Matiw 15
15
T'al kaah wass khi mhishak mwopp
(Mar 7:1-13)
1Pakk m'ee Farisiiy kihh Mhikamm-w'aar mwopp tong Urshalima sam diy bhi mwopp nang phi Jesu le, 2“A mihyeh l'e bhi zheppkamm keegha mwopp kihh tep wass khi mhishak mu mwopp? Baah mwopp kihh vwang-angg sarr ruh dhangg mwopp so soh mou!”
3Jesu pring mwopp nang le, “A mihyeh l'e bhi wu'wunn zag wu kihh tep w'aar khi Naan p'ee kyeer wass keewu? 4P'ee Naan satt le, ‘Ghi pihhdhess pag mwopp kihh nhikhin keegha,’#15:4 Put 20:12; WSW 5:16 yakhal Naan satt dyi zag le, ‘Koohweeh w'u kas pukhun kooh nhikhin, bhi nyi a ching tihh mwopp t'u nyi.’#15:4 Put 21:17 5Weett kihhsheh, bhi wu'wunn wu kihh sh'in kamm wu le mihh gurum diy satt pukhun kooh nhikhin le, ‘Kapp m'ee bh'am w'u dyinn wunn p'ee kad nyi kihpee na diy, bhi nyi a zhukhum w'u a-angg dhen Naan.’ 6Wu kihh satt wu le, 'Mihh satt kihhsheh, bhi b'aa a ching tihh pihhdhess pukhun kooh nhikhin sh'i pihh m'ee bh'am dyi mwopp mou.' A kihhsheh bhi wu tepbhall pwoo khi Naan p'ee wass keewu. 7N'an mhi-raanaan wu'baan! Ai Ishaya gu'wanggshiiy gyet satt a dihhreh shi'rooh sh'in wanggshiiy kaah wuh le,
8“ ‘Gurum mhize mwopp kihh pihhdhess a'n a sh'i mispwoo ru kyekk,
dhangg phitukhup mwopp zhong kihh a'n pwetd.
9Mwopp phi gab'zhakham soyill a'n a b'aan;
Kamm khimwopp a v'ur w'aar w'u gurum mwopp mwan l'e.’#15:9 Ish 29:13”
10Jesu nang gurum ni mwopp lhija kihpee niy diy bhi satt mwopp le, “Wu lang kom wu tihh wu manshiiy bii w'u a'n p'ee satt nyi diy se. 11Baah a bii w'u kihh dhel pwoo gurum a nyi kihh l'e tihh gwoh ni dhen noott mihhseh-wu'bhangg mou, a bii w'u kihh tong put pwoo gwoh ni kihh l'e tihh tong noott mihhseh-wu'bhangg.”
12Bhi zheppkamm khi Jesu mwopp ji nang phi nyi mwopp le, “Gwoohyon, kyed ghi man rooh tukhup Farisiiy mwopp shaan kaarooh mwopp klihng bii w'u dyinn ghi satt seh -ng?”
13Bhi Jesu pring mwopp le, “Kooh a sheep wu'rangg w'u dheng'pee a Daa w'u tihngg kih dhengg kopp mou, bhi mwopp p'ee paar nyi sh'i seen. 14Wu yet mwopp diy; mwopp a mhi-yaksarr w'u a mhi-vughum. Mihh guvughum diy yaa'sarr m'ee wu'nin guvughum, bhi mwopp weett vel p'ee pal a dhighin kw'al.”
15Bitrus satt Daah Jesu le, “Ghi yakshiiy shumpwoo ni munn.”
16Bhi Jesu pring nyi le, “Hah, harr mwasseh bhi wunn kudyi a mhi-shiin'man vitt a'ng? 17Kan wu man rooh kapp bii w'u kihh dhel pwoo gurum, bhi kihh sam a dhighin bwut nyi, yakhal kihh kram lhipwat maah? 18Dhangg kapp bii w'u kihh put pwoo gurum bhi kihh tong put a phitukhup gwoh ni; a bii wu'kihhsheh kihh tep mihhseh-wu'bhangg khi gwoh ni. 19P'ee v'ur p'an wu'bis, kihh tu'kaah, kihh gaa, kihh kapp dhakk'yez, kihh watt, kihh tupp'pwoo dwungg, kihh wadshumm mwopp kihh tong pwat a dhighin phitukhup gurum. 20A bii mihhse mwopp kihh tep mihhseh-wu'bhangg khi gurum; baah a so soh kihh sarr w'u noott vwang-angg a nyi kihh tep mihhseh-wu'bhangg khi gurum mou.”
