Matiw 17
17
Shik Jesu sheedyi
(Mar 9:2-13; Luk 9:28-36)
1Bwoon t'eer peemeh, bhi Jesu yakhal kihh Bitrus mwopp kihh Yakub, kihh Yohanna emnhikhin Yakub ni; dhel kihh mwopp kyekk dang sh'in, k'aa dum kihh mwopp kih m'ee dheng bwumm w'u rhi-reghen pwetd. 2Kaarooh mwopp nhighin bhi shik Jesu sheedyi; yit nyi bhangg kaa puus se, yakhal looh'lop khinyi pyaah sakk-sakk kaa peebhangg se. 3Bhi Musa kihh Iliya mwopp dyingg shut nhighin, mwopp kihh dyarrang, mwopp kaah kadpwoo kihh Jesu.
4Bhi Bitrus satt Jesu le, “Gwoohyon, ai rett tihh mu tong mu bih'ze; kadmihh ghi kihh dh'om, bhi a'n p'ee shett zheb bid kunn nihghinse; kihmeh p'ee wu'gha, kihmeh p'ee Musa, yakhal kihmeh p'ee Iliya zag.”
5Kaarooh Bitrus kudyi kaah satt bii mihhse, bhi m'ee liw w'u bhanggpee sakk-sakk ji paah mwopp, bhi m'ee dhekheh tong put dhighin liw ni satt le, “A mihhse a Em na, ih kihh wall nyi; ih klihngshangg kihh nyi pwetd. Wu klihng nyi!”
6Kaarooh zheppkamm ni mwopp klihng dhekheh mhizeh, bhi kihkhirmuut yak mwopp pwetd, bhi mwopp chaat yill kih yit ru. 7Bhi Jesu taah bwap mwopp, satt mwopp le, “Wu yakhal! Tapp kihkhirmuut yak wunn mou.” 8Kaarooh mwopp eepkaah ruh mwopp naahpee diy, bhi baah mwopp naah menguh dyi nhighin mou, dheeh a Jesu kyekk.
9Kaarooh mwopp arr tong sam kih dheng bwumm ni, bhi Jesu gab-bhellepp mwopp le, “Tapp wu yakshiiy bii w'u wu naah seh menguh kongg mou, seeh bwoonrooh Naan yakhal kihh L'aa khi Gurum kih peemuutt dhangg.”
10Bhi zheppkamm ni mwopp nang phi nyi le, “Dheeh a mihyeh l'e bhi Mhikamm-w'aar mwopp kihh satt le a Iliya p'ee shee ji dhangg Kristi ayeh?”
11Jesu lapp mwopp le, “Nyi a zeenn, a Iliya a gwooh p'ee shee ji tihh dhakk bii diy l'e rih-rett dhangg. 12Dhangg a'n ih kihh satt wunn, Iliya khi t'en ji, dhangg baah gurum mwopp man le a nyi mou, a kihhsheh bhi mwopp sh'in bii w'u mwopp naah rett runn kihh nyi. L'aa khi Gurum p'ee shwaazheell sarr mwopp a kihhsheh zag.” 13Kaarooh satt kihhsheh bhi zheppkamm khinyi mwopp man le nyi phi kadpwoo runn a kaah Yohanna Gu-Baptisma.
Jesu bar m'ee l'aa w'u kihh mumullung
(Mar 9:14-29; Luk 9:37-43a)
14Kaarooh Jesu kihshag kihh zheppkamm keeniy w'u kunn seh mwopp sam wull kihpee dw'uu gurum ni mwopp diy, bhi m'ee gurum dhighin dw'uu gurum ni mwopp pun shin ji, ji taah yill kih fr'um niy tekhem Jesu. 15Bhi satt Jesu le, “Daah, kum'bokk, ghi naah chikhirr khi em na 'y. Nyi kihh kihhkwinn w'u kihh le'dyikihh nyi pwetd. Mihh yakhal bhi kihh pal wus kooh pal dhighin a'm. 16Ih ji kihh nyi zheppkamm keegha mwopp, dhangg baah mwopp mak bar nyi mou.”
