Matiw 14
14
Muutt khi Yohanna Gu-Baptisma
(Mar 6:14-29; Luk 9:7-9)
1Dhighin shiiy'teer mhizeh ni mwopp, bhi Hiridus Miskakhamm Gaar'yill Galili klihng pwookaah Jesu, 2bhi satt mhidhakk keeniy mwopp le, “Ai gwoh mhize ni a Yohanna Gu-Baptisma. A nyi yakhal kih peemuutt fyaad! A kihhsheh bhi nyi kihh maa'pee mhi sh'in bii'aapwoo mihhse mwopp.”
3Hiridus ni gyet y'aa Yohanna bwakhat luh'shakhat p'ee orr Herodiyas, mat khi emnhikhin, Filip, 4pee'rooh gyet Yohanna ni kihh satt nyi le, “Baah nyi dihhreh kihh w'aar khi Naan tihh ghi looh Herodiyas mat mou.” 5A nyi seh bhi Hiridus kihh t'ang t'u Yohanna, dhangg kihh kihkhir gurum mwopp, p'ee mwopp m'ang le Yohanna a gu'wanggshiiy.
6P'ar rettyit puus'laa khi Hiridus bhi reep khi Herodiyas treng tam rihh-rett kihkyeen Hiridus mwopp, bhi rettyit Hiridus kihh laa'reep nyi pwetd. 7A nyi seh bhi Hiridus choorNaan kih k'aam bazh le riy p'ee pihh kapp bii w'u laa'reep ni kihh dh'om p'aa. 8Nhikhin khi laa'reep nyi karr nyi kihh bii w'u p'ee nang phi Hiridus, bhi laa'reep ni sat Hiridus le, “Ghi pihh kaah Yohanna Gu-Baptisma a'n mwasseh kihhshe kih kihh'yen.” 9Bii mihhseh daam'pee Miskakhamm Hirudus pwetd, dhangg p'ee choorshig w'u dyinn sh'in, kihh rooh kihh naah yitlwaann mhi mhizeb w'u mwopp kaah soh'var ni, bhi gab'waar mhidhakk keeniy mwopp tihh mwopp pihh bii w'u laa'reep ni nang diy seh. 10A nyi seh bhi l'e tihh mwopp dum gab kaah Yohanna Gu-Baptisma diy nhighin luh'shakhat. 11Mwopp ji kihh kaah Yohanna kih kihh'yen mwopp pihh laa'reep ni, bhi lapp dum pihh nekhenn. 12Zheppkamm khi Yohanna mwopp ji m'ang bott kumm nyi mwopp dum wum. Bhi mwopp dum yakshiiy bii mihhseh Jesu.
Jesu so kihh gurum jig paad
(Mar 6:30-44; Luk 9:10-17; Yoh 6:1-14)
13Kaarooh Jesu klihng muutt khi Yohanna bhi yet pee mhizeh ni, dhel m'ee kong'am dum m'ee pee w'u noott gurum mwopp dhess nhighin. Dhangg kaarooh dw'uu gurum ni mwopp klihng kihhsheh, bhi mwopp tuud pwat dhighin v'ur tughuzyill mwopp, mwopp langkihshiiy nyi kwag ruh. 14Jesu taah k'aa pwoo'kihng, bhi kaarooh naah gurum ni mwopp, bhi kaah nyi dhoonn kih mwopp, bhi bar mhi'shwal khimwopp.
15Kaarooh kan'sihkhin kihh t'ang sh'in, bhi zhepp'lop khinyi w'u kaghapaad baa'vel seh mwopp ja satt nyi le, “Pee mhize ni a dh'em, pee w'u baah luh khi gurum nhighin mou, yakhal pee baa shee fwa. Dyinn ghi shenn dw'uu gurum ni mwopp ser'seh tihh mwopp duam serrep biisoh diy shut dhighin zheb kwangyill ni mwopp.”
16Bhi Jesu pring mwopp le, “Wall rooh mwopp dhel mou, wu kad mee'bii wu pihh mwopp so.”
17Bhi mwopp pring nyi le, “Baah munn kihh bii w'u dhel kih gihkhill gutt paad kihh sherep vel nihghinse mou.”
