Matiw 10
10
Jesu lop zheppkamm kaghapaad baa'vel
(Mar 3:13-19; Luk 6:12-16)
1Jesu peet zheppkamm keeniy w'u kaghapaad baa'vel seh lhija kihshag, bhi pihh pee mwopp tihh mwopp pwat diy kihh mumullung dhighin gurum mwopp, yakhal tihh mwopp mak bar kooh a shiin-kakhamm kihh shw'al wu'kaarangg diy.
2Shumm zheppkamm w'u kaghapaad baa'vel ni mwopp se: wu'shee a Siman w'u mwopp kihh peet Bitrus, kihh Andrawus emnhikhin Siman ni; kihh Yakub, em Zebedi, kihh emnhikhin Yohanna; 3Filip mwopp kihh Batalomi; Tomas kihh Matiw w'u gyet a gu'lappwapp; Yakub em Alfawus kihh Tadewus; 4Siman Zhikhir'yill, kihh Yahuda Iskaryoti, w'u gyet yakhal seett kihh Jesu.
5Jesu lop gurum w'u kaghapaad baa'vel mhize ni mwopp bwoonrooh yakshiiy dhakk ni mwopp le, “Tapp wu dum a kihpee Seghen'gurum mwopp diy mou, kooh wu dhel dhighin m'ee tughuzyill khi Mhi-Samariya mwopp mou. 6Wu dum a kihpee Zhepp Isra'ila w'u a tihm w'u lhi-lakham diy. 7Wu dum bhi wu kihh satt wu le, ‘Dhenlong khi Naan wull kuss.’ 8Wu bar mhi'shwal mwopp, wu yakhal kihh mwooh mih-mwarrap, wu tu'angg mhilokhom mwopp, wu pwat kihh mumullung mwopp. Wu lapp bii mihhse a zhukhum, pee'mhinyi bhi wu pihh a zhukhum zag. 9Tapp wu kok v'ur shaghal zinarya, kihh azurfa, kooh fok dhighin daam'shaghal keewu mou. 10Yakhal tapp wu kok kullug p'ee mwaan ni mou, kooh bh'aar wu'vel, kooh kwaghashag wu'vel, kooh kam-mwaan mou; p'ee nyi dihhreh tihh gudhakk lapp soh-yaghal keeniy. 11Kapp tughuzyill kooh kwangpee w'u mihh wu dhel dhighin bhi wu lyap m'ee gurum-gurum nhighin wu tong luh nyi harr p'ar w'u wunn p'ee yakhal diy. 12Mihh wu ji p'ee dhel dhighin tuluh ni bhi wu tog kihh mwooh tuluh ni. 13Mihh tuluh mhizeh ni a tuluh wu'rett, bhi tongkakhamm keewu p'ee tong tuluh ni; mihh nyi a tuluh wu'rett mou, bhi tongkakhamm keewu p'ee b'aa ji wunn. 14Mihh menguh diy shiih lapp wunn, h'aa kooh shiih klihng kamm keewu oh, bhi mihh wu yakhal p'ee yet luh kooh tughuzyill mhizeh ni, bhi wu bwap orrong lhi'baa sh'i shiiy wuh. 15Ih kihh satt a zeenn wunn, p'ar Puus Dyeell, bhi nyi p'ee fyeell khishikhitt Sodom kihh khishikhitt Gomora mett khishikhitt mhizeh ni.
Zheell w'u kihkyeen
(Mar 13:9-13; Luk 12:11-12; 21:12-19)
16“Wu naah, ih kihh lop wunn a kaa tihm w'u mwopp pwan shenn naar asmhipangg se. Pee'mhinyi bhi wu dhen kihh s'oon kaa w'oo mwopp se; weett kihhsheh wu dhen noott bwutdhood kaa daalong mwopp se.
