Génesis 18
18
Diósï aiakuspti uáp'ani ma Abrahamini
1ACHA, Abrahamini xarhakuspti Mamre, jima enka urhikua jukaka, enka jamperi ima xáni tsántu ísku uaxamukupka chéni jémpo. 2Abrahami erapataaspti tanimu tatachichani, jauaraspti eroani ka tsérhukua antaskueraspti, 3ka uantaspti: Acha, enkarini sési jimpo jaiapanhentka, ásïrini méni jantiok'u jurak'u.
4Ixuts'ïni eroka sáni, nemani axaaka eskaksïni itsï juácheaka enkats'ï jupantutaraaka ka tátsekuats'ï kúmantu mintsikorheaka, anhatapurhu jantukutini, 5kurhintaksïni sáni juácheaka ka t'ireakats'ï ka uinhapentakaats'ï, t'ireakats'ï ka tátsekuats'ï úaka chúnkumani nirani, iásï enkats'ï juchenio ísï nitamani jaka, ji enkani chári jántspirika. Ka imaksï arhispti: Sési jarhasti, juáchets'ïni.
6Abrahami uiriapaspti Sarao ka arhispti:
Sóntku jua jarina, tanimu ts'éretakata ka tsïkara ka kurhinta ú.
7Abraami ménteru uiriapaspti jima enkaksï uákasïcha jápka, ka uákasï sapichu sési jasï ma erakuspti ka jántspirini jémpani íntskuspti eska atapirinka ka ampakerani. 8Tamakua ka etsukua, pákuaspti ka uákasï sapichuni enkaksï ampakerapka, ka ima anhatapurhu jantukutini pakaraspti nani enkaksï ima t'ireni jápka.
9Imaksï kurhamarhespti:
¿Nani jarhaski Sara, chéti uarhiti?
Ima arhiaspti: Ixu k'umanchekuarhu.
10Acheti ma uantaspti: Ji ménteru sési jimpo k'uanhatsentaaka, ka Sara, t'uini tataka sapini ma kankorheatia.
Sara iámu ampe kurhaueraspti jamukutini uératini.
11Abraami ka Sara kánekuaksï k'érisptia, Saraa nóteru iurhiri tsïtasïremti eska uátsïcha ka imaksï enkaksï sapichuku jarhak'a. 12Sara, jantiok'u terekorhespti ka uantani: ¿Iasï enkani kutsïmekia ka jucheti tatachi t'arhepekia, iásï charhakuni kamaia? 13ACHA arhispti Abraamini: ¿Sara antisï terekorhek'i?, O uanta: ¿Sési jimpo ísïua, eskani ji iásï charhakuni kámaka enkani kutsïmekia?
14¿Jaki ampe ma, enka Diósï no uák'a úni? K'uanhatseaka enka Sara sapini kámani jamakia.
15Sara, uantaspti:
No terekorheska, jinisïni chék'a.
Ka ima uantaspti: No ísïsti, terekorheskari.
Abrahami uantapekuspti Sodoma iretani, Diósï jinkuni
16Imaksï tatachicha kéntikuspti jima uératini, ka Sodoma isïksï niraspti, Abrahami niraspti tsïnkuani. 17ACHA uantaspti: Aiankuaka Abramini ampe enkani eratsetini jaka úni, 18nótcha Abrahami k'éri uapatsekua ka uinhapiti ma uaxastaati, ka iámentuksï úch'akuraauaka. 19Mítetixaka eska Abrami uáp'echani ka imeri sïrukuechani jurhentauaka ACHAeri xanhari, ka eskaksï kaxumpeaka, ka ACHA úati ampe enka aiakuka Abrahamini. 20ACHA arhispti: Sodoma ka Gomorra anapu k'uiripuechaksï kánekua no kurhantirasti, ka k'amanharhiskua kánestia, 21kétseaka exekorheani. 22Ima tatachicha kéntikuspti jima uératini ka Sodomaksï niraspti ka Abrahami jima pakaraspti ACHA jinkuni. 23Abrahami antarheraaspti ka arhispti: ¿K'amak'uari kaxumpitini, no kurhantirani jinkuni?
24Jimaksï irekani jati tsimani ekuatse ka témpeni kaxumpiticha, ¿Nóri tekakuantapirini imani tsimani ekuatse ka témpeni kaxumpitichani jimpo enkaksï jima irekaka? 25No sési jauati eskari kaxumpitichani pát'amakuaka k'amantskaani, ásï ísï ú, t'u enkari arhinharhitpitika iámu parhakpeni, no sési jauati ísï úni.