18Jesu satt mwopp le, “Wu ji kihh mwopp se a'n.” 19Bhi l'e tihh gurum ni mwopp kwangg yill kih shit. Kaarooh Jesu kok gihkhill gutt w'u paad kihh sherep w'u vel ni mwopp sarr niy, bhi eep yit niy phikihtihngg, bhi plang Naan, bhi trep pihh zheppkamm keeniy mwopp, bhi mwopp lapp pihh dw'uu gurum ni mwopp. 20Bhi dw'uu gurum ni mwopp weett so abbhal, harr zheppkamm khi Jesu ni mwopp chakk v'ur bott w'u mwan dheeh l'e, mwopp gam shikkah kaghapaad baa'vel dyishig. 21Dw'uu gurum w'u mwopp so biisoh ni w'u a daass kyekk kihshut gyet a kaa gurum jig paad se, dhangg shwarab kihhsheh kihh zhepp wu'mwopp dheeh diy.
Jesu mw'aan kihdab kur'am
(Mar 6:45-52; Yoh 6:15-21)
22Kaarooh mwopp kyes, bhi Jesu l'e tihh zheppkamm ni wu'mwopp dhel kong'am tihh mwopp shan diy taah dum yit'am wu'zeh ky'een riy, bhi wu'nyi pann dheeh bwoonn tihh shenn dw'uu gurum ni mwopp diy. 23Bwoonrooh shenn dw'uu gurum ni mwopp, bhi wu'nyi k'aa dum shi'bwut m'ee bwumm tihh kadpwoo diy kihh Naan mhishin. Harr pee wull kansihkhin bhi nyi nhighin mhishin kaah dhangNaan. 24Kong'am w'u zheppkamm khinyi mwopp dhighin seh baa pann m'ang mwaan zhong-zhong kihh pwoo'kihng, bhi vivirr blam'am kaah vling kong'am ni pwetd, p'ee kutt kihh p'us nyi lhi'baa ji a bwoonn.
25Pee wull kaa gonggpee wu'kaghapaad mhi khipar se, bhi Jesu y'aa mwaan kwag niy kihdab kur'am ni, taah dum kihpee zheppkamm keeniy ni mwopp diy. 26Kaarooh zheppkamm ni mwopp naah kihh treng mwaan taah kihdab kur'am ni, bhi khighiy shwat mwopp pwetd. Mwopp satt shag le, “A daazhiiy 'y, mwopp'muun!” Bhi mwopp m'ang kurrai shwat chapp-chapp sarr lukhut.
27Bhi Jesu satt mwopp abet le, “Tapp kihkhirmuut y'aa wunn mou! A a'n. Tapp lukhut t'u wunn mou.”
28Bhi Bitrus satt nyi le, “Daah, mihh a gha a zeenn'zeenn, bhi ghi nang a'n lhitaah kihpee gha diy kihdab kur'am ni.”
29Bhi Jesu satt Bitrus le, “Taah!”
A nyi seh, bhi Bitrus sam kong'am ni, bhi y'aa mwaan kihdab a'm, taah dum kihpee Jesu diy. 30Dhangg kaarooh Bitrus naah kihpee kutt ni kihh vlingpee diy, bhi lukhut t'u nyi, a nyi seh bhi y'aa r'u sam dhighin a'm. Bhi shwat kurrai chapp-chapp le, “Daah Jesu, ghi bham a'n e'h!”
31Jesu shenn sarr niy abet y'aa Bitrus diy, bhi satt nyi le, “Gha gu pihhzeenn w'u lee, a mihyeh l'e bhi ghi sakkrihkk phitukhup gha?”
32Kaarooh mwopp weett vel ka dhighin kong'am ni, bhi vivirr kutt ni dharr. 33Bhi mwooh dhighin kong'am ni mwopp soyill Jesu, mwopp le, “A zeenn'zeenn, a gha a L'aa khi Naan.”
34Kaarooh mwopp shan kur'am ni taah k'aa bhi mwopp sam pwoo'kihng Gennesaret. 35Kaarooh gurum w'u Gennesaret ni mwopp naah Jesu man, bhi mwopp fwa l'op lhidum kapp kwangyill w'u nhighin koghob mihhseh ni. Bhi gurum mwopp pwat ja kihh kapp mhi'shwal keeru nyi. 36Mwopp kihh so'kumbokk ni tihh yet mhi'shwal ni mwopp bwum kooh a phi kleb bh'aar khinyi diy kyekk. A kihhshe bhi kapp mwooh mwopp bwum nyi, bhi mwopp kad kakhamm.
