Matiw 11
11
Yohanna Gu-Baptisma shenn l'op Jesu
(Luk 7:18-35)
1Bwoonrooh Jesu kyes yakshiiy dhakk ni zheppkamm keeniy w'u kaghapaad baa'vel seh, bhi yakhal nhighin y'aa mwaan p'ee sh'in kamm kihh satt pwooNaan dhighin v'ur tughuzyill w'u gaar'yill Galili. 2Kaarooh Yohanna tong luh'shakhat klihng v'ur dhakk w'u Kristi phi sh'in nyi, bhi lop zheppkamm keeniy lhidum kihpee nyi diy. 3Lop mwopp tihh mwopp dum nang diy phi nyi le, “A gha a gwooh mu kihh le'yit p'ee naah ji khinyi seh aa'h, h'aa kooh mu gongg ji khi m'ee gwooh dyikk dyi ayeh?”
4Bhi Jesu lapp mwopp satt le, “Wak wu dum wu yakshiiy bii w'u wu naah kihh bii w'u wu klihng Yohanna. 5Wu satt nyi wu le, mhi-vughum mwopp kihh kad naahpee, kud mwopp kihh yakhal mwaan, mhilokhom mwopp kihh kad barr, mwopp pwat wu'bhangg; komduakhar mwopp klihngpee, mwooh mih-mwarrap mwopp waa yakhal kihh seen; yakhal ih kihh satt Pwoo'wurett mhipyaah mwopp. 6Wu'rett khi Naan kaah gwooh baah sakshiiy niy dhighin pihhzeenn keeniy p'ee a'n mou.”
7Kaarooh zheppkamm khi Yohanna ni mwopp yakhal y'aa arr, bhi Jesu y'aa shin'pwoo kihh dw'uu gurum ni mwopp kaah Yohanna le, “Gyet wu pwat wu duam dh'em naah a mihyeh? Gyet wu duam naah a m'ee raz w'u piip kihh vling aa'? 8Kad a kihhsheh mou bhi gyet wu pwat wu duam naah a mihyeh? Gyet wu duam naah a m'ee gurum w'u kihh sh'in zhwatt sh'i loohkrhim aa'? Ai mwooh kihh sh'in zhwatt sh'i loohkrhim mwopp kihh tong a luh khi dazkakhamm mwopp. 9Kihhsheh mou, bhi gyet wu pwat wu duam naah a mihyeh? Gyet wu duam naah a m'ee gu'wanggshiiy aa'? Ee'h, ih kihh satt wunn, harr a gwooh mett gu'wanggshiiy maah. 10A gwoh mhize nyi a gwoh gyet mwopp ran r'an kaah nyi mwopp le,
“ ‘Ghi naah, a'n p'ee lop laa'lop keena ky'een gha,
laa'lop w'u p'ee dhakk arr ji keegha dhangg ghi kihh ji.#Mal 3:1’
11“Ih kihh satt a zeenn wunn, kwett dhighin gurum w'u shwarab la, bhi baah m'ee gwooh cham yakhal w'u mett Yohanna Gu-Baptisma nhighin mou, weett kihhsheh bhi gwooh katmett-weett dhighin dhenglong khi Naan mett wu'nyi.” 12Phi'wu yakhal diy yiiy dhakk mhi Yohanna Gu-Baptisma harr ji wull shi-shinn kihhsheh se, bhi gurum mwopp kihh tass bhall p'ee dhel dhighin dhenglong khi Naan, bhi a mhi-tassbhall mhize ni mwopp phi kad dhell dhighin dhenglong ni sh'i bhall. 13P'ee r'an khi mhi-wanggshiiy mwopp kihh W'aar mhi Musa mwopp sh'in pwoo kaah dhenglong khi Naan ni harr ji putt yiiy mhi Yohanna Gu-Baptisma. 14Mihh wu kihh dh'om lapp satt keena, bhi a Yohanna Gu-Baptisma a nyi ni a Iliya w'u gyet p'ee ji shi. 15Gwooh kihh kom klihngpee, bhi klihng.
