Shıǵıw 38
38
Jandırılatuǵın qurbanlıq ushın orın qurıw
1Akaciya aǵashınan jandırılatuǵın qurbanlıq ushın orın dúzetti. Ol tórt múyeshli bolıp, onıń uzınlıǵı da, eni de bes shıǵanaq, al biyikligi úsh shıǵanaq edi. 2Onıń tórt múyeshine ózinen shıǵıp turǵan shaqlar islep, orındı hám shaqlardı qola menen qapladı. 3Qurbanlıq orınnıń barlıq buyımların: kúlge arnalǵan ıdıslar menen belsheler, qan sebetuǵın tabaqlar, shanıshqılar hám shoq salınatuǵın ıdıslardı qoladan isledi. 4Orınǵa qoladan tor sıyaqlı naǵıs isledi. Tor naǵıs qurbanlıq orınnıń ortasına jetetuǵınday qılıp, jiyeginiń astınan islendi. 5Qola tordıń tórt múyeshine sırıqlardı ótkeriw ushın, tórt halqa quydı. 6Sırıqlardı akaciya aǵashınan islep, qola menen qapladı. 7Qurbanlıq orındı kóterip júriw ushın, orınnıń qaptalındaǵı halqalardan usı sırıqlardı ótkizdi. Orındı aǵashtan, ishin bos qılıp isledi.
Qola lágenniń soǵılıwı
8Ushırasıw shatırınıń aldında xızmet etetuǵın hayallar bergen qola aynalardan úlken qola lágen hám onıń tuyaqların isledi.
Muxaddes shatırdıń háwlisi
9Muxaddes shatırdıń háwlisin qurdı. Háwliniń qubla tárepine uzınlıǵı júz shıǵanaq bolǵan, hasıl zıǵır jipten toqılǵan perdeler taqtı. 10Perdeler ushın qoladan islengen jigirma ultanǵa jigirma baqan ornattı. Baqannıń ayrı ildirgishleri menen karnizlerin gúmisten isledi. 11Al arqa tárepi ushın uzınlıǵı júz shıǵanaq bolǵan perdeler, jigirma baqan, baqanlar ushın qoladan jigirma ultan isledi. Baqanlardıń ayrı ildirgishleri menen karnizleri gúmisten edi. 12Háwliniń batıs tárepi ushın uzınlıǵı eliw shıǵanaq bolǵan perde, on baqan hám on ultan isledi. Baqanlardıń ayrı ildirgishleri menen karnizleri gúmisten edi. 13Háwliniń shıǵısqa qaraǵan aldınǵı tárepiniń keńligi eliw shıǵanaq edi. 14Usı kirer awızdıń bir tárepinde uzınlıǵı on bes shıǵanaq perde, úsh baqan hám úsh ultan bar edi. 15Onıń ekinshi tárepinde de uzınlıǵı on bes shıǵanaq perde, úsh baqan hám úsh ultan bar edi. 16Háwliniń hámme tárepindegi barlıq perdeler hasıl zıǵırdan edi. 17Baqanlardıń ultanları qoladan, al ayrı ildirgishleri menen karnizleri gúmisten islengen edi. Baqanlardıń joqarısı da gúmis penen qaplanǵan edi. Háwliniń barlıq baqanları gúmis karnizler menen biriktirildi.
18Háwliniń kirer awzındaǵı perde júnnen iyirilgen qızǵısh kók, shım qızıl, qırmızı jip hám hasıl zıǵır jipten naǵıslanıp toqılǵan edi. Onıń uzınlıǵı jigirma shıǵanaq, biyikligi háwliniń perdeleri sıyaqlı bes shıǵanaq edi. 19Bul perde ushın tórt qola ultanǵa ornatılǵan baqan islendi. Baqanlardıń ayrı ildirgishleri hám karnizleri gúmisten islenip, joqarısı gúmis penen qaplandı. 20Shatırdıń hám shatırdı qorshaǵan háwliniń barlıq qazıqları qoladan islendi.
Muxaddes shatırdı qurıwda qollanılǵan nárseler
21Muxaddes shatırdıń, yaǵnıy buyrıqlar jazılǵan taslar turǵan shatırdıń qurılısı ushın qollanılǵan nárselerdiń tolıq esabı tómende berilgen. Esaptı Muwsanıń buyrıǵı menen, ruwxaniy Xaronnıń ulı Itamardıń baqlawı astında Lebiy urıwı alıp bardı.
