Jaratılıs 22
22
Ibrayımnıń sınalıwı
1Bir qansha waqıttan keyin, Quday Ibrayımdı sınadı. Quday oǵan:
– Ibrayım! – dedi.
Ibrayım:
– Lábbáy! – dedi.
2Sonda Quday oǵan:
– Ózińniń súyikli jalǵız ulıń Ísaqtı alıp, Moriya jerine bar. Ol jerde, Men saǵan kórsetetuǵın tawlardıń birinde onı qurbanlıqqa shalıp, jaǵıp jiber, – dedi.
3Ibrayım erteńine azanda erte turıp, eshegine júklerdi arttı. Ol ózi menen birge eki xızmetshi balasın hám ulı Ísaqtı aldı. Qurbanlıq ushın otın shawıp bolıp, Qudaydıń ózine aytqan jerine barıw ushın jolǵa shıqtı. 4Úshinshi kúni Ibrayım kóz taslap, aytılǵan orındı uzaqtan kórdi. 5Ibrayım xızmetshilerine:
– Sizler usı jerde eshek penen birge qalıńlar. Al bizler balamız ekewimiz ana jerge barıp, Qudayǵa sıyınamız hám sizlerge qaytıp kelemiz, – dedi.
6Ibrayım qurbanlıq ushın shawılǵan otınlardı balası Ísaqqa arqalatıp, ózi ot penen pıshaqtı aldı. Sońınan ekewi birge júrip ketti. 7Ketip baratırıp, Ísaq ákesine:
– Aǵa! – dedi.
– Lábbáy, ulım, – dedi Ibrayım.
Ísaq onnan:
– Minekey, ot hám otın bar. Biraq jandırılatuǵın qurbanlıq ushın beriletuǵın janlıq qáne? – dep soradı.
8Ibrayım:
– Ulım, jandırılatuǵın qurbanlıq bolatuǵın janlıqtı Qudaydıń Ózi jetkizedi, – dep juwap berdi.
Solay etip, olar ekewi jolın dawam etti.
9Olar Qudaydıń Ibrayımǵa aytqan jerine jetip kelgende, Ibrayım qurbanlıq orın qurıp, onıń ústine otınlardı qaladı. Keyin ulı Ísaqtı baylap, qurbanlıq orındaǵı otınlardıń ústine jatqızdı. 10Ibrayım balasın bawızlamaqshı bolıp, pıshaqtı aldı. 11Biraq Jaratqan Iyeniń bir perishtesi aspannan dawıslap:
– Ibrayım! Ibrayım! – dedi.
– Lábbáy, – dedi ol.
12Perishte oǵan:
– Balaǵa qol kóterme, oǵan hesh nárse isleme. Endi men seniń Qudaydan qorqatuǵınıńdı bildim. Sebebi sen Mennen jalǵız ulıńdı da ayamadıń, – dedi.
13Ibrayım basın kóterip, putalıqqa shaqınan ilinip turǵan qoshqardı kórdi. Ol barıp, qoshqardı ákeldi de, ulınıń ornına qoshqardı qurbanlıq ushın shalıp, jaǵıp jiberdi. 14Solay etip, Ibrayım sol orındı Yahwe-Ire#22:14 Yahwe-Ire – «Jaratqan Iye kóredi», yaǵnıy «Jaratqan Iye jetkeredi» degendi bildiredi. dep atadı. Sonlıqtan usı kúnge deyin: «Jaratqan Iyeniń tawında jetkerip beriledi», – dep aytıladı.
15Jaratqan Iyeniń perishtesi ekinshi ret Ibrayımǵa aspannan dawıslap 16bılay dedi: «Jaratqan Iye bılay deydi: „Óz atım menen ant ishemen, sen bul isti islep, jalǵız ulıńdı da ayamadıń, 17sonlıqtan Men seni ústi-ústine jarılqayman. Urpaqlarıńdı aspandaǵı juldızlar hám teńiz jaǵasındaǵı qumlar sıyaqlı ústi-ústine kóbeytemen. Seniń urpaqlarıń óz dushpanlarınıń qalalarına iyelik etedi. 18Maǵan boysınǵanıń ushın, urpaqlarıń arqalı jer júzindegi barlıq xalıqlar jarılqanadı“».
19Sonnan keyin, Ibrayım xızmetshileriniń janına qaytıp keldi. Olar birlikte Beer-Shebaǵa qaray ketti. Ibrayım sol jerde jasap qaldı.
Naxordıń urpaqları
20Bir qansha waqıtlardan soń, Ibrayımǵa: «Tuwısqanıń Naxorǵa hayalı Milka ullar tuwıp berdi», – degen xabar jetip keldi. 21Milka tuńǵıshı Ustı, onıń inisi Buzdı, Aramnıń ákesi Kemueldi, 22Kesedti, Xazonı, Pildashtı, Idlaftı hám Betueldi dúnyaǵa keltirdi. 23Al Betuelden Rebekka tuwıldı. Usı segiz uldı Ibrayımnıń tuwısqanı Naxorǵa Milka tuwıp berdi. 24Naxordıń Reuma degen toqalı da oǵan Tebax, Gaxam, Taxash hám Maaxa degen balalardı tuwıp berdi.