16“A'n p'ee kammshiiy gurum w'u yiiyshinn mhize a kihh mihyeh shi se? Mwopp a kaa zhepp w'u kihh kwangg t'eel kih luhtukk, mwopp kihh peet satt shag le,
17“ ‘Mu t'aa, t'aa, t'aa bhell wunn
dhangg baah wu sh'in tam mou;
Mu wall, wall, wall maab wunn,
dhangg baah wu wall mou.’
18“Wu naah, Yohanna Gu-Baptisma gyet ji, baah kihh so dhebhenn, kooh shwaa am'anab mou, bhi mwopp satt le gw'ar a kihh mumullung. 19Wu'an L'aa khi Gurum ih ji, ih kihh so dhebhenn yakhal ih kihh shwaa am'anab, bhi mwopp satt le, ‘Wu naah gag m'ee pram kihh gag m'ee g'u shwaa am'anab w'u kaa wu'dyikk, shaar khi mhi-lappwapp kihh mhi mhi-shigbis mwopp.’ Weett kihhsheh, mwopp kihh naah zeenn kihh shwan'soon khi Naan a sh'i dhakk'shin w'u shwan'soon ni kihh ji kihh nyi.”
Mak kihh khishikhitt mhi shiiy tu'wapp
(Luk 10:13-15)
20Bhi Jesu y'aa tepbhellepp khishikhitt w'u sh'in v'ur dhakk wu'nan dhighin mwopp dhangg baah mwopp tu'wapp mou, satt le: 21“Mak kihh yi, Korozin! Mak kihh yi, Betseida! P'ee kaddyinn gyet mwopp sh'in v'ur bii'aapwoo w'u mwopp sh'in dhighin wunn seh a Taaya kihh Sidoniya, ai bhi dyinn phigyet mwopp rwan lhir'maab diy shut harr mwopp chiit fwat kih shut mwopp tu'wapp. 22Weett kihhsheh, bhi ih kihh satt wunn, nyi p'ee fyeell Taaya mwopp kihh Sidoniya mett wu'wunn p'ar Puus Dyeell. 23Wu'yi Kafarnahum zag, naah mig bhi mwopp p'ee tihghin yi tihngg phikihtihngg e'? Kooh lee, mwopp p'ee vhid yi lhisam a blengwus. P'ee kaddyinn gyet mwopp sh'in v'ur bii'aapwoo w'u mwopp sh'in dhighin yi seh a Sodom, ai bhi dyinn khishikhitt ni kudyi harr shishinn se. 24Weett kihhsheh, bhi ih kihh satt wunn, nyi p'ee fyeell Sodom mett wu'yi p'ar Puus Dyeell.”
Jesu plang Pukhun Naan
(Luk 10:21-22)
25Sh'i pee mhizeh ni bhi Jesu satt le, “Ih plang Gha, Daa, Naan g'u phikihtihngg kihh yill, p'ee ghi zok bii mihhse mhi'soon kihh mhi'man mwopp, dheeh ghi w'oo a zhepp wu'dyeen mwopp. 26Nyi a kihhsheh, Daa, p'ee a bii w'u gha ghi naah rett gha seh.
27“Daa baa pihh bii mwopp weett a'n. Baah m'ee gwooh man L'aa ni mou, seeh a Puup ni kyekk, yakhal baah m'ee gwooh man Puup ni mou, seeh a L'aa ni kyekk, kihh gwooh L'aa ni l'e tihh man nyi diy.
28“Wu ji kihpee na diy, wunn mhi-no'khol kihh mhi-loohtekhenn, bhi a'n p'ee pihh Nookdyi wunn. 29Wu l'e tokhol wu, wu lapp sheep-maarr m'aan diy, kaa ron'dong kihh lapp sheep-maarr ron'dong se; yakhal wu lapp kamm pwoo na, p'ee a'n a gubhaann yakhal a'n a gu'kaahlokhomm, a kihhsheh bhi wunn p'ee kad nookdyi p'ee seen wu. 30P'ee sheep-maarr maan'nah kihh bha'lang mou, yakhal loohtekhenn maan'nah a w'u fih-fyeell.”
