Matiw 9
9
Jesu bar m'ee gwooh shoopshik m'uut
(Mar 2:1-12; Luk 5:17-26)
1Bhi Jesu dhel dhighin kong'am, bhi mwopp shan taah k'aa khishikhitt w'u kihh tong diy. 2M'ee gurum mwopp ji kihh m'ee gwooh shoopshik m'uut Jesu kih p'aal. Kaarooh Jesu naah pihhzeenn khimwopp, bhi satt gwooh shoopshik nyi m'uut seh le, “Em na, dheehshiin dhak, ih fwa shigbis keegha mwopp gha.”
3Kaarooh pakk Mhikamm-w'aar mwopp klihng kihhsheh bhi mwopp kihh shwan en ru mwopp le, “Gwoh mhize a phi kas Naan!”
4Kaarooh Jesu man p'an khimwopp bhi satt mwopp le, “A mihyeh l'e bhi wunn phi sh'in p'an wu'bis en wu ayeh? 5A meehrangg fyeell mett p'ee satt? A rooh p'ee satt le ‘Ih fwa shigbis keegha gha,’ h'aa kooh a rooh p'ee satt le, ‘Yakhal ghi dharr, ghi y'aa mwaan’ ayeh? 6Pee'mhinyi bhi a'n p'ee bar nyi tihh wu man diy wu le a'n L'aa khi Gurum kihh pee mhi fwa shigbis dhighin yill ni.” Bhi satt gwooh shoopshik nyi m'uut seh le, “Yakhal ghi dharr, m'ang p'aal keegha ghi dum tuluh.” 7Bhi gwoh ni kyes'gyereng yakhal dharr, dum tuluh. 8Kaarooh gurum ni mwopp naah bii mihhse bhi khighiy shwat mwopp pwetd; mwopp kwoob Naan w'u pihh pee mhi sh'in bii wu'kihhsheh gurum.
Jesu peet Matiw
(Mar 2:13-17; Luk 5:27-32)
9Kaarooh Jesu yakhal bihzeh y'aa mwaan, bhi naah m'ee gurum w'u shumm nyi a Matiw kihh tong reb bid lappwapp. Bhi Jesu satt nyi le, “Gha lang'dang na.” Bhi Matiw yakhal langdang nyi.
10Kaarooh Jesu kihh tong soh luh Matiw ni, bhi v'ur mhi-lappwapp kihh mhi-shigbis mwopp dhess mwopp ja soh kihshag kihh nyi kihh zheppkamm khinyi mwopp zag. 11Kaarooh Farisiiy mwopp naah kihhsheh, bhi mwopp nang phi zheppkamm khinyi mwopp le, “A mihyeh l'e bhi gukamm keewu kihh so soh kihshag kihh mhi-lappwapp kihh mhinyee mwopp mhi-shigbis ayeh?”
12Kaarooh Jesu klihng kihhsheh bhi pring mwopp le, “Ai baah a mwooh kakhamm kihh t'ang guyen mou, a mhi'shwal mwopp kihh t'ang nyi. 13Dum wu shwanshiiy pwoo mihhse rih-rett, w'u satt le, ‘Ih kihh dh'om tihh wu sh'in a kaahdhoonn, baah a wus'biizhukhum mou.’#9:13 Hos 6:6 Baah ih sam p'ee peet a mwooh kihh le runn a mhi-shigrett mou, ih sam p'ee peet a mhi-shigbis.”
T'al kaah yaa'pwoo
(Mar 2:18-22; Luk 5:33-39)
14Pakk mhi-dumdang Yohanna Gu-Baptisma ja nang phi Jesu le, “A mihyeh l'e bhi wu'munn kihhsheh kihh Farisiiy mwopp mu kihh yaa'pwoo, dhangg zheppkamm mag'gha mwopp kihh yaa'pwoo mou?”
15Bhi Jesu lapp mwopp satt le, “Diy shitt a rangg bhi shaar mis'mwar mwopp y'aa maab bhi mis'mwar ni kudyi kihshag kihh mwopp ayeh? Puus kudyi kihh ji, w'u mwopp p'ee m'ang mis'mwar ni lhidhel kih mwopp, bhi shaar mis'mwar ni mwopp p'ee dhekhem yaa'pwoo dhak ser'seh.
