Génesis 30
30
1Enka Rakelixékorhepka eska ima no úsïrempka Jakobini sapini ínstsaani, jinkunekua jempani ikiakusïrempti ka epurheni ka Jakobini arhispti:
Ekakini no úska sapichani íntsaani, ji uarhikorheaka.
2Jakobi ikiatinku mókukuspti Rakelini ka arhispti:
¿Anti ji Diósïski, enkakini k'uparhata míkacheka?
3Ima uantaspti:
Ixu jarhasti Bila jucheti jántspiri, inteni jinkuni k'ui ka ima charhaku enka ima kámaaka ima juchetiuati.
4Rakeliíntskuspti Bilani imeri játspirini jempani, eska ima Jakobini jinkuni k'uipirinka. 5Bila tataka sapichuni ma kámaspti Jakobirini. 6Ka Rakeliuantaspti: Diósïrini kurhach'asti ka sapirini ma kóntesti. Ka Dani jakankurhitaspti.
7Bila enka Rakeliri jántspiripka, Jakobi jinkuni máteru tataka sapini ma kámaspti. 8Ka Rakeliuantaspti: Ampakiti ma ch'anakuska jucheti jinkunekuani. Ka Neftali jakankurhitaspti imeri uáp'ani.
9Enka Lia exepka eska nóteru ma sapini kámaspkia, Silpani enka imeri jántspirika Jakobini kurhetaspti eska ima jinkuni k'uipirinka. 10Ka Silpa, Liaueri jántspiri tata sapichuni ma kámaspti enka Jakobiripka. 11Lía uantaspti: ¡Sési jamaskia! Ka Gadi jakankurhitaspti.
12Silpa, Líaueri jántspiri Jakobi jinkuni máteru tata sapini ma kámaspti, 13ka Lía uantaspti: ¡Iásï kánekua tsipexaka! Ka iámentu nanakechaksï uantasïnti eskani kánekua tsipexaka. Ka Aseri jakankurhitaspti.
14Imani jurhiatekuechani enka tríju uarhop'anhantka, Rubeni juátarhu niraspti ka uitsakua mandragora xespti ka Líá nánte jempani pákuspti. Rakeliarhispti Líani:
¿Jimpoetaku íntskurini sáni uitsakua mandragora enka chéti uátsïti juáka?
15Ka ima arhispti:
Euakorheskarinia jucheti achetini, ¿Anti no sésku jarhaskia? Iásïri uékasïnka uitsakua mandragora euakorheni enka jucheti uatsïti juáka. Ka Rakeliarhispti:
Enkari íntskuska madragora enka chéti uátsïti juáka, Jakobi iásï chúrekua t'únkeni jinkuni k'uiati.
16Xatini enka Jakobi junkuani jápkia ánchekorheta juátarhu uératini, Lía niraspti kúmani erontani ka arhispti:
Jinteni jinkuniri k'uiaka iásï, jimpokakini ji mandragora uitsakua enka jucheti tata juáka jinkuni mót'akuska. Ka Jakobi niraspti ka ima jinkuni k'uispti ima chúrekua.
17Diósï kurhaaspti Líaueri uantamukukua, ka máteru sapini erokorhexaptia Jakobini jinkuni iumu sapichesptiksïa enka Jakobini jinkuni kámapka. 18Ka Lía uantaspti: Diósïrini maiámuntasti enkani ji jucheti jántspirini jucheti tatachini íntskupka eska ima jinkuni k'uipirinka. Jimposï Isakari jakankurhitaspti.
19Lía ménteru sapini erokorhexapti ka tata sapini kámaspti, ka k'uimueraspti sapichaani enka Jakobi jinkuni kaapka. 20Ka Lía uantaspti: Diósïrini ampakiti ampe intsïkorhesti. Iásï k'óru jucheti acheti jinteni jinkuni irekaati, jimpokani kuimu sapichani Jakobi jinkuni káaska. Ka Sabuloni jakankurhitaspti.
