Mattĕo 20

Amèdèpho d́ŏ Thobiscige bu Agèlè

1“Mò̄kho ahtĭage mè acab́ô̆ dugumu apa ahèhta lumuwòthab́ĭ cab́ô̆htè za ngā bija le mèdè d́ŏ co thobiscige abu dèbwè akhò̆pha nu. 2Za laglahwă dèmèpho tòcò dini hô̆ dagjā d́ō, za hna legè lōwa d́ŏ co thobiscige bu nu. 3Kîd́ò̆ b́ĕ zè hèhta thŏnare akhî nu, ca tcahtî bija alewe tòcò sò̆hto ò hnahnă d́ŏ dèbwîdèsè̆ adaglākho nu. 4Kîd́ò̆ cò d́ò lōwa tòcò, ‘Thĭ thĭ, lebò̄ d́ŏ jo thobiscige bu nu, kîd́ò̆ ji ki ikò̆ thĭ acab́ô̆ ab́ènibòni thĭ nu.’ 5Kîd́ò̆ anu tòcò le tèpwè. Cè nu, zè hèhta tapla be b́ĕ anarethăthô kî lwīthô danare akhî nu, kî zè mègè gōnu nu. 6Ḿî b́ĕ scidanare akhî nu, zè hèhta kî za pani bija sò̆hto ò alewe tòcò be. Kîd́ò̆ cò d́ò lōwa, ‘Thĭ sò̆hto ò hnahnă ma b́ĕjo dini abu nè̄?’ 7Bija d́òge cè, ‘Bija da ngāgè wa dèbwè̆ ńò akhoacè̆.’ Kîd́ò̆ cò d́ò lōwa tòcò, ‘Thĭ thĭ, lebò̄ d́ŏ jo thobiscige bu nu.’

8“B́ĕ lumula nu thobiscige ab́icè d́ò abwèblô gōjo, ‘Jo dèmèpho tòcò kî ibò̄ zô sô zè hlè̆, i ŭsu agudulă tòcò htô̆ dob́age ale ŭsu tòcò nu.’ 9Mègōnu, alenī dèmèbu b́ĕ scidanare tòcò le d́ō, zi nib́ègè dèbwè dagjā gjā. 10Gōnu acè̆ alenī ŭsu dèmèbu tòcò le nu, zo gomo zi gī nib́è d́osè, barasă zi nib́è tèpwè dèbwè dagjā gjā lò lò. 11Kîd́ò̆ zi phî Hwă d́ō, zô mô̄mô̄îîgè dugumu apa. 12Cò d́ò gōjo, ‘Bija agudulă ajo tòcò mègè dè danare abu lò, ḿî nè i jăthôgè cè kî wa akhab́è dèsòẃè̆b́è̆tha kî dègodègè̄ thèd́è̆ni abu tòcò nu.’ 13Ḿî cè nu, cò d́òge lōwa aklè̆ dèbwè gōjo, ‘Athò, jè dè mè dèkèḿè dimĭ ńò. No to ŏlăkôgè jè nè hlè̆ hô̆ dagjā lò ńò ā? 14Phî nè è̆ ab́èkja nè kî gebò̄. Ja thaè i jăthô bija agudulă ajo dèbwè acab́ô̆ nè nu lò. 15Jè dè mèi za jô hô̆ acab́ô̆ ab́è ja tha nu ńò ā? Ja thahlò̆ acè̆ d́ō, na thaklab́ègè jè ā?’

16“Acab́ô̆ gōnu, bija agudulă tòcò gè kèkò̆ aŭsu, kî aŭsu tòcò gè kèkò̆ agudulă. Manè̄ kò̄ d́òdo dō, bija ab́èjo òè̆bwè, barasă ab́èrô ò tîkîpho lò.”

Jezŭ D́ò̆sadòlo Adèssègnè̆bòdò Thŏplatapla

(Mărko 10.32-34; Lŭka 18.31-34)

17Kîd́ò̆ Jezŭ htakô klè d́ŏ Jerŭsalèm u nu d́ō, Zo jobā Zo bōhmubicè scigībwè kî Cò d́ò lōwa, 18“Tcabò̄, wa hta tèpwè d́ŏ Jerŭsalèm u nu, kîd́ò̆ Bija Aphokhŏ kè̄ b́è ilaphlòḿĭkò̆ Phŭgido tòcò kî Skrĭbāpho tòcò acukhòbu, kî ci ki cirrathĭkò̆ lōwa. 19Kîd́ò̆ ci ki ilakò̆ lōwa bwèthŭkupho acukhòbu, cab́ô̆htè Cè b́è sòlŭsò̆jè̄, b́èhlîb́èṕlè̆, kî b́è htalaglo Krusu alò nu, kîd́ò̆ thŏni dini nu, Za gā htabogekò̆.”

Amo Dèbwè Adèda

(Mărko 10.35-45)

20B́ĕnu Zebedi ahmè̆ lekô apho akă d́ŏ Jezŭ ò nu, zò gò̄laò lōwa ahlò̆mò̄ cab́ô̆htè za gā da lōwa dè dimi nu.

21Jezŭ d́ò cè, “Na thaèni danè̄?”

Cò d́ò lōwa gōjo, “D́òbò̄ cab́ô̆htè jo pho ajo gībwè gā sańăòb́è Nu cudèhtwè dèbwè kî Nu cutîcî dèbwè, d́ŏ Ni htĭ Ne ge abu nu tîkî.”

22Ḿî Jezŭ d́òge cè, “Thĭ da danè̄ nu thĭ di thîhè̆ ńò. Thĭ ò̆ kèhtabò̄ còlò htè Jo kò ò̆ nu ā?”

“Wò ò̆ kèhta tèpwè,” cò d́òge lōwa d́o.

23Cò d́ò lōwa tòcò, “Jò còlò nu thĭ kò ò̆b́èkò̆ hŏ; barasă aki i thĭ sańă Ju cukhò adèhtwè dòkhò̆ ḿîwî, atîcî dòkhò̆ ḿîwî nu atè b́èkja Jè ńò, agā sańăòb́è ḿî bija htè Apa prahnè htŏ anikhĭ tòcò nu.”

24Kîd́ò̆ alewe abwèsci thîhè̆b́è ajo d́ō, cè thèhtègè athè̆buwe anu gībwè nu. 25Barasă Jezŭ jogè cè tòcò d́ŏ cò ò nu, kî Cò d́ò, “Thĭ thîhè̆b́è tèpwè htè bwèthŭkupho asaphrapho tòcò d́oijai akhò̆ akho, kîd́ò̆ bija adolĭ akhò̆ tòcò d́è̆lî̄ akhò̆ akho aphlŭathere nu. 26D́ŏ thĭ klè̆ nu dè gī dî ḿî gōnu ńò, ḿî thĭ klè̆ dèbwèbwè gā thaè dolĭ akhò̆ d́ō, za khazô d́ò̆è thĭ. 27Kîd́ò̆ d́ŏ thĭ klè̆ athaè kè aŭsu dèbwè gī ḿî d́ò̆è thĭ zô thĭ bwè. 28Gōnu akhò̆, Bija Apho da lagè cab́ô̆htè bija gā khazô Cè nu ńò, ḿî cab́ô̆htè Za gā khazô bija kî Ci kī ila Ca tha bija òè̆bwè adèbwîge anikhĭ nu.”

Bwèmēkhi d́ŏ Jĕrikho tòcò

(Mărko 10.46-52; Lŭka 18.35-43)

29Kîd́ò̆ cè tòcò hèhta Jĕrikho U d́ō, bija òèòò lôkôgè ze le. 30Kîd́ò̆ tcabò̄, agādŭkhi asańăò klèkhŏ gībwè thîhè̆b́è Jezŭ le thô̆bô̄ dō, cè kèwo kî cò d́ò, “Ŏ B́ĭcè, Dăvid aphokhŏ, khòwèbò̄ wa tîkî.”

31Ḿî bija aboahò hò̆ cè cab́ô̆htè cò kò òzòbò̄ nu. Barasă d́î̆ cè kèwogè dòkhò̆. “Ŏ B́ĭcè, Dăvid aphokhŏ, khòwèbò̄ wa tîkî,” cò d́òdo.

32Jezŭ sò̆hto ò, Zo jo lōwa kî Cò d́ò, “Thĭ thaèni Jè mèni thĭ danè̄?”

33Cò d́ò lōwa, “B́ĭcè, wa gādŭ gî̄ hlî̆htage d́ò̆è tîkî.”

34Kîd́ò̆ Jezŭ khòwè cè tòcò d́ō, Zo bōwè̄ lōwa agādŭ alò, kî za tcahtî danāgè kî zô lôkô lōwa ale.

Currently Selected:

Mattĕo 20: GRNT21

Highlight

Copy

Want to have your highlights saved across all your devices? Sign up or sign in

Learn More About Geba Roman New Testament

Popular Bible Verses from
Mattĕo 20

Videos for Mattĕo 20

Matthew 14-28

The Bible Project

Matthew 20

Lumo Project

Mattĕo 20

Popular Bible Verses from
Mattĕo 20

Videos for Mattĕo 20

Matthew 14-28

Matthew 20

Bible:

Karen, Geba

Version: Geba Roman New Testament - GRNT21

Mattĕo 20

Mattĕo 20

Popular Bible Verses from Mattĕo 20

Videos for Mattĕo 20

Matthew 14-28

Matthew 20

Bible:

Karen, Geba

Version: Geba Roman New Testament - GRNT21

Mattĕo 20

Popular Bible Verses from
Mattĕo 20