17“Wu kihh kangg kihh kaah wuh kihh gurum mwopp; p'ee mwopp p'ee pihh wunn sarr mhidyeell mwopp, yakhal mwopp nas wunn dhighin Luh'kang keeru zag. 18Mwopp p'ee looh wunn dyeell tekhem govno mwopp kihh dazkakhamm mwopp pee'rooh wunn a maan'nah, a kihhsheh bhi wunn p'ee kad arr tupp'pwoo kaah nah mwopp kihh Seghen'gurum ni mwopp zag. 19Mihh mwopp yak wunn, bhi tapp wu kihh ann shukk p'ee bii w'u wunn p'ee satt nyi kihh arr w'u wunn p'ee satt nyi diy mou. P'ee mihh pee wull bhi Naan p'ee pihh bii wunn w'u wunn p'ee satt nyi. 20P'ee mihh wull kihhsheh bhi baah a wunn phi kadpwoo dyi mou, a Riin khi Puup wu Naan phi kadpwoo dhighin wunn.
21“Em'nhikhin p'ee seett kihh emnhikhin harr wull rooh mwopp t'u nyi, yakhal puup seett kihh em niy zag; zhepp mwopp p'ee yakhal kihh teepee kaah mhishee runn mwopp, harr mwopp l'e tihh mwopp twa mwopp diy. 22Gurum weett p'ee shiih kihh wunn lhiwaa a'n; dhangg gwooh dharr bhall-bhall harr kyess ni, bhi a nyi p'ee kad bh'am. 23Mihh mwopp le'zheell wunn m'ee tughuzyill, bhi wu shwa wu duam m'ee tughuzyill wu'zeh. Ih kihh satt a zeenn wunn, mihh wu sh'in a kihhsheh mou, bhi baah wunn p'ee mak kyess mwaan dhighin v'ur khishikhitt w'u dhighin yill Isra'ila kyekk maah, dhangg L'aa khi Gurum kihh b'aa ji mou.
24“Baah laa'kamm kihh mett gukamm keeniy mou, kooh kromm mett guluh keeniy mou. 25Ai mihh laa'kamm diy wull chiitt kihh gukamm keeniy kooh kromm wull chiitt kihh guluh keeniy bhi rett. Mwopp peet a'n w'u a Guluh keewu Beelzebub dhangg dheeh dyi a wunn zheppluh ni mwopp a'ng?
26“Pee'mhinyi bhi tapp wu kihkhir mwopp mou, p'ee baah mee'bii w'u a w'u pihh-paah, w'u dheng'pee mwopp p'ee p'ar ber'pee lhi'baa dyikihh mou; yakhal baah mee'bii a w'u zih-zok w'u dheng'pee mwopp p'ee p'ar man nyi mou. 27Bii w'u ih satt a wunn kyekk kaa satt dhighin pee'kwoo se, bhi wu satt k'aa taah kih puus bhangg-bhangg; yakhal bii w'u ih satt a wunn kyekk kaa satt shi'shau se, bhi wu fwa-bhellepp nyi tihngg phigyitt. 28Tapp wu kihh kihkhir a mwooh kihh mak t'u dihng shoopshik se kyekk dhangg baa mwopp kihh mak t'u seen mou. Wu kihkhir a gwooh kihh mak l'e tihh shoopshik ky'em yakhal meng seen gwoh ni dhighin wusbleng. 29Mwopp kihh seett kihh chidyiid vel a kobo kihmeh mou aa'? Weett kihhsheh bhi kooh kihmeh dhighin mwopp p'ee cham taah yill m'uut dheng'pee a sh'i dh'om khi Puup wu Naan mou. 30Ai kooh shoopkaah wuh kyekk maah bhi mwopp weett a w'u ku'kun. 31Pee'mhinyi bhi tapp wu kihkhir mou, p'ee wunn kihh kyeenn mett chidyiid mwopp fwaiy.
32“Koohweeh w'u mihh sattpwoo kaah nah kihkyeen gurum mwopp le riy a maan'nah, bhi wu'an zag p'ee p'ar sattpwoo kaah nyi kihkyeen Daa w'u tihngg kih dhengNaan ih le nyi a maan'nah. 33Dhangg koohweeh w'u mihh shiihshig kihkyeen gurum mwopp le riy man a'n mou, bhi wu'an zag p'ee shiihshig man nyi kihkyeen Daa w'u tihngg kih dhengg.
Jesu sam a kihh shapkaah
(Luk 12:51-53; 14:26-27)
34“Tapp wu kihh naah seh wu le ih sam a kihh tongkakhamm yill ni 'y. Baah ih sam a kihh tongkakhamm mou; ih sam a kihh l'ek w'u shar'maz. 35P'ee ih sam a p'ee
“ ‘shikhir kihh gurum tihh dharr koghor diy kihh pukhun,
p'ee shikhir kihh reep tihh dharr koghor diy kihh nekhenn,
p'ee shikhir kihh mat tihh dharr koghor diy kihh nekhennkaam w'u a nhikhin khi mis ra.