Currently Selected:
Jaratılıs 22: QrqMK22
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2022
Jaratılıs 22
22
Ibrayımnıń sınalıwı
1Bir qansha waqıttan keyin, Quday Ibrayımdı sınadı. Quday oǵan:
– Ibrayım! – dedi.
Ibrayım:
– Lábbáy! – dedi.
2Sonda Quday oǵan:
– Ózińniń súyikli jalǵız ulıń Ísaqtı alıp, Moriya jerine bar. Ol jerde, Men saǵan kórsetetuǵın tawlardıń birinde onı qurbanlıqqa shalıp, jaǵıp jiber, – dedi.
3Ibrayım erteńine azanda erte turıp, eshegine júklerdi arttı. Ol ózi menen birge eki xızmetshi balasın hám ulı Ísaqtı aldı. Qurbanlıq ushın otın shawıp bolıp, Qudaydıń ózine aytqan jerine barıw ushın jolǵa shıqtı. 4Úshinshi kúni Ibrayım kóz taslap, aytılǵan orındı uzaqtan kórdi. 5Ibrayım xızmetshilerine:
– Sizler usı jerde eshek penen birge qalıńlar. Al bizler balamız ekewimiz ana jerge barıp, Qudayǵa sıyınamız hám sizlerge qaytıp kelemiz, – dedi.
6Ibrayım qurbanlıq ushın shawılǵan otınlardı balası Ísaqqa arqalatıp, ózi ot penen pıshaqtı aldı. Sońınan ekewi birge júrip ketti. 7Ketip baratırıp, Ísaq ákesine:
– Aǵa! – dedi.
– Lábbáy, ulım, – dedi Ibrayım.
Ísaq onnan:
– Minekey, ot hám otın bar. Biraq jandırılatuǵın qurbanlıq ushın beriletuǵın janlıq qáne? – dep soradı.
8Ibrayım:
– Ulım, jandırılatuǵın qurbanlıq bolatuǵın janlıqtı Qudaydıń Ózi jetkizedi, – dep juwap berdi.
Solay etip, olar ekewi jolın dawam etti.
9Olar Qudaydıń Ibrayımǵa aytqan jerine jetip kelgende, Ibrayım qurbanlıq orın qurıp, onıń ústine otınlardı qaladı. Keyin ulı Ísaqtı baylap, qurbanlıq orındaǵı otınlardıń ústine jatqızdı. 10Ibrayım balasın bawızlamaqshı bolıp, pıshaqtı aldı. 11Biraq Jaratqan Iyeniń bir perishtesi aspannan dawıslap:
– Ibrayım! Ibrayım! – dedi.
– Lábbáy, – dedi ol.
12Perishte oǵan:
– Balaǵa qol kóterme, oǵan hesh nárse isleme. Endi men seniń Qudaydan qorqatuǵınıńdı bildim. Sebebi sen Mennen jalǵız ulıńdı da ayamadıń, – dedi.
13Ibrayım basın kóterip, putalıqqa shaqınan ilinip turǵan qoshqardı kórdi. Ol barıp, qoshqardı ákeldi de, ulınıń ornına qoshqardı qurbanlıq ushın shalıp, jaǵıp jiberdi. 14Solay etip, Ibrayım sol orındı Yahwe-Ire#22:14 Yahwe-Ire – «Jaratqan Iye kóredi», yaǵnıy «Jaratqan Iye jetkeredi» degendi bildiredi. dep atadı. Sonlıqtan usı kúnge deyin: «Jaratqan Iyeniń tawında jetkerip beriledi», – dep aytıladı.
15Jaratqan Iyeniń perishtesi ekinshi ret Ibrayımǵa aspannan dawıslap 16bılay dedi: «Jaratqan Iye bılay deydi: „Óz atım menen ant ishemen, sen bul isti islep, jalǵız ulıńdı da ayamadıń, 17sonlıqtan Men seni ústi-ústine jarılqayman. Urpaqlarıńdı aspandaǵı juldızlar hám teńiz jaǵasındaǵı qumlar sıyaqlı ústi-ústine kóbeytemen. Seniń urpaqlarıń óz dushpanlarınıń qalalarına iyelik etedi. 18Maǵan boysınǵanıń ushın, urpaqlarıń arqalı jer júzindegi barlıq xalıqlar jarılqanadı“».
19Sonnan keyin, Ibrayım xızmetshileriniń janına qaytıp keldi. Olar birlikte Beer-Shebaǵa qaray ketti. Ibrayım sol jerde jasap qaldı.
Naxordıń urpaqları
20Bir qansha waqıtlardan soń, Ibrayımǵa: «Tuwısqanıń Naxorǵa hayalı Milka ullar tuwıp berdi», – degen xabar jetip keldi. 21Milka tuńǵıshı Ustı, onıń inisi Buzdı, Aramnıń ákesi Kemueldi, 22Kesedti, Xazonı, Pildashtı, Idlaftı hám Betueldi dúnyaǵa keltirdi. 23Al Betuelden Rebekka tuwıldı. Usı segiz uldı Ibrayımnıń tuwısqanı Naxorǵa Milka tuwıp berdi. 24Naxordıń Reuma degen toqalı da oǵan Tebax, Gaxam, Taxash hám Maaxa degen balalardı tuwıp berdi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2022