Jaratılıs 43
43
Benyaminniń Mısırǵa alıp barılıwı
1Qanan jerindegi ashlıq kúshli edi. 2Mısırdan alıp kelingen ǵálle tawısılǵannan keyin, Yaqıp ullarına:
– Jáne barıp, az-maz azıq-awqat satıp ákelińler, – dedi.
3Yahuda ákesine bılay dedi:
– Ol adam bizlerge: «Eger inińiz sizler menen birge kelmese, kózime kórinbeńler», – dep qatań aytqan edi. 4Eger inimizdi bizler menen birge jiberseń, barıp, saǵan azıq-awqat alıp kelemiz. 5Eger jibermeseń, bizler bara almaymız, sebebi ol adam: «Inińiz sizler menen birge kelmese, kózime kórinbeń», – degen edi.
6Izrail:
– Ne ushın sizler ol adamǵa jáne bir inińizdiń bar ekenin aytıp, meniń basımdı bálege qoydıńız? – dedi.
7Olar ákesine:
– Ol adam bizlerden ózlerimiz hám tuwısqanlarımız haqqında shuqlap sorap: «Ákeńiz ele tiri me? Basqa tuwısqanıńız bar ma?» – degende, bizler onıń sorawlarına juwap berdik. Onıń bizlerge: «Inińizdi alıp keliń», – dep aytatuǵının qayaqtan bilippiz? – dedi.
8Yahuda ákesi Izrailǵa:
– Balanı meniń menen jiber, keteyik. Sonda sen de, bizler de, balalarımız da ólmey, tiri qalamız. 9Men bala ushın basım menen juwap beremen, onı mennen talap eteseń. Eger men onı aldıńa qaytarıp ákelmesem, onda bir ómir seniń aldıńda ayıpker bolaman. 10Eger waqıttı soza bermegenimizde, házirge deyin eki ret barıp kelgen bolar edik, – dedi.
11Aqırında Izrail ullarına bılay dedi:
– Meyli, onda bılay isleń: ózlerińiz benen birge bul jerdiń eń jaqsı ónimlerinen alıp, ol adamǵa sawǵaǵa az-maz balzam, az-maz pal hám mum, ladan#43:11 Ladan – xosh iyisli shayır., piste, badam alıp barıńlar. 12Qaplarıńızdıń awzında qaytıp kelgen gúmislerdi qaytarıp beriwińiz ushın, eki ese gúmis alıp ketińler. Múmkin, aljasıq bolǵan shıǵar. 13Inińizdi alıp, sol adamǵa qaytıp barıńlar. 14Qúdireti kúshli Quday ol adamnıń júregine sizlerge degen rehim bersin, ol sizlerdiń sol tuwısqanıńız benen Benyamindi sizlerge qaytarıp bersin. Al maǵan kelsek, eger men balasız qalatuǵın bolsam, meyli, balasız qala qoyayın.
15Solay etip, tuwısqanlar sawǵalardı, eki ese gúmisti hám Benyamindi alıp, Mısırǵa qaray jolǵa shıqtı hám Yusuptiń aldına keldi. 16Yusup olardıń janındaǵı Benyamindi kórgende, óziniń úy basqarıwshısına:
– Bul adamlardı meniń úyime alıp bar da, mal soyıp, awqat tayarla. Óytkeni olar túski awqattı meniń menen birge jeydi, – dedi.
17Úy basqarıwshısı Yusuptiń aytqanınday islep, olardı Yusuptiń úyine alıp bardı. 18Tuwısqanlar ózleriniń Yusuptiń úyine aparılǵanın kórgende qorqıp ketip, bir-birine: «Burın qaplarımızǵa qaytarıp salınǵan gúmisti sıltawlap, ol bizlerdi usı jerge alıp kelgen shıǵar. Ol bizlerge topılıp, ózlerimizdi qul etpekshi hám esheklerimizdi tartıp almaqshı shıǵar», – desti.
19Olar qapınıń kirer awzında Yusuptiń úy basqarıwshısına jaqınlap barıp:
20– Mırzamız, bizler bunnan aldın azıq-awqat satıp alıw ushın bul jerge kelgen edik. 21Qaytarsın túnegen jerimizde qaplarımızdı ashıp qaraǵanımızda, hár birimiz gúmisimizdiń bası buzılmay, qaptıń awzında turǵanın kórip, hayran qaldıq. Bizler onı qaytarıp alıp keldik. 22Bunnan tısqarı, bizler azıq-awqat satıp alıw ushın qosımsha gúmis alıp keldik. Al sol gúmisimizdi qaplarımızǵa kim salıp qoyǵanın bizler bilmeymiz, – dedi. 23Úy basqarıwshısı:
– Qáweterlenbeńler hám qorqpańlar. Qaplarıńızdaǵı bul ǵáziyneni sizlerdiń hám ákeńizdiń Qudayı qaplarıńızǵa salıp ketipti. Men gúmisińizdi aldım, – dedi.
