ထဝ်ꩡ︀တ︀်ႉၵ︀ဝ် 1
1
1-2ꩡ︀ဝ်ႛတ︀ေႃၸ︀ိလ︀ုꩴ︀း ပ︀ၢပ︀်ႉဢ︀ꩫ︀်ႈက︀ဝ်ႈ ꩭႃပ︀ထမ︀တ︀ႅမ︀်ႛမ︀ႃးမ︀ႆ︀ႛ ဢ︀ꩫ︀်ႈꩡ︀ဝ်ႛယ︀ေꩬ︀ုꩭီတ︀်မ︀ႃး ꩬ︀ွꩫ︀်မ︀ႃးꩫ︀ႆ︀ႇၵ︀ဝ် လ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ ဢ︀ဝ်ႈထိုင︀်ဝꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈၵ︀ိုꩫ︀်ႛက︀ႃက︀ၢင︀်ႈꩭၢဝ်ꩫ︀ႆ︀ႇ တ︀င︀်းမ︀ိူင︀်းတ︀ႅမ︀်ႛဝႆ︀ႇဢ︀ူ။ ꩡ︀ဝ်ႛယ︀ေꩬ︀ုယ︀ႃႇ မ︀ိူဝ်ႈမ︀ꩫ︀်းꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩵ︀ႈပ︀ႆ︀ဢ︀ဝ်ႈၵ︀ိုꩫ︀်ႛက︀ႃက︀ၢင︀်ႈꩭၢဝ်ꩫ︀ႆ︀ႇ တ︀မ︀ၢꩫ︀်ꩡ︀ဝ်ႛ ဢ︀ꩫ︀်ႈမ︀ꩫ︀်းꩡ︀ဝ်ႛလ︀ိူက︀်ႉဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈတ︀ꩫ︀်းၵ︀ူဝ်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ꩬ︀င︀်ဝႆ︀ႇမ︀ႃးဢ︀ူ။ 3က︀ꩫ︀်ႛလ︀င︀်မ︀ꩫ︀်းꩡ︀ဝ်ႛၵ︀ၢမ︀်တ︀ႆ︀ၢႈယ︀ဝ်ႇꩫ︀ႆ︀ႇမ︀ႆ︀ႛ မ︀ꩫ︀်းꩡ︀ဝ်ႛꩫ︀ိပ︀်ပ︀ွက︀်ႉမ︀ႃးယ︀ဝ်ႇꩫ︀ꩫ︀ႆ︀ႇ ꩬ︀ီꩬ︀ိပ︀်ဝꩫ︀်းတ︀ၢင︀်ႈꩰ လ︀ႆ︀ၢပ︀ၢꩫ︀်ႈလ︀ႆ︀ၢၸ︀ꩫ︀်း ပ︀ျႃးတ︀ူဝ်ႈꩬ︀ီ ꩬ︀ၢက︀်ႉꩬ︀ေပ︀ျႃးတ︀ေႇတ︀ေႇꩭႂ်ႛမ︀ႃးဢ︀ူ။ တ︀ပ︀ေးꩡ︀ဝ်ႛၵ︀ဝ် ꩡ︀ဝ်ႛယ︀ေꩬ︀ုမ︀ႆ︀ႛ ꩫ︀ႆ︀ႛꩭꩫ︀်မ︀ႃးꩬ︀ီ မ︀ꩫ︀်းꩡ︀ဝ်ႛက︀ေႃႇ ၵ︀ဝ်မ︀ႆ︀ႛလ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛꩬ︀ွꩫ︀်ꩭႂ်ႛမ︀ႃးဢ︀ူ။
4မ︀ိူဝ်ႈၵ︀ဝ်ꩡ︀ဝ်ႛတ︀ုမ︀်ႈက︀ꩫ︀်ႈꩬ︀ီ ꩭူမ︀်ႈက︀ိꩫ︀်ႈၵ︀ဝ်ႛꩫ︀ႆ︀ႇ မ︀ꩫ︀်းꩡ︀ဝ်ႛယ︀ႃႇ “ꩬ︀ူလ︀ုက︀်ႉဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛ ပ︀ီဢ︀ွက︀်က︀ႃ။ ꩬ︀ူးက︀ျေးꩡ︀ူးဢ︀ꩫ︀်ႈပ︀ူဝ်က︀ဝ်ႈ ꩭႂ်ႛက︀တ︀ိဝႆ︀ႇꩫ︀ႆ︀ႇမ︀ႆ︀ႛ ထႃႛꩬ︀ီဢ︀ူတ︀ႃႉ။ လ︀ွင︀်ႈꩬ︀ူးက︀ျေးꩡ︀ူးဢ︀မ︀ႂ်း မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛ က︀ဝ်ႈၵ︀ႆ︀ႈမ︀ႃးယ︀ဝ်ႇ။ 5ꩬ︀ြႃယ︀ေႃးꩭၢꩫ︀်ယ︀ႃႇ ꩬ︀ူမ︀ႆ︀ႛမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩭႂ်ႛမ︀ႃးယ︀ဝ်ႇ။ ꩫ︀ႆ︀ႇꩫ︀က︀ေႃႇ က︀ဝ်ႈယ︀ႃႇꩬ︀ူမ︀ႆ︀ႛ မ︀ဝ်ꩭိုင︀်က︀ꩬ︀င︀် ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်တ︀ီꩬ︀ႂ်ꩭႂ်ႛꩫ︀ႆ︀ႇ” ꩫ︀ဝꩫ︀်ႇ။
လ︀ွင︀်ႈꩡ︀ဝ်ႛယ︀ေꩬ︀ုမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈၵ︀ိုꩫ︀်ႛက︀ႃက︀ၢင︀်ႈꩭၢဝ်
6မ︀ိူဝ်ႈတ︀မ︀ၢꩫ︀်ꩡ︀ဝ်ႛၵ︀ဝ် တ︀င︀်းꩡ︀ဝ်ႛယ︀ေꩬ︀ုꩭꩫ︀်က︀ꩫ︀်ႈꩫ︀ႆ︀ႇ ၵ︀ဝ်ယ︀ႃႇ “ꩡ︀ဝ်ႛꩴ︀း လ︀ႃႉꩫ︀ႆ︀ႇ မ︀ိူင︀်းဢ︀ီတ︀်ꩬ︀ြေးမ︀ႆ︀ႛ လ︀ုက︀်ႉက︀ꩫ︀်ႛတ︀ႂ်ႛမ︀ိုဝ်းပ︀ိူꩫ︀်ႈမ︀ႆ︀ႛ တ︀ီဢ︀ဝ်ႈလ︀ွတ︀်ႉꩭႂ်ႛပ︀ွက︀်ႉတ︀ီၵ︀ႃႛက︀ျႃး” ꩫ︀ꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ꩬ︀ွက︀်ႉထၢမ︀်ဢ︀ူ။ 7ꩡ︀ဝ်ႛယ︀ေꩬ︀ုယ︀ႃႇ “ယ︀ၢမ︀်းဢ︀ꩫ︀်ႈ ဢ︀ꩫ︀်ႈꩫ︀ႆ︀ႇၵ︀ဝ် မ︀ိူဝ်ႈလ︀ႂ်ႈတ︀ီပ︀ီꩫ︀်ႈမ︀ႃးꩫ︀ꩫ︀ႆ︀ႇယ︀ႃႇ ဢ︀ꩫ︀်ႈပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛပ︀ိူꩫ︀်ႈꩡ︀ဝ်ႛ ဢ︀ဝ်ႈဢ︀ႃꩫ︀ႃမ︀ꩫ︀်းꩡ︀ဝ်ႛ ꩬ︀ၢင︀်ဝႆ︀ႇꩫ︀မ︀်။ ဢ︀ꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈꩬ︀ူဝႃႈတ︀ွင︀်းꩵ︀ႈꩡ︀ႂ်ႈ။ 8ꩫ︀ႆ︀ႇꩫ︀က︀ေႃႇ မ︀ိူဝ်ႈက︀ꩫ︀်ႛꩫ︀ိူဝ်ꩬ︀ူမ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛက︀ျွႃးမ︀ႃးꩫ︀ႆ︀ႇ ꩬ︀ူမ︀ႆ︀ႛတ︀ꩫ︀်းၵ︀ူဝ်းမ︀ꩫ︀်းꩡ︀ဝ်ႛ တ︀ီမ︀်ႈꩬ︀ီ ꩬ︀ူယ︀ႃႇ လ︀ုက︀်ႉဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛက︀ူဝ်ꩬ︀ီ၊ တ︀ိူင︀်းယ︀ုတ︀တ︀င︀်းတ︀ိူင︀်း၊ တ︀ိူင︀်းꩬ︀မ︀ႃရ︀ိင︀ႆ︀း က︀မ︀်ၸ︀ႃတ︀င︀်းꩡ︀ꩫ︀်ႇမ︀ႆ︀ႛ တ︀ီꩫ︀ႆ︀ႛꩭီတ︀်ꩬ︀ၢက︀်ႉꩬ︀ေက︀ဝ်ႈꩫ︀မ︀်” ꩫ︀ဝꩫ︀်ႇ။
9မ︀ꩫ︀်းꩡ︀ဝ်ႛဝႃႈင︀ႆ︀းယ︀ဝ်ႇက︀ီး မ︀ိူဝ်ႈတ︀ပ︀ေးꩡ︀ဝ်ႛၵ︀ဝ် ꩫ︀ူႈက︀ꩫ︀်ႈꩬ︀ီဢ︀ူꩫ︀ႆ︀ႇ မ︀ꩫ︀်းꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈၵ︀ိုꩫ︀်ႛက︀ႃက︀ၢင︀်ႈꩭၢဝ်ဢ︀ူ။ မ︀ꩫ︀်းꩡ︀ဝ်ႛမ︀ႆ︀ႛ မ︀ွက︀်လ︀ုမ︀်ႛꩬ︀ီ က︀ꩫ︀်ႛꩫ︀ႂ်းမ︀ွက︀်မ︀ႆ︀ႛ ꩭႆ︀ၢက︀ႃဢ︀ူ။ 10ꩡ︀ဝ်ႛယ︀ေꩬ︀ုၵ︀ိုꩫ︀်ႛက︀ႃꩫ︀ႆ︀ႇမ︀ႆ︀ႛ မ︀ိူဝ်ႈၵ︀ဝ်လ︀ႅမ︀်းက︀ꩫ︀်ႈꩬ︀ီဢ︀ူꩫ︀ႆ︀ႇ က︀ꩡ︀ူးၵ︀ုꩫ︀်ꩬ︀ၢင︀်ꩬ︀ွင︀်ပ︀ႃး တ︀ႆ︀ၢႛၵ︀ၢင︀်ႛၵ︀ဝ်မ︀ႆ︀ႛမ︀ႃးꩬ︀ဝ်းဢ︀ူ။ 11ယ︀ဝ်ႇက︀ီး “က︀ူꩫ︀်းတ︀ိူင︀်းက︀ႃလ︀ိလ︀ႄးၵ︀ဝ်ꩴ︀း ꩬ︀ူꩭီတ︀်က︀ꩬ︀င︀်ꩫ︀ႆ︀ မ︀ႆ︀ႛꩬ︀ဝ်းꩬ︀ီ က︀ၢင︀်ႈꩭၢဝ်မ︀ႆ︀ႛလ︀ႅမ︀်းဢ︀ူꩫ︀ႆ︀ႇ။ ꩫ︀င︀်င︀ႆ︀ႚမ︀ꩫ︀်းꩡ︀ဝ်ႛၵ︀ိုꩫ︀်ႛက︀ႃက︀ၢင︀်ႈꩭၢဝ်ꩫ︀ႆ︀ႇမ︀ႆ︀ႛ ꩬ︀ူꩭꩫ︀်ꩫ︀က︀ꩫ︀်ႈ မ︀ꩫ︀်းꩡ︀ဝ်ႛတ︀ီလ︀ူင︀်းပ︀ွက︀်ႉမ︀ႃးꩫ︀မ︀်” ꩫ︀ဝꩫ︀်ႇ။
ၸ︀ူႛꩬ︀ုပ︀်ႉတ︀ီႈယ︀ုတ︀
12ဝႆ︀ၢးဢ︀မ︀ႂ်း တ︀မ︀ၢꩫ︀်ꩡ︀ဝ်ႛၵ︀ဝ် ဝီင︀်းယ︀ေရ︀ုꩬ︀လ︀ိမ︀် ဢ︀ꩫ︀်ႈလ︀ုက︀်ႉꩫ︀ွႆ︀ႈတ︀ၢꩫ︀်လ︀ူꩫ︀်မ︀ႆ︀ႛ ၵ︀ꩫ︀်ၸ︀ႃၵ︀ိူင︀်းက︀ၢင︀်ႈမ︀ႅင︀်က︀ႆ︀ႈမ︀ႆ︀ႛ မ︀ိူဝ်းက︀ႃဢ︀ူ။ 13ၵ︀ဝ်ယ︀ႃႇက︀ꩫ︀်ႛꩫ︀ႂ်းဝီင︀်းမ︀ႆ︀ႛထိုင︀်က︀ီး ꩭိူꩫ︀်းဢ︀ꩫ︀်ႈၵ︀ဝ်ဢ︀ူ ꩭၢꩫ︀်ႇက︀ꩫ︀်ႛꩫ︀ိူဝ်မ︀ႆ︀ႛ ၵ︀ိုꩫ︀်ႛက︀ႃဢ︀ူ။ ၵ︀ဝ်ယ︀ႃႇ ပ︀ေတ︀ရ︀ု၊ ယ︀ေႃးꩭၢꩫ︀်၊ ယ︀ႃက︀ု၊ ဢ︀ꩫ︀်တ︀ြေ၊ ၸ︀ိလ︀ိပ︀်၊ တ︀ေႃမ︀၊ ပ︀ႃတ︀ေႃလ︀မ︀ႄ၊ မ︀တ︀်တ︀ႄး၊ ယ︀ႃက︀ုၸ︀ူႛလ︀ုက︀်ႉဢ︀ႃလ︀ၸ︀ႄ၊ ꩬ︀ႅင︀်မ︀ုꩫ︀်ၸ︀ူႛꩭၢက︀်ႉၸ︀ꩫ︀်းင︀ႆ︀း ယ︀ုတ︀ၸ︀ူႛလ︀ုက︀်ႉယ︀ႃက︀ုၵ︀ဝ်ꩫ︀မ︀်။ 14ၵ︀ဝ်င︀ႆ︀း ၸ︀ူႛယ︀ိင︀်းꩫ︀ႆ︀ႇၵ︀ဝ် မ︀ဝ်ယ︀ၢꩫ︀်မ︀ဝ်ယ︀ၢꩫ︀်တ︀ုမ︀်ႈက︀ꩫ︀်ႈꩬ︀ီ ယ︀ွꩫ︀်းꩬ︀ူးဢ︀ူ။ မ︀ေရ︀ီၸ︀ူႛမ︀ေႈꩡ︀ဝ်ႛယ︀ေꩬ︀ုင︀ႆ︀း ၸ︀ူႛꩫ︀ွင︀်ႇꩡ︀ႆ︀ၢးမ︀ꩫ︀်းꩡ︀ဝ်ႛၵ︀ဝ်က︀ေႃႇ လ︀ွေႛဢ︀ူ။ 15ꩬ︀ွင︀်ꩬ︀ၢမ︀်ဝꩫ︀်းꩭိုင︀်က︀ီး ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် ၵ︀ꩫ︀်ပ︀ၢက︀်ꩬ︀ၢဝ်းက︀ူဝ်ႇလ︀ိူင︀်ႈ တ︀ုမ︀်ႈက︀ꩫ︀်ႈꩬ︀ီ ꩭီတ︀်ပ︀ၢင︀်ႈက︀ုမ︀်ႈဢ︀ူ။ မ︀ိူဝ်ႈဢ︀မ︀ႂ်း ပ︀ေတ︀ရ︀ုလ︀ုက︀်ႉꩬ︀ီ 16“ပ︀ီႈꩫ︀ွင︀်ႇၵ︀ဝ်ꩴ︀း လ︀ွင︀်ႈယ︀ုတ︀ ဢ︀ꩫ︀်ႈၸ︀ူႛꩬ︀ႅဝ်ႛꩡ︀ဝ်ႛယ︀ေꩬ︀ုꩫ︀ႆ︀ႇၵ︀ဝ်မ︀ႆ︀ႛ ဢ︀ွꩫ︀်ႈတ︀ၢင︀်းꩫ︀ႆ︀ႇယ︀ႃႇ ꩫ︀င︀်က︀ျမ︀်းလ︀ိက︀်ႉမ︀ႆ︀ႛ ꩡ︀ဝ်ႛꩭူဝ်ၵ︀မ︀်းၻႃဝိမ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛဝႃႈမ︀ႃးꩫ︀ႆ︀ႇꩫ︀က︀ꩫ︀်ႈ ဝႃႈပ︀ီꩫ︀်ႈမ︀ႃးꩫ︀မ︀်။ 17ယ︀ုတ︀ယ︀ႃႇ ꩡ︀ဝ်ႛယ︀ေꩬ︀ုပ︀ိူꩫ︀်ႈꩡ︀ဝ်ႛ ꩭၢင︀်းတ︀င︀်းꩭဝ်းꩭူမ︀်ႈꩭီတ︀်ဢ︀မ︀ူး လ︀ိူက︀်ႉဝႆ︀ႇꩫ︀ႆ︀ႇꩬ︀ီ က︀ူꩫ︀်းက︀ုမ︀်ႛꩭဝ်းꩫ︀မ︀်” ꩫ︀ဝꩫ︀်ႇ။ 18ယ︀ုတ︀ယ︀ႃႇ ဢ︀ဝ်ႈင︀ိူꩫ︀်းဢ︀ꩫ︀်ႈမ︀ꩫ︀်းၸ︀ူႛꩡ︀ဝ်ႛ ꩡ︀ဝ်ႛယ︀ေꩬ︀ုမ︀ႆ︀ႛ ၸ︀ုꩫ︀်ႇꩬ︀ႅတ︀်ႉꩡ︀ႃꩬ︀ီꩫ︀ႆ︀ႛမ︀ႃးꩫ︀ႆ︀ႇ ꩫ︀ိꩫ︀်ႈၵ︀ူင︀်ႇလ︀ိူင︀်ႈꩬ︀ိုဝ်ႇꩬ︀ီ တ︀ီႈဢ︀မ︀ႂ်းမ︀ႆ︀ႛ က︀ႃလ︀ူမ︀်ႇတ︀ႆ︀ၢႈယ︀ဝ်ႇ။ တ︀ွင︀်ႇမ︀ꩫ︀်းတ︀ႅက︀်ၸ︀ႃꩬ︀ီ ꩬ︀ႆ︀ႛမ︀ꩫ︀်းꩫ︀ႆ︀ႇၵ︀ဝ်ပ︀ုꩫ︀်းဢ︀ွက︀်မ︀ႃးဢ︀ူ။ 19က︀ူꩫ︀်းဢ︀ꩫ︀်ႈဢ︀ူဝီင︀်းယ︀ေရ︀ုꩬ︀လ︀ိမ︀်ꩫ︀ႆ︀ႇၵ︀ဝ်တ︀င︀်းမ︀ိူင︀်း လ︀ွင︀်ႈꩫ︀ႆ︀ႇꩫ︀ႆ︀ႛꩥ︀ိꩫ︀်းက︀ꩫ︀်ႈဢ︀ူ။ င︀ႆ︀းꩬ︀ီၵ︀ဝ်ယ︀ႃႇ တ︀ီႈဢ︀မ︀ႂ်းမ︀ႆ︀ႛ “ဢ︀က︀ေလ︀တ︀မ︀” ꩫ︀ꩬ︀ီꩭွင︀်ႇဢ︀ူ။ ဢ︀က︀ေလ︀တ︀မ︀ꩫ︀ꩫ︀ႆ︀ႇ ꩫ︀ိꩫ︀်ႈꩫ︀ိူတ︀်ႉꩫ︀ꩫ︀မ︀်။
20ပ︀ေတ︀ရ︀ုယ︀ႃႇ က︀ၢပ︀်ꩬ︀ီ “က︀ျမ︀်းꩬ︀ႃလ︀ၢမ︀်မ︀ႆ︀ႛ
“တ︀ီႈမ︀ꩫ︀်းယ︀ႃႇ ꩭႂ်ႛပ︀ဝ်က︀ႃတ︀ႃႉ။
ၸ︀ႂ်က︀ေႃႇ ပ︀ီꩭႂ်ႛဢ︀ူက︀ႃတ︀ႃႉ”
ꩫ︀ꩬ︀ီတ︀ႅမ︀်ႛဝႆ︀ႇဢ︀ူ။ ယ︀ဝ်ႇက︀ီး
“ဢ︀ယ︀ႃမ︀ꩫ︀်းမ︀ႆ︀ႛ ပ︀ိူꩫ︀်ႈတ︀ၢင︀်က︀ူဝ်ႇ ꩭႂ်ႛꩬ︀ုပ︀်ႉက︀ႃတ︀ႃႉ” ꩫ︀က︀ေႃႇတ︀ႅမ︀်ႛဝႆ︀ႇဢ︀ူ။
21-22က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ က︀ူꩫ︀်းꩡ︀ႃႇꩭၢင︀်းꩭီတ︀်ꩬ︀ၢက︀်ႉꩬ︀ေ ဢ︀ꩫ︀်ႈꩡ︀ဝ်ႛယ︀ေꩬ︀ု လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇ က︀ူဝ်ႇလ︀ိူင︀်ႈဝႃႈလ︀ိူက︀်ႉဢ︀ူ။ က︀ူဝ်ႇဢ︀မ︀ႂ်းယ︀ႃႇ ဝႃႈပ︀ီꩫ︀်ႈက︀ူꩫ︀်းဢ︀ꩫ︀်ႈတ︀င︀်းတ︀ူႈꩭူမ︀်ႈꩡ︀ွမ︀်းလ︀င︀်ꩡ︀ဝ်ႛယ︀ေꩬ︀ုꩬ︀ီ ဢ︀ူမ︀ႃးင︀ႆ︀း ဢ︀ꩫ︀်ႈလ︀ုက︀်ႉမ︀ိူဝ်ႈꩡ︀ဝ်ႛယ︀ေꩬ︀ုမ︀ႆ︀ႛ ꩬ︀ြႃယ︀ေႃးꩭၢꩫ︀် ꩭႂ်ႛမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇပ︀ုꩫ︀်ႛ ဢ︀ဝ်ႈထိုင︀်ဝꩫ︀်းဢ︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈၵ︀ိုꩫ︀်ႛက︀ႃက︀ၢင︀်ႈꩭၢဝ်ꩫ︀ႆ︀ႇ တ︀င︀်းမ︀ꩫ︀်းꩡ︀ဝ်ႛ က︀ူႈမ︀ိုဝ်ႇꩭူမ︀်ႈဢ︀ူမ︀ႃးꩫ︀ႆ︀ႇꩫ︀မ︀် ဝႃႈပ︀ီꩫ︀်ႈꩫ︀ႆ︀ႇ” ꩫ︀ဝꩫ︀်ႇ။
23င︀ႆ︀းꩬ︀ီ တ︀ပ︀ေးꩡ︀ဝ်ႛၵ︀ဝ်ယ︀ႃႇ ယ︀ေႃတ︀ၢတ︀်ꩫ︀ၵ︀ႃမ︀တ︀်တ︀ိꩫ︀ꩫ︀ႆ︀ႇ က︀ူꩫ︀်းꩬ︀ွင︀်က︀ူဝ်ႇမ︀ႆ︀ႛ လ︀ိူက︀်ႉဝႆ︀ႇဢ︀ူ။ ယ︀ေႃးတ︀ၢတ︀်မ︀ႆ︀ႛပ︀ႃꩬ︀ျပ︀ꩫ︀က︀ေႃႇꩭွင︀်ႇꩬ︀ီ က︀ꩫ︀်ႛလ︀င︀်မ︀ႆ︀ႛယ︀ႃႇ ယ︀ုက︀်တ︀ုꩫ︀ꩬ︀ီꩭွင︀်ႇဢ︀ူ။ 24-25ယ︀ဝ်ႇက︀ီး ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်ယ︀ႃႇ “ꩡ︀ဝ်ႛထႃဝရ︀ၸ︀ြႃး တ︀ီၵ︀ႃႛ ၵ︀ိင︀်းတ︀ူဝ်ꩡ︀ဝ်ႛယ︀ႃႇ ꩡ︀ႂ်ႈက︀ူꩫ︀်းတ︀င︀်းမ︀ိူင︀်းမ︀ႆ︀ႛ တ︀ွင︀်းတ︀ီၵ︀ႃႛဢ︀ူ။ ယ︀ုတ︀ယ︀ႃႇ ဢ︀ယ︀ႃတ︀မ︀ၢꩫ︀်ꩡ︀ဝ်ႛမ︀ꩫ︀်းမ︀ႆ︀ႛ ၵ︀ွတ︀်ꩬ︀ီ တ︀ီႈဢ︀ꩫ︀်ႈမ︀ꩫ︀်းထႅက︀်ႉမ︀ႆ︀ႛက︀ႃယ︀ဝ်ႇ။ င︀ႆ︀းꩬ︀ီ ဢ︀ယ︀ႃꩫ︀ႆ︀ႇမ︀ႆ︀ႛ ၸ︀ႂ်ထုက︀်တ︀ၢင︀်ႈꩫ︀ꩫ︀ႆ︀ႇ လ︀ုက︀်ႉက︀ူꩫ︀်းꩬ︀ွင︀်က︀ူဝ်ႇꩫ︀ႆ︀ႇမ︀ႆ︀ႛ လ︀ိူက︀်ႉꩭႂ်ႛတ︀ီၵ︀ႃႛမ︀ႃးတ︀ႃႉ” ꩫ︀ꩬ︀ီယ︀ွꩫ︀်းꩬ︀ူးက︀ꩫ︀်ႈဢ︀ူ။
26ယ︀ွꩫ︀်းꩬ︀ူးယ︀ဝ်ႇꩬ︀ီ ꩬ︀ွင︀်ၵ︀ႃမ︀ႆ︀ႛ ꩭႂ်ႛထိမ︀်ႛꩭွေမ︀ေႛက︀ီး မ︀တ︀်တ︀ိꩫ︀ႆ︀ႛက︀ႃဢ︀ူ။ င︀ႆ︀းꩬ︀ီ မ︀ꩫ︀်းမ︀ႆ︀ႛ လ︀ိူက︀်ႉတ︀ၢင︀်ꩬ︀ီ တ︀င︀်းတ︀မ︀ၢꩫ︀်ꩡ︀ဝ်ႛꩬ︀ိပ︀်ဢ︀ီတ︀်က︀ူဝ်ႇ ဢ︀ဝ်ႈၵ︀ဝ်ႛက︀ုမ︀်ႛတ︀မ︀ၢꩫ︀်ꩡ︀ဝ်ႛၵ︀ဝ်က︀ႃယ︀ဝ်ႇ။
Currently Selected:
ထဝ်ꩡ︀တ︀်ႉၵ︀ဝ် 1: kht
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
ထဝ်ꩡ︀တ︀်ႉၵ︀ဝ် 1
1
1-2ꩡ︀ဝ်ႛတ︀ေႃၸ︀ိလ︀ုꩴ︀း ပ︀ၢပ︀်ႉဢ︀ꩫ︀်ႈက︀ဝ်ႈ ꩭႃပ︀ထမ︀တ︀ႅမ︀်ႛမ︀ႃးမ︀ႆ︀ႛ ဢ︀ꩫ︀်ႈꩡ︀ဝ်ႛယ︀ေꩬ︀ုꩭီတ︀်မ︀ႃး ꩬ︀ွꩫ︀်မ︀ႃးꩫ︀ႆ︀ႇၵ︀ဝ် လ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ ဢ︀ဝ်ႈထိုင︀်ဝꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈၵ︀ိုꩫ︀်ႛက︀ႃက︀ၢင︀်ႈꩭၢဝ်ꩫ︀ႆ︀ႇ တ︀င︀်းမ︀ိူင︀်းတ︀ႅမ︀်ႛဝႆ︀ႇဢ︀ူ။ ꩡ︀ဝ်ႛယ︀ေꩬ︀ုယ︀ႃႇ မ︀ိူဝ်ႈမ︀ꩫ︀်းꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩵ︀ႈပ︀ႆ︀ဢ︀ဝ်ႈၵ︀ိုꩫ︀်ႛက︀ႃက︀ၢင︀်ႈꩭၢဝ်ꩫ︀ႆ︀ႇ တ︀မ︀ၢꩫ︀်ꩡ︀ဝ်ႛ ဢ︀ꩫ︀်ႈမ︀ꩫ︀်းꩡ︀ဝ်ႛလ︀ိူက︀်ႉဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈတ︀ꩫ︀်းၵ︀ူဝ်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ꩬ︀င︀်ဝႆ︀ႇမ︀ႃးဢ︀ူ။ 3က︀ꩫ︀်ႛလ︀င︀်မ︀ꩫ︀်းꩡ︀ဝ်ႛၵ︀ၢမ︀်တ︀ႆ︀ၢႈယ︀ဝ်ႇꩫ︀ႆ︀ႇမ︀ႆ︀ႛ မ︀ꩫ︀်းꩡ︀ဝ်ႛꩫ︀ိပ︀်ပ︀ွက︀်ႉမ︀ႃးယ︀ဝ်ႇꩫ︀ꩫ︀ႆ︀ႇ ꩬ︀ီꩬ︀ိပ︀်ဝꩫ︀်းတ︀ၢင︀်ႈꩰ လ︀ႆ︀ၢပ︀ၢꩫ︀်ႈလ︀ႆ︀ၢၸ︀ꩫ︀်း ပ︀ျႃးတ︀ူဝ်ႈꩬ︀ီ ꩬ︀ၢက︀်ႉꩬ︀ေပ︀ျႃးတ︀ေႇတ︀ေႇꩭႂ်ႛမ︀ႃးဢ︀ူ။ တ︀ပ︀ေးꩡ︀ဝ်ႛၵ︀ဝ် ꩡ︀ဝ်ႛယ︀ေꩬ︀ုမ︀ႆ︀ႛ ꩫ︀ႆ︀ႛꩭꩫ︀်မ︀ႃးꩬ︀ီ မ︀ꩫ︀်းꩡ︀ဝ်ႛက︀ေႃႇ ၵ︀ဝ်မ︀ႆ︀ႛလ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛꩬ︀ွꩫ︀်ꩭႂ်ႛမ︀ႃးဢ︀ူ။
4မ︀ိူဝ်ႈၵ︀ဝ်ꩡ︀ဝ်ႛတ︀ုမ︀်ႈက︀ꩫ︀်ႈꩬ︀ီ ꩭူမ︀်ႈက︀ိꩫ︀်ႈၵ︀ဝ်ႛꩫ︀ႆ︀ႇ မ︀ꩫ︀်းꩡ︀ဝ်ႛယ︀ႃႇ “ꩬ︀ူလ︀ုက︀်ႉဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛ ပ︀ီဢ︀ွက︀်က︀ႃ။ ꩬ︀ူးက︀ျေးꩡ︀ူးဢ︀ꩫ︀်ႈပ︀ူဝ်က︀ဝ်ႈ ꩭႂ်ႛက︀တ︀ိဝႆ︀ႇꩫ︀ႆ︀ႇမ︀ႆ︀ႛ ထႃႛꩬ︀ီဢ︀ူတ︀ႃႉ။ လ︀ွင︀်ႈꩬ︀ူးက︀ျေးꩡ︀ူးဢ︀မ︀ႂ်း မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛ က︀ဝ်ႈၵ︀ႆ︀ႈမ︀ႃးယ︀ဝ်ႇ။ 5ꩬ︀ြႃယ︀ေႃးꩭၢꩫ︀်ယ︀ႃႇ ꩬ︀ူမ︀ႆ︀ႛမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩭႂ်ႛမ︀ႃးယ︀ဝ်ႇ။ ꩫ︀ႆ︀ႇꩫ︀က︀ေႃႇ က︀ဝ်ႈယ︀ႃႇꩬ︀ူမ︀ႆ︀ႛ မ︀ဝ်ꩭိုင︀်က︀ꩬ︀င︀် ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်တ︀ီꩬ︀ႂ်ꩭႂ်ႛꩫ︀ႆ︀ႇ” ꩫ︀ဝꩫ︀်ႇ။
လ︀ွင︀်ႈꩡ︀ဝ်ႛယ︀ေꩬ︀ုမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈၵ︀ိုꩫ︀်ႛက︀ႃက︀ၢင︀်ႈꩭၢဝ်
6မ︀ိူဝ်ႈတ︀မ︀ၢꩫ︀်ꩡ︀ဝ်ႛၵ︀ဝ် တ︀င︀်းꩡ︀ဝ်ႛယ︀ေꩬ︀ုꩭꩫ︀်က︀ꩫ︀်ႈꩫ︀ႆ︀ႇ ၵ︀ဝ်ယ︀ႃႇ “ꩡ︀ဝ်ႛꩴ︀း လ︀ႃႉꩫ︀ႆ︀ႇ မ︀ိူင︀်းဢ︀ီတ︀်ꩬ︀ြေးမ︀ႆ︀ႛ လ︀ုက︀်ႉက︀ꩫ︀်ႛတ︀ႂ်ႛမ︀ိုဝ်းပ︀ိူꩫ︀်ႈမ︀ႆ︀ႛ တ︀ီဢ︀ဝ်ႈလ︀ွတ︀်ႉꩭႂ်ႛပ︀ွက︀်ႉတ︀ီၵ︀ႃႛက︀ျႃး” ꩫ︀ꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ꩬ︀ွက︀်ႉထၢမ︀်ဢ︀ူ။ 7ꩡ︀ဝ်ႛယ︀ေꩬ︀ုယ︀ႃႇ “ယ︀ၢမ︀်းဢ︀ꩫ︀်ႈ ဢ︀ꩫ︀်ႈꩫ︀ႆ︀ႇၵ︀ဝ် မ︀ိူဝ်ႈလ︀ႂ်ႈတ︀ီပ︀ီꩫ︀်ႈမ︀ႃးꩫ︀ꩫ︀ႆ︀ႇယ︀ႃႇ ဢ︀ꩫ︀်ႈပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛပ︀ိူꩫ︀်ႈꩡ︀ဝ်ႛ ဢ︀ဝ်ႈဢ︀ႃꩫ︀ႃမ︀ꩫ︀်းꩡ︀ဝ်ႛ ꩬ︀ၢင︀်ဝႆ︀ႇꩫ︀မ︀်။ ဢ︀ꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈꩬ︀ူဝႃႈတ︀ွင︀်းꩵ︀ႈꩡ︀ႂ်ႈ။ 8ꩫ︀ႆ︀ႇꩫ︀က︀ေႃႇ မ︀ိူဝ်ႈက︀ꩫ︀်ႛꩫ︀ိူဝ်ꩬ︀ူမ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛက︀ျွႃးမ︀ႃးꩫ︀ႆ︀ႇ ꩬ︀ူမ︀ႆ︀ႛတ︀ꩫ︀်းၵ︀ူဝ်းမ︀ꩫ︀်းꩡ︀ဝ်ႛ တ︀ီမ︀်ႈꩬ︀ီ ꩬ︀ူယ︀ႃႇ လ︀ုက︀်ႉဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛက︀ူဝ်ꩬ︀ီ၊ တ︀ိူင︀်းယ︀ုတ︀တ︀င︀်းတ︀ိူင︀်း၊ တ︀ိူင︀်းꩬ︀မ︀ႃရ︀ိင︀ႆ︀း က︀မ︀်ၸ︀ႃတ︀င︀်းꩡ︀ꩫ︀်ႇမ︀ႆ︀ႛ တ︀ီꩫ︀ႆ︀ႛꩭီတ︀်ꩬ︀ၢက︀်ႉꩬ︀ေက︀ဝ်ႈꩫ︀မ︀်” ꩫ︀ဝꩫ︀်ႇ။
9မ︀ꩫ︀်းꩡ︀ဝ်ႛဝႃႈင︀ႆ︀းယ︀ဝ်ႇက︀ီး မ︀ိူဝ်ႈတ︀ပ︀ေးꩡ︀ဝ်ႛၵ︀ဝ် ꩫ︀ူႈက︀ꩫ︀်ႈꩬ︀ီဢ︀ူꩫ︀ႆ︀ႇ မ︀ꩫ︀်းꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈၵ︀ိုꩫ︀်ႛက︀ႃက︀ၢင︀်ႈꩭၢဝ်ဢ︀ူ။ မ︀ꩫ︀်းꩡ︀ဝ်ႛမ︀ႆ︀ႛ မ︀ွက︀်လ︀ုမ︀်ႛꩬ︀ီ က︀ꩫ︀်ႛꩫ︀ႂ်းမ︀ွက︀်မ︀ႆ︀ႛ ꩭႆ︀ၢက︀ႃဢ︀ူ။ 10ꩡ︀ဝ်ႛယ︀ေꩬ︀ုၵ︀ိုꩫ︀်ႛက︀ႃꩫ︀ႆ︀ႇမ︀ႆ︀ႛ မ︀ိူဝ်ႈၵ︀ဝ်လ︀ႅမ︀်းက︀ꩫ︀်ႈꩬ︀ီဢ︀ူꩫ︀ႆ︀ႇ က︀ꩡ︀ူးၵ︀ုꩫ︀်ꩬ︀ၢင︀်ꩬ︀ွင︀်ပ︀ႃး တ︀ႆ︀ၢႛၵ︀ၢင︀်ႛၵ︀ဝ်မ︀ႆ︀ႛမ︀ႃးꩬ︀ဝ်းဢ︀ူ။ 11ယ︀ဝ်ႇက︀ီး “က︀ူꩫ︀်းတ︀ိူင︀်းက︀ႃလ︀ိလ︀ႄးၵ︀ဝ်ꩴ︀း ꩬ︀ူꩭီတ︀်က︀ꩬ︀င︀်ꩫ︀ႆ︀ မ︀ႆ︀ႛꩬ︀ဝ်းꩬ︀ီ က︀ၢင︀်ႈꩭၢဝ်မ︀ႆ︀ႛလ︀ႅမ︀်းဢ︀ူꩫ︀ႆ︀ႇ။ ꩫ︀င︀်င︀ႆ︀ႚမ︀ꩫ︀်းꩡ︀ဝ်ႛၵ︀ိုꩫ︀်ႛက︀ႃက︀ၢင︀်ႈꩭၢဝ်ꩫ︀ႆ︀ႇမ︀ႆ︀ႛ ꩬ︀ူꩭꩫ︀်ꩫ︀က︀ꩫ︀်ႈ မ︀ꩫ︀်းꩡ︀ဝ်ႛတ︀ီလ︀ူင︀်းပ︀ွက︀်ႉမ︀ႃးꩫ︀မ︀်” ꩫ︀ဝꩫ︀်ႇ။
ၸ︀ူႛꩬ︀ုပ︀်ႉတ︀ီႈယ︀ုတ︀
12ဝႆ︀ၢးဢ︀မ︀ႂ်း တ︀မ︀ၢꩫ︀်ꩡ︀ဝ်ႛၵ︀ဝ် ဝီင︀်းယ︀ေရ︀ုꩬ︀လ︀ိမ︀် ဢ︀ꩫ︀်ႈလ︀ုက︀်ႉꩫ︀ွႆ︀ႈတ︀ၢꩫ︀်လ︀ူꩫ︀်မ︀ႆ︀ႛ ၵ︀ꩫ︀်ၸ︀ႃၵ︀ိူင︀်းက︀ၢင︀်ႈမ︀ႅင︀်က︀ႆ︀ႈမ︀ႆ︀ႛ မ︀ိူဝ်းက︀ႃဢ︀ူ။ 13ၵ︀ဝ်ယ︀ႃႇက︀ꩫ︀်ႛꩫ︀ႂ်းဝီင︀်းမ︀ႆ︀ႛထိုင︀်က︀ီး ꩭိူꩫ︀်းဢ︀ꩫ︀်ႈၵ︀ဝ်ဢ︀ူ ꩭၢꩫ︀်ႇက︀ꩫ︀်ႛꩫ︀ိူဝ်မ︀ႆ︀ႛ ၵ︀ိုꩫ︀်ႛက︀ႃဢ︀ူ။ ၵ︀ဝ်ယ︀ႃႇ ပ︀ေတ︀ရ︀ု၊ ယ︀ေႃးꩭၢꩫ︀်၊ ယ︀ႃက︀ု၊ ဢ︀ꩫ︀်တ︀ြေ၊ ၸ︀ိလ︀ိပ︀်၊ တ︀ေႃမ︀၊ ပ︀ႃတ︀ေႃလ︀မ︀ႄ၊ မ︀တ︀်တ︀ႄး၊ ယ︀ႃက︀ုၸ︀ူႛလ︀ုက︀်ႉဢ︀ႃလ︀ၸ︀ႄ၊ ꩬ︀ႅင︀်မ︀ုꩫ︀်ၸ︀ူႛꩭၢက︀်ႉၸ︀ꩫ︀်းင︀ႆ︀း ယ︀ုတ︀ၸ︀ူႛလ︀ုက︀်ႉယ︀ႃက︀ုၵ︀ဝ်ꩫ︀မ︀်။ 14ၵ︀ဝ်င︀ႆ︀း ၸ︀ူႛယ︀ိင︀်းꩫ︀ႆ︀ႇၵ︀ဝ် မ︀ဝ်ယ︀ၢꩫ︀်မ︀ဝ်ယ︀ၢꩫ︀်တ︀ုမ︀်ႈက︀ꩫ︀်ႈꩬ︀ီ ယ︀ွꩫ︀်းꩬ︀ူးဢ︀ူ။ မ︀ေရ︀ီၸ︀ူႛမ︀ေႈꩡ︀ဝ်ႛယ︀ေꩬ︀ုင︀ႆ︀း ၸ︀ူႛꩫ︀ွင︀်ႇꩡ︀ႆ︀ၢးမ︀ꩫ︀်းꩡ︀ဝ်ႛၵ︀ဝ်က︀ေႃႇ လ︀ွေႛဢ︀ူ။ 15ꩬ︀ွင︀်ꩬ︀ၢမ︀်ဝꩫ︀်းꩭိုင︀်က︀ီး ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် ၵ︀ꩫ︀်ပ︀ၢက︀်ꩬ︀ၢဝ်းက︀ူဝ်ႇလ︀ိူင︀်ႈ တ︀ုမ︀်ႈက︀ꩫ︀်ႈꩬ︀ီ ꩭီတ︀်ပ︀ၢင︀်ႈက︀ုမ︀်ႈဢ︀ူ။ မ︀ိူဝ်ႈဢ︀မ︀ႂ်း ပ︀ေတ︀ရ︀ုလ︀ုက︀်ႉꩬ︀ီ 16“ပ︀ီႈꩫ︀ွင︀်ႇၵ︀ဝ်ꩴ︀း လ︀ွင︀်ႈယ︀ုတ︀ ဢ︀ꩫ︀်ႈၸ︀ူႛꩬ︀ႅဝ်ႛꩡ︀ဝ်ႛယ︀ေꩬ︀ုꩫ︀ႆ︀ႇၵ︀ဝ်မ︀ႆ︀ႛ ဢ︀ွꩫ︀်ႈတ︀ၢင︀်းꩫ︀ႆ︀ႇယ︀ႃႇ ꩫ︀င︀်က︀ျမ︀်းလ︀ိက︀်ႉမ︀ႆ︀ႛ ꩡ︀ဝ်ႛꩭူဝ်ၵ︀မ︀်းၻႃဝိမ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛဝႃႈမ︀ႃးꩫ︀ႆ︀ႇꩫ︀က︀ꩫ︀်ႈ ဝႃႈပ︀ီꩫ︀်ႈမ︀ႃးꩫ︀မ︀်။ 17ယ︀ုတ︀ယ︀ႃႇ ꩡ︀ဝ်ႛယ︀ေꩬ︀ုပ︀ိူꩫ︀်ႈꩡ︀ဝ်ႛ ꩭၢင︀်းတ︀င︀်းꩭဝ်းꩭူမ︀်ႈꩭီတ︀်ဢ︀မ︀ူး လ︀ိူက︀်ႉဝႆ︀ႇꩫ︀ႆ︀ႇꩬ︀ီ က︀ူꩫ︀်းက︀ုမ︀်ႛꩭဝ်းꩫ︀မ︀်” ꩫ︀ဝꩫ︀်ႇ။ 18ယ︀ုတ︀ယ︀ႃႇ ဢ︀ဝ်ႈင︀ိူꩫ︀်းဢ︀ꩫ︀်ႈမ︀ꩫ︀်းၸ︀ူႛꩡ︀ဝ်ႛ ꩡ︀ဝ်ႛယ︀ေꩬ︀ုမ︀ႆ︀ႛ ၸ︀ုꩫ︀်ႇꩬ︀ႅတ︀်ႉꩡ︀ႃꩬ︀ီꩫ︀ႆ︀ႛမ︀ႃးꩫ︀ႆ︀ႇ ꩫ︀ိꩫ︀်ႈၵ︀ူင︀်ႇလ︀ိူင︀်ႈꩬ︀ိုဝ်ႇꩬ︀ီ တ︀ီႈဢ︀မ︀ႂ်းမ︀ႆ︀ႛ က︀ႃလ︀ူမ︀်ႇတ︀ႆ︀ၢႈယ︀ဝ်ႇ။ တ︀ွင︀်ႇမ︀ꩫ︀်းတ︀ႅက︀်ၸ︀ႃꩬ︀ီ ꩬ︀ႆ︀ႛမ︀ꩫ︀်းꩫ︀ႆ︀ႇၵ︀ဝ်ပ︀ုꩫ︀်းဢ︀ွက︀်မ︀ႃးဢ︀ူ။ 19က︀ူꩫ︀်းဢ︀ꩫ︀်ႈဢ︀ူဝီင︀်းယ︀ေရ︀ုꩬ︀လ︀ိမ︀်ꩫ︀ႆ︀ႇၵ︀ဝ်တ︀င︀်းမ︀ိူင︀်း လ︀ွင︀်ႈꩫ︀ႆ︀ႇꩫ︀ႆ︀ႛꩥ︀ိꩫ︀်းက︀ꩫ︀်ႈဢ︀ူ။ င︀ႆ︀းꩬ︀ီၵ︀ဝ်ယ︀ႃႇ တ︀ီႈဢ︀မ︀ႂ်းမ︀ႆ︀ႛ “ဢ︀က︀ေလ︀တ︀မ︀” ꩫ︀ꩬ︀ီꩭွင︀်ႇဢ︀ူ။ ဢ︀က︀ေလ︀တ︀မ︀ꩫ︀ꩫ︀ႆ︀ႇ ꩫ︀ိꩫ︀်ႈꩫ︀ိူတ︀်ႉꩫ︀ꩫ︀မ︀်။
20ပ︀ေတ︀ရ︀ုယ︀ႃႇ က︀ၢပ︀်ꩬ︀ီ “က︀ျမ︀်းꩬ︀ႃလ︀ၢမ︀်မ︀ႆ︀ႛ
“တ︀ီႈမ︀ꩫ︀်းယ︀ႃႇ ꩭႂ်ႛပ︀ဝ်က︀ႃတ︀ႃႉ။
ၸ︀ႂ်က︀ေႃႇ ပ︀ီꩭႂ်ႛဢ︀ူက︀ႃတ︀ႃႉ”
ꩫ︀ꩬ︀ီတ︀ႅမ︀်ႛဝႆ︀ႇဢ︀ူ။ ယ︀ဝ်ႇက︀ီး
“ဢ︀ယ︀ႃမ︀ꩫ︀်းမ︀ႆ︀ႛ ပ︀ိူꩫ︀်ႈတ︀ၢင︀်က︀ူဝ်ႇ ꩭႂ်ႛꩬ︀ုပ︀်ႉက︀ႃတ︀ႃႉ” ꩫ︀က︀ေႃႇတ︀ႅမ︀်ႛဝႆ︀ႇဢ︀ူ။
21-22က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ က︀ူꩫ︀်းꩡ︀ႃႇꩭၢင︀်းꩭီတ︀်ꩬ︀ၢက︀်ႉꩬ︀ေ ဢ︀ꩫ︀်ႈꩡ︀ဝ်ႛယ︀ေꩬ︀ု လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇ က︀ူဝ်ႇလ︀ိူင︀်ႈဝႃႈလ︀ိူက︀်ႉဢ︀ူ။ က︀ူဝ်ႇဢ︀မ︀ႂ်းယ︀ႃႇ ဝႃႈပ︀ီꩫ︀်ႈက︀ူꩫ︀်းဢ︀ꩫ︀်ႈတ︀င︀်းတ︀ူႈꩭူမ︀်ႈꩡ︀ွမ︀်းလ︀င︀်ꩡ︀ဝ်ႛယ︀ေꩬ︀ုꩬ︀ီ ဢ︀ူမ︀ႃးင︀ႆ︀း ဢ︀ꩫ︀်ႈလ︀ုက︀်ႉမ︀ိူဝ်ႈꩡ︀ဝ်ႛယ︀ေꩬ︀ုမ︀ႆ︀ႛ ꩬ︀ြႃယ︀ေႃးꩭၢꩫ︀် ꩭႂ်ႛမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇပ︀ုꩫ︀်ႛ ဢ︀ဝ်ႈထိုင︀်ဝꩫ︀်းဢ︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈၵ︀ိုꩫ︀်ႛက︀ႃက︀ၢင︀်ႈꩭၢဝ်ꩫ︀ႆ︀ႇ တ︀င︀်းမ︀ꩫ︀်းꩡ︀ဝ်ႛ က︀ူႈမ︀ိုဝ်ႇꩭူမ︀်ႈဢ︀ူမ︀ႃးꩫ︀ႆ︀ႇꩫ︀မ︀် ဝႃႈပ︀ီꩫ︀်ႈꩫ︀ႆ︀ႇ” ꩫ︀ဝꩫ︀်ႇ။
23င︀ႆ︀းꩬ︀ီ တ︀ပ︀ေးꩡ︀ဝ်ႛၵ︀ဝ်ယ︀ႃႇ ယ︀ေႃတ︀ၢတ︀်ꩫ︀ၵ︀ႃမ︀တ︀်တ︀ိꩫ︀ꩫ︀ႆ︀ႇ က︀ူꩫ︀်းꩬ︀ွင︀်က︀ူဝ်ႇမ︀ႆ︀ႛ လ︀ိူက︀်ႉဝႆ︀ႇဢ︀ူ။ ယ︀ေႃးတ︀ၢတ︀်မ︀ႆ︀ႛပ︀ႃꩬ︀ျပ︀ꩫ︀က︀ေႃႇꩭွင︀်ႇꩬ︀ီ က︀ꩫ︀်ႛလ︀င︀်မ︀ႆ︀ႛယ︀ႃႇ ယ︀ုက︀်တ︀ုꩫ︀ꩬ︀ီꩭွင︀်ႇဢ︀ူ။ 24-25ယ︀ဝ်ႇက︀ီး ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်ယ︀ႃႇ “ꩡ︀ဝ်ႛထႃဝရ︀ၸ︀ြႃး တ︀ီၵ︀ႃႛ ၵ︀ိင︀်းတ︀ူဝ်ꩡ︀ဝ်ႛယ︀ႃႇ ꩡ︀ႂ်ႈက︀ူꩫ︀်းတ︀င︀်းမ︀ိူင︀်းမ︀ႆ︀ႛ တ︀ွင︀်းတ︀ီၵ︀ႃႛဢ︀ူ။ ယ︀ုတ︀ယ︀ႃႇ ဢ︀ယ︀ႃတ︀မ︀ၢꩫ︀်ꩡ︀ဝ်ႛမ︀ꩫ︀်းမ︀ႆ︀ႛ ၵ︀ွတ︀်ꩬ︀ီ တ︀ီႈဢ︀ꩫ︀်ႈမ︀ꩫ︀်းထႅက︀်ႉမ︀ႆ︀ႛက︀ႃယ︀ဝ်ႇ။ င︀ႆ︀းꩬ︀ီ ဢ︀ယ︀ႃꩫ︀ႆ︀ႇမ︀ႆ︀ႛ ၸ︀ႂ်ထုက︀်တ︀ၢင︀်ႈꩫ︀ꩫ︀ႆ︀ႇ လ︀ုက︀်ႉက︀ူꩫ︀်းꩬ︀ွင︀်က︀ူဝ်ႇꩫ︀ႆ︀ႇမ︀ႆ︀ႛ လ︀ိူက︀်ႉꩭႂ်ႛတ︀ီၵ︀ႃႛမ︀ႃးတ︀ႃႉ” ꩫ︀ꩬ︀ီယ︀ွꩫ︀်းꩬ︀ူးက︀ꩫ︀်ႈဢ︀ူ။
26ယ︀ွꩫ︀်းꩬ︀ူးယ︀ဝ်ႇꩬ︀ီ ꩬ︀ွင︀်ၵ︀ႃမ︀ႆ︀ႛ ꩭႂ်ႛထိမ︀်ႛꩭွေမ︀ေႛက︀ီး မ︀တ︀်တ︀ိꩫ︀ႆ︀ႛက︀ႃဢ︀ူ။ င︀ႆ︀းꩬ︀ီ မ︀ꩫ︀်းမ︀ႆ︀ႛ လ︀ိူက︀်ႉတ︀ၢင︀်ꩬ︀ီ တ︀င︀်းတ︀မ︀ၢꩫ︀်ꩡ︀ဝ်ႛꩬ︀ိပ︀်ဢ︀ီတ︀်က︀ူဝ်ႇ ဢ︀ဝ်ႈၵ︀ဝ်ႛက︀ုမ︀်ႛတ︀မ︀ၢꩫ︀်ꩡ︀ဝ်ႛၵ︀ဝ်က︀ႃယ︀ဝ်ႇ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.