26ACHA arhispti:
Enkani Sodoma k'éri iretarhu exéntaaka tsimani ekuatse ka témpeni (500) k'uiripu kaxumpitichani, imechani jimpo no k'amantskaaka.
27Abrahami arhispti ménteru: Ixu jarhaska ka tekachetarini enkakini ísï arhini jaka t'únkeni enkari jucheti Diósïka, ji nóma ampe méska, t'upuri ka t'upuri japueska.
28Enkaksï iumu k'uiripuecha kuerataska, ka nóksï antakuni tsimani ekuatse ka tempenirhu (50).
¿Útasïri k'ámatska iretani? Ka ACHA arhispti:
Enka tsimani ekuatse ka iumu k'uiripu kaxumpiti exentaska, no k'amantskaka.
29Abrahami ménteru kurhamarhespti:
Nantikaskï tsimani ekuatse (40) kaxumpitichak'u jaka jima irekani ka ACHA arhispti: Tsimani ekuatse (40) kaxumpitichani jimpo no k'amantskaaka.
30Ka Abrahami arhispti ménteru:
ACHA tekaachentarini enkani no p'inasku jaka, ka enkaksï ma ekuatse ka témpeni (30) kaxumpiticha jima irekaka.
ACHA arhispti:
Imani ma ekuatse ka tempeni jimpo no k'amantskaaka k'éri iretani.
31Abrahami arhispti ménteru:
Kánekuarini tekachentsï enkani xáni inchantimeka jucheti ACHA, enkaksï ma ekuatse kaxumpitichani jima irekaka.
ACHA arhispti:
Imani ma ekuatse jimpo no k'amantsaka imani iretani.
32Abrahami ménteru arhispti:
Ásï jama ikiani enkani ménteru uantaaka, enkaksï témpeni kaxumpiticha jima irekaka, ACHA uantaspti:
Témpeni kaxumpitichani jimpo no k'amantskaka iretani.
33K'amarasptiksï uantaxeni ka ACHA kéntikuspti jima uératini; ka Abrahami nintaspti.
Currently Selected:
Génesis 18: BI-PURHE
Highlight
Share
Copy
Want to have your highlights saved across all your devices? Sign up or sign in
Biblia en P´urhépecha, Michoacán, México © Sociedad Bíblica de México, A.C.
Génesis 18
18
Diósï aiakuspti uáp'ani ma Abrahamini
1ACHA, Abrahamini xarhakuspti Mamre, jima enka urhikua jukaka, enka jamperi ima xáni tsántu ísku uaxamukupka chéni jémpo. 2Abrahami erapataaspti tanimu tatachichani, jauaraspti eroani ka tsérhukua antaskueraspti, 3ka uantaspti: Acha, enkarini sési jimpo jaiapanhentka, ásïrini méni jantiok'u jurak'u.
4Ixuts'ïni eroka sáni, nemani axaaka eskaksïni itsï juácheaka enkats'ï jupantutaraaka ka tátsekuats'ï kúmantu mintsikorheaka, anhatapurhu jantukutini, 5kurhintaksïni sáni juácheaka ka t'ireakats'ï ka uinhapentakaats'ï, t'ireakats'ï ka tátsekuats'ï úaka chúnkumani nirani, iásï enkats'ï juchenio ísï nitamani jaka, ji enkani chári jántspirika. Ka imaksï arhispti: Sési jarhasti, juáchets'ïni.
6Abrahami uiriapaspti Sarao ka arhispti:
Sóntku jua jarina, tanimu ts'éretakata ka tsïkara ka kurhinta ú.
7Abraami ménteru uiriapaspti jima enkaksï uákasïcha jápka, ka uákasï sapichu sési jasï ma erakuspti ka jántspirini jémpani íntskuspti eska atapirinka ka ampakerani. 8Tamakua ka etsukua, pákuaspti ka uákasï sapichuni enkaksï ampakerapka, ka ima anhatapurhu jantukutini pakaraspti nani enkaksï ima t'ireni jápka.
9Imaksï kurhamarhespti:
¿Nani jarhaski Sara, chéti uarhiti?
Ima arhiaspti: Ixu k'umanchekuarhu.
10Acheti ma uantaspti: Ji ménteru sési jimpo k'uanhatsentaaka, ka Sara, t'uini tataka sapini ma kankorheatia.
Sara iámu ampe kurhaueraspti jamukutini uératini.