17Bhi Jesu satt gurum ni mwopp le, “Wunn gangg mhishiin-pihhzeenn, kihh mhi lang kih arr w'u khi'kan! A'n p'ee tong kihh wunn, a kihh m'ang gung kihh wunn a kaa mihyeh nah se pwetd?” Bhi Jesu sat gwoh ni le, “Ji kihh em gha ni se a'n.” 18Bhi Jesu tepbhellepp mumullung ni, bhi mumullung ni put yet l'aa ni diy, bhi l'aa ni kad kakhamm nhighin abet.
19Bhi zheppkamm khi Jesu ni mwopp dum kihpee nyi diy mhishut kaarooh baah m'ee gurum mwopp kihpee nyi diy mou, bhi mwopp nang phi nyi le, “A mihyeh l'e bhi baah wu'munn mu mak put kihh mumullung ni mou?”
20Bhi Jesu satt mwopp le, “A pee'rooh baah pihhzeenn keewu khibhid mou. Ih kihh satt a zeenn wunn, mihh wunn kihh pihhzeenn, kooh dyinn nyi a kaa reb y'ee sherem mostad se kyekk maah, bhi wu kihh mak satt bwumm mhize wu le, ‘Yi yakhal se yi dum seh’ bhi nyi p'ee yakhal. Baah mee'bii p'ee maa'shin wunn mou. 21Weett kihhsheh mumullung w'u kihhshe ni kihh put kih daaduut mou, seeh a sh'i dhangNaan kihh yaa'pwoo zag.” #17:21 Pakk ran w'u gyet ni mwopp kihh t'ang w'u 21 mou.
22Kaarooh Jesu mwopp kang kihshag kihh zheppkamm keeniy mwopp Galili, bhi satt mwopp le, “Mwopp p'ee seett kihh L'aa khi Gurum sarr zhepp gurum mwopp. 23Bhi mwopp p'ee t'u nyi, dhangg nyi p'ee waa yakhal dyi kihh seen kih puus wu'kunn.” Bhi phitukhup zheppkamm ni mwopp wad pwetd.
Pwookaah kwat wapp LuhNaan
24Bwoonrooh Jesu kihh zheppkamm keeniy mwopp ba sam Kafarnahum, bhi mhi-tullwapp LuhNaan mwopp ji nang phi Bitrus mwopp le, “Kan Gwoohyon keewu kihh kwat wapp LuhNaan maah?”
25Bhi Bitrus lapp mwopp le, “Hah, kihh kwat e'h.”
Kaarooh Bitrus b'aa ji tuluh, bhi Jesu byang nyi kihh orr mhizeh, nang le, “Bitrus, naah mag bhi Dazkakhamm mhi yill mhize mwopp kihh lapp wapp yakhal mwopp kihh lapp tullkaah a phi mhiranggyeh? Mwopp kihh lapp a phi zheppyill aa'h, h'aa kooh mwopp kihh lapp a phi zhepptong ayeh?”
26Bhi Bitrus lapp nyi satt le, “Mwopp kihh lapp a phi zhepptong e'h.”
Bhi Jesu satt nyi le, “T'o, kihh kamm le baah zheppyill mwopp kihh kwat tullkaah mou shi seh sihng? 27Dhangg tapp'baa mu dhen a pangg sakshiiy mwopp mou, bhi ghi dum ghi shenn zhwaann keegha a'm. Ghi wangg pwoo sherep w'u ghi shee y'aa nyi bhi gha p'ee kad shekel kihmeh dhighin; m'ang shekel ni dum ghi kwat tullkaah LuhNaan maan'nah kihh mag'gha dyishig.”
