Matiw 16
16
Farisiiy kihh Sadusiiy mwopp nang bii'kattshiiy
(Mar 8:11-13; Luk 12:54-56)
1Pakk Farisiiy kihh Sadusiiy mwopp ja kihpee Jesu diy, bhi mwopp kamm nyi mwopp satt le gw'ar sh'in m'ee bii'kattshiiy w'u put kih dhengNaan runn.
2Bhi Jesu pring mwopp le, “Mihh pee wull kan'sihkhin bhi wu kihh mak satt wu le, ‘Pee p'ee dh'aarr rett, p'ee phikihtihngg naad.’ 3Yakhal mihh byitt m'ang bhi wu kihh mak sat le, ‘Vivirr fwan p'ee ji shinn,’ pee'rooh wu naah phikihtihngg naad yakhal pee ap. Wu man dyeeshiiy mihhseh mhi pee w'u sh'i phikihtihngg dhangg baah wu man dyeeshiiy bii'kattshiiy mhi pee mhi gangg mhize mou. 4Gangg wu'bis, gangg khi mhigaa mwopp kihh t'ang naah a m'ee bii'kattshiiy. Dhangg baah Naan p'ee dyingg m'ee bii'kattshiiy mwopp dhel kih mhi Yunana gu'wanggshiiy mou.” Bhi Jesu yakhal yet mwopp, dhel niy.
Pin'shaan khi Farisiiy kihh Sadusiiy mwopp
(Mar 8:14-21)
5Kaarooh mwopp taah wull takhann koghob yit'am wu'zeh bhi zhepp'lop ni mwopp kad kan ru munder taah kihh gutt. 6Bhi Jesu satt mwopp le, “Wu kihh kangg kihh kaah wuh kihh pin'shaan khi Farisiiy kihh Sadusiiy mwopp e'h.”
7Bhi zheppkamm ni mwopp y'aa shwan bhellepp mhize kihh shag le, “Nyi phi satt bii mihhse a pee'rooh baah mu taah kihh gutt mou.”
8Kaarooh Jesu man bii w'u mwopp kaah l'aa orr nyi seh, bhi satt mwopp le, “Kai, pihhzeenn keewu mun kat yon. A mihyeh l'e bhi wunn phi l'aa orr shiin gutt ni kihh shag ayeh? 9Harr mwasseh bhi baah wu manshiiy kooh wu kakkder rooh deh ih so kihh gurum jig paad sh'i gihkhill gutt paad seh mou aa'? Deh wu chakk kakharr soh ni gam a shikkah k'ong ayeh? 10H'aa kooh a rooh deh ih so kihh gurum jig feerr sh'i gihkhill gutt pwoghovel seh. Deh wu chakk kakharr gutt ni gam a shikkah k'ong ayeh? 11Shitt a rangg bhi baah wu man rooh a'n phi kadpwoo kihh wunn a kaah gutt mou? An a phi satt nyi wunn ih le wu kihh kangg kihh kaah wuh kihh pin'shaan khi Farisiiy kihh Sadusiiy mwopp.” 12Dhanggbhi zheppkamm ni mwopp man rooh baah Jesu phi satt le runn kihh kangg kihh kaah ruh a kihh pin'shaan w'u mwopp kihh sh'in dhakk kihh nyi p'ee t'en aas gutt se mou; nyi phi satt le runn kangg kihh kaah ruh a kihh kamm khi Farisiiy kihh mhi Sadusiiy mwopp.
Bitrus sattpwoo kaah Jesu
(Mar 8:27-30; Luk 9:18-21)
13Kaarooh Jesu dum wull koghob Kaisariya w'u Filippi, bhi nang phi zheppkamm keeniy mwopp le, “Gurum mwopp kihh satt le a'n L'aa khi Gurum a wuyeh?”
14Mwopp lapp nyi satt le, “Pakk mwopp kihh satt le gha a Yohanna Gu-Baptisma; pakk kihh satt le gha a Iliya; dhangg dyi zag pakk kihh satt le gha a Irmiya, h'aa kooh a kihmeh dhighin mhi-wanggshiiy ni mwopp.”
15Bhi Jesu nang dyi phi mwopp le, “Dheeh wu'wunn e'h, wu kihh satt wu le a'n a wuyeh?”
16Bhi Siman Bitrus lapp nyi satt le, “A gha a Kristi, L'aa khi Naan Wu'meenn.”
17Bhi Jesu pring Bitrus le, “Naan le'wurett gha, Siman, em Yunana, p'ee baah a laa'gurum w'u kaahtihb se kamm bii mihhse gha mou, a Daa w'u tihngg kih dhengNaan kamm gha. 18Ih kihh satt gha, a gha a Bitrus, a'n p'ee dyik Ekklesiya keena lhidharr a kih laar mhize ni. Kooh Dazkakhamm khi wusbleng sh'i kaah ruh maah p'ee mak sokokhorong kaah nyi mou. 19A'n p'ee pihh pin'wangg mhi dhenglong khi Naan gha; koohmeeh w'u mihh ghi bwakhat dhighin yill mhize, bhi nyi p'ee dhen a w'u bhi-bwakhat kih dhengNaan, yakhal koohmeeh w'u mihh ghi woo dhighin yill mhize, bhi nyi a w'u wu-woo kih dhengNaan.” 20Bhi Jesu satt kihhkangg zheppkamm ni mwopp le tapp nw'aa diy khi shep satt menguh le a riy a Kristi mou.
Jesu shep satt orr muutt keeniy
(Mar 8:31-9:1; Luk 9:22-27)
21Yakhal sh'i mihhseh ni bhi Jesu y'aa yakshiiy nyi zheppkamm keeniy mwopp le nyi a ching tihh riy k'aa dum Urshalima, harr riy shwaazheell mhi bii mwopp dhess sarr mwoohnan mwopp, kihh prist wu'nan mwopp, kihh Mhikamm-w'aar mwopp, yakhal mwopp p'ee t'u riy dhangg riy p'ee waa yakhal dyi kihh seen kih puus wu'kunn.
22Bhi Bitrus nang Jesu lhidum m'ee koghob, bhi y'aa tepbhellepp nyi le, “Gwoohyon Naan zok tihh bii wu'kihhsheh ni kad gha!”
23Bhi Jesu buakhar bhi satt nyi le, “Dum ghi dhel kihh nyi pwoo na, gag m'ee Shetan wu'kihhshe! Gha a gag pangg sakshiiy kihpee na diy. Baah p'an keegha dum kihshag kihh p'an khi Naan mou; dum kihshag a kih p'an khi zhepp gurum.”
24Bhi Jesu satt zheppkamm keeniy mwopp le, “Koohweeh w'u kihh t'ang lang'dang na, bhi nyi a ching tihh shiih kihh sh'in, yakhal m'ang sheepmuutt miin'niy lang'dang na. 25P'ee koohweeh w'u kihh t'ang kyeer seen niy, bhi nyi p'ee bhalangdheng seen nyi ni; dhangg koohweeh w'u bhalangdheng seen niy p'ee a'n, bhi nyi p'ee kad nyi. 26Nyi p'ee dhen a kihh kyeenn mihyeh gurum kadmihh kad yill mhize kihhdihng'dihng dhangg bhalang seen niy? H'aa kooh gurum p'ee mak pihh a mihyeh kihphi seen niy? 27P'ee L'aa khi Gurum p'ee b'aa ji dhighin men'riin mhi Pukhun, kihshag kihh mhi'lop keeniy mwopp, bhi nyi p'ee pihh lebhed koohweeh, chitt kihh bii w'u gwoh ni gyet sh'in. 28Ih kihh satt a zeenn wunn, pakk gurum w'u kihh dyarrang nihghinse p'ee mwarrap smou, harr seeh mwopp naah L'aa khi Gurum ji dhighin dhenglong keeniy dhangg.”