36A mwooh tuluh khi gurum p'ee kwed a wu'kob nyi.’#10:36 Mikah 7: 6
37“Koohweeh w'u kihh dh'om pukhun kooh nhikhin mett a'n, bhi baah mak dheeh maan'nah mou; koohweeh w'u kihh dh'om em niy kooh reep niy mett a'n, bhi baah mak dheeh maan'nah mou. 38Yakhal koohweeh w'u baah m'ang sheepmuutt miin'niy lang'dang na mou, bhi baah mak dheeh maan'nah mou. 39Koohweeh w'u kihh lyap a arr kyeer seen niy, bhi nyi p'ee bhalangdheng seen niy ni; dhangg koohweeh w'u kor kopp seen niy p'ee a'n, bhi nyi p'ee kad nyi.
40“Koohweeh w'u lapp wunn bhi lapp a a'n, yakhal koohweeh w'u lapp a'n bhi lapp a gwooh lop a'n. 41Koohweeh w'u lapp gu'wanggshiiy kih shumm rooh nyi a gu'wanggshiiy, bhi nyi p'ee lapp a lebhed wu'khimhi kihh mhi gu'wanggshiiy, yakhal koohweeh w'u lapp gu-shigrett kih shumm rooh nyi a gu-shigrett, bhi nyi p'ee lapp a lebhed wu'khimhi kihh mhi gu-shigrett. 42Yakhal mihh menguh diy pihh kooh a reb zhangg am'zhughum kyekk m'ee gwoohshomm dhighin mhi-dumdang na mhize mwopp, kih shumm rooh nyi a gu'dumdang na, bhi ih kihh satt a zeenn wunn, baah gwoh ni p'ee cham langdheng lebhed keeniy mou.”
Currently Selected:
Matiw 10: Chakfem
Highlight
Share
Copy
Want to have your highlights saved across all your devices? Sign up or sign in
©️2022 Luke Initiative for Scripture Translation
Matiw 10
10
Jesu lop zheppkamm kaghapaad baa'vel
(Mar 3:13-19; Luk 6:12-16)
1Jesu peet zheppkamm keeniy w'u kaghapaad baa'vel seh lhija kihshag, bhi pihh pee mwopp tihh mwopp pwat diy kihh mumullung dhighin gurum mwopp, yakhal tihh mwopp mak bar kooh a shiin-kakhamm kihh shw'al wu'kaarangg diy.
2Shumm zheppkamm w'u kaghapaad baa'vel ni mwopp se: wu'shee a Siman w'u mwopp kihh peet Bitrus, kihh Andrawus emnhikhin Siman ni; kihh Yakub, em Zebedi, kihh emnhikhin Yohanna; 3Filip mwopp kihh Batalomi; Tomas kihh Matiw w'u gyet a gu'lappwapp; Yakub em Alfawus kihh Tadewus; 4Siman Zhikhir'yill, kihh Yahuda Iskaryoti, w'u gyet yakhal seett kihh Jesu.