Currently Selected:
Matiw 17: Chakfem
Highlight
Share
Copy
Want to have your highlights saved across all your devices? Sign up or sign in
©️2022 Luke Initiative for Scripture Translation
Matiw 17
17
Shik Jesu sheedyi
(Mar 9:2-13; Luk 9:28-36)
1Bwoon t'eer peemeh, bhi Jesu yakhal kihh Bitrus mwopp kihh Yakub, kihh Yohanna emnhikhin Yakub ni; dhel kihh mwopp kyekk dang sh'in, k'aa dum kihh mwopp kih m'ee dheng bwumm w'u rhi-reghen pwetd. 2Kaarooh mwopp nhighin bhi shik Jesu sheedyi; yit nyi bhangg kaa puus se, yakhal looh'lop khinyi pyaah sakk-sakk kaa peebhangg se. 3Bhi Musa kihh Iliya mwopp dyingg shut nhighin, mwopp kihh dyarrang, mwopp kaah kadpwoo kihh Jesu.
4Bhi Bitrus satt Jesu le, “Gwoohyon, ai rett tihh mu tong mu bih'ze; kadmihh ghi kihh dh'om, bhi a'n p'ee shett zheb bid kunn nihghinse; kihmeh p'ee wu'gha, kihmeh p'ee Musa, yakhal kihmeh p'ee Iliya zag.”
5Kaarooh Bitrus kudyi kaah satt bii mihhse, bhi m'ee liw w'u bhanggpee sakk-sakk ji paah mwopp, bhi m'ee dhekheh tong put dhighin liw ni satt le, “A mihhse a Em na, ih kihh wall nyi; ih klihngshangg kihh nyi pwetd. Wu klihng nyi!”
6Kaarooh zheppkamm ni mwopp klihng dhekheh mhizeh, bhi kihkhirmuut yak mwopp pwetd, bhi mwopp chaat yill kih yit ru. 7Bhi Jesu taah bwap mwopp, satt mwopp le, “Wu yakhal! Tapp kihkhirmuut yak wunn mou.” 8Kaarooh mwopp eepkaah ruh mwopp naahpee diy, bhi baah mwopp naah menguh dyi nhighin mou, dheeh a Jesu kyekk.
9Kaarooh mwopp arr tong sam kih dheng bwumm ni, bhi Jesu gab-bhellepp mwopp le, “Tapp wu yakshiiy bii w'u wu naah seh menguh kongg mou, seeh bwoonrooh Naan yakhal kihh L'aa khi Gurum kih peemuutt dhangg.”
10Bhi zheppkamm ni mwopp nang phi nyi le, “Dheeh a mihyeh l'e bhi Mhikamm-w'aar mwopp kihh satt le a Iliya p'ee shee ji dhangg Kristi ayeh?”
11Jesu lapp mwopp le, “Nyi a zeenn, a Iliya a gwooh p'ee shee ji tihh dhakk bii diy l'e rih-rett dhangg. 12Dhangg a'n ih kihh satt wunn, Iliya khi t'en ji, dhangg baah gurum mwopp man le a nyi mou, a kihhsheh bhi mwopp sh'in bii w'u mwopp naah rett runn kihh nyi. L'aa khi Gurum p'ee shwaazheell sarr mwopp a kihhsheh zag.” 13Kaarooh satt kihhsheh bhi zheppkamm khinyi mwopp man le nyi phi kadpwoo runn a kaah Yohanna Gu-Baptisma.
Jesu bar m'ee l'aa w'u kihh mumullung
(Mar 9:14-29; Luk 9:37-43a)
14Kaarooh Jesu kihshag kihh zheppkamm keeniy w'u kunn seh mwopp sam wull kihpee dw'uu gurum ni mwopp diy, bhi m'ee gurum dhighin dw'uu gurum ni mwopp pun shin ji, ji taah yill kih fr'um niy tekhem Jesu. 15Bhi satt Jesu le, “Daah, kum'bokk, ghi naah chikhirr khi em na 'y. Nyi kihh kihhkwinn w'u kihh le'dyikihh nyi pwetd. Mihh yakhal bhi kihh pal wus kooh pal dhighin a'm. 16Ih ji kihh nyi zheppkamm keegha mwopp, dhangg baah mwopp mak bar nyi mou.”