Currently Selected:
Matiw 14: Chakfem
Highlight
Share
Copy
Want to have your highlights saved across all your devices? Sign up or sign in
©️2022 Luke Initiative for Scripture Translation
Matiw 14
14
Muutt khi Yohanna Gu-Baptisma
(Mar 6:14-29; Luk 9:7-9)
1Dhighin shiiy'teer mhizeh ni mwopp, bhi Hiridus Miskakhamm Gaar'yill Galili klihng pwookaah Jesu, 2bhi satt mhidhakk keeniy mwopp le, “Ai gwoh mhize ni a Yohanna Gu-Baptisma. A nyi yakhal kih peemuutt fyaad! A kihhsheh bhi nyi kihh maa'pee mhi sh'in bii'aapwoo mihhse mwopp.”
3Hiridus ni gyet y'aa Yohanna bwakhat luh'shakhat p'ee orr Herodiyas, mat khi emnhikhin, Filip, 4pee'rooh gyet Yohanna ni kihh satt nyi le, “Baah nyi dihhreh kihh w'aar khi Naan tihh ghi looh Herodiyas mat mou.” 5A nyi seh bhi Hiridus kihh t'ang t'u Yohanna, dhangg kihh kihkhir gurum mwopp, p'ee mwopp m'ang le Yohanna a gu'wanggshiiy.
6P'ar rettyit puus'laa khi Hiridus bhi reep khi Herodiyas treng tam rihh-rett kihkyeen Hiridus mwopp, bhi rettyit Hiridus kihh laa'reep nyi pwetd. 7A nyi seh bhi Hiridus choorNaan kih k'aam bazh le riy p'ee pihh kapp bii w'u laa'reep ni kihh dh'om p'aa. 8Nhikhin khi laa'reep nyi karr nyi kihh bii w'u p'ee nang phi Hiridus, bhi laa'reep ni sat Hiridus le, “Ghi pihh kaah Yohanna Gu-Baptisma a'n mwasseh kihhshe kih kihh'yen.” 9Bii mihhseh daam'pee Miskakhamm Hirudus pwetd, dhangg p'ee choorshig w'u dyinn sh'in, kihh rooh kihh naah yitlwaann mhi mhizeb w'u mwopp kaah soh'var ni, bhi gab'waar mhidhakk keeniy mwopp tihh mwopp pihh bii w'u laa'reep ni nang diy seh. 10A nyi seh bhi l'e tihh mwopp dum gab kaah Yohanna Gu-Baptisma diy nhighin luh'shakhat. 11Mwopp ji kihh kaah Yohanna kih kihh'yen mwopp pihh laa'reep ni, bhi lapp dum pihh nekhenn. 12Zheppkamm khi Yohanna mwopp ji m'ang bott kumm nyi mwopp dum wum. Bhi mwopp dum yakshiiy bii mihhseh Jesu.
Jesu so kihh gurum jig paad
(Mar 6:30-44; Luk 9:10-17; Yoh 6:1-14)
13Kaarooh Jesu klihng muutt khi Yohanna bhi yet pee mhizeh ni, dhel m'ee kong'am dum m'ee pee w'u noott gurum mwopp dhess nhighin. Dhangg kaarooh dw'uu gurum ni mwopp klihng kihhsheh, bhi mwopp tuud pwat dhighin v'ur tughuzyill mwopp, mwopp langkihshiiy nyi kwag ruh. 14Jesu taah k'aa pwoo'kihng, bhi kaarooh naah gurum ni mwopp, bhi kaah nyi dhoonn kih mwopp, bhi bar mhi'shwal khimwopp.
15Kaarooh kan'sihkhin kihh t'ang sh'in, bhi zhepp'lop khinyi w'u kaghapaad baa'vel seh mwopp ja satt nyi le, “Pee mhize ni a dh'em, pee w'u baah luh khi gurum nhighin mou, yakhal pee baa shee fwa. Dyinn ghi shenn dw'uu gurum ni mwopp ser'seh tihh mwopp duam serrep biisoh diy shut dhighin zheb kwangyill ni mwopp.”
16Bhi Jesu pring mwopp le, “Wall rooh mwopp dhel mou, wu kad mee'bii wu pihh mwopp so.”
17Bhi mwopp pring nyi le, “Baah munn kihh bii w'u dhel kih gihkhill gutt paad kihh sherep vel nihghinse mou.”
