ထဝ်ꩡ︀တ︀်ႉၵ︀ဝ် 2
2
လ︀ွင︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛက︀ျွႃးမ︀ႃး
1ဝꩫ︀်းပ︀ွႆ︀းပ︀ီꩫ︀်တ︀ေက︀ုက︀်ႉတ︀ေထိုင︀်မ︀ႃးက︀ီး ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်တ︀င︀်းမ︀ိူင︀်း တ︀ီႈလ︀ိူင︀်ႈမ︀ႆ︀ႛ မ︀ႃးတ︀ုမ︀်ႈက︀ꩫ︀်ႈဢ︀ူ။ 2မ︀ိူဝ်ႈဢ︀မ︀ႂ်း လ︀ုက︀်ႉက︀ၢင︀်ႈꩭၢဝ်မ︀ႆ︀ႛ ꩫ︀င︀်ꩬ︀ီင︀်လ︀ူမ︀်းလ︀ူင︀်တ︀ိက︀်ꩫ︀က︀ꩫ︀်ႈ ꩬ︀ီင︀်ဢ︀ꩫ︀်ႈလ︀ိူင︀်ႈ က︀တ︀ိက︀်က︀တ︀ၢင︀်းဢ︀ွက︀်မ︀ႃးꩬ︀ီ က︀ꩫ︀်ႛꩫ︀ႂ်းꩭိူꩫ︀်းဢ︀ꩫ︀်ႈၵ︀ဝ်ꩫ︀င︀်ႈက︀ꩫ︀်ႈꩬ︀ီဢ︀ူꩫ︀ႆ︀ႇမ︀ႆ︀ႛ ဢ︀ဝ်ႈၵ︀င︀်းဝိုဝ်ႇꩰဢ︀ူ။ 3လ︀ိꩫ︀်ႇၸ︀ႆ︀းꩫ︀က︀ꩫ︀်ႈꩫ︀ႆ︀ႇၵ︀ဝ်မ︀ႆ︀ႛက︀ေႃႇ ၵ︀ဝ်ꩭꩫ︀်ဢ︀ူ။ လ︀ိꩫ︀်ႇၸ︀ႆ︀းဢ︀မ︀ႂ်းၵ︀ဝ်ယ︀ႃႇ ၸ︀ူင︀်ႇက︀ႃꩬ︀ီ က︀ꩫ︀်ႛꩫ︀ိူဝ်က︀ူꩫ︀်းက︀ူႈက︀ူဝ်ႇဢ︀ꩫ︀်ႈဢ︀ူꩭိူꩫ︀်းဢ︀မ︀ႂ်းၵ︀ဝ်မ︀ႆ︀ႛ က︀ႃꩡ︀ပ︀်က︀ꩫ︀်ႈဢ︀ူ။ 4ၵ︀ဝ်မ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛတ︀ီမ︀်ႈင︀ႆ︀း ꩫ︀င︀်ဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ တ︀ꩫ︀်းၵ︀ူဝ်းꩬ︀ႂ်ꩭႂ်ႛꩫ︀က︀ꩫ︀်ႈ ၵ︀ၢမ︀်းတ︀ၢင︀်ၸ︀ꩫ︀်းဢ︀ꩫ︀်ႈလ︀ၢက︀်ဢ︀ꩫ︀်ႈလ︀ႆ︀ၢးꩫ︀ႆ︀ႇၵ︀ဝ် က︀ူဝ်ꩬ︀ီတ︀ၢꩫ︀်ႛက︀ꩫ︀်ႈꩭူဝ်းက︀ꩫ︀်ႈဢ︀ူ။
5မ︀ိူဝ်ႈဢ︀မ︀ႂ်း က︀ျူးဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈ ဢ︀ꩫ︀်ႈလ︀ုက︀်ႉတ︀င︀်းက︀မ︀်ၸ︀ႃမ︀ႃးꩫ︀ႆ︀ႇၵ︀ဝ် ဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛ ꩬ︀ဝ်းက︀ꩫ︀်ႈဢ︀ူ။ 6ꩬ︀ီင︀်ဢ︀ꩫ︀်ႈဢ︀ုက︀်က︀ꩫ︀်ႈꩫ︀ႆ︀ႇၵ︀ဝ်မ︀ႆ︀ႛ ꩫ︀ႆ︀ႛꩥ︀ိꩫ︀်းက︀ီး တ︀ီႈဢ︀မ︀ႂ်းမ︀ႆ︀ႛ က︀ူꩫ︀်းဢ︀ၢꩫ︀်တ︀ၢꩫ︀် တ︀ုမ︀်ႈမ︀ႃးက︀ꩫ︀်ႈဢ︀ူ။ ၵ︀ဝ်ယ︀ႃႇ ဢ︀ꩫ︀်ႈၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် ꩭူဝ်းက︀ꩫ︀်ႈတ︀ၢꩫ︀်ႛက︀ꩫ︀်ႈꩫ︀ႆ︀ႇမ︀ႆ︀ႛ ꩫ︀င︀်ၵ︀ၢမ︀်းၵ︀ဝ်ၸ︀ူႛꩡ︀ဝ်ႛꩫ︀က︀ꩫ︀်ႈ ꩫ︀ႆ︀ႛꩥ︀ိꩫ︀်းꩬ︀ီ ဢ︀ၢမ︀်းလ︀ူင︀်ဢ︀ၢမ︀်းလ︀ၢင︀်က︀ꩫ︀်ႈဢ︀ူ။ 7င︀ႆ︀းꩬ︀ီ ၵ︀ဝ်ယ︀ႃႇ “က︀ူꩫ︀်းဢ︀ꩫ︀်ႈင︀ႆ︀ႚတ︀ၢꩫ︀်ႛက︀ꩫ︀်ႈꩫ︀ႆ︀ႇၵ︀ဝ်ယ︀ႃႇ က︀ူꩫ︀်းတ︀ိူင︀်းက︀ႃလ︀ိလ︀ႄးꩫ︀ႆ︀ႇၵ︀ဝ်မ︀ဝ်ꩡ︀ႂ်ႈ။ 8ꩭိုဝ်လ︀ိုဝ်ꩬ︀ီꩫ︀ႆ︀ ၵ︀ၢမ︀်းမ︀ိူင︀်းꩭဝ်းꩡ︀ဝ်ႛꩫ︀က︀ꩫ︀်ႈ ꩭဝ်းꩫ︀ႆ︀ႛꩥ︀ိꩫ︀်းက︀ꩫ︀်ႈꩫ︀ႆ︀ႇ။ 9ꩭဝ်းယ︀ႃႇ လ︀ုက︀်ႉမ︀ိူင︀်းပ︀ႃတ︀ိ၊ မ︀ိူင︀်းမ︀ေတ︀ိ၊ မ︀ိူင︀်းဢ︀ေလ︀ံ၊ မ︀ိူင︀်းမ︀ေꩬ︀ူဝ်ပ︀ူဝ်တ︀ေမ︀ိယ︀၊ မ︀ိူင︀်းယ︀ုတ︀၊ မ︀ိူင︀်းက︀ပ︀်ပ︀တ︀ေႃက︀ိ၊ မ︀ိူင︀်းပ︀ုꩫ︀်တ︀ု၊ မ︀ိူင︀်းဢ︀ႃꩬ︀ျ၊ 10မ︀ိူင︀်းၸ︀ျုက︀ိ၊ မ︀ိူင︀်းပ︀မ︀်ၸ︀ုလ︀ိ၊ မ︀ိူင︀်းဢ︀ီက︀ျီပ︀်ꩫ︀ႆ︀ႇၵ︀ဝ်၊ လ︀ုက︀်ႉတ︀ိူင︀်းလ︀ိတ︀်ပ︀ျႃး ဢ︀ꩫ︀်ႈတ︀ႆ︀ၢႛဝီင︀်းက︀ုရ︀ေꩫ︀ေꩫ︀ႆ︀ႇၵ︀ဝ်မ︀ႆ︀ႛ ꩬ︀င︀်မ︀ႃးက︀ေႃႇ 11ꩭဝ်းက︀မ︀်ႈၸ︀ွမ︀်းယ︀ႃႇ က︀ျူးꩫ︀ႆ︀ႇၵ︀ဝ်၊ က︀ရ︀ိက︀်ဢ︀ꩫ︀်ႈၵ︀ဝ်ႛၸ︀ႃꩬ︀ႃက︀ျူး ဢ︀ꩫ︀်ႈလ︀ုက︀်ႉမ︀ိူင︀်းရ︀ေႃမ︀မ︀ႆ︀ႛမ︀ႃးꩫ︀ႆ︀ႇၵ︀ဝ်ꩬ︀င︀်ꩡ︀ႂ်ႈက︀ေႃႇ၊ ၵ︀ိုꩫ︀်းꩫ︀က︀ဝ် ꩭဝ်းက︀မ︀်ႈၸ︀ွင︀်းယ︀ႃႇ က︀ူꩫ︀်းမ︀ိူင︀်းက︀ရ︀ေတ︀ေ ꩫ︀ႆ︀ႇၵ︀ဝ်၊ က︀ူꩫ︀်းဢ︀ႃရ︀ေပ︀ျꩫ︀ႆ︀ႇၵ︀ဝ်ꩬ︀င︀်ꩡ︀ႂ်ႈက︀ေႃႇ၊ လ︀ွင︀်ႈဢ︀ꩫ︀်းၸ︀ြႃးပ︀ီꩫ︀်ႈꩡ︀ဝ်ႛ ꩭီတ︀်ဢ︀မ︀ူးၵ︀ိူင︀်ႈꩫ︀ီႈဢ︀ၢမ︀်းမ︀ႃးꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈၵ︀ၢမ︀်းꩭဝ်းၸ︀ူႛꩡ︀ဝ်ႛꩬ︀လ︀ႂ်ႈꩫ︀ႆ︀ႛꩥ︀ိꩫ︀်းက︀ꩫ︀်ႈꩫ︀ႆ︀ႇ ꩭိုဝ်လ︀ိုဝ်လ︀ိူဝ်း” ꩫ︀ဝꩫ︀်ႇ။ 12ၵ︀ဝ်ယ︀ႃႇ ဢ︀ၢမ︀်းꩰဝၢင︀်ꩰ ꩬ︀ီ “လ︀ွင︀်ႈꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈꩭိုဝ်လ︀ိုဝ်လ︀ိူဝ်း” ꩫ︀ꩬ︀ီ ၵ︀ဝ်ၸ︀ူႛꩡ︀ဝ်ႛꩫ︀ႆ︀ၢႈ ဝႃႈက︀ꩫ︀်ႈဢ︀ူ။ 13ၵ︀ိုꩫ︀်းꩫ︀က︀ဝ် က︀ူꩫ︀်းတ︀ၢင︀်က︀ူဝ်ႇꩫ︀ႆ︀ႇၵ︀ဝ်ယ︀ႃႇ “ဢ︀ꩫ︀်ႈꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈမ︀ဝ်းလ︀ဝ်ႛက︀ꩫ︀်ႈꩬ︀င︀်ꩡ︀ႂ်ႈက︀ေႃႇ” ꩫ︀ꩬ︀ီ တ︀ၢꩫ︀်ႛဢ︀လ︀ွေႛက︀ꩫ︀်ႈဢ︀ူ။
လ︀ွင︀်ႈဢ︀ꩫ︀်ႈပ︀ေတ︀ရ︀ုꩭူဝ်း
14ယ︀ဝ်ႇက︀ီးပ︀ေတ︀ရ︀ုယ︀ႃႇ တ︀င︀်းတ︀မ︀ၢꩫ︀်ꩡ︀ဝ်ႛ ꩬ︀ိပ︀်ဢ︀ီတ︀်က︀ူဝ်ႇ ꩭူမ︀်ႈလ︀ုက︀်ႉယ︀ဝ်ႇက︀ီး ꩬ︀ီင︀်ဢ︀ဝ်ႈꩭႅင︀်းꩬ︀ီ “ပ︀ူဝ်မ︀ေပ︀ီꩫ︀ွင︀်ႇယ︀ုတ︀ၵ︀ဝ်၊ က︀ူꩫ︀်းဝီင︀်းယ︀ေရ︀ုꩬ︀လ︀ိမ︀်ၵ︀ဝ်တ︀င︀်းမ︀ိူင︀်း ထွမ︀်က︀ꩫ︀်ႈတ︀ီၵ︀ႃႛမ︀ႃးတ︀ႃႉ။ လ︀ွင︀်ႈꩫ︀ႆ︀ႇပ︀ီꩫ︀်ႈꩭိုဝ်ꩫ︀ꩫ︀ႆ︀ႇ က︀ဝ်ႈၵ︀ႃႛၵ︀ႆ︀ႈꩭႂ်ႛတ︀ီၵ︀ႃႛက︀ွတ︀်။ 15ၵ︀ဝ်မ︀ဝ်းလ︀ဝ်ႛက︀ꩫ︀်ႈꩫ︀မ︀်ꩫ︀ꩬ︀ီ ꩬ︀ူꩡ︀ဝ်ႛဝႃႈꩫ︀ႆ︀ႇꩵ︀ႈꩡ︀ႂ်ႈတ︀ီၵ︀ႃႛ။ င︀ႆ︀ႚꩬ︀ိုင︀် ꩬ︀င︀်က︀ူဝ်က︀ၢင︀်ႈလ︀ႂ် က︀ဝ်ႛမ︀ွင︀်းꩫ︀ႆ︀ၢႈꩫ︀မ︀်။ ၵ︀ဝ်ꩵ︀ႈမ︀ဝ်းလ︀ဝ်ႛတ︀ီၵ︀ႃႛ။ 16ဢ︀ꩫ︀်ႈတ︀ေႇတ︀ေႇက︀ီး ဢ︀ꩫ︀်ႈꩫ︀ႆ︀ႇယ︀ႃႇ လ︀ွင︀်ႈဢ︀ꩫ︀်ႈပ︀ရ︀ေႃးၸ︀ႅတ︀်ႉယ︀ေႃလ︀ꩭူဝ်းမ︀ႃးꩫ︀ႆ︀ႇတ︀ီၵ︀ႃႛꩫ︀မ︀်။ ယ︀ေႃလ︀ယ︀ႃႇ
17“ၸ︀ြႃးပ︀ီꩫ︀်ႈꩡ︀ဝ်ႛဝႃႈꩫ︀ႆ︀ႇ
“ဝꩫ︀်းပ︀ႆ︀ၢႈꩭၢင︀်မ︀ႆ︀ႛယ︀ႃႇ က︀ူꩫ︀်းက︀ူႈၸ︀ꩫ︀်းမ︀ႆ︀ႛ ၵ︀ွꩫ︀်က︀ဝ်ႈတ︀ီလ︀ူဝ်ꩭႂ်ႛꩫ︀မ︀်။
လ︀ုက︀်ႉလ︀ၢင︀်းꩬ︀ူꩫ︀ႆ︀ႇၵ︀ဝ်ယ︀ႃႇ ၵ︀ၢမ︀်းတ︀ြႃးက︀ဝ်ႈ တ︀ီꩭူဝ်းက︀ꩫ︀်ႈꩫ︀မ︀်။
က︀ူꩫ︀်းꩫ︀ုမ︀်ꩫ︀ႆ︀ႇၵ︀ဝ် တ︀ီꩭꩫ︀်ၿျႃၻိက︀်ႉက︀ꩫ︀်ႈꩫ︀မ︀်။
က︀ူꩫ︀်းထဝ်ႛꩫ︀ႆ︀ႇၵ︀ဝ်ယ︀ႃႇ တ︀ီၸ︀ꩫ︀်ꩭꩫ︀်က︀ꩫ︀်ႈꩫ︀မ︀်။
18ဝူင︀်ႈမ︀ိူဝ်ႈဢ︀မ︀ႂ်း ၸ︀ူႛꩡ︀ႂ်ႇက︀ဝ်ႈ ၸ︀ူႛꩡ︀ႆ︀ၢးၸ︀ူႛယ︀ိင︀်းꩫ︀ႆ︀ႇၵ︀ဝ်မ︀ႆ︀ႛ ၵ︀ွꩫ︀်က︀ဝ်ႈလ︀ူဝ်ꩭႂ်ႛꩬ︀ီ
ၵ︀ဝ်ယ︀ႃႇ ၵ︀ၢမ︀်းတ︀ြႃးက︀ဝ်ႈတ︀ီꩭူဝ်းက︀ꩫ︀်ႈꩫ︀မ︀်။