Pihhzeenn khi m'ee mat Kan'ana
(Mar 7:24-30)
21Kaarooh Jesu yet pee mhizeh ni, bhi dhel dum koghob Taaya kihh Sidoniya. 22M'ee mat Kan'ana w'u pee mhizeh ni ji kihpee nyi diy, kihh shwat wall kihh dhekheh rah le, “Daah, Em khi Dauda, ghi naah chikhirr keena oou! M'ee riin wu'bis kihh ninnshiin reep na bis-bis.”
23Dhangg baah Jesu pring mee'bii mat ni kooh kihmeh mou. Bhi zheppkamm khinyi mwopp ji dhang phi nyi mwopp le, “Ghi shenn mat mhize ser'seh, p'ee kihh dy'iin lang kihbwoon mu kihh wall.”
24Bhi lapp mwopp satt le, “Naan lop a'n a kihpee Isra'ila w'u a tihm w'u lhi-lakham diy kyekk.”
25Mat ni ji kurum kih fr'um rah tekhem nyi, bhi satt nyi le, “Daah, kum'bokk, ghi bham a'n.”
26Bhi Jesu pring nyi le, “Baah nyi dihhreh tihh mwopp m'ang soh khi zhepp mwopp kor as mou.”
27Bhi mat ni pring nyi le, “Ghi satt a dihhreh, Daah. Weett kihhsheh bhi as mwopp kihh chakk dwurruk soh w'u kihh pwat chaat phi ki'byin soh khi mhiluh keeru mwopp e'h.”
28Bhi Jesu pring mat ni le, “Kai, yi mat mhize, pihhzeenn keeyi dhess pwetd! Bii w'u yi kihh dh'om seh p'ee kwed a kihhsheh.” Bhi reep khi mat ni shikhir kad kakhamm abet.
Jesu so kihh gurum jig feerr
(Mar 8:1-10)
29Jesu yakhal koghob Taaya kihh Sidoniya b'aa ji, bhi y'aa mw'aan pwoo Kur'am Galili. Bhi k'aa dum tong sh'i m'ee bwut bwumm. 30Dw'uu gurum mwopp tuud ja kihpee nyi diy kihh v'ur kud, kihh mhi-vughum, kihh khibhil, kihh mwooh a pwoobhipp, kihh v'ur kakhar mhi'shwal shi'nyi-shi'nyi, mwopp ja dh'eer mwopp seh tekhem Jesu, bhi bar mwopp. 31Aa'phi gurum mwopp pwetd kaarooh mwopp naah mwooh a pwoobhipp y'aa kadpwoo, khibhil mwopp kihh kud mwopp yakhal y'aa mwaan, mhi-vughum mwopp y'aa naahpee; bhi mwopp kwoob Naan, Naan khi Isra'ila.
32Jesu nang zheppkamm keeniy mwopp lhija bhi satt mwopp le, “Kai, kaah nah dhoonn kih gurum ni mwopp pwetd; p'ee baa mwopp shwat t'eer kunn nihghinse kihpee na diy, dhangg baah mwopp kihh biisoh mou. Baah ih kihh dh'om shenn mwopp kihh kussum mou, tappseh leett taah twa mwopp arr.”
33Zheppkamm khinyi mwopp pring nyi le, “Munn p'ee dum kad gutt a neeh nihghinse dh'em w'u p'ee mak dw'uu gurum mhize ni mwopp?”
34Jesu nang phi mwopp le, “Wunn kihh gihkhill gutt a k'ong ayeh?”
Bhi mwopp satt nyi le, “Mwopp pwoghovel e'h, kihh zheb m'ee dyeen sherep mwopp lee.”
35Bhi Jesu satt dw'uu gurum ni mwopp le nw'aa kwangg yill. 36Bhi kok gihkhill gutt w'u pwoghovel seh, kihh sherep ni mwopp zag, bhi bwoonrooh pihh plangg Naan, bhi trep pihh zheppkamm keeniy mwopp, bhi mwopp lapp shap gurum ni mwopp. 37Weett khimwopp so abbhal. Bwoonrooh koohweeh so, bhi zheppkamm khinyi mwopp gam shikkah pwoghovel kihh v'ur bott biisoh ni w'u mwan mak gurum dheeh l'e. 38Dw'uu gurum w'u mwopp so soh nyi a daass jig feerr, dhangg shwarab kihh zhepp mwopp dyi zag. 39Bwoonrooh Jesu shenn gurum ni mwopp, bhi dhel dhighin kong'am dum koghobyill Magadan.