21Ka ménteru nanaka sapichuni ma kámaspti ka Dina jakankurhitaspti. 22Diósï, Rakelini p'amok'uspti ka kurhach'aspti ka úspti eska úpirinka sapini káani. 23Ka ima tata sapini ma kámaspti ka uantaspti: Diósïrini kuratsekua jucheti k'entitachesti. 24Ka Jose jakankurhitaspti ka uantaspti: Eskarini ACHA máteru sapini íntskuaka.
Jakobi ka Labani únharhitperasptiksï
25Ima jurhia ísï enka Rakeli, Joseni kámapka, Jakobi arhispti Labani: Íntskurini sésikua eskani ji k'uanhatsentaaka juchenio, jucheti iretarhu.
26Íntsaarinia jucheti nanachichani ka jucheti sapichani enkakini jimpo ji xáni ánchekorhecheka, íntskurini sésikia nintani.
27Labani arhispti: Enkari sáni p'ámok'uka, jinteni jinkuni pakara, ji exentaska eskarini ACHA kánekua kónteska ka jatsikorhekuarhi íntskuni jiáni uératini enkari t'u juka.
28Ka uantasptiteru: Arhirini, ¿Náxani tuminari antaa? Na enkari xáni kurhak'orheaka jikini maiamuaka.
29Jakobi arhispti: Sésiri mítetixaka na enkakini xáni ánchekorhecheka, ka na enka chéti karichichani sési erankuaka.
30Nóri uánekua káasïrempka, ka iásïksï uánestia. Enkani ji ixu janoka ACHAkini úch'akurasti, ka ¿Na jatini uénaia ji jantiok'u ánchekorheni?
31Labani uantaspti: Enkari pakaraska jinteni jinkuni ¿Náxaniri antaa? Ka Jakobi uantaspti: Ásïrini ampema maiamu, jinkini útasï eránkucheani jauaka karichichani, ka imani enkakini ji kurhacheaka jiókorheakari.
32Arhutauaka karichi uachasïchani ka turipitichani ka kutsï karichichani enkaksï uachaxeaka, ka ima jimpori maiamuakua. 33Ka ióni jimpori úaka exeni jucheti jurhimpekua, sóntkuri exentauaka nakiksï karichicha juchetiski, ka enkari execheska karichi ma enka no kurhipiti ka uachasïka, úakari uantani eskakini sïpacheska.
34Labani uantaspti: Sési jarhastis ísï eskari na uantak'a.
35Ka imani jurhiatekua Labani arhutaaspti karichi uachasïchani ka iámentu enkaksï turhipepka uáp'ani erankutaraaspti. 36Tátsekua tanimu jurhia xanharakua karichichani páaspti jarharhetaani, ka Jakobi no niraspti ima jima pakaraspti Labaniri karichichani erankukuani.
37Jakobi tsírimu axát'akua, abellano anhatapu axát'akua ka plantanu anhatapu axát'akua p'ikuspti ka sïkuiparhakuáspti ka urapeparhakua jurak'ukuaspti. 38Pirimu sïkuiparhakukatechani chekakuarhu peraaspti, jima enkaksï karichicha itsïmak'a, ka imaksï jima p'itarheasïrempti jima enkaksï pirimuecha jápka. 39Ka sarichi sapirhaticha pirimuechani pireaparhini uácharhekorhesïremtiksï. 40Tátsekua Jakobi arhutasïrempti karichichani enkaksï urapepka ka t'urhipiti ka uacharhekorhenchani Labaniru karichichani jinkuni pérasïrempti. 41Ka méni enkaksï karichi kutsïticha uiuinhasïcha p'itarherhpeni jarhempka pirimu urhepatiniru pérasïrempti ka arhutakorheasïrempti. 42Ka méni enkaksï karichi kutsïticha no uiuinhasïcha p'itarhpenka imechani Labanini pérakuasïrempti. 43Ka jamanisï i achamasï kánerakorhepti jatsikorhekua, karichichani uáneraspti, jántspirichani uáneraspti, kámeiuachani uáneraspti ka ch'anchakichani uáneraspti.
Currently Selected:
Génesis 30: BI-PURHE
Highlight
Share
Copy
Want to have your highlights saved across all your devices? Sign up or sign in
Biblia en P´urhépecha, Michoacán, México © Sociedad Bíblica de México, A.C.