19က︀ၢင︀်ႈꩭၢဝ်မ︀ႆ︀ႛယ︀ႃႇ လ︀ႆ︀ၢးꩫ︀ိမ︀ိက︀်ႉꩫ︀ႆ︀ႇၵ︀ဝ်၊ က︀ꩫ︀်ႛꩫ︀ိူဝ်လ︀င︀်ꩫ︀ိꩫ︀်ႈမ︀ႆ︀ႛယ︀ႃႇ
ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ် က︀ဝ်ႈတ︀ီပ︀ျႃးꩫ︀မ︀်။
ဢ︀ဝ်ႈꩫ︀ိူတ︀်ႉ၊ ဢ︀ဝ်ႈမ︀ုက︀်ႉၸ︀ႆ︀း၊ ဢ︀ဝ်ႈက︀ွꩫ︀်ႈၸ︀ႆ︀းꩫ︀ႆ︀ႇၵ︀ဝ်က︀ေႃႇ
က︀ဝ်ႈတ︀ီပ︀ျႃးလ︀ၢႆ︀းꩫ︀ိမ︀ိက︀်ႉꩫ︀မ︀်။
20မ︀ိူဝ်ႈဝꩫ︀်းမ︀ႅတ︀်ႉလ︀ူင︀်ꩡ︀ဝ်ႛထႃဝရ︀ၸ︀ြႃးꩵ︀ႈပ︀ႆ︀ထိုင︀်ꩫ︀ႆ︀ႇ
က︀ၢင︀်ႈဝꩫ︀်းတ︀ီꩫ︀ပ︀်ꩬ︀ိင︀်တ︀ိက︀်ႉꩰက︀ႃꩫ︀မ︀်။
ပ︀ူꩫ︀ိူꩫ︀်ႈက︀ေႃႇ ꩫ︀င︀်ꩫ︀ိူတ︀်ႉꩫ︀က︀ꩫ︀်ႈ တ︀ီꩫ︀ႅင︀်ႈၸ︀ႄႇꩰက︀ႃꩫ︀မ︀်။
21မ︀ိူဝ်ႈဢ︀မ︀ႂ်း က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ၢဝ်ꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛတ︀ီၵ︀ေꩬ︀ေꩭႂ်ႛꩫ︀မ︀်” ” ꩫ︀ဝꩫ︀်ႇ။
22ပ︀ူဝ်မ︀ေပ︀ီꩫ︀ွင︀်ႇ ဢ︀ီတ︀်ꩬ︀ြေးၵ︀ဝ်ꩴ︀း ထွမ︀်က︀ꩫ︀်ႈတ︀ီၵ︀ႃႛမ︀ႃးတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ုက︀်ႉꩡ︀ဝ်ႛယ︀ေꩬ︀ု က︀ူꩫ︀်းဝီင︀်းꩫ︀ႃꩡ︀ရ︀ႅတ︀်မ︀ႆ︀ႛ လ︀ႆ︀ၢးꩫ︀ိမ︀ိက︀်ႉꩫ︀ႆ︀ႇၵ︀ဝ် ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ် ꩭဝ်းမ︀ႆ︀ႛꩭီတ︀်ပ︀ျႃးꩭႂ်ႛမ︀ႃး ယ︀ဝ်ႇ။ က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ တ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛတ︀ီမ︀်ႈဢ︀ူꩫ︀ꩫ︀ႆ︀ႇ ꩡ︀ုꩫ︀်ႈꩫ︀ီႈꩫ︀ီႈ တ︀ီၵ︀ႃႛဢ︀ူ။ လ︀ွင︀်ႈꩫ︀ႆ︀ႇၵ︀ဝ်ယ︀ႃႇ ပ︀ၢင︀်ႈꩫ︀ႃႛꩬ︀ူၸ︀ူႛꩡ︀ဝ်ႛမ︀ႆ︀ႛ ပ︀ီꩫ︀်ႈမ︀ႃးꩫ︀ႆ︀ႇꩬ︀ီ ꩬ︀ူၸ︀ူႛꩡ︀ဝ်ႛက︀ေႃႇ တ︀ွင︀်းꩫ︀ီႈꩫ︀ီႈ တ︀ီၵ︀ႃႛဢ︀ူ။ 23ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩫ︀င︀်ဢ︀ꩫ︀်ႈမ︀ꩫ︀်းꩡ︀ဝ်ႛꩬ︀ၢင︀်ဝႆ︀ႇꩫ︀က︀ꩫ︀်ႈ ꩡ︀ဝ်ႛယ︀ေꩬ︀ုမ︀ႆ︀ႛ ꩫ︀ႂ်းမ︀ိုဝ်း လ︀ꩫ︀်ꩬ︀ူꩫ︀ႆ︀ႇၵ︀ဝ်မ︀ႆ︀ႛ ဢ︀ၢပ︀်ႉမ︀ႃးယ︀ဝ်ႇ။ ꩬ︀ူယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ ဢ︀ဝ်ႈမ︀ိုဝ်းက︀ူꩫ︀်းဢ︀ꩫ︀်ႈဢ︀ပ︀ႅတ︀်ႉꩫ︀ႃꩫ︀ႆ︀ႇၵ︀ဝ် ꩬ︀ဝ်ဝႃးမ︀ိုဝ်းမ︀ႆ︀ႛ တ︀ၢင︀်ꩬ︀ီဢ︀ဝ်ႈတ︀ႆ︀ၢႈမ︀ႃးယ︀ဝ်ႇ။ 24ꩫ︀ႆ︀ႇꩫ︀က︀ေႃႇ မ︀ꩫ︀်းꩡ︀ဝ်ႛမ︀ႆ︀ႛၵ︀ုꩫ︀်တ︀ႆ︀ၢႈꩫ︀ႆ︀ႇ ၸ︀ုက︀်ဝႆ︀ႇလ︀ေႚလ︀ေႚꩵ︀ႈပ︀ီꩫ︀်ႈ။ င︀ႆ︀းꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ လ︀ုက︀်ႉတ︀ꩫ︀်းၵ︀ူဝ်းၵ︀ုꩫ︀်တ︀ႆ︀ၢႈမ︀ႆ︀ႛ ဢ︀ဝ်ႈလ︀ွတ︀်ႉဢ︀ွက︀်ꩬ︀ီ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးယ︀ဝ်ႇ။ 25ꩡ︀ဝ်ႛꩭူဝ်ၵ︀မ︀်းၻႃဝိယ︀ႃႇ လ︀ွင︀်ႈမ︀ꩫ︀်းꩡ︀ဝ်ႛဝႃႈဝႆ︀ႇꩫ︀ႆ︀ႇ
“ꩡ︀ဝ်ႛထႃဝရ︀ၸ︀ြႃးမ︀ႆ︀ႛ က︀ဝ်ႈမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇꩭꩫ︀်ဢ︀ူ။
မ︀ꩫ︀်းꩡ︀ဝ်ႛတ︀ႆ︀ၢႛက︀ဝ်ႈမ︀ႆ︀ႛ ဢ︀ူက︀ꩫ︀်ႈꩬ︀ူꩫ︀ႆ︀ႇꩬ︀ီ က︀ဝ်ႈꩵ︀ႈက︀ူဝ်ႈ။
26က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩡ︀ႂ်ႈက︀ဝ်ႈꩬ︀ိူဝ်းပ︀ိဝ်ဢ︀ူ။
ꩬ︀ူပ︀်က︀ဝ်ႈမ︀ႆ︀ႛက︀ေႃႇ ၵ︀ၢမ︀်းဢ︀ꩫ︀်ႈꩬ︀ိူဝ်းပ︀ိဝ်ꩫ︀ႆ︀ၢႈꩬ︀ိုင︀် တ︀ီမ︀်ႈက︀ꩫ︀်ႈဢ︀ူ။
က︀ဝ်ႈꩫ︀ႆ︀ႇ ပ︀ီꩫ︀်ႈက︀ူꩫ︀်းၸ︀ꩫ︀်းဢ︀ꩫ︀်ႈတ︀ႆ︀ၢႈꩡ︀ၢင︀်ႈၵ︀ႂ်ႈလ︀ႂ်ႈꩫ︀က︀ေႃႇ
ꩡ︀ဝ်ႛထႃဝရ︀ၸ︀ြႃးမ︀ႆ︀ႛတ︀ႂ်းထႃႛꩬ︀ီ တ︀ီတ︀မ︀်းꩡ︀ႂ်ႈꩫ︀မ︀်။
27က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ိင︀်းတ︀ူဝ်ꩡ︀ဝ်ႛယ︀ႃႇ က︀ဝ်ႈမ︀ႆ︀ႛမ︀ိူင︀်းၵ︀ုꩫ︀်တ︀ႆ︀ၢႈမ︀ႆ︀ႛ ꩵ︀ႈၵ︀ွတ︀်ဝႆ︀ႇ။
ၸ︀ူႛꩡ︀ႂ်ႇ ၵ︀ိင︀်းတ︀ူဝ်ꩡ︀ဝ်ႛဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်းမ︀ႆ︀ႛက︀ေႃႇ ပ︀ႃꩡ︀ႃႇမ︀ႆ︀ႛꩵ︀ႈꩭႂ်ႛꩫ︀ဝ်ႈ။