Currently Selected:
Matiw 16: Chakfem
Highlight
Share
Copy
Want to have your highlights saved across all your devices? Sign up or sign in
©️2022 Luke Initiative for Scripture Translation
Matiw 16
16
Farisiiy kihh Sadusiiy mwopp nang bii'kattshiiy
(Mar 8:11-13; Luk 12:54-56)
1Pakk Farisiiy kihh Sadusiiy mwopp ja kihpee Jesu diy, bhi mwopp kamm nyi mwopp satt le gw'ar sh'in m'ee bii'kattshiiy w'u put kih dhengNaan runn.
2Bhi Jesu pring mwopp le, “Mihh pee wull kan'sihkhin bhi wu kihh mak satt wu le, ‘Pee p'ee dh'aarr rett, p'ee phikihtihngg naad.’ 3Yakhal mihh byitt m'ang bhi wu kihh mak sat le, ‘Vivirr fwan p'ee ji shinn,’ pee'rooh wu naah phikihtihngg naad yakhal pee ap. Wu man dyeeshiiy mihhseh mhi pee w'u sh'i phikihtihngg dhangg baah wu man dyeeshiiy bii'kattshiiy mhi pee mhi gangg mhize mou. 4Gangg wu'bis, gangg khi mhigaa mwopp kihh t'ang naah a m'ee bii'kattshiiy. Dhangg baah Naan p'ee dyingg m'ee bii'kattshiiy mwopp dhel kih mhi Yunana gu'wanggshiiy mou.” Bhi Jesu yakhal yet mwopp, dhel niy.
Pin'shaan khi Farisiiy kihh Sadusiiy mwopp
(Mar 8:14-21)
5Kaarooh mwopp taah wull takhann koghob yit'am wu'zeh bhi zhepp'lop ni mwopp kad kan ru munder taah kihh gutt. 6Bhi Jesu satt mwopp le, “Wu kihh kangg kihh kaah wuh kihh pin'shaan khi Farisiiy kihh Sadusiiy mwopp e'h.”
7Bhi zheppkamm ni mwopp y'aa shwan bhellepp mhize kihh shag le, “Nyi phi satt bii mihhse a pee'rooh baah mu taah kihh gutt mou.”
8Kaarooh Jesu man bii w'u mwopp kaah l'aa orr nyi seh, bhi satt mwopp le, “Kai, pihhzeenn keewu mun kat yon. A mihyeh l'e bhi wunn phi l'aa orr shiin gutt ni kihh shag ayeh? 9Harr mwasseh bhi baah wu manshiiy kooh wu kakkder rooh deh ih so kihh gurum jig paad sh'i gihkhill gutt paad seh mou aa'? Deh wu chakk kakharr soh ni gam a shikkah k'ong ayeh? 10H'aa kooh a rooh deh ih so kihh gurum jig feerr sh'i gihkhill gutt pwoghovel seh. Deh wu chakk kakharr gutt ni gam a shikkah k'ong ayeh? 11Shitt a rangg bhi baah wu man rooh a'n phi kadpwoo kihh wunn a kaah gutt mou? An a phi satt nyi wunn ih le wu kihh kangg kihh kaah wuh kihh pin'shaan khi Farisiiy kihh Sadusiiy mwopp.” 12Dhanggbhi zheppkamm ni mwopp man rooh baah Jesu phi satt le runn kihh kangg kihh kaah ruh a kihh pin'shaan w'u mwopp kihh sh'in dhakk kihh nyi p'ee t'en aas gutt se mou; nyi phi satt le runn kangg kihh kaah ruh a kihh kamm khi Farisiiy kihh mhi Sadusiiy mwopp.
Bitrus sattpwoo kaah Jesu
(Mar 8:27-30; Luk 9:18-21)
13Kaarooh Jesu dum wull koghob Kaisariya w'u Filippi, bhi nang phi zheppkamm keeniy mwopp le, “Gurum mwopp kihh satt le a'n L'aa khi Gurum a wuyeh?”