Sońınan ol Shimondı olardıń aldına alıp keldi.
24Úy basqarıwshı olardı Yusuptiń úyine alıp kelip, ayaqların juwıw ushın suw hám esheklerine jem berdi. 25Tuwısqanlar túske, Yusuptiń keliwine sawǵaların tayarlap qoydı. Sebebi ózleriniń sol jerde awqatlanatuǵının esitken edi.
26Yusup úyge kelgende, olar sawǵaların ishke ákelip, Yusupke berdi hám onıń aldında jerge deyin iyilip, tájim etti. 27Yusup olardan hal-awhal sorap bolǵannan keyin:
– Ózlerińiz aytqan ǵarrı ákeńiz aman-saw júr me? Ol ele tiri me? – dedi.
28– Siziń qulıńız bolǵan ákemiz aman-saw júr, ol ele tiri, – dep olar húrmet penen iyilip, tájim etti.
29Yusup kóz taslap, ózi menen bir anadan tuwılǵan inisi Benyamindi kórgende:
– Bul maǵan aytqan genje inińiz be? – dep soradı hám Benyaminge: – Quday saǵan miyrimin túsirsin, ulım, – dedi de, 30dárhal sol jerden shıǵıp ketti. Óytkeni tuwısqanın kórgende, onıń júregi eljirep ketken edi. Yusup bólmesine kirip, sol jerde jılap aldı.
31Ol betin juwǵannan keyin sırtqa shıqtı da, ózin qolǵa alıp:
– Awqat ákelinsin! – dep buyırdı.
32Yusupke bólek, aǵa-inilerine bólek hám Yusup penen awqatlanıp otırǵan mısırlılarǵa bólek dasturxan jayıldı. Sebebi mısırlılar evreyler menen birge awqat jemeytuǵın edi, bul olar ushın mákiriw esaplanatuǵın edi. 33Tuwısqanları Yusuptiń qarsı aldında úlkeninen kishisine deyin, jası boyınsha otırdı. Olar tań qalısıp, bir-birine qaradı. 34Yusuptiń dasturxanınan olarǵa awqat jiberildi. Sonda Benyaminniń payı basqalarǵa qaraǵanda bes ese artıq boldı. Olar Yusup penen birge iship, kewil kóterip otırdı.
Currently Selected:
Jaratılıs 43: QrqMK22
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2022
Jaratılıs 43
43
Benyaminniń Mısırǵa alıp barılıwı
1Qanan jerindegi ashlıq kúshli edi. 2Mısırdan alıp kelingen ǵálle tawısılǵannan keyin, Yaqıp ullarına:
– Jáne barıp, az-maz azıq-awqat satıp ákelińler, – dedi.
3Yahuda ákesine bılay dedi:
– Ol adam bizlerge: «Eger inińiz sizler menen birge kelmese, kózime kórinbeńler», – dep qatań aytqan edi. 4Eger inimizdi bizler menen birge jiberseń, barıp, saǵan azıq-awqat alıp kelemiz. 5Eger jibermeseń, bizler bara almaymız, sebebi ol adam: «Inińiz sizler menen birge kelmese, kózime kórinbeń», – degen edi.
6Izrail:
– Ne ushın sizler ol adamǵa jáne bir inińizdiń bar ekenin aytıp, meniń basımdı bálege qoydıńız? – dedi.
7Olar ákesine:
– Ol adam bizlerden ózlerimiz hám tuwısqanlarımız haqqında shuqlap sorap: «Ákeńiz ele tiri me? Basqa tuwısqanıńız bar ma?» – degende, bizler onıń sorawlarına juwap berdik. Onıń bizlerge: «Inińizdi alıp keliń», – dep aytatuǵının qayaqtan bilippiz? – dedi.
8Yahuda ákesi Izrailǵa:
– Balanı meniń menen jiber, keteyik. Sonda sen de, bizler de, balalarımız da ólmey, tiri qalamız. 9Men bala ushın basım menen juwap beremen, onı mennen talap eteseń. Eger men onı aldıńa qaytarıp ákelmesem, onda bir ómir seniń aldıńda ayıpker bolaman. 10Eger waqıttı soza bermegenimizde, házirge deyin eki ret barıp kelgen bolar edik, – dedi.