Currently Selected:
Matiw 11: Chakfem
Highlight
Share
Copy
Want to have your highlights saved across all your devices? Sign up or sign in
©️2022 Luke Initiative for Scripture Translation
Matiw 11
11
Yohanna Gu-Baptisma shenn l'op Jesu
(Luk 7:18-35)
1Bwoonrooh Jesu kyes yakshiiy dhakk ni zheppkamm keeniy w'u kaghapaad baa'vel seh, bhi yakhal nhighin y'aa mwaan p'ee sh'in kamm kihh satt pwooNaan dhighin v'ur tughuzyill w'u gaar'yill Galili. 2Kaarooh Yohanna tong luh'shakhat klihng v'ur dhakk w'u Kristi phi sh'in nyi, bhi lop zheppkamm keeniy lhidum kihpee nyi diy. 3Lop mwopp tihh mwopp dum nang diy phi nyi le, “A gha a gwooh mu kihh le'yit p'ee naah ji khinyi seh aa'h, h'aa kooh mu gongg ji khi m'ee gwooh dyikk dyi ayeh?”
4Bhi Jesu lapp mwopp satt le, “Wak wu dum wu yakshiiy bii w'u wu naah kihh bii w'u wu klihng Yohanna. 5Wu satt nyi wu le, mhi-vughum mwopp kihh kad naahpee, kud mwopp kihh yakhal mwaan, mhilokhom mwopp kihh kad barr, mwopp pwat wu'bhangg; komduakhar mwopp klihngpee, mwooh mih-mwarrap mwopp waa yakhal kihh seen; yakhal ih kihh satt Pwoo'wurett mhipyaah mwopp. 6Wu'rett khi Naan kaah gwooh baah sakshiiy niy dhighin pihhzeenn keeniy p'ee a'n mou.”
7Kaarooh zheppkamm khi Yohanna ni mwopp yakhal y'aa arr, bhi Jesu y'aa shin'pwoo kihh dw'uu gurum ni mwopp kaah Yohanna le, “Gyet wu pwat wu duam dh'em naah a mihyeh? Gyet wu duam naah a m'ee raz w'u piip kihh vling aa'? 8Kad a kihhsheh mou bhi gyet wu pwat wu duam naah a mihyeh? Gyet wu duam naah a m'ee gurum w'u kihh sh'in zhwatt sh'i loohkrhim aa'? Ai mwooh kihh sh'in zhwatt sh'i loohkrhim mwopp kihh tong a luh khi dazkakhamm mwopp. 9Kihhsheh mou, bhi gyet wu pwat wu duam naah a mihyeh? Gyet wu duam naah a m'ee gu'wanggshiiy aa'? Ee'h, ih kihh satt wunn, harr a gwooh mett gu'wanggshiiy maah. 10A gwoh mhize nyi a gwoh gyet mwopp ran r'an kaah nyi mwopp le,
“ ‘Ghi naah, a'n p'ee lop laa'lop keena ky'een gha,
laa'lop w'u p'ee dhakk arr ji keegha dhangg ghi kihh ji.#Mal 3:1’
11“Ih kihh satt a zeenn wunn, kwett dhighin gurum w'u shwarab la, bhi baah m'ee gwooh cham yakhal w'u mett Yohanna Gu-Baptisma nhighin mou, weett kihhsheh bhi gwooh katmett-weett dhighin dhenglong khi Naan mett wu'nyi.” 12Phi'wu yakhal diy yiiy dhakk mhi Yohanna Gu-Baptisma harr ji wull shi-shinn kihhsheh se, bhi gurum mwopp kihh tass bhall p'ee dhel dhighin dhenglong khi Naan, bhi a mhi-tassbhall mhize ni mwopp phi kad dhell dhighin dhenglong ni sh'i bhall. 13P'ee r'an khi mhi-wanggshiiy mwopp kihh W'aar mhi Musa mwopp sh'in pwoo kaah dhenglong khi Naan ni harr ji putt yiiy mhi Yohanna Gu-Baptisma. 14Mihh wu kihh dh'om lapp satt keena, bhi a Yohanna Gu-Baptisma a nyi ni a Iliya w'u gyet p'ee ji shi. 15Gwooh kihh kom klihngpee, bhi klihng.
