यूहन्ना 18

यीशु टोवाण

1परमेश्वर जे ई सोब बोल कइ यीशु अपु चेली जुए किद्रोन नओएं यक नाह पार घेई गा। तठि यक बग थिआ, जेस अन्तर यीशु त तसे चेले घेई गे। 2यहूदा, जे तस धोखा देण बाड़ा थिआ, तस बि अस जगाई बारे पता थिआ, किस कि सुआ लिंग यीशु अपु चेली जुए अस जगाह अओ थिआ। 3तपल यहूदा मुख्य पुजारे त फरीसी के लंघो रोमी सपाही के यक पलटन, त देहरे कुछ सपाही, दल्हुण त लालटेन जाई-जुई त हथियार घिन तठि आए। 4तपल यीशु बाहर आ, किस कि तस पता थिआ कि तस पुठ की की भुणे बाड़ु असु, त तेन तेन्हि सम्हाई जे बोलु, “केस तोपुण लगो असे?” 5तेन्हि तस जे बोलु, “नासरत ग्रांए यीशु।” त यीशु तेन्हि जे बोलु, “अउं सेईंए भो।” (तस धोखा देण बाड़ा यहूदा तेन्हि जुए खड़ खड़ थिआ), 6जपल यीशु तेन्हि जे ईं बोलु कि “अउं सेईंए भो”, त से सम्हाई पतूं जे खिरक कइ भीं डूल गे। 7तोउं यीशु तेन्हि केआं दुबारी पुछु, “तुस केस तोपुण लगो असे?” त तेन्हि बोलु, “नासरत ग्रांए यीशु।” 8त यीशु तेन्हि जे जवाब दुतु “मेल, अउं सेईंए भो।#यूहन्ना 6:39 अगर तुस मोउं तोपुण लगो असे, त इन्हि घेण दिए।” 9ए तोउं भु कि तसे से वचन पूरा भुओल जे तेन बोलो थिआ कि

“जे तुसी मेन्धे दुतो असे,

तेन्हि बुचा मेईं यक बि ना गड़ा।”#यूहन्ना 6:39

10तपल शमौन पतरसे अपु छूरि किढ़ कइ बोडा पुजारे नौखर, जे तसे भेएड़ थिआ, तसे देहणा कन छोलि फटा। तेस नौखरे नओं मलखुस थिउ। 11तपल यीशु बोलु, “पतरसा, पतरसा! अपु छूरि अन्तर रख: परमपिता परमेश्वर जे दुख सेहण जे मेन्धे दुतो असा, तस कि अउं सेहन्ता नउ ना?”#मत्ती 26:39; मरकुस 14:36; लूका 22:42

12तपल रोमी सपाही त तेन्के सेनापति त देहरे सपाही से टाइ कइ बन्ह छड़ा 13त पेहले तस हन्ना केईं घिन गे, जे तेस साले बोडा पुजारा काइफे शहुर थिआ। 14ए सेईंए काइफा थिआ, जेन यहूदी नेते जे सलाह दुतो थी कि, अपु मेह्‍णु लिए यक मेह्‍णु मरण सही असा।#यूहन्ना 11:49-50

शमौन पतरस यीशु पिछाणुण केआं पेहली बार मुकीर घेण

मत्ती 26:69-70; मरकुस 14:66-68; लूका 22:55-57

15शमौन पतरस त होरा यक चेला बि यीशु पता घेण लगे। किस कि होरा चेला बोडा पुजारे बाकम थिआ, त से होरे मेह्‍णु त यीशु जुए बोडा पुजारे अन्तर घेई गा। 16पर पतरस दुआरे भेएड़ खड़ खड़ बिशा त होरा चेला जे बोडा पुजारे बाकम थिआ, एई कइ दुआर पुठ बिशो नौखराणि जे बोल कइ से अन्तर नीआ। 17तेन नौखराणि पतरस जे बोलु, “तु बि अस मेह्‍णु चेली बुच यक भो ना?” त तेन बोलु, “ना! अउं ना भो।”

18किस कि सुआ ठन्नु थिउ दे नौखर त देहेर अन्तर पेहरा देण बाड़े सपाही अंगार जाई कइ निघिण लगो थिए। त पतरस बि तेन्हि जुए निघिण लगा।

बोडा पुजारा हन्ने यीशु पंची करीण

19तपल पेहलकण बोडा पुजारा हन्ने#18:19 हन्ना पुराणा बोडा पुजारा थिआ, त काइफा तेस साले बोडा पुजारा थिआ। यीशु चेली त तसे शिक्षाई बारे पूछताछ की। 20यीशु तस जे जवाब अन्तर बोलु “मेईं सोबी के अगर शिक्षा दुतो असी; मेईं अराधनालय अन्तर त देहेर अन्तर जेठि सम्हाई यहूदी किठे भुन्ते, तठि शिक्षा दुतो असी त नियोख कइ कुछ नेईं बोलो। 21त तुस मोउं किस पुछुण लगो असा? मोउं शुणणे बाड़ी पुछुण दिए, किस कि तेन्हि सोबी पता असा कि मेईं की की बोलो असु।”