22Jaratqan Iyeniń Muwsaǵa buyırǵan hámme islerin Yahuda urıwınan bolǵan Xurdıń aqlıǵı, Uriydiń ulı Besalel isledi. 23Onıń menen birge Dan urıwınan bolǵan Axisamax ulı Oholiab jumıs isledi. Ol usta, bezewshi, júnnen iyirilgen qızǵısh kók, shım qızıl, qırmızı jip hám hasıl zıǵır jipten naǵıslap toqıwshı edi.
24Muxaddes shatırdıń barlıq islerine qollanılǵan altınnıń, xalıq baǵıshlap alıp kelgen altınnıń muǵdarı Muxaddes orın ólshemi menen 29 talant 730 shekel edi.
25Esaptan ótken xalıqtan jıynalǵan gúmis Muxaddes orın ólshemi menen 100 talant 1775 shekel edi. 26Bul esaptan ótken jigirma hám onnan joqarı jastaǵı 603 550 adamnıń hár birine bir beqadan#38:26 Bir beqa – shama menen 5,5 gr., yaǵnıy Muxaddes orın ólshemi menen yarım shekelden tuwrı keletuǵın edi. 27Muxaddes shatırdıń hám Eń muxaddes bólmeni bólip turǵan perdeniń ultanların quyıw ushın 100 talant gúmis qollanıldı. Hár bir ultanǵa 1 talant, 100 ultanǵa 100 talant gúmis sarplandı. 28Baqanlardıń joqarısın qaplawǵa, ayrı ildirgishlerin hám karnizlerin soǵıwǵa 1775 shekel gúmis sarplandı.
29Xalıq bergen qola 70 talant 2400 shekel edi. 30Onnan Ushırasıw shatırınıń kirer awzındaǵı baqanlar ushın ultanlar, qurbanlıq orın, onıń torı menen hámme buyımları, 31háwlidegi barlıq baqanlar ushın ultanlar, háwliniń dárwazasınıń baqanları ushın ultanlar, shatırdıń qazıqları menen háwli átirapındaǵı barlıq qazıqlar islendi.
Currently Selected:
Shıǵıw 38: QrqMK22
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2022
Shıǵıw 38
38
Jandırılatuǵın qurbanlıq ushın orın qurıw
1Akaciya aǵashınan jandırılatuǵın qurbanlıq ushın orın dúzetti. Ol tórt múyeshli bolıp, onıń uzınlıǵı da, eni de bes shıǵanaq, al biyikligi úsh shıǵanaq edi. 2Onıń tórt múyeshine ózinen shıǵıp turǵan shaqlar islep, orındı hám shaqlardı qola menen qapladı. 3Qurbanlıq orınnıń barlıq buyımların: kúlge arnalǵan ıdıslar menen belsheler, qan sebetuǵın tabaqlar, shanıshqılar hám shoq salınatuǵın ıdıslardı qoladan isledi. 4Orınǵa qoladan tor sıyaqlı naǵıs isledi. Tor naǵıs qurbanlıq orınnıń ortasına jetetuǵınday qılıp, jiyeginiń astınan islendi. 5Qola tordıń tórt múyeshine sırıqlardı ótkeriw ushın, tórt halqa quydı. 6Sırıqlardı akaciya aǵashınan islep, qola menen qapladı. 7Qurbanlıq orındı kóterip júriw ushın, orınnıń qaptalındaǵı halqalardan usı sırıqlardı ótkizdi. Orındı aǵashtan, ishin bos qılıp isledi.
Qola lágenniń soǵılıwı
8Ushırasıw shatırınıń aldında xızmet etetuǵın hayallar bergen qola aynalardan úlken qola lágen hám onıń tuyaqların isledi.