5Jesu lop gurum w'u kaghapaad baa'vel mhize ni mwopp bwoonrooh yakshiiy dhakk ni mwopp le, “Tapp wu dum a kihpee Seghen'gurum mwopp diy mou, kooh wu dhel dhighin m'ee tughuzyill khi Mhi-Samariya mwopp mou. 6Wu dum a kihpee Zhepp Isra'ila w'u a tihm w'u lhi-lakham diy. 7Wu dum bhi wu kihh satt wu le, ‘Dhenlong khi Naan wull kuss.’ 8Wu bar mhi'shwal mwopp, wu yakhal kihh mwooh mih-mwarrap, wu tu'angg mhilokhom mwopp, wu pwat kihh mumullung mwopp. Wu lapp bii mihhse a zhukhum, pee'mhinyi bhi wu pihh a zhukhum zag. 9Tapp wu kok v'ur shaghal zinarya, kihh azurfa, kooh fok dhighin daam'shaghal keewu mou. 10Yakhal tapp wu kok kullug p'ee mwaan ni mou, kooh bh'aar wu'vel, kooh kwaghashag wu'vel, kooh kam-mwaan mou; p'ee nyi dihhreh tihh gudhakk lapp soh-yaghal keeniy. 11Kapp tughuzyill kooh kwangpee w'u mihh wu dhel dhighin bhi wu lyap m'ee gurum-gurum nhighin wu tong luh nyi harr p'ar w'u wunn p'ee yakhal diy. 12Mihh wu ji p'ee dhel dhighin tuluh ni bhi wu tog kihh mwooh tuluh ni. 13Mihh tuluh mhizeh ni a tuluh wu'rett, bhi tongkakhamm keewu p'ee tong tuluh ni; mihh nyi a tuluh wu'rett mou, bhi tongkakhamm keewu p'ee b'aa ji wunn. 14Mihh menguh diy shiih lapp wunn, h'aa kooh shiih klihng kamm keewu oh, bhi mihh wu yakhal p'ee yet luh kooh tughuzyill mhizeh ni, bhi wu bwap orrong lhi'baa sh'i shiiy wuh. 15Ih kihh satt a zeenn wunn, p'ar Puus Dyeell, bhi nyi p'ee fyeell khishikhitt Sodom kihh khishikhitt Gomora mett khishikhitt mhizeh ni.
Zheell w'u kihkyeen
(Mar 13:9-13; Luk 12:11-12; 21:12-19)
16“Wu naah, ih kihh lop wunn a kaa tihm w'u mwopp pwan shenn naar asmhipangg se. Pee'mhinyi bhi wu dhen kihh s'oon kaa w'oo mwopp se; weett kihhsheh wu dhen noott bwutdhood kaa daalong mwopp se.
17“Wu kihh kangg kihh kaah wuh kihh gurum mwopp; p'ee mwopp p'ee pihh wunn sarr mhidyeell mwopp, yakhal mwopp nas wunn dhighin Luh'kang keeru zag. 18Mwopp p'ee looh wunn dyeell tekhem govno mwopp kihh dazkakhamm mwopp pee'rooh wunn a maan'nah, a kihhsheh bhi wunn p'ee kad arr tupp'pwoo kaah nah mwopp kihh Seghen'gurum ni mwopp zag. 19Mihh mwopp yak wunn, bhi tapp wu kihh ann shukk p'ee bii w'u wunn p'ee satt nyi kihh arr w'u wunn p'ee satt nyi diy mou. P'ee mihh pee wull bhi Naan p'ee pihh bii wunn w'u wunn p'ee satt nyi. 20P'ee mihh wull kihhsheh bhi baah a wunn phi kadpwoo dyi mou, a Riin khi Puup wu Naan phi kadpwoo dhighin wunn.
21“Em'nhikhin p'ee seett kihh emnhikhin harr wull rooh mwopp t'u nyi, yakhal puup seett kihh em niy zag; zhepp mwopp p'ee yakhal kihh teepee kaah mhishee runn mwopp, harr mwopp l'e tihh mwopp twa mwopp diy. 22Gurum weett p'ee shiih kihh wunn lhiwaa a'n; dhangg gwooh dharr bhall-bhall harr kyess ni, bhi a nyi p'ee kad bh'am. 23Mihh mwopp le'zheell wunn m'ee tughuzyill, bhi wu shwa wu duam m'ee tughuzyill wu'zeh. Ih kihh satt a zeenn wunn, mihh wu sh'in a kihhsheh mou, bhi baah wunn p'ee mak kyess mwaan dhighin v'ur khishikhitt w'u dhighin yill Isra'ila kyekk maah, dhangg L'aa khi Gurum kihh b'aa ji mou.
24“Baah laa'kamm kihh mett gukamm keeniy mou, kooh kromm mett guluh keeniy mou. 25Ai mihh laa'kamm diy wull chiitt kihh gukamm keeniy kooh kromm wull chiitt kihh guluh keeniy bhi rett. Mwopp peet a'n w'u a Guluh keewu Beelzebub dhangg dheeh dyi a wunn zheppluh ni mwopp a'ng?
