Lebiyliler Kitap haqqında maǵlıwmat
Kitap haqqında maǵlıwmat
Lebiyliler kitabı Tawrattıń úshinshi kitabı. Bul kitap Qudaydıń Muwsa payǵambar arqalı bergen nızam hám qaǵıydalarınan ibarat. Lebiy urıwınan kelip shıqqanlar lebiyliler dep ataladı, kitapqa usı urıwdıń atı tiykar bolǵan.
Shıǵıw kitabında Quday Muwsaǵa Ushırasıw shatırın, yaǵnıy Muxaddes shatırdı qurıw boyınsha kórsetpeler bergen bolsa, bul kitapta sol Ushırasıw shatırında xızmet etiw haqqında sóz etiledi. Lebiyliler Ushırasıw shatırında Qudaydıń arnawlı xızmetkerleri edi. Ruwxaniyler Lebiy urıwına tiyisli Xaronnıń urpaǵınan kelip shıqqan. Kitaptıń tiykarǵı bóliminde ruwxaniylerdiń hám basqa lebiylilerdiń isleytuǵın wazıypaları bayan etiledi. Olardıń wazıypaları Qudayǵa atap qurbanlıqlar hám sadaqalar beriwden, sonday-aq, bayramlardı hám hár túrli máresimlerdi ótkeriwden ibarat edi. Kitapta jáne de hadal hám haram haywanlarǵa baylanıslı nızamlar, adam denesin, kiyimin hám úyin qalay taza saqlaw kerekligi haqqında kórsetpeler hám kámbaǵallarǵa ǵamxorlıq qılıw tuwrısındaǵı buyrıqlar orın alǵan.
Kitaptaǵı nızam-qaǵıydalardıń tiykarında páklik hám muxaddeslik jatır. Muxaddeslik ózin gúnadan saqlawdı hám Qudayǵa baǵıshlanıp jasawdı bildiredi. Quday Óz xalqınıń muxaddes Patshası bolǵanı ushın, xalıq Qudaydıń dárgayına keliw ushın qurbanlıqlardıń qanı arqalı gúnadan pákleniwi shárt edi. Bul iste xalıqqa lebiyliler járdem beretuǵın edi. Olar Qudayǵa maqul bolıp, Onıń dárgayında bolıw ushın kitaptaǵı barlıq nızam-qaǵıydalarǵa ámel qılıwı shárt edi.
Currently Selected:
Lebiyliler Kitap haqqında maǵlıwmat: QrqMK22
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2022