Muxaddes shatırdıń háwlisi
9Muxaddes shatırdıń háwlisin qurdı. Háwliniń qubla tárepine uzınlıǵı júz shıǵanaq bolǵan, hasıl zıǵır jipten toqılǵan perdeler taqtı. 10Perdeler ushın qoladan islengen jigirma ultanǵa jigirma baqan ornattı. Baqannıń ayrı ildirgishleri menen karnizlerin gúmisten isledi. 11Al arqa tárepi ushın uzınlıǵı júz shıǵanaq bolǵan perdeler, jigirma baqan, baqanlar ushın qoladan jigirma ultan isledi. Baqanlardıń ayrı ildirgishleri menen karnizleri gúmisten edi. 12Háwliniń batıs tárepi ushın uzınlıǵı eliw shıǵanaq bolǵan perde, on baqan hám on ultan isledi. Baqanlardıń ayrı ildirgishleri menen karnizleri gúmisten edi. 13Háwliniń shıǵısqa qaraǵan aldınǵı tárepiniń keńligi eliw shıǵanaq edi. 14Usı kirer awızdıń bir tárepinde uzınlıǵı on bes shıǵanaq perde, úsh baqan hám úsh ultan bar edi. 15Onıń ekinshi tárepinde de uzınlıǵı on bes shıǵanaq perde, úsh baqan hám úsh ultan bar edi. 16Háwliniń hámme tárepindegi barlıq perdeler hasıl zıǵırdan edi. 17Baqanlardıń ultanları qoladan, al ayrı ildirgishleri menen karnizleri gúmisten islengen edi. Baqanlardıń joqarısı da gúmis penen qaplanǵan edi. Háwliniń barlıq baqanları gúmis karnizler menen biriktirildi.
18Háwliniń kirer awzındaǵı perde júnnen iyirilgen qızǵısh kók, shım qızıl, qırmızı jip hám hasıl zıǵır jipten naǵıslanıp toqılǵan edi. Onıń uzınlıǵı jigirma shıǵanaq, biyikligi háwliniń perdeleri sıyaqlı bes shıǵanaq edi. 19Bul perde ushın tórt qola ultanǵa ornatılǵan baqan islendi. Baqanlardıń ayrı ildirgishleri hám karnizleri gúmisten islenip, joqarısı gúmis penen qaplandı. 20Shatırdıń hám shatırdı qorshaǵan háwliniń barlıq qazıqları qoladan islendi.
Muxaddes shatırdı qurıwda qollanılǵan nárseler
21Muxaddes shatırdıń, yaǵnıy buyrıqlar jazılǵan taslar turǵan shatırdıń qurılısı ushın qollanılǵan nárselerdiń tolıq esabı tómende berilgen. Esaptı Muwsanıń buyrıǵı menen, ruwxaniy Xaronnıń ulı Itamardıń baqlawı astında Lebiy urıwı alıp bardı.
22Jaratqan Iyeniń Muwsaǵa buyırǵan hámme islerin Yahuda urıwınan bolǵan Xurdıń aqlıǵı, Uriydiń ulı Besalel isledi. 23Onıń menen birge Dan urıwınan bolǵan Axisamax ulı Oholiab jumıs isledi. Ol usta, bezewshi, júnnen iyirilgen qızǵısh kók, shım qızıl, qırmızı jip hám hasıl zıǵır jipten naǵıslap toqıwshı edi.
24Muxaddes shatırdıń barlıq islerine qollanılǵan altınnıń, xalıq baǵıshlap alıp kelgen altınnıń muǵdarı Muxaddes orın ólshemi menen 29 talant 730 shekel edi.
25Esaptan ótken xalıqtan jıynalǵan gúmis Muxaddes orın ólshemi menen 100 talant 1775 shekel edi. 26Bul esaptan ótken jigirma hám onnan joqarı jastaǵı 603 550 adamnıń hár birine bir beqadan#38:26 Bir beqa – shama menen 5,5 gr., yaǵnıy Muxaddes orın ólshemi menen yarım shekelden tuwrı keletuǵın edi. 27Muxaddes shatırdıń hám Eń muxaddes bólmeni bólip turǵan perdeniń ultanların quyıw ushın 100 talant gúmis qollanıldı. Hár bir ultanǵa 1 talant, 100 ultanǵa 100 talant gúmis sarplandı. 28Baqanlardıń joqarısın qaplawǵa, ayrı ildirgishlerin hám karnizlerin soǵıwǵa 1775 shekel gúmis sarplandı.
29Xalıq bergen qola 70 talant 2400 shekel edi. 30Onnan Ushırasıw shatırınıń kirer awzındaǵı baqanlar ushın ultanlar, qurbanlıq orın, onıń torı menen hámme buyımları, 31háwlidegi barlıq baqanlar ushın ultanlar, háwliniń dárwazasınıń baqanları ushın ultanlar, shatırdıń qazıqları menen háwli átirapındaǵı barlıq qazıqlar islendi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2022