26“Pee'mhinyi bhi tapp wu kihkhir mwopp mou, p'ee baah mee'bii w'u a w'u pihh-paah, w'u dheng'pee mwopp p'ee p'ar ber'pee lhi'baa dyikihh mou; yakhal baah mee'bii a w'u zih-zok w'u dheng'pee mwopp p'ee p'ar man nyi mou. 27Bii w'u ih satt a wunn kyekk kaa satt dhighin pee'kwoo se, bhi wu satt k'aa taah kih puus bhangg-bhangg; yakhal bii w'u ih satt a wunn kyekk kaa satt shi'shau se, bhi wu fwa-bhellepp nyi tihngg phigyitt. 28Tapp wu kihh kihkhir a mwooh kihh mak t'u dihng shoopshik se kyekk dhangg baa mwopp kihh mak t'u seen mou. Wu kihkhir a gwooh kihh mak l'e tihh shoopshik ky'em yakhal meng seen gwoh ni dhighin wusbleng. 29Mwopp kihh seett kihh chidyiid vel a kobo kihmeh mou aa'? Weett kihhsheh bhi kooh kihmeh dhighin mwopp p'ee cham taah yill m'uut dheng'pee a sh'i dh'om khi Puup wu Naan mou. 30Ai kooh shoopkaah wuh kyekk maah bhi mwopp weett a w'u ku'kun. 31Pee'mhinyi bhi tapp wu kihkhir mou, p'ee wunn kihh kyeenn mett chidyiid mwopp fwaiy.
32“Koohweeh w'u mihh sattpwoo kaah nah kihkyeen gurum mwopp le riy a maan'nah, bhi wu'an zag p'ee p'ar sattpwoo kaah nyi kihkyeen Daa w'u tihngg kih dhengNaan ih le nyi a maan'nah. 33Dhangg koohweeh w'u mihh shiihshig kihkyeen gurum mwopp le riy man a'n mou, bhi wu'an zag p'ee shiihshig man nyi kihkyeen Daa w'u tihngg kih dhengg.
Jesu sam a kihh shapkaah
(Luk 12:51-53; 14:26-27)
34“Tapp wu kihh naah seh wu le ih sam a kihh tongkakhamm yill ni 'y. Baah ih sam a kihh tongkakhamm mou; ih sam a kihh l'ek w'u shar'maz. 35P'ee ih sam a p'ee
“ ‘shikhir kihh gurum tihh dharr koghor diy kihh pukhun,
p'ee shikhir kihh reep tihh dharr koghor diy kihh nekhenn,
p'ee shikhir kihh mat tihh dharr koghor diy kihh nekhennkaam w'u a nhikhin khi mis ra.
36A mwooh tuluh khi gurum p'ee kwed a wu'kob nyi.’#10:36 Mikah 7: 6
37“Koohweeh w'u kihh dh'om pukhun kooh nhikhin mett a'n, bhi baah mak dheeh maan'nah mou; koohweeh w'u kihh dh'om em niy kooh reep niy mett a'n, bhi baah mak dheeh maan'nah mou. 38Yakhal koohweeh w'u baah m'ang sheepmuutt miin'niy lang'dang na mou, bhi baah mak dheeh maan'nah mou. 39Koohweeh w'u kihh lyap a arr kyeer seen niy, bhi nyi p'ee bhalangdheng seen niy ni; dhangg koohweeh w'u kor kopp seen niy p'ee a'n, bhi nyi p'ee kad nyi.
40“Koohweeh w'u lapp wunn bhi lapp a a'n, yakhal koohweeh w'u lapp a'n bhi lapp a gwooh lop a'n. 41Koohweeh w'u lapp gu'wanggshiiy kih shumm rooh nyi a gu'wanggshiiy, bhi nyi p'ee lapp a lebhed wu'khimhi kihh mhi gu'wanggshiiy, yakhal koohweeh w'u lapp gu-shigrett kih shumm rooh nyi a gu-shigrett, bhi nyi p'ee lapp a lebhed wu'khimhi kihh mhi gu-shigrett. 42Yakhal mihh menguh diy pihh kooh a reb zhangg am'zhughum kyekk m'ee gwoohshomm dhighin mhi-dumdang na mhize mwopp, kih shumm rooh nyi a gu'dumdang na, bhi ih kihh satt a zeenn wunn, baah gwoh ni p'ee cham langdheng lebhed keeniy mou.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2022 Luke Initiative for Scripture Translation