16“Baah gwooh kihh luz pee w'u bh'aar wu'sihkhir tee diy a sh'i kleb-fwaat wu'pwooh mou. Mihh sh'in kihhsheh bhi fwaat wu'pwooh ni p'ee tee yakhal sh'i bh'aar wu'sihkhir ni, bhi t'ee khi bh'aar ni p'ee sihkhitt kaam yangg-yangg. 17A kihhsheh zag, baah gurum mwopp kihh wurr am'anab wu'pwooh dhighin fonn'shim am'anab wu'sihkhir mou. Mihh mwopp sh'in kihhsheh, bhi fonn'shim am'anab wu'sihkhir ni p'ee pyan; a kihhsheh bhi am'anab ni p'ee ky'em kr'ong, yakhal fonn'shim am'anab ni mwopp pyan ky'em zag. Mwopp kihh wurr am'anab wu'pwooh a fonn'shim am'anab wu'pwooh a ching. A kihhsheh bhi am'anab ni kihh fonn'shim am'anab ni p'ee dheeh noott ky'em.”
Laa'reep w'u m'uut kihh m'ee mat nhi'shwal
(Mar 5:21-43; Luk 8:40-56)
18Kaarooh Jesu kaah kadpwoo mihhse bhi m'ee gu-kihkyeen khi luh'kang ji kurum kih fr'um niy tekhem nyi, bhi satt nyi le, “Reep na kudyi kihh mih'muut. Kum'bokk, ji ghi l'e sarr gha kih nyi bhi nyi p'ee yakhal.” 19Jesu yakhal dang gwoh ni, zheppkamm khinyi mwopp yakhal dang nyi zag.
20Kaarooh mwopp y'aa arr p'ee dhel, bhi m'ee mat w'u kihh zheell kihh m'ee shw'al dheer teghem p'ee byitt kaghapaad baa'vel byaah ji kihbwoon Jesu, ji bwum phi kleb bh'aar khinyi. 21Mat ni shwan en ra le, “Mihh ih bwum bh'aar khinyi kyekk maah, bhi a'n p'ee kad kakhamm.”
22Jesu buakhar naah nyi, bhi satt nyi le, “Dheehshiin, reep na, pihhzeenn keeyi bar yi.” Bhi mat ni shikhir kad kakhamm abet.
23Kaarooh Jesu ji dhel kihfur luh khi gu-kihkyeen khi luh'kang ni; kaarooh naah v'ur mhi t'aa bhell'maab kihh v'ur dw'uu gurum w'u mwopp kihh mwan lapp dhekheh ru nhighin, 24bhi satt mwopp le, “Pwat wu reen kihh mihhseh. Laa'reep ni mih'muut mou, nyi a s'aam kyekk.” Bhi gurum ni mwopp sh'in shwar'zal nyi. 25Kaarooh Jesu l'e tihh mwopp shen gurum ni mwopp lhipwat kihtekhell, bhi dhel dhighin luh ni. Kaarooh y'aa sarr laa'reep ni, bhi laa'reep ni yakhal b'aa ji kihh seen. 26Pwookaah bii mihhse ni kangpee koohneeh gaar'yill mhizeh ni.
Jesu bar mhi-vughum kihh gwooh a pwoobhipp
27Kaarooh Jesu yakhal bihzeh y'aa mwaan, bhi m'ee mhi-vughum mwopp vel langdang nyi; mwopp kihh peet satt kihh dhekheh ruh bhall-bhall le, “Em khi Dauda oo, ghi naah zheell keemu 'y!”
28Kaarooh Jesu dum dhel dhighin luh, bhi mhi-vughum ni mwopp ja kihpee nyi diy, bhi nang phi mwopp le, “Wu pihhzeenn wu le ih kihh mak sh'in bii mihhse wunn aa'?”
Bhi mwopp lapp nyi le, “Ee'h, Gwoohyon, mu pihhzeenn.”
29Bhi Jesu bwum yit mwopp kihh satt le, “Yet tihh dhen wunn mwoorr kihh pihhzeenn keewu.” 30Bhi Jesu l'e tihh yit mwopp naahpee diy. Satt kihhkangg mwopp bhall-bhall le, “Tapp wu yet tihh menguh man bii mihhse diy 'y!” 31Weett kihhsheh bhi mwopp pwat y'aa fwapwoo kaah Jesu ni koohneeh dhighin gaar'yill mhizeh ni kihhdihng.