14Mwopp lapp nyi satt le, “Pakk mwopp kihh satt le gha a Yohanna Gu-Baptisma; pakk kihh satt le gha a Iliya; dhangg dyi zag pakk kihh satt le gha a Irmiya, h'aa kooh a kihmeh dhighin mhi-wanggshiiy ni mwopp.”
15Bhi Jesu nang dyi phi mwopp le, “Dheeh wu'wunn e'h, wu kihh satt wu le a'n a wuyeh?”
16Bhi Siman Bitrus lapp nyi satt le, “A gha a Kristi, L'aa khi Naan Wu'meenn.”
17Bhi Jesu pring Bitrus le, “Naan le'wurett gha, Siman, em Yunana, p'ee baah a laa'gurum w'u kaahtihb se kamm bii mihhse gha mou, a Daa w'u tihngg kih dhengNaan kamm gha. 18Ih kihh satt gha, a gha a Bitrus, a'n p'ee dyik Ekklesiya keena lhidharr a kih laar mhize ni. Kooh Dazkakhamm khi wusbleng sh'i kaah ruh maah p'ee mak sokokhorong kaah nyi mou. 19A'n p'ee pihh pin'wangg mhi dhenglong khi Naan gha; koohmeeh w'u mihh ghi bwakhat dhighin yill mhize, bhi nyi p'ee dhen a w'u bhi-bwakhat kih dhengNaan, yakhal koohmeeh w'u mihh ghi woo dhighin yill mhize, bhi nyi a w'u wu-woo kih dhengNaan.” 20Bhi Jesu satt kihhkangg zheppkamm ni mwopp le tapp nw'aa diy khi shep satt menguh le a riy a Kristi mou.
Jesu shep satt orr muutt keeniy
(Mar 8:31-9:1; Luk 9:22-27)
21Yakhal sh'i mihhseh ni bhi Jesu y'aa yakshiiy nyi zheppkamm keeniy mwopp le nyi a ching tihh riy k'aa dum Urshalima, harr riy shwaazheell mhi bii mwopp dhess sarr mwoohnan mwopp, kihh prist wu'nan mwopp, kihh Mhikamm-w'aar mwopp, yakhal mwopp p'ee t'u riy dhangg riy p'ee waa yakhal dyi kihh seen kih puus wu'kunn.
22Bhi Bitrus nang Jesu lhidum m'ee koghob, bhi y'aa tepbhellepp nyi le, “Gwoohyon Naan zok tihh bii wu'kihhsheh ni kad gha!”
23Bhi Jesu buakhar bhi satt nyi le, “Dum ghi dhel kihh nyi pwoo na, gag m'ee Shetan wu'kihhshe! Gha a gag pangg sakshiiy kihpee na diy. Baah p'an keegha dum kihshag kihh p'an khi Naan mou; dum kihshag a kih p'an khi zhepp gurum.”
24Bhi Jesu satt zheppkamm keeniy mwopp le, “Koohweeh w'u kihh t'ang lang'dang na, bhi nyi a ching tihh shiih kihh sh'in, yakhal m'ang sheepmuutt miin'niy lang'dang na. 25P'ee koohweeh w'u kihh t'ang kyeer seen niy, bhi nyi p'ee bhalangdheng seen nyi ni; dhangg koohweeh w'u bhalangdheng seen niy p'ee a'n, bhi nyi p'ee kad nyi. 26Nyi p'ee dhen a kihh kyeenn mihyeh gurum kadmihh kad yill mhize kihhdihng'dihng dhangg bhalang seen niy? H'aa kooh gurum p'ee mak pihh a mihyeh kihphi seen niy? 27P'ee L'aa khi Gurum p'ee b'aa ji dhighin men'riin mhi Pukhun, kihshag kihh mhi'lop keeniy mwopp, bhi nyi p'ee pihh lebhed koohweeh, chitt kihh bii w'u gwoh ni gyet sh'in. 28Ih kihh satt a zeenn wunn, pakk gurum w'u kihh dyarrang nihghinse p'ee mwarrap smou, harr seeh mwopp naah L'aa khi Gurum ji dhighin dhenglong keeniy dhangg.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2022 Luke Initiative for Scripture Translation