı tórt tuyaǵına ornattı: ekewin bir jaǵına, qalǵan ekewin ekinshi jaǵına ornattı. 4Akaciya aǵashınan sırıqlar islep, olardı altın menen qapladı. 5Sandıqtı kóterip júriw ushın, bul sırıqlardı eki tárepindegi halqalardan ótkerdi. 6Sandıqtıń qaqpaǵın sap altınnan isledi. Qaqpaqtıń uzınlıǵı eki yarım shıǵanaq, eni bir yarım shıǵanaq edi. 7Qaqpaqtıń eki shetine altınnan eki kerubtı shókkishlep soqtı. 8Kerublardıń birewi qaqpaqtıń bir shetinde, al ekinshisi ekinshi shetinde bolıp, olardı qaqpaq penen bir tutas qılıp isledi. 9Kerublardıń joqarıǵa jayılǵan qanatları qaqpaqtı jawıp, júzleri bir-birine qarama-qarsı túrde qaqpaqqa qarap turǵan edi.
Usınılǵan nanlar qoyılatuǵın stol
10Keyin akaciya aǵashınan uzınlıǵı eki shıǵanaq, eni bir shıǵanaq, al biyikligi bir yarım shıǵanaq bolǵan bir stol isledi. 11Stoldı sap altın menen qaplap, ernegine altın jiyek saldı. 12Stoldıń átirapına tórt eli bolǵan qaptal islep, onı altın jiyek penen qapladı. 13Stol ushın tórt altın halqa quyıp, olardı stoldıń tórt múyeshindegi tórt tuyaǵına bekkemledi. 14Stoldı kóterip alıp júriwge arnalǵan sırıqlar ótkiziletuǵın halqalar stoldıń qaptallarına jaqın edi. 15Sırıqlardı akaciya aǵashınan islep, altın menen qapladı. 16Stol ushın kerekli buyımlardı – tabaqlar, tútetki salatuǵın tostaǵanlar, ishimlik sadaqaları ushın keseler hám gúzelerdi sap altınnan isledi.
Shıra qoyǵıshtıń isleniwi
17Olar sap altınnan shıra qoyǵısh isledi. Onıń ultanın, baldaǵın, shaqaların, gúllerin hám onıń gúlkeseleri menen gúltajların ózi menen bir tutas etip shókkishlep isledi. 18Shıra qoyǵıshtıń eki qaptalınan úsh-úshten, altı shaqa shıǵıp turdı. 19Shıǵıp turǵan hár bir shaqada badam gúline uqsas úsh gúl hám onıń gúlkeseleri menen gúltajları bar edi. 20Al shıra qoyǵıshtıń baldaǵında badam gúline uqsas tórt gúl hám onıń gúlkeseleri menen gúltajları bar edi. 21Shıra qoyǵıshtan shıǵıp turǵan altı shaqanıń hár bir jubınıń astında úsh gúlkese izli-izinen dizilip turatuǵın edi. 22Shıra qoyǵıshtı gúlkeseleri hám shaqaları menen bir tutas etip, sap altınnan shókkishlep isledi. 23Shıra qoyǵısh ushın jeti shıra isledi. Piliklerdi tazalaytuǵın qısqıshlar menen ıdıslardı sap altınnan isledi. 24Shıra qoyǵısh hám onıń barlıq buyımları bir talant sap altınnan islendi.
Tútetki tútetiletuǵın orın qurıw
25Akaciya aǵashınan tórt múyeshli, uzınlıǵı bir shıǵanaq, eni bir shıǵanaq hám biyikligi eki shıǵanaq bolǵan tútetki tútetiletuǵın orın qurdı. Orınnıń shaqları ózi menen bir tutas islenip, ózinen shıǵıp turatuǵın edi. 26Orınnıń ústin, qaptalların hám shaqların sap altın menen qaplap, átirapına altın jiyek isledi. 27Eki qaptalındaǵı jiyektiń astına eki altın halqa ornattı. Orındı kóterip júriw ushın, usı halqalardan sırıqlar ótkizildi. 28Sırıqlardı akaciya aǵashınan islep, altın menen qapladı.
29Taǵı da, olar maylaw rásimi ushın muxaddes maydı hám taza, xosh iyisli tútetkini sheberlik penen aralastırıp, tayarladı.