32Kaarooh gurum w'u vel mhizeh ni mwopp kihh pwat p'ee dhel, bhi m'ee gurum mwopp ji kihh m'ee gwooh mumullung dhighin nyi Jesu, yakhal gwoh ni a pwoobhipp. 33Kaarooh Jesu put kihh mumullung ni, bhi gwooh dyinn a pwoobhipp shi seh y'aa kadpwoo. Bii ni aa'phi dw'uu gurum ni mwopp pwetd, bhi mwopp kihh satt le, “Baah mwopp khi cham naah bii w'u kaa mihhse se dhighin Isra'ila mou.”
34Dhangg Farisiiy mwopp satt le, “Ai kihh pwat kihh mumullung mwopp a sh'i maa'pee khi miskakhamm khi mumullung mwopp.”
Mhidhakk kat
35Jesu dum kooh tughuzyill w'u aneeh kihh kooh kwanggyill w'u aneeh kihh sh'in kamm diy dhighin Luh'kang khimwopp, kihh satt Pwoo'wurett mhi dhenglong yakhal kihh bar kooh shiin-kakhamm kihh shw'al w'u kaarangg. 36Kaarooh naah dw'uu gurum ni mwopp bhi kaah nyi dhoonn kih mwopp, p'ee mwopp zheell matt mwopp chiit a kaa dw'uu tihm w'u noott gutapp se. 37Bhi Jesu satt zheppkamm keeniy mwopp le, “Dhebhenn ni mwopp nwang l'e dhess, dhangg mhi dyiip ni mwopp pihb mou. 38Pee'mhinyi bhi wu dhang phi Gubhokk ni tihh tupp pakk mhidhakk ni mwopp dyi lhidum dyiip dhebhenn keeniy ni.”
Currently Selected:
Matiw 9: Chakfem
Highlight
Share
Copy
Want to have your highlights saved across all your devices? Sign up or sign in
©️2022 Luke Initiative for Scripture Translation
Matiw 9
9
Jesu bar m'ee gwooh shoopshik m'uut
(Mar 2:1-12; Luk 5:17-26)
1Bhi Jesu dhel dhighin kong'am, bhi mwopp shan taah k'aa khishikhitt w'u kihh tong diy. 2M'ee gurum mwopp ji kihh m'ee gwooh shoopshik m'uut Jesu kih p'aal. Kaarooh Jesu naah pihhzeenn khimwopp, bhi satt gwooh shoopshik nyi m'uut seh le, “Em na, dheehshiin dhak, ih fwa shigbis keegha mwopp gha.”
3Kaarooh pakk Mhikamm-w'aar mwopp klihng kihhsheh bhi mwopp kihh shwan en ru mwopp le, “Gwoh mhize a phi kas Naan!”
4Kaarooh Jesu man p'an khimwopp bhi satt mwopp le, “A mihyeh l'e bhi wunn phi sh'in p'an wu'bis en wu ayeh? 5A meehrangg fyeell mett p'ee satt? A rooh p'ee satt le ‘Ih fwa shigbis keegha gha,’ h'aa kooh a rooh p'ee satt le, ‘Yakhal ghi dharr, ghi y'aa mwaan’ ayeh? 6Pee'mhinyi bhi a'n p'ee bar nyi tihh wu man diy wu le a'n L'aa khi Gurum kihh pee mhi fwa shigbis dhighin yill ni.” Bhi satt gwooh shoopshik nyi m'uut seh le, “Yakhal ghi dharr, m'ang p'aal keegha ghi dum tuluh.” 7Bhi gwoh ni kyes'gyereng yakhal dharr, dum tuluh. 8Kaarooh gurum ni mwopp naah bii mihhse bhi khighiy shwat mwopp pwetd; mwopp kwoob Naan w'u pihh pee mhi sh'in bii wu'kihhsheh gurum.