22जीं तेन ईं बोलु त देहरे सपाही, जे तस भेएड़ खड़ खड़ थिआ, तस पुठ यक चटाका दिता त बोलु, “तु बोडे पुजारे जोई ईं बोक कता ना?” 23यीशु तस जे बोलु, “अगर मेईं कोई गलत बोलु त तसे उगाह कर; पर अगर मेईं ठीक बोलो असु त तेईं अउं किस मडा?” 24हन्ने बन्होरा से बोडे पुजारे काइफा केईं जे लंघा।

शमौन पतरस यीशु पिछाणुण केआं फि मुकीर घेण

25शमौन पतरस खड़ खड़ निघिण लगो थिआ दे किछ मेह्‍णु तस जे बोलुण लगे, “तु बि एसे चेला भो ना?” त तेन मुकीर कइ बोलु, “अउं ना भो।”

26तोउं बोडा पुजारे नौखरी बुच यक तसे रिश्तेदार थिआ, जेसे कन पतरसे छल फटओ थिआ। तेन पतरस जे बोलु, “कि तु मेईं यीशु जुए बग अन्तर ना का ना?” 27पतरस, फिर मुकीर गा त तिखेईं कुकड़े बांग छइ।

राज्यपाल पिलातुस यीशु पंची करीण

मत्ती 27:1,2,11-14; मरकुस 15:1-5; लूका 23:1-5

28तोउं पथवारी तेन्हि यीशु काइफे गीहा रोमी राज्यपाल पिलातुसे मेहेल जे नीआ। पर से अपफ अन्तर ना गे, किस कि से अपफ जुठे भुण#18:28 यहूदी मेह्‍णु त्योहारी बुच गैर यहूदी मेह्‍णु जुए लेण देण ना कतेथ, ताकि से शुचा रेह सकियेल त त्योहार मनाई बटियेल। ना चहन्तेथ, ताकि बचणे त्योहारे रौठि खाई सकियेल। 29त पिलातुस तेन्हि जे बाहर निसा त बोलु, “तुस इस मेह्‍णु पुठ की दोष लान्ते?” 30तेन्हि तस जे बोलु, “अगर ए दोषी ना भुन्ताथ त अस तुं हवाले ना कतेथ।” 31पिलातुसे तेन्हि जे बोलु, “एस नी कइ तुस अपफ अपु नियमे मुताविक एसे पंची किस ना कते?” पर यहूदी नेती तस जे बोलु, “केसे मारणे सज्जा शुणाणे हक असी नेईं मेओ।#18:31 तेन्हि दिनि सद रोमी अधिकारी मेह्‍णु मारणे सज्जा शुणाई सकताथ। यहूदी मेह्‍णु केसे मारणे सज्जा शुणाणे हक नेओथ।” 32ए तोउं भुआ ताकि यीशु अपु मरणे बारे जे बोक बोलो थी#18:32 यीशु ई सज्जा शुणाणे बेलि तसे बोक सच्ची भुई किस कि तेन्हि दिनि सद रोमी मेह्‍णु क्रूस पुठ मार कइ दोषी सज्जा देन्तेथ।, से सच्ची भुओल।#मत्ती 20:18,19; मरकुस 10:33-34; लूका 18:32,33; यूहन्ना 12:32,33

33तोउं पिलातुस मेहेल अन्तर घेई कइ यीशु भिआ त तस केईआं पुछु, “तु कि यहूदी मेह्‍णु के राजा भो ना?” 34यीशु बोलु, “ए बोक कि तुस अपफ पुछुण लगो असे ना? ना होरी मेह्‍णु में बारे तुसी जे बोलो असु?” 35पिलातुस तस जे जवाब दिता, “अउं कि यहूदी भो ना? तें मुख्य पुजारे त तें जाति मेह्‍णु ईं तु में हवाले किओ असे। बोल तेईं की किओ असु?” 36यीशु तस जे बोलु, “में राज्य इस धरती नेईं। अगर भुन्ताथ त में सेवक लड़तेथ त जीं तीं कइ यहूदी नेते मोउं टाण केआं बचान्तेथ। पर सच्चु त इ असु कि में राज्य इस धरती नेईं।” 37त पिलातुसे बोलु, “त तु यक राजा असा ना?” यीशु तस जे बोलु, “तुस त बोते कि अउं राजा भो। अउं इस बझई जोई ईं इस धरती पुठ जमो असा, ताकि सच्चाई की असी तसे उगाही देन्ता। जे बि सच्चाई अन्तर जीन्ते, से में बोक जाणते कि अउं सच्चु बोता।” 38त पिलातुसे तस केईआं पुछु, “त सच्चाई कि भो?” ई बोल कइ से दुबारी यहूदी नेती केईं जे बाहर गा त तेन्हि जे बोलु, “मोउं तेस अन्तर कोई दोष ना मेता। 39बचणे त्योहार बुच मोउं तुसी जे यक कैदी छड़ देणे तुं रिवाज असा। त कि ई यहूदी के राजा तुसी जे छड़ देण ना?” 40त तेन्हि सम्हाई लियार दी कइ बोलु, “ना, एस ना छड़े, पर असी जे बरअब्बा छड़ दे।” बरअब्बा यक डाकु थिआ।

Currently Selected:

यूहन्ना 18: pgg

Highlight

Copy