Currently Selected:
Shıǵıw 37: QrqMK22
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2022
Shıǵıw 37
37
Kelisim sandıǵınıń isleniwi
1Besalel akaciya aǵashınan Kelisim sandıǵın isledi. Onıń uzınlıǵı eki yarım shıǵanaq, eni bir yarım shıǵanaq hám biyikligi bir yarım shıǵanaq edi. 2Sandıqtıń ishi-sırtın sap altın menen qapladı. Al ernegine altınnan jiyek saldı. 3Sandıq ushın tórt altın halqa quyıp, olardı tórt tuyaǵına ornattı: ekewin bir jaǵına, qalǵan ekewin ekinshi jaǵına ornattı. 4Akaciya aǵashınan sırıqlar islep, olardı altın menen qapladı. 5Sandıqtı kóterip júriw ushın, bul sırıqlardı eki tárepindegi halqalardan ótkerdi. 6Sandıqtıń qaqpaǵın sap altınnan isledi. Qaqpaqtıń uzınlıǵı eki yarım shıǵanaq, eni bir yarım shıǵanaq edi. 7Qaqpaqtıń eki shetine altınnan eki kerubtı shókkishlep soqtı. 8Kerublardıń birewi qaqpaqtıń bir shetinde, al ekinshisi ekinshi shetinde bolıp, olardı qaqpaq penen bir tutas qılıp isledi. 9Kerublardıń joqarıǵa jayılǵan qanatları qaqpaqtı jawıp, júzleri bir-birine qarama-qarsı túrde qaqpaqqa qarap turǵan edi.
Usınılǵan nanlar qoyılatuǵın stol
10Keyin akaciya aǵashınan uzınlıǵı eki shıǵanaq, eni bir shıǵanaq, al biyikligi bir yarım shıǵanaq bolǵan bir stol isledi. 11Stoldı sap altın menen qaplap, ernegine altın jiyek saldı. 12Stoldıń átirapına tórt eli bolǵan qaptal islep, onı altın jiyek penen qapladı. 13Stol ushın tórt altın halqa quyıp, olardı stoldıń tórt múyeshindegi tórt tuyaǵına bekkemledi. 14Stoldı kóterip alıp júriwge arnalǵan sırıqlar ótkiziletuǵın halqalar stoldıń qaptallarına jaqın edi. 15Sırıqlardı akaciya aǵashınan islep, altın menen qapladı. 16Stol ushın kerekli buyımlardı – tabaqlar, tútetki salatuǵın tostaǵanlar, ishimlik sadaqaları ushın keseler hám gúzelerdi sap altınnan isledi.
Shıra qoyǵıshtıń isleniwi
17Olar sap altınnan shıra qoyǵısh isledi. Onıń ultanın, baldaǵın, shaqaların, gúllerin hám onıń gúlkeseleri menen gúltajların ózi menen bir tutas etip shókkishlep isledi. 18Shıra qoyǵıshtıń eki qaptalınan úsh-úshten, altı shaqa shıǵıp turdı. 19Shıǵıp turǵan hár bir shaqada badam gúline uqsas úsh gúl hám onıń gúlkeseleri menen gúltajları bar edi. 20Al shıra qoyǵıshtıń baldaǵında badam gúline uqsas tórt gúl hám onıń gúlkeseleri menen gúltajları bar edi. 21Shıra qoyǵıshtan shıǵıp turǵan altı shaqanıń hár bir jubınıń astında úsh gúlkese izli-izinen dizilip turatuǵın edi. 22Shıra qoyǵıshtı gúlkeseleri hám shaqaları menen bir tutas etip, sap altınnan shókkishlep isledi. 23Shıra qoyǵısh ushın jeti shıra isledi. Piliklerdi tazalaytuǵın qısqıshlar menen ıdıslardı sap altınnan isledi. 24Shıra qoyǵısh hám onıń barlıq buyımları bir talant sap altınnan islendi.
Tútetki tútetiletuǵın orın qurıw
25Akaciya aǵashınan tórt múyeshli, uzınlıǵı bir shıǵanaq, eni bir shıǵanaq hám biyikligi eki shıǵanaq bolǵan tútetki tútetiletuǵın orın qurdı. Orınnıń shaqları ózi menen bir tutas islenip, ózinen shıǵıp turatuǵın edi. 26Orınnıń ústin, qaptalların hám shaqların sap altın menen qaplap, átirapına altın jiyek isledi. 27Eki qaptalındaǵı jiyektiń astına eki altın halqa ornattı. Orındı kóterip júriw ushın, usı halqalardan sırıqlar ótkizildi. 28Sırıqlardı akaciya aǵashınan islep, altın menen qapladı.
29Taǵı da, olar maylaw rásimi ushın muxaddes maydı hám taza, xosh iyisli tútetkini sheberlik penen aralastırıp, tayarladı.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2022