11Aqırında Izrail ullarına bılay dedi:
– Meyli, onda bılay isleń: ózlerińiz benen birge bul jerdiń eń jaqsı ónimlerinen alıp, ol adamǵa sawǵaǵa az-maz balzam, az-maz pal hám mum, ladan#43:11 Ladan – xosh iyisli shayır., piste, badam alıp barıńlar. 12Qaplarıńızdıń awzında qaytıp kelgen gúmislerdi qaytarıp beriwińiz ushın, eki ese gúmis alıp ketińler. Múmkin, aljasıq bolǵan shıǵar. 13Inińizdi alıp, sol adamǵa qaytıp barıńlar. 14Qúdireti kúshli Quday ol adamnıń júregine sizlerge degen rehim bersin, ol sizlerdiń sol tuwısqanıńız benen Benyamindi sizlerge qaytarıp bersin. Al maǵan kelsek, eger men balasız qalatuǵın bolsam, meyli, balasız qala qoyayın.
15Solay etip, tuwısqanlar sawǵalardı, eki ese gúmisti hám Benyamindi alıp, Mısırǵa qaray jolǵa shıqtı hám Yusuptiń aldına keldi. 16Yusup olardıń janındaǵı Benyamindi kórgende, óziniń úy basqarıwshısına:
– Bul adamlardı meniń úyime alıp bar da, mal soyıp, awqat tayarla. Óytkeni olar túski awqattı meniń menen birge jeydi, – dedi.
17Úy basqarıwshısı Yusuptiń aytqanınday islep, olardı Yusuptiń úyine alıp bardı. 18Tuwısqanlar ózleriniń Yusuptiń úyine aparılǵanın kórgende qorqıp ketip, bir-birine: «Burın qaplarımızǵa qaytarıp salınǵan gúmisti sıltawlap, ol bizlerdi usı jerge alıp kelgen shıǵar. Ol bizlerge topılıp, ózlerimizdi qul etpekshi hám esheklerimizdi tartıp almaqshı shıǵar», – desti.
19Olar qapınıń kirer awzında Yusuptiń úy basqarıwshısına jaqınlap barıp:
20– Mırzamız, bizler bunnan aldın azıq-awqat satıp alıw ushın bul jerge kelgen edik. 21Qaytarsın túnegen jerimizde qaplarımızdı ashıp qaraǵanımızda, hár birimiz gúmisimizdiń bası buzılmay, qaptıń awzında turǵanın kórip, hayran qaldıq. Bizler onı qaytarıp alıp keldik. 22Bunnan tısqarı, bizler azıq-awqat satıp alıw ushın qosımsha gúmis alıp keldik. Al sol gúmisimizdi qaplarımızǵa kim salıp qoyǵanın bizler bilmeymiz, – dedi. 23Úy basqarıwshısı:
– Qáweterlenbeńler hám qorqpańlar. Qaplarıńızdaǵı bul ǵáziyneni sizlerdiń hám ákeńizdiń Qudayı qaplarıńızǵa salıp ketipti. Men gúmisińizdi aldım, – dedi.
Sońınan ol Shimondı olardıń aldına alıp keldi.
24Úy basqarıwshı olardı Yusuptiń úyine alıp kelip, ayaqların juwıw ushın suw hám esheklerine jem berdi. 25Tuwısqanlar túske, Yusuptiń keliwine sawǵaların tayarlap qoydı. Sebebi ózleriniń sol jerde awqatlanatuǵının esitken edi.
26Yusup úyge kelgende, olar sawǵaların ishke ákelip, Yusupke berdi hám onıń aldında jerge deyin iyilip, tájim etti. 27Yusup olardan hal-awhal sorap bolǵannan keyin:
– Ózlerińiz aytqan ǵarrı ákeńiz aman-saw júr me? Ol ele tiri me? – dedi.
28– Siziń qulıńız bolǵan ákemiz aman-saw júr, ol ele tiri, – dep olar húrmet penen iyilip, tájim etti.
29Yusup kóz taslap, ózi menen bir anadan tuwılǵan inisi Benyamindi kórgende:
– Bul maǵan aytqan genje inińiz be? – dep soradı hám Benyaminge: – Quday saǵan miyrimin túsirsin, ulım, – dedi de, 30dárhal sol jerden shıǵıp ketti. Óytkeni tuwısqanın kórgende, onıń júregi eljirep ketken edi. Yusup bólmesine kirip, sol jerde jılap aldı.
31Ol betin juwǵannan keyin sırtqa shıqtı da, ózin qolǵa alıp:
– Awqat ákelinsin! – dep buyırdı.
32Yusupke bólek, aǵa-inilerine bólek hám Yusup penen awqatlanıp otırǵan mısırlılarǵa bólek dasturxan jayıldı. Sebebi mısırlılar evreyler menen birge awqat jemeytuǵın edi, bul olar ushın mákiriw esaplanatuǵın edi. 33Tuwısqanları Yusuptiń qarsı aldında úlkeninen kishisine deyin, jası boyınsha otırdı. Olar tań qalısıp, bir-birine qaradı. 34Yusuptiń dasturxanınan olarǵa awqat jiberildi. Sonda Benyaminniń payı basqalarǵa qaraǵanda bes ese artıq boldı. Olar Yusup penen birge iship, kewil kóterip otırdı.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2022