11Abraami ka Sara kánekuaksï k'érisptia, Saraa nóteru iurhiri tsïtasïremti eska uátsïcha ka imaksï enkaksï sapichuku jarhak'a. 12Sara, jantiok'u terekorhespti ka uantani: ¿Iasï enkani kutsïmekia ka jucheti tatachi t'arhepekia, iásï charhakuni kamaia? 13ACHA arhispti Abraamini: ¿Sara antisï terekorhek'i?, O uanta: ¿Sési jimpo ísïua, eskani ji iásï charhakuni kámaka enkani kutsïmekia?
14¿Jaki ampe ma, enka Diósï no uák'a úni? K'uanhatseaka enka Sara sapini kámani jamakia.
15Sara, uantaspti:
No terekorheska, jinisïni chék'a.
Ka ima uantaspti: No ísïsti, terekorheskari.
Abrahami uantapekuspti Sodoma iretani, Diósï jinkuni
16Imaksï tatachicha kéntikuspti jima uératini, ka Sodoma isïksï niraspti, Abrahami niraspti tsïnkuani. 17ACHA uantaspti: Aiankuaka Abramini ampe enkani eratsetini jaka úni, 18nótcha Abrahami k'éri uapatsekua ka uinhapiti ma uaxastaati, ka iámentuksï úch'akuraauaka. 19Mítetixaka eska Abrami uáp'echani ka imeri sïrukuechani jurhentauaka ACHAeri xanhari, ka eskaksï kaxumpeaka, ka ACHA úati ampe enka aiakuka Abrahamini. 20ACHA arhispti: Sodoma ka Gomorra anapu k'uiripuechaksï kánekua no kurhantirasti, ka k'amanharhiskua kánestia, 21kétseaka exekorheani. 22Ima tatachicha kéntikuspti jima uératini ka Sodomaksï niraspti ka Abrahami jima pakaraspti ACHA jinkuni. 23Abrahami antarheraaspti ka arhispti: ¿K'amak'uari kaxumpitini, no kurhantirani jinkuni?
24Jimaksï irekani jati tsimani ekuatse ka témpeni kaxumpiticha, ¿Nóri tekakuantapirini imani tsimani ekuatse ka témpeni kaxumpitichani jimpo enkaksï jima irekaka? 25No sési jauati eskari kaxumpitichani pát'amakuaka k'amantskaani, ásï ísï ú, t'u enkari arhinharhitpitika iámu parhakpeni, no sési jauati ísï úni.
26ACHA arhispti:
Enkani Sodoma k'éri iretarhu exéntaaka tsimani ekuatse ka témpeni (500) k'uiripu kaxumpitichani, imechani jimpo no k'amantskaaka.
27Abrahami arhispti ménteru: Ixu jarhaska ka tekachetarini enkakini ísï arhini jaka t'únkeni enkari jucheti Diósïka, ji nóma ampe méska, t'upuri ka t'upuri japueska.
28Enkaksï iumu k'uiripuecha kuerataska, ka nóksï antakuni tsimani ekuatse ka tempenirhu (50).
¿Útasïri k'ámatska iretani? Ka ACHA arhispti:
Enka tsimani ekuatse ka iumu k'uiripu kaxumpiti exentaska, no k'amantskaka.
29Abrahami ménteru kurhamarhespti:
Nantikaskï tsimani ekuatse (40) kaxumpitichak'u jaka jima irekani ka ACHA arhispti: Tsimani ekuatse (40) kaxumpitichani jimpo no k'amantskaaka.
30Ka Abrahami arhispti ménteru:
ACHA tekaachentarini enkani no p'inasku jaka, ka enkaksï ma ekuatse ka témpeni (30) kaxumpiticha jima irekaka.
ACHA arhispti:
Imani ma ekuatse ka tempeni jimpo no k'amantskaaka k'éri iretani.
31Abrahami arhispti ménteru:
Kánekuarini tekachentsï enkani xáni inchantimeka jucheti ACHA, enkaksï ma ekuatse kaxumpitichani jima irekaka.
ACHA arhispti:
Imani ma ekuatse jimpo no k'amantsaka imani iretani.
32Abrahami ménteru arhispti:
Ásï jama ikiani enkani ménteru uantaaka, enkaksï témpeni kaxumpiticha jima irekaka, ACHA uantaspti:
Témpeni kaxumpitichani jimpo no k'amantskaka iretani.
33K'amarasptiksï uantaxeni ka ACHA kéntikuspti jima uératini; ka Abrahami nintaspti.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia en P´urhépecha, Michoacán, México © Sociedad Bíblica de México, A.C.