Mattĕo 11

Zowănnī Baptĭsta Abōhmubicè

(Lŭka 7.18-35)

1B́ĕ Jezŭ htulahmèla hwă Zo bōhmubicè scigībwè nu, Zè hèhtagè b́ĕ nu cab́ô̆htè Zô gô̄ thôithò̆i kî d́ò̆htôla d́ŏ lōwa au tòcò abu nu.

2B́ĕnu Zowănnī ò dèkî̆dî̄ bu zî thîhè̆b́è Krĭstu adèphîdèmè tòcò d́o, zo thodŏgè zo bōhmubicè gībwè le d́è̆ lōwa gōjo, 3“Nè ḿî agē leb́è dèbwè nu ā? Ḿî̆dîḿî ńò wò ò sô̆wô̄b́èwe alewe dèbwè ā?”

4Kîd́ò̆ Jezŭ d́òge cè tòcò gōjo, “Ge d́ò̆sagebò̄ Zowănnī dè htè thĭ thîhè̆b́è kî thĭ tcahtîb́è tòcò nu. 5Aghādŭkhi tòcò tcahtîge, akhad́e tòcò hège, akaĺaki tòcò wî tcăhtage, anigu toŏ tòcò thîhè̆htage, athĭ tòcò htaboge, assègnè̆pho tòcò b́è d́ò̆htôlani Vanzĕlō adèthôdèthò̆. 6Ab́èhôwî ḿî bija htè Jo kho Jè cè̆ atha dè hèkè̆ ńò tòcò nu.”

Krĭstu Adèkhathè̆thî Zowănnī Anikhĭ

7Kid́ò̆ b́ĕ anu tòcò ge hwă Jezŭ d́ògè bija aboahò tòcò Zowănnī awîakè̆ gōjo, “Thĭ hèhta tca ma Zowănnī d́ŏ lothĭḿizekho nu nè̄? Gòbò ahôjijā Gīlli aklè̆ tòb́ò̆ nu ā? 8Ńò, ḿî thĭ hèhta tcagè danè̄? Bija agrō ane dègrōdèb́ŭ agobōphŭ dèbwè nu ā? Tcabò̄, bija agrōab́ŭ ane acab́ô̆ gōnu tòcò ò d́ŏ sophrŏsaphra tòcò ana bu nu. 9Ḿî thĭ hè tca d́ò̆ danè̄? Prò̆fèt dèbwè ā? B́èhŏ! Ḿî zo dolĭ Prò̆fèt dèbwè dòkhò̆. 10Manè̄ kòd́òdo dō, ajo ḿî bija htè dèhwelagè awîakè̆ dèbwè nu gōjo, ‘Tcabò̄, Ca gā hna le Jè bwèzo ńò hlò̆mò̄; za gā pradòlò nè klè d́ŏ ńò hlò̆mò̄ nu.’ 11Jò d́ò thĭ adî̄ahma, Bija aòlai amihmu aklè̆, adolĭ Zowănnī Baptĭsta tò ò ńò, barasă ascipho d́olĭ akhò̆ d́ŏ Mò̄kho ahtĭage abu dèbwè dolĭ tèpwè cè. 12Kîdò̆ b́ĕ Zowănnī Baptĭsta akhî htô̆do khŏnujo nu, Mò̄kho ahtĭage khab́è dèmènomèbè, kîdò̆ amènomèbè dè tòcò phîni pôni tèpwè cè. 13Manè̄ kò̄ d́òdo dō, Prò̆fèt lŏcăcè kî dèhmèla d́ò̆sadòlògè dè htô̆do Zowănnī akhî nu lò. 14Kî thĭ gā thaè b́u d́ō zi ḿî Elĭjah htè agā lab́è dèbwè nu. 15Bija anigu ò, athîhè̆dè dèbwè, zi gī thîhè̆ d́ò̆è.

16“Khŏnujo, Jô gô̄ d́ôthò̆drò bija ajo dôzô kî danè̄? Zi ḿî acab́ô̆ abĭsèpho asańăò dèbwîdèsè̆ adaglākho, kî ad́ò akhò̆golō tòcò gōjo nu, 17‘Wu unihtŏ thĭ htwè̆, ḿî thĭ de gecugekhagè ńò; wo koŏgajāhtŏ, ḿî thĭ do jo da ha ńò.’ 18Manè̄ d́ō, Zowănnī dole; ca ta a tò ò̆ ńò kî bija d́ò, ‘Zè hnè ò.’ 19Bija Apho dole; ca a cò ò̆ kîd́ò̆ bija dò, ‘Tcabò, bija adoa kî ab́èlò̄ thobiscihtĭ, kîd́ò̆ adadèhmŭ kî dèkhòwèpho tòcò athò dèbwè.’ Barasă dèzadèbla nu kè̄ b́è thô̆htôikò̆ d́ŏ aphoali tòcò ò nu.”

