Alukasɨ MBIꞋNƏ
MBIꞋNƏ
Nkən Wu Shiʼnɨ a ŋwaʼnɨ Alukasɨ diʼ a Yeso ngə́ a nɨ Ndoŋ bə Izrai wa bɨ káʼnɨ́ nkɨ mbe Ndoŋ ŋwɔn mɨsɔŋ a ntsu tsum ə. Alukasɨ a ŋwaʼnɨ ngə́ Azhwi a Maʼmbyí a tsɔ́ʼ a Yeso ngə́ á wɛrə a “yen nɨ nkən wu shiʼnɨ a mbó ɨfúm ə” (4:18). Nkən Wu Shiʼnɨ məwiŋ lon nɨ ntɛgɨ atú a nye ɨbɛn ba bɨ tsinɨ a mu abə́ŋ a ngɨ́ʼ atsum ə. Aŋwaʼnɨ Alukasɨ a lon nɨ nɨdorɨ, tɨ́sə́n tɨ́sə́n ɨkumtɨ mbiʼnə tsa tsɨ chwitɨnɨ ngyiŋ Yeso a mu mbyi, abɔʼnɨ tsə ntsɨrɨndzum tsa tsɨ fɨʼtɨnɨ adzaŋ za wɛrə a kɔ́ʼnɨ́ ngɛ́n a fɔməbvurə ghe. Mbáʼ Yeso a kɔ́ʼnə ngɛ́n a fɔməbvurə, a mu aŋwaʼnɨ a Ɨfaʼ Ntóm Yeso, Alukasɨ a mɨ adzaŋ za abeməntəm a ɨbɛn ba bɨ zɔŋnə a Kristo a kɨ́nə́ nkwíə nkə́ ndzágɨ́nə́ a mu mbyi ɛ.
Ɨtú Ɨnu a mu Aŋwaʼnɨ Ziŋ ə
Mbiʼnɨ anu a nɨyerɨ nɨyerɨ ə 1:1-4
Bɨ jwi a Yoane Ngaŋ Nga Nkyi bo Yeso; bo bɨbá a nye bə bɔrɨ ə 1:5–2:52
Ɨfaʼ Yoane Ngaŋ Nga Nkyi ɛ 3:1-20
Yeso a kwarɨ nkyi bɨ kɨ nkwaʼnɨ ayi ɛ 3:21–4:13
Ɨfaʼ Yeso asaŋəsaŋ a Galili ə 4:14–9:50
Nɨyen ɨni ɨ lo a Galili ɨ ghɛn ɨ kon a Yerosalɛm ə 9:51–19:27
Ntsɨrɨndzum ngabɨ a Yerosalɛm abɔʼnɨ kárɨ́kɨ́ ɨyi ɛ 19:28–23:56
Bɨ zhwemnɨ a Maʼmbyí, a fu a ɨshe a ɨshi ɨbɛn nkɨ ntiʼ nkɔʼ ngɛn a fɔməbvurə 24:1-53
Currently Selected:
Alukasɨ MBIꞋNƏ: MNT
Highlight
Share
Copy
Want to have your highlights saved across all your devices? Sign up or sign in
© 2023, CABTAL