16“A'n p'ee kammshiiy gurum w'u yiiyshinn mhize a kihh mihyeh shi se? Mwopp a kaa zhepp w'u kihh kwangg t'eel kih luhtukk, mwopp kihh peet satt shag le,
17“ ‘Mu t'aa, t'aa, t'aa bhell wunn
dhangg baah wu sh'in tam mou;
Mu wall, wall, wall maab wunn,
dhangg baah wu wall mou.’
18“Wu naah, Yohanna Gu-Baptisma gyet ji, baah kihh so dhebhenn, kooh shwaa am'anab mou, bhi mwopp satt le gw'ar a kihh mumullung. 19Wu'an L'aa khi Gurum ih ji, ih kihh so dhebhenn yakhal ih kihh shwaa am'anab, bhi mwopp satt le, ‘Wu naah gag m'ee pram kihh gag m'ee g'u shwaa am'anab w'u kaa wu'dyikk, shaar khi mhi-lappwapp kihh mhi mhi-shigbis mwopp.’ Weett kihhsheh, mwopp kihh naah zeenn kihh shwan'soon khi Naan a sh'i dhakk'shin w'u shwan'soon ni kihh ji kihh nyi.”
Mak kihh khishikhitt mhi shiiy tu'wapp
(Luk 10:13-15)
20Bhi Jesu y'aa tepbhellepp khishikhitt w'u sh'in v'ur dhakk wu'nan dhighin mwopp dhangg baah mwopp tu'wapp mou, satt le: 21“Mak kihh yi, Korozin! Mak kihh yi, Betseida! P'ee kaddyinn gyet mwopp sh'in v'ur bii'aapwoo w'u mwopp sh'in dhighin wunn seh a Taaya kihh Sidoniya, ai bhi dyinn phigyet mwopp rwan lhir'maab diy shut harr mwopp chiit fwat kih shut mwopp tu'wapp. 22Weett kihhsheh, bhi ih kihh satt wunn, nyi p'ee fyeell Taaya mwopp kihh Sidoniya mett wu'wunn p'ar Puus Dyeell. 23Wu'yi Kafarnahum zag, naah mig bhi mwopp p'ee tihghin yi tihngg phikihtihngg e'? Kooh lee, mwopp p'ee vhid yi lhisam a blengwus. P'ee kaddyinn gyet mwopp sh'in v'ur bii'aapwoo w'u mwopp sh'in dhighin yi seh a Sodom, ai bhi dyinn khishikhitt ni kudyi harr shishinn se. 24Weett kihhsheh, bhi ih kihh satt wunn, nyi p'ee fyeell Sodom mett wu'yi p'ar Puus Dyeell.”
Jesu plang Pukhun Naan
(Luk 10:21-22)
25Sh'i pee mhizeh ni bhi Jesu satt le, “Ih plang Gha, Daa, Naan g'u phikihtihngg kihh yill, p'ee ghi zok bii mihhse mhi'soon kihh mhi'man mwopp, dheeh ghi w'oo a zhepp wu'dyeen mwopp. 26Nyi a kihhsheh, Daa, p'ee a bii w'u gha ghi naah rett gha seh.
27“Daa baa pihh bii mwopp weett a'n. Baah m'ee gwooh man L'aa ni mou, seeh a Puup ni kyekk, yakhal baah m'ee gwooh man Puup ni mou, seeh a L'aa ni kyekk, kihh gwooh L'aa ni l'e tihh man nyi diy.
28“Wu ji kihpee na diy, wunn mhi-no'khol kihh mhi-loohtekhenn, bhi a'n p'ee pihh Nookdyi wunn. 29Wu l'e tokhol wu, wu lapp sheep-maarr m'aan diy, kaa ron'dong kihh lapp sheep-maarr ron'dong se; yakhal wu lapp kamm pwoo na, p'ee a'n a gubhaann yakhal a'n a gu'kaahlokhomm, a kihhsheh bhi wunn p'ee kad nookdyi p'ee seen wu. 30P'ee sheep-maarr maan'nah kihh bha'lang mou, yakhal loohtekhenn maan'nah a w'u fih-fyeell.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2022 Luke Initiative for Scripture Translation