U Ako Sa Tòcò

(Lŭka 10.13-15)

20B́ĕnu zè wè̄hto hò̆gè u, htè zè dèbòdèba òè̆ tîkî phî̆htagè u abu tòcò nu. Manè̄ kò̄ d́òdo dō, ada thaè salage atha kî khahlô̆gè adèkhòwè anikhĭ ńò acè̆ nu. 21“B́èkî nè, Korazin! B́èkî nè, Bèthsaĭda! Manè̄ kò̄ d́òdo dō, dèbòdèba htè aphî̆htagè nu bu tòcò, gī phî̆hta ma Tĭro kî Sidŏna abu d́ō, za gā khahlô̆ òjî̄ htŏè zè dèkhòwè d́ŏ ciphe kî phè aklè̆ nu. 22Ḿî Jò d́ò̆sa thĭ, b́ĕ dècirra amuni nu, Tĭro kî Sidŏna adècirra gō do dokò̆ pwĕ thĭ è̆ ńò nu. 23Kîd́ò̆ nè Kapèrnaum u nu, na thaè mèhtajî ne ne, b́ahta d́ŏ Mò̄kholè̄ ā? Nè kè̄ b́è salakò̆ htô̆ dola dèlajò̄ alle nu. Manè̄ kòd́odo d́ō, dèbòdèba phî̆hta ńò ò tòcò, gi phî̆hta ma Sò̆doma u abu d́ō, b́ètèb́èńò akò òwe htô̆ khŏdini jo. 24Ḿî Jò d́ò̆sa nè, htè b́ĕ dècirra amuni nu, Sò̆doma alākho adècirra gô̄ dô sôkò̆ pwĕ acab́ô̆ nè è̆ nu ńò.”

Lehtî Jè kî Òsòd́è̆

(Lŭka 10.21,22)

25B́ĕnu Jezŭ d́òphlò̆htagè gōjo, “Ŏ Apa, Mò̄kho kî Lākho Ab́ĭcè, Ja htăi Nè, d́ŏ Nè lè̄hu dè ajo tòcò bija adèthîhè̆ ò kî ahtî̆nigoni tòcò ahlò̆mò̄, kîd́ò̆ Nè mèthîhè̆gè bija abĭsèpho ajo tòcò akhoacè̆ nu. 26B́èhŏ, Apa, manè̄ kò̄ d́òdo dō, ab́ègè Na tha gōnu.

27“Dèlŏcăcè ḿî Ja Pa ila Ju cukhò bu. Kîd́ò̆ Apa gā hwă, athîhè̆ Pho tò ò dèbwè̆ ńò. Kîd́ò̆ Pho gā hwă athîhè̆ Pa tò ò dèbwè̆ ńò.

28“Thĭ lŏcăcè alab́oladā kî adèb́idèzā hto tòcò, lehtîbò̄ Jè, kî Jè gī i sò̆dūsòd́è̆kò̆ thĭ. 29J́ahtabò̄ Jè hnèj́ab́ò̆ thĭ plĕb́akho, kî phînibò̄ dèthîhè̆ d́ŏ Jò ò nu; manè̄, Jî ḿî athob́îthajū kî abè̄b́ôla ane, kîd́ò̆ thĭ gā pahtîkò̆ dèsò̆dūsòd́è̆ d́ŏ thĭ tho thĭ tha anikhĭ. 30Manè̄ kò̄ d́òdo dō, Jè hnèj́ab́ò̆ ḿî ahjŏ, kî Jè dèb́i ḿî aphĭ.”

Currently Selected:

Mattĕo 11: GRNT21

Highlight

Copy

Want to have your highlights saved across all your devices? Sign up or sign in

Geba Roman New Testament © Bible Society of Myanmar, 2021.

Learn More About Geba Roman New Testament

Popular Bible Verses from
Mattĕo 11

Videos for Mattĕo 11

Matthew 1-13

The Bible Project

Jesus & John The Baptist

Lumo Project

Matthew 11

Lumo Project

Mattĕo 11

Popular Bible Verses from
Mattĕo 11

Videos for Mattĕo 11

Matthew 1-13

Jesus & John The Baptist

Matthew 11

Bible:

Karen, Geba

Version: Geba Roman New Testament - GRNT21

Mattĕo 11

Mattĕo 11

Popular Bible Verses from Mattĕo 11

Videos for Mattĕo 11

Matthew 1-13

Jesus & John The Baptist

Matthew 11

Bible:

Karen, Geba

Version: Geba Roman New Testament - GRNT21

Mattĕo 11

Popular Bible Verses from
Mattĕo 11