17Bhi Jesu satt gurum ni mwopp le, “Wunn gangg mhishiin-pihhzeenn, kihh mhi lang kih arr w'u khi'kan! A'n p'ee tong kihh wunn, a kihh m'ang gung kihh wunn a kaa mihyeh nah se pwetd?” Bhi Jesu sat gwoh ni le, “Ji kihh em gha ni se a'n.” 18Bhi Jesu tepbhellepp mumullung ni, bhi mumullung ni put yet l'aa ni diy, bhi l'aa ni kad kakhamm nhighin abet.
19Bhi zheppkamm khi Jesu ni mwopp dum kihpee nyi diy mhishut kaarooh baah m'ee gurum mwopp kihpee nyi diy mou, bhi mwopp nang phi nyi le, “A mihyeh l'e bhi baah wu'munn mu mak put kihh mumullung ni mou?”
20Bhi Jesu satt mwopp le, “A pee'rooh baah pihhzeenn keewu khibhid mou. Ih kihh satt a zeenn wunn, mihh wunn kihh pihhzeenn, kooh dyinn nyi a kaa reb y'ee sherem mostad se kyekk maah, bhi wu kihh mak satt bwumm mhize wu le, ‘Yi yakhal se yi dum seh’ bhi nyi p'ee yakhal. Baah mee'bii p'ee maa'shin wunn mou. 21Weett kihhsheh mumullung w'u kihhshe ni kihh put kih daaduut mou, seeh a sh'i dhangNaan kihh yaa'pwoo zag.” #17:21 Pakk ran w'u gyet ni mwopp kihh t'ang w'u 21 mou.
22Kaarooh Jesu mwopp kang kihshag kihh zheppkamm keeniy mwopp Galili, bhi satt mwopp le, “Mwopp p'ee seett kihh L'aa khi Gurum sarr zhepp gurum mwopp. 23Bhi mwopp p'ee t'u nyi, dhangg nyi p'ee waa yakhal dyi kihh seen kih puus wu'kunn.” Bhi phitukhup zheppkamm ni mwopp wad pwetd.
Pwookaah kwat wapp LuhNaan
24Bwoonrooh Jesu kihh zheppkamm keeniy mwopp ba sam Kafarnahum, bhi mhi-tullwapp LuhNaan mwopp ji nang phi Bitrus mwopp le, “Kan Gwoohyon keewu kihh kwat wapp LuhNaan maah?”
25Bhi Bitrus lapp mwopp le, “Hah, kihh kwat e'h.”
Kaarooh Bitrus b'aa ji tuluh, bhi Jesu byang nyi kihh orr mhizeh, nang le, “Bitrus, naah mag bhi Dazkakhamm mhi yill mhize mwopp kihh lapp wapp yakhal mwopp kihh lapp tullkaah a phi mhiranggyeh? Mwopp kihh lapp a phi zheppyill aa'h, h'aa kooh mwopp kihh lapp a phi zhepptong ayeh?”
26Bhi Bitrus lapp nyi satt le, “Mwopp kihh lapp a phi zhepptong e'h.”
Bhi Jesu satt nyi le, “T'o, kihh kamm le baah zheppyill mwopp kihh kwat tullkaah mou shi seh sihng? 27Dhangg tapp'baa mu dhen a pangg sakshiiy mwopp mou, bhi ghi dum ghi shenn zhwaann keegha a'm. Ghi wangg pwoo sherep w'u ghi shee y'aa nyi bhi gha p'ee kad shekel kihmeh dhighin; m'ang shekel ni dum ghi kwat tullkaah LuhNaan maan'nah kihh mag'gha dyishig.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2022 Luke Initiative for Scripture Translation