Jesu peet Matiw
(Mar 2:13-17; Luk 5:27-32)
9Kaarooh Jesu yakhal bihzeh y'aa mwaan, bhi naah m'ee gurum w'u shumm nyi a Matiw kihh tong reb bid lappwapp. Bhi Jesu satt nyi le, “Gha lang'dang na.” Bhi Matiw yakhal langdang nyi.
10Kaarooh Jesu kihh tong soh luh Matiw ni, bhi v'ur mhi-lappwapp kihh mhi-shigbis mwopp dhess mwopp ja soh kihshag kihh nyi kihh zheppkamm khinyi mwopp zag. 11Kaarooh Farisiiy mwopp naah kihhsheh, bhi mwopp nang phi zheppkamm khinyi mwopp le, “A mihyeh l'e bhi gukamm keewu kihh so soh kihshag kihh mhi-lappwapp kihh mhinyee mwopp mhi-shigbis ayeh?”
12Kaarooh Jesu klihng kihhsheh bhi pring mwopp le, “Ai baah a mwooh kakhamm kihh t'ang guyen mou, a mhi'shwal mwopp kihh t'ang nyi. 13Dum wu shwanshiiy pwoo mihhse rih-rett, w'u satt le, ‘Ih kihh dh'om tihh wu sh'in a kaahdhoonn, baah a wus'biizhukhum mou.’#9:13 Hos 6:6 Baah ih sam p'ee peet a mwooh kihh le runn a mhi-shigrett mou, ih sam p'ee peet a mhi-shigbis.”
T'al kaah yaa'pwoo
(Mar 2:18-22; Luk 5:33-39)
14Pakk mhi-dumdang Yohanna Gu-Baptisma ja nang phi Jesu le, “A mihyeh l'e bhi wu'munn kihhsheh kihh Farisiiy mwopp mu kihh yaa'pwoo, dhangg zheppkamm mag'gha mwopp kihh yaa'pwoo mou?”
15Bhi Jesu lapp mwopp satt le, “Diy shitt a rangg bhi shaar mis'mwar mwopp y'aa maab bhi mis'mwar ni kudyi kihshag kihh mwopp ayeh? Puus kudyi kihh ji, w'u mwopp p'ee m'ang mis'mwar ni lhidhel kih mwopp, bhi shaar mis'mwar ni mwopp p'ee dhekhem yaa'pwoo dhak ser'seh.
16“Baah gwooh kihh luz pee w'u bh'aar wu'sihkhir tee diy a sh'i kleb-fwaat wu'pwooh mou. Mihh sh'in kihhsheh bhi fwaat wu'pwooh ni p'ee tee yakhal sh'i bh'aar wu'sihkhir ni, bhi t'ee khi bh'aar ni p'ee sihkhitt kaam yangg-yangg. 17A kihhsheh zag, baah gurum mwopp kihh wurr am'anab wu'pwooh dhighin fonn'shim am'anab wu'sihkhir mou. Mihh mwopp sh'in kihhsheh, bhi fonn'shim am'anab wu'sihkhir ni p'ee pyan; a kihhsheh bhi am'anab ni p'ee ky'em kr'ong, yakhal fonn'shim am'anab ni mwopp pyan ky'em zag. Mwopp kihh wurr am'anab wu'pwooh a fonn'shim am'anab wu'pwooh a ching. A kihhsheh bhi am'anab ni kihh fonn'shim am'anab ni p'ee dheeh noott ky'em.”
Laa'reep w'u m'uut kihh m'ee mat nhi'shwal
(Mar 5:21-43; Luk 8:40-56)
18Kaarooh Jesu kaah kadpwoo mihhse bhi m'ee gu-kihkyeen khi luh'kang ji kurum kih fr'um niy tekhem nyi, bhi satt nyi le, “Reep na kudyi kihh mih'muut. Kum'bokk, ji ghi l'e sarr gha kih nyi bhi nyi p'ee yakhal.” 19Jesu yakhal dang gwoh ni, zheppkamm khinyi mwopp yakhal dang nyi zag.
20Kaarooh mwopp y'aa arr p'ee dhel, bhi m'ee mat w'u kihh zheell kihh m'ee shw'al dheer teghem p'ee byitt kaghapaad baa'vel byaah ji kihbwoon Jesu, ji bwum phi kleb bh'aar khinyi. 21Mat ni shwan en ra le, “Mihh ih bwum bh'aar khinyi kyekk maah, bhi a'n p'ee kad kakhamm.”
22Jesu buakhar naah nyi, bhi satt nyi le, “Dheehshiin, reep na, pihhzeenn keeyi bar yi.” Bhi mat ni shikhir kad kakhamm abet.
23Kaarooh Jesu ji dhel kihfur luh khi gu-kihkyeen khi luh'kang ni; kaarooh naah v'ur mhi t'aa bhell'maab kihh v'ur dw'uu gurum w'u mwopp kihh mwan lapp dhekheh ru nhighin, 24bhi satt mwopp le, “Pwat wu reen kihh mihhseh. Laa'reep ni mih'muut mou, nyi a s'aam kyekk.” Bhi gurum ni mwopp sh'in shwar'zal nyi. 25Kaarooh Jesu l'e tihh mwopp shen gurum ni mwopp lhipwat kihtekhell, bhi dhel dhighin luh ni. Kaarooh y'aa sarr laa'reep ni, bhi laa'reep ni yakhal b'aa ji kihh seen. 26Pwookaah bii mihhse ni kangpee koohneeh gaar'yill mhizeh ni.
Jesu bar mhi-vughum kihh gwooh a pwoobhipp
27Kaarooh Jesu yakhal bihzeh y'aa mwaan, bhi m'ee mhi-vughum mwopp vel langdang nyi; mwopp kihh peet satt kihh dhekheh ruh bhall-bhall le, “Em khi Dauda oo, ghi naah zheell keemu 'y!”
28Kaarooh Jesu dum dhel dhighin luh, bhi mhi-vughum ni mwopp ja kihpee nyi diy, bhi nang phi mwopp le, “Wu pihhzeenn wu le ih kihh mak sh'in bii mihhse wunn aa'?”
Bhi mwopp lapp nyi le, “Ee'h, Gwoohyon, mu pihhzeenn.”
29Bhi Jesu bwum yit mwopp kihh satt le, “Yet tihh dhen wunn mwoorr kihh pihhzeenn keewu.” 30Bhi Jesu l'e tihh yit mwopp naahpee diy. Satt kihhkangg mwopp bhall-bhall le, “Tapp wu yet tihh menguh man bii mihhse diy 'y!” 31Weett kihhsheh bhi mwopp pwat y'aa fwapwoo kaah Jesu ni koohneeh dhighin gaar'yill mhizeh ni kihhdihng.
32Kaarooh gurum w'u vel mhizeh ni mwopp kihh pwat p'ee dhel, bhi m'ee gurum mwopp ji kihh m'ee gwooh mumullung dhighin nyi Jesu, yakhal gwoh ni a pwoobhipp. 33Kaarooh Jesu put kihh mumullung ni, bhi gwooh dyinn a pwoobhipp shi seh y'aa kadpwoo. Bii ni aa'phi dw'uu gurum ni mwopp pwetd, bhi mwopp kihh satt le, “Baah mwopp khi cham naah bii w'u kaa mihhse se dhighin Isra'ila mou.”
34Dhangg Farisiiy mwopp satt le, “Ai kihh pwat kihh mumullung mwopp a sh'i maa'pee khi miskakhamm khi mumullung mwopp.”
Mhidhakk kat
35Jesu dum kooh tughuzyill w'u aneeh kihh kooh kwanggyill w'u aneeh kihh sh'in kamm diy dhighin Luh'kang khimwopp, kihh satt Pwoo'wurett mhi dhenglong yakhal kihh bar kooh shiin-kakhamm kihh shw'al w'u kaarangg. 36Kaarooh naah dw'uu gurum ni mwopp bhi kaah nyi dhoonn kih mwopp, p'ee mwopp zheell matt mwopp chiit a kaa dw'uu tihm w'u noott gutapp se. 37Bhi Jesu satt zheppkamm keeniy mwopp le, “Dhebhenn ni mwopp nwang l'e dhess, dhangg mhi dyiip ni mwopp pihb mou. 38Pee'mhinyi bhi wu dhang phi Gubhokk ni tihh tupp pakk mhidhakk ni mwopp dyi lhidum dyiip dhebhenn keeniy ni.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2022 Luke Initiative for Scripture Translation