18Jesu satt mwopp le, “Wu ji kihh mwopp se a'n.” 19Bhi l'e tihh gurum ni mwopp kwangg yill kih shit. Kaarooh Jesu kok gihkhill gutt w'u paad kihh sherep w'u vel ni mwopp sarr niy, bhi eep yit niy phikihtihngg, bhi plang Naan, bhi trep pihh zheppkamm keeniy mwopp, bhi mwopp lapp pihh dw'uu gurum ni mwopp. 20Bhi dw'uu gurum ni mwopp weett so abbhal, harr zheppkamm khi Jesu ni mwopp chakk v'ur bott w'u mwan dheeh l'e, mwopp gam shikkah kaghapaad baa'vel dyishig. 21Dw'uu gurum w'u mwopp so biisoh ni w'u a daass kyekk kihshut gyet a kaa gurum jig paad se, dhangg shwarab kihhsheh kihh zhepp wu'mwopp dheeh diy.
Jesu mw'aan kihdab kur'am
(Mar 6:45-52; Yoh 6:15-21)
22Kaarooh mwopp kyes, bhi Jesu l'e tihh zheppkamm ni wu'mwopp dhel kong'am tihh mwopp shan diy taah dum yit'am wu'zeh ky'een riy, bhi wu'nyi pann dheeh bwoonn tihh shenn dw'uu gurum ni mwopp diy. 23Bwoonrooh shenn dw'uu gurum ni mwopp, bhi wu'nyi k'aa dum shi'bwut m'ee bwumm tihh kadpwoo diy kihh Naan mhishin. Harr pee wull kansihkhin bhi nyi nhighin mhishin kaah dhangNaan. 24Kong'am w'u zheppkamm khinyi mwopp dhighin seh baa pann m'ang mwaan zhong-zhong kihh pwoo'kihng, bhi vivirr blam'am kaah vling kong'am ni pwetd, p'ee kutt kihh p'us nyi lhi'baa ji a bwoonn.
25Pee wull kaa gonggpee wu'kaghapaad mhi khipar se, bhi Jesu y'aa mwaan kwag niy kihdab kur'am ni, taah dum kihpee zheppkamm keeniy ni mwopp diy. 26Kaarooh zheppkamm ni mwopp naah kihh treng mwaan taah kihdab kur'am ni, bhi khighiy shwat mwopp pwetd. Mwopp satt shag le, “A daazhiiy 'y, mwopp'muun!” Bhi mwopp m'ang kurrai shwat chapp-chapp sarr lukhut.
27Bhi Jesu satt mwopp abet le, “Tapp kihkhirmuut y'aa wunn mou! A a'n. Tapp lukhut t'u wunn mou.”
28Bhi Bitrus satt nyi le, “Daah, mihh a gha a zeenn'zeenn, bhi ghi nang a'n lhitaah kihpee gha diy kihdab kur'am ni.”
29Bhi Jesu satt Bitrus le, “Taah!”
A nyi seh, bhi Bitrus sam kong'am ni, bhi y'aa mwaan kihdab a'm, taah dum kihpee Jesu diy. 30Dhangg kaarooh Bitrus naah kihpee kutt ni kihh vlingpee diy, bhi lukhut t'u nyi, a nyi seh bhi y'aa r'u sam dhighin a'm. Bhi shwat kurrai chapp-chapp le, “Daah Jesu, ghi bham a'n e'h!”
31Jesu shenn sarr niy abet y'aa Bitrus diy, bhi satt nyi le, “Gha gu pihhzeenn w'u lee, a mihyeh l'e bhi ghi sakkrihkk phitukhup gha?”
32Kaarooh mwopp weett vel ka dhighin kong'am ni, bhi vivirr kutt ni dharr. 33Bhi mwooh dhighin kong'am ni mwopp soyill Jesu, mwopp le, “A zeenn'zeenn, a gha a L'aa khi Naan.”
34Kaarooh mwopp shan kur'am ni taah k'aa bhi mwopp sam pwoo'kihng Gennesaret. 35Kaarooh gurum w'u Gennesaret ni mwopp naah Jesu man, bhi mwopp fwa l'op lhidum kapp kwangyill w'u nhighin koghob mihhseh ni. Bhi gurum mwopp pwat ja kihh kapp mhi'shwal keeru nyi. 36Mwopp kihh so'kumbokk ni tihh yet mhi'shwal ni mwopp bwum kooh a phi kleb bh'aar khinyi diy kyekk. A kihhshe bhi kapp mwooh mwopp bwum nyi, bhi mwopp kad kakhamm.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2022 Luke Initiative for Scripture Translation