Currently Selected:
Matiw 15: Chakfem
Highlight
Share
Copy
Want to have your highlights saved across all your devices? Sign up or sign in
©️2022 Luke Initiative for Scripture Translation
Matiw 15
15
T'al kaah wass khi mhishak mwopp
(Mar 7:1-13)
1Pakk m'ee Farisiiy kihh Mhikamm-w'aar mwopp tong Urshalima sam diy bhi mwopp nang phi Jesu le, 2“A mihyeh l'e bhi zheppkamm keegha mwopp kihh tep wass khi mhishak mu mwopp? Baah mwopp kihh vwang-angg sarr ruh dhangg mwopp so soh mou!”
3Jesu pring mwopp nang le, “A mihyeh l'e bhi wu'wunn zag wu kihh tep w'aar khi Naan p'ee kyeer wass keewu? 4P'ee Naan satt le, ‘Ghi pihhdhess pag mwopp kihh nhikhin keegha,’#15:4 Put 20:12; WSW 5:16 yakhal Naan satt dyi zag le, ‘Koohweeh w'u kas pukhun kooh nhikhin, bhi nyi a ching tihh mwopp t'u nyi.’#15:4 Put 21:17 5Weett kihhsheh, bhi wu'wunn wu kihh sh'in kamm wu le mihh gurum diy satt pukhun kooh nhikhin le, ‘Kapp m'ee bh'am w'u dyinn wunn p'ee kad nyi kihpee na diy, bhi nyi a zhukhum w'u a-angg dhen Naan.’ 6Wu kihh satt wu le, 'Mihh satt kihhsheh, bhi b'aa a ching tihh pihhdhess pukhun kooh nhikhin sh'i pihh m'ee bh'am dyi mwopp mou.' A kihhsheh bhi wu tepbhall pwoo khi Naan p'ee wass keewu. 7N'an mhi-raanaan wu'baan! Ai Ishaya gu'wanggshiiy gyet satt a dihhreh shi'rooh sh'in wanggshiiy kaah wuh le,
8“ ‘Gurum mhize mwopp kihh pihhdhess a'n a sh'i mispwoo ru kyekk,
dhangg phitukhup mwopp zhong kihh a'n pwetd.
9Mwopp phi gab'zhakham soyill a'n a b'aan;
Kamm khimwopp a v'ur w'aar w'u gurum mwopp mwan l'e.’#15:9 Ish 29:13”
10Jesu nang gurum ni mwopp lhija kihpee niy diy bhi satt mwopp le, “Wu lang kom wu tihh wu manshiiy bii w'u a'n p'ee satt nyi diy se. 11Baah a bii w'u kihh dhel pwoo gurum a nyi kihh l'e tihh gwoh ni dhen noott mihhseh-wu'bhangg mou, a bii w'u kihh tong put pwoo gwoh ni kihh l'e tihh tong noott mihhseh-wu'bhangg.”
12Bhi zheppkamm khi Jesu mwopp ji nang phi nyi mwopp le, “Gwoohyon, kyed ghi man rooh tukhup Farisiiy mwopp shaan kaarooh mwopp klihng bii w'u dyinn ghi satt seh -ng?”
13Bhi Jesu pring mwopp le, “Kooh a sheep wu'rangg w'u dheng'pee a Daa w'u tihngg kih dhengg kopp mou, bhi mwopp p'ee paar nyi sh'i seen. 14Wu yet mwopp diy; mwopp a mhi-yaksarr w'u a mhi-vughum. Mihh guvughum diy yaa'sarr m'ee wu'nin guvughum, bhi mwopp weett vel p'ee pal a dhighin kw'al.”
15Bitrus satt Daah Jesu le, “Ghi yakshiiy shumpwoo ni munn.”
16Bhi Jesu pring nyi le, “Hah, harr mwasseh bhi wunn kudyi a mhi-shiin'man vitt a'ng? 17Kan wu man rooh kapp bii w'u kihh dhel pwoo gurum, bhi kihh sam a dhighin bwut nyi, yakhal kihh kram lhipwat maah? 18Dhangg kapp bii w'u kihh put pwoo gurum bhi kihh tong put a phitukhup gwoh ni; a bii wu'kihhsheh kihh tep mihhseh-wu'bhangg khi gwoh ni. 19P'ee v'ur p'an wu'bis, kihh tu'kaah, kihh gaa, kihh kapp dhakk'yez, kihh watt, kihh tupp'pwoo dwungg, kihh wadshumm mwopp kihh tong pwat a dhighin phitukhup gurum. 20A bii mihhse mwopp kihh tep mihhseh-wu'bhangg khi gurum; baah a so soh kihh sarr w'u noott vwang-angg a nyi kihh tep mihhseh-wu'bhangg khi gurum mou.”
Pihhzeenn khi m'ee mat Kan'ana
(Mar 7:24-30)
21Kaarooh Jesu yet pee mhizeh ni, bhi dhel dum koghob Taaya kihh Sidoniya. 22M'ee mat Kan'ana w'u pee mhizeh ni ji kihpee nyi diy, kihh shwat wall kihh dhekheh rah le, “Daah, Em khi Dauda, ghi naah chikhirr keena oou! M'ee riin wu'bis kihh ninnshiin reep na bis-bis.”
23Dhangg baah Jesu pring mee'bii mat ni kooh kihmeh mou. Bhi zheppkamm khinyi mwopp ji dhang phi nyi mwopp le, “Ghi shenn mat mhize ser'seh, p'ee kihh dy'iin lang kihbwoon mu kihh wall.”
24Bhi lapp mwopp satt le, “Naan lop a'n a kihpee Isra'ila w'u a tihm w'u lhi-lakham diy kyekk.”
25Mat ni ji kurum kih fr'um rah tekhem nyi, bhi satt nyi le, “Daah, kum'bokk, ghi bham a'n.”
26Bhi Jesu pring nyi le, “Baah nyi dihhreh tihh mwopp m'ang soh khi zhepp mwopp kor as mou.”
27Bhi mat ni pring nyi le, “Ghi satt a dihhreh, Daah. Weett kihhsheh bhi as mwopp kihh chakk dwurruk soh w'u kihh pwat chaat phi ki'byin soh khi mhiluh keeru mwopp e'h.”
28Bhi Jesu pring mat ni le, “Kai, yi mat mhize, pihhzeenn keeyi dhess pwetd! Bii w'u yi kihh dh'om seh p'ee kwed a kihhsheh.” Bhi reep khi mat ni shikhir kad kakhamm abet.
Jesu so kihh gurum jig feerr
(Mar 8:1-10)
29Jesu yakhal koghob Taaya kihh Sidoniya b'aa ji, bhi y'aa mw'aan pwoo Kur'am Galili. Bhi k'aa dum tong sh'i m'ee bwut bwumm. 30Dw'uu gurum mwopp tuud ja kihpee nyi diy kihh v'ur kud, kihh mhi-vughum, kihh khibhil, kihh mwooh a pwoobhipp, kihh v'ur kakhar mhi'shwal shi'nyi-shi'nyi, mwopp ja dh'eer mwopp seh tekhem Jesu, bhi bar mwopp. 31Aa'phi gurum mwopp pwetd kaarooh mwopp naah mwooh a pwoobhipp y'aa kadpwoo, khibhil mwopp kihh kud mwopp yakhal y'aa mwaan, mhi-vughum mwopp y'aa naahpee; bhi mwopp kwoob Naan, Naan khi Isra'ila.
32Jesu nang zheppkamm keeniy mwopp lhija bhi satt mwopp le, “Kai, kaah nah dhoonn kih gurum ni mwopp pwetd; p'ee baa mwopp shwat t'eer kunn nihghinse kihpee na diy, dhangg baah mwopp kihh biisoh mou. Baah ih kihh dh'om shenn mwopp kihh kussum mou, tappseh leett taah twa mwopp arr.”
33Zheppkamm khinyi mwopp pring nyi le, “Munn p'ee dum kad gutt a neeh nihghinse dh'em w'u p'ee mak dw'uu gurum mhize ni mwopp?”
34Jesu nang phi mwopp le, “Wunn kihh gihkhill gutt a k'ong ayeh?”
Bhi mwopp satt nyi le, “Mwopp pwoghovel e'h, kihh zheb m'ee dyeen sherep mwopp lee.”
35Bhi Jesu satt dw'uu gurum ni mwopp le nw'aa kwangg yill. 36Bhi kok gihkhill gutt w'u pwoghovel seh, kihh sherep ni mwopp zag, bhi bwoonrooh pihh plangg Naan, bhi trep pihh zheppkamm keeniy mwopp, bhi mwopp lapp shap gurum ni mwopp. 37Weett khimwopp so abbhal. Bwoonrooh koohweeh so, bhi zheppkamm khinyi mwopp gam shikkah pwoghovel kihh v'ur bott biisoh ni w'u mwan mak gurum dheeh l'e. 38Dw'uu gurum w'u mwopp so soh nyi a daass jig feerr, dhangg shwarab kihh zhepp mwopp dyi zag. 39Bwoonrooh Jesu shenn gurum ni mwopp, bhi dhel dhighin kong'am dum koghobyill Magadan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2022 Luke Initiative for Scripture Translation