28ၵ︀ိင︀်းတ︀ူဝ်ꩡ︀ဝ်ႛ က︀ဝ်ႈမ︀ႆ︀ႛတ︀ၢင︀်းဢ︀ꩬ︀ၢက︀်ႉ ပ︀ျႃးꩭႂ်ႛမ︀ႃးဢ︀ူ။
က︀ဝ်ႈမ︀ႆ︀ႛ ၵ︀ိင︀်းတ︀ူဝ်ꩡ︀ဝ်ႛ ၵ︀ိင︀်းလ︀ွေႛꩬ︀ီ တ︀ီဢ︀ဝ်ႈပ︀ိဝ်ယ︀ႃꩬ︀ႃꩡ︀ႂ်ႈꩭႂ်ႛꩫ︀မ︀်” ꩫ︀ဝꩫ︀်ႇ။
29ပ︀ူဝ်မ︀ေပ︀ီႈꩫ︀ွင︀်ႇၵ︀ဝ်ꩴ︀း လ︀ွင︀်ႈပ︀ူလ︀ီꩫ︀်ၻႃဝိꩭဝ်းဢ︀ꩫ︀်ႈက︀ူꩫ︀်းတ︀ွင︀်းꩫ︀မ︀်ꩫ︀ႆ︀ႇ က︀ဝ်ႈၵ︀ႃႛ ၵ︀ႆ︀ႈꩡ︀ုꩫ︀်ႈꩰလ︀ႅင︀်းꩰꩭႂ်ႛတ︀ီၵ︀ႃႛက︀ွတ︀်။ မ︀ꩫ︀်းယ︀ႃႇတ︀ႆ︀ၢႈက︀ႃꩬ︀ီ ပ︀ႃꩡ︀ႃႇမ︀ႆ︀ႛၸ︀င︀်ဝႆ︀ႇဢ︀ူ။ ထမ︀်ႛပ︀ႃꩡ︀ႃႇမ︀ꩫ︀်းမ︀ႆ︀ႛ တ︀ူက︀်ꩡ︀ိူမ︀်ႈင︀ႆ︀ႚက︀ေႃႇ ꩭဝ်းꩭꩫ︀်ဢ︀ူ။ 30မ︀ꩫ︀်းယ︀ႃႇပ︀ီꩫ︀်ႈပ︀ရ︀ေႃးၸ︀ႅတ︀်ႉꩬ︀ီ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛက︀တ︀ိꩭႂ်ႛဝႆ︀ႇမ︀ႆ︀ႛတ︀ွင︀်းဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩫ︀င︀်မ︀ꩫ︀်းမ︀ႆ︀ႛ တ︀ၢင︀်ꩭူဝ်ၵ︀မ︀်းꩭႂ်ႛꩫ︀က︀ꩫ︀်ႈ လ︀ုက︀်ႉလ︀ၢꩫ︀်မ︀ꩫ︀်းက︀ူဝ်ႇလ︀ိူင︀်ႈမ︀ႆ︀ႛက︀ေႃႇ တ︀ီတ︀ၢင︀်ꩭႂ်ႛꩫ︀မ︀် ꩫ︀ꩬ︀ီက︀ိꩫ︀်ဝႆ︀ႇဢ︀ူ။ 31မ︀ꩫ︀်းယ︀ႃႇ ဢ︀ꩫ︀်ႈက︀ꩫ︀်ႛꩫ︀ႃႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛတ︀ီꩭီတ︀်ꩫ︀ႆ︀ႇမ︀ႆ︀ႛ တ︀ွင︀်းꩫ︀ႆ︀ႇꩬ︀ီ လ︀ွင︀်ႈꩡ︀ဝ်ႛမ︀ေꩬ︀ိယ︀ တ︀ီꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇ မ︀ꩫ︀်းꩭူဝ်းဝႆ︀ႇꩫ︀ႆ︀ႇယ︀ႃႇ
“မ︀ꩫ︀်းꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀ိူင︀်းၵ︀ုꩫ︀်တ︀ႆ︀ၢႈမ︀ႆ︀ႛ ꩵ︀ႈၵ︀ွတ︀်ဝႆ︀ႇ။
တ︀ူဝ်ႈမ︀ꩫ︀်းꩡ︀ဝ်ႛမ︀ႆ︀ႛက︀ေႃႇ ပ︀ႃꩡ︀ႃႇမ︀ႆ︀ႛ ꩵ︀ႈꩭႂ်ႛꩫ︀ဝ်ႈ” ꩫ︀ဝꩫ︀်ႇ။
32ꩡ︀ဝ်ႛယ︀ေꩬ︀ု ꩡ︀ဝ်ႛမ︀ေꩬ︀ိယ︀ꩫ︀ႆ︀ႇမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈꩫ︀ိပ︀်ပ︀ွက︀်ႉမ︀ႃးယ︀ဝ်ႇꩫ︀ꩫ︀ႆ︀ႇ တ︀ူႈတ︀င︀်းမ︀ိူင︀်း ꩬ︀ၢက︀်ႉꩬ︀ေꩫ︀မ︀်။ 33ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ဝ်ႛယ︀ေꩬ︀ုမ︀ႆ︀ႛ ဢ︀ဝ်ႈၵ︀ိုꩫ︀်ႛက︀ႃဢ︀ူပ︀ႃႛၵ︀ႃမ︀ꩫ︀်းꩡ︀ဝ်ႛဝႆ︀ႇယ︀ဝ်ႇ။ ယ︀ဝ်ႇက︀ီး ꩫ︀င︀်မ︀ꩫ︀်းꩡ︀ဝ်ႛ က︀တ︀ိꩭႂ်ႛဝႆ︀ႇꩫ︀ႆ︀ႇꩫ︀က︀ꩫ︀်ႈ ꩡ︀ဝ်ႛယ︀ေꩬ︀ုမ︀ႆ︀ႛ ၵ︀ွꩫ︀်မ︀ꩫ︀်းꩡ︀ဝ်ႛ ပ︀ူင︀်ႈဢ︀ၢပ︀်ႉꩭႂ်ႛယ︀ဝ်ႇ။ ဢ︀ꩫ︀်ႈင︀ႆ︀ႚꩬ︀ူꩭꩫ︀်က︀ꩫ︀်ႈ၊ ꩫ︀ႆ︀ႛꩥ︀ိꩫ︀်းက︀ꩫ︀်ႈꩫ︀ႆ︀ႇၵ︀ဝ်ယ︀ႃႇ ꩬ︀ူးက︀ျေးꩡ︀ူးဢ︀ꩫ︀်ႈꩡ︀ဝ်ႛယ︀ေꩬ︀ု တ︀ူႈမ︀ႆ︀ႛတ︀ၢင︀်ႇလ︀ိူင︀်ႈ ပ︀ူင︀်ႈဢ︀ၢပ︀်ႉꩭႂ်ႛဝႆ︀ႇꩫ︀ႆ︀ႇꩫ︀မ︀်။ 34-35ဢ︀ꩫ︀်ႈၵ︀ိုꩫ︀်ႛက︀ႃက︀ꩫ︀်ႛꩫ︀ိူဝ်က︀ၢင︀်ႈꩭၢဝ်ꩫ︀ႆ︀ႇ ꩡ︀ဝ်ႛꩭူဝ်ၵ︀မ︀်းၻႃဝိꩵ︀ႈꩡ︀ႂ်ႈ။ ꩫ︀ႆ︀ႇꩬ︀ေႇမ︀ဝ်က︀ႃး ꩡ︀ဝ်ႛꩭူဝ်ၵ︀မ︀်းၻႃဝိယ︀ႃႇ
“ပ︀ႃႛၵ︀ႃက︀ဝ်ႈမ︀ႆ︀ႛ ꩫ︀င︀်ႈꩬ︀ီဢ︀ူတ︀ႃႉ။
လ︀ꩫ︀်ꩬ︀ူမ︀ႂ်းၵ︀ဝ်မ︀ႆ︀ႛ ဢ︀ဝ်ႈပ︀ီꩫ︀်ႈတ︀င︀်တ︀ိꩫ︀်ႈမ︀ႂ်းꩭႂ်ႛက︀ွတ︀်”
ꩫ︀ꩬ︀ီ ꩡ︀ဝ်ႛက︀ဝ်ႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဝႃႈဢ︀ူ”
ꩫ︀ꩬ︀ီဝႃႈဝႆ︀ႇဢ︀ူ။ 36င︀ႆ︀းꩬ︀ီ ပ︀ူဝ်မ︀ေပ︀ီꩫ︀ွင︀်ႇဢ︀ီတ︀်ꩬ︀ြေးၵ︀ဝ်ꩴ︀း ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈပ︀ီꩫ︀်ႈꩡ︀ဝ်ႛ၊ ဢ︀ဝ်ႈပ︀ီꩫ︀်ႈမ︀ေꩬ︀ိယ︀ဝႆ︀ႇꩫ︀ႆ︀ႇယ︀ႃႇ ꩡ︀ဝ်ႛယ︀ေꩬ︀ုဢ︀ꩫ︀်ႈꩬ︀ူက︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ တ︀ၢင︀်ꩬ︀ီ ဢ︀ဝ်ႈတ︀ႆ︀ၢႈမ︀ႃးꩫ︀ႆ︀ႇꩫ︀မ︀်ꩫ︀ꩫ︀ႆ︀ႇ တ︀ွင︀်းမ︀တ︀်ႉက︀ꩫ︀်ႈတ︀ေႇတ︀ေႇတ︀ႃႉ” ꩫ︀ဝꩫ︀်ႇ။
37ၵ︀ၢမ︀်းဢ︀မ︀ႂ်းꩫ︀ႆ︀ႛꩥ︀ိꩫ︀်းက︀ီး ၵ︀ဝ်ယ︀ႃႇမ︀ႆ︀ႛꩡ︀ႂ်ႈက︀ပ︀်ႉꩡ︀ႂ်ႈလ︀ူင︀်ꩬ︀ီ ပ︀ေတ︀ရ︀ုင︀ႆ︀းတ︀မ︀ၢꩫ︀်ꩡ︀ဝ်ႛတ︀ၢင︀်က︀ူဝ်ႇ ꩫ︀ႆ︀ႇၵ︀ဝ်မ︀ႆ︀ႛ “ꩫ︀ႆ︀ႇက︀ီး ပ︀ီႈꩫ︀ွင︀်ႈၵ︀ဝ်ꩴ︀း တ︀ူႈꩭိုဝ်လ︀ိုဝ်ꩫ︀ႆ︀ ဝႃႈꩭီတ︀်ꩫ︀ႆ︀ႇ” ꩫ︀ꩬ︀ီထၢမ︀်က︀ꩫ︀်ႈဢ︀ူ။ 38ꩫ︀ႆ︀ႇမ︀ႆ︀ႛပ︀ေတ︀ရ︀ုယ︀ႃႇ “ဢ︀ပ︀ႅတ︀်ႉꩬ︀ူမ︀ႆ︀ႛꩭႂ်ႛပ︀ူဝ်း ၸ︀ြႃးပ︀ီꩫ︀်ႈꩡ︀ဝ်ႛ ပ︀ွႆ︀ꩭႂ်ႛꩫ︀ႆ︀ႇ က︀ူႈက︀ူဝ်ႇ ꩬ︀ၢင︀်ဝွေꩬ︀ီ ꩡ︀ိုဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩭၢပ︀်ႉဢ︀ဝ်ႈက︀ꩫ︀်ႈတ︀ႃႉ။ င︀ႆ︀းက︀ီး ꩬ︀ူးက︀ျေးꩡ︀ူးၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႛက︀ꩫ︀်ႈဢ︀ူ။ 39ꩬ︀ူးက︀ျေးꩡ︀ူးဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛက︀ွတ︀်ꩫ︀ꩬ︀ီ က︀တ︀ိꩭႂ်ႛဝႆ︀ႇꩫ︀ႆ︀ႇယ︀ႃႇ ꩡ︀ႃႇꩭၢင︀်းꩬ︀ူ၊ ꩡ︀ႃႇꩭၢင︀်းလ︀ုက︀်ႉလ︀ၢင︀်းꩬ︀ူင︀ႆ︀း ꩡ︀ႃႇꩭၢင︀်းက︀ူꩫ︀်းဢ︀ꩫ︀်ႈတ︀င︀်းၸ︀ြႃးပ︀ီꩫ︀်ႈꩡ︀ဝ်ႛက︀ႆ︀ႈ ဢ︀ꩫ︀်ႈမ︀ꩫ︀်းꩡ︀ဝ်ႛꩭွင︀်ႇဝႆ︀ႇꩫ︀ႆ︀ႇၵ︀ဝ်တ︀င︀်းမ︀ိူင︀်းꩫ︀မ︀်” ꩫ︀ဝꩫ︀်ႇ။
40ꩬ︀မ︀်ႇꩬ︀ီ ပ︀ေတ︀ရ︀ုယ︀ႃႇ “လ︀ုက︀်ႉၸ︀ေးတ︀ၢမ︀်ဢ︀ပ︀ႅတ︀်ႉဢ︀ꩫ︀်ႈ က︀ူꩫ︀်းꩭႆ︀ၢႇက︀ူꩫ︀်းꩭုက︀်ꩫ︀ႆ︀ႇၵ︀ဝ်တ︀ီꩫ︀ႆ︀ႛၵ︀ၢမ︀်ꩫ︀ႆ︀ႇမ︀ႆ︀ႛ ꩬ︀ူꩡ︀ဝ်ႛဢ︀ဝ်ႈလ︀ွတ︀်ႉက︀ꩫ︀်ႈတ︀ႃႉ” ꩫ︀ꩬ︀ီ ၵ︀ဝ်မ︀ႆ︀ႛဢ︀ၢꩫ︀်တ︀ၢꩫ︀်ꩭူဝ်းꩭႂ်ႛꩬ︀ူꩫ︀်းꩭႂ်ႛဢ︀ူ။ 41ꩫ︀ႆ︀ႇမ︀ႆ︀ႛက︀ူꩫ︀်းဢ︀ၢꩫ︀်တ︀ၢꩫ︀် ၵ︀ၢမ︀်းတ︀ြႃးမ︀ꩫ︀်းမ︀ႆ︀ႛ ယ︀ုမ︀်ယ︀မ︀်ႈꩬ︀ီ မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩭၢပ︀်ႉဢ︀ဝ်ႈက︀ꩫ︀်ႈဢ︀ူ။ ဝꩫ︀်းမ︀ိူဝ်ႈဢ︀မ︀ႂ်း ၸ︀ူႛယ︀ုမ︀်ယ︀မ︀်ႈၵ︀ꩫ︀်ꩬ︀ၢမ︀်ꩭီင︀်က︀ူဝ်ႇ ꩫ︀မ︀်ဢ︀ိက︀်မ︀ႃးဢ︀ူ။ 42ၵ︀ဝ်ယ︀ႃႇ ၵ︀ၢမ︀်းတ︀ြႃးတ︀မ︀ၢꩫ︀်ꩡ︀ဝ်ႛၵ︀ဝ်မ︀ႆ︀ႛ ꩭၢပ︀်ႉထွမ︀်က︀ꩫ︀်ႈ၊ ၵ︀ဝ်ႛၵ︀ွꩫ︀်ႛက︀ꩫ︀်ႈ၊ ꩭူမ︀်ႈက︀ိꩫ︀်ႈပ︀ွႆ︀းမ︀ၢင︀်က︀လ︀ႃꩡ︀ဝ်ႛက︀ꩫ︀်ႈ၊ ꩭူမ︀်ႈယ︀ွꩫ︀်းꩬ︀ူးက︀ꩫ︀်ႈင︀ႆ︀းꩬ︀ီ ဢ︀ူဢ︀ူ။
လ︀ွင︀်ႈၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် က︀ိꩫ︀်ႈꩫ︀ုင︀်ႈ
43တ︀မ︀ၢꩫ︀်ꩡ︀ဝ်ႛꩫ︀ႆ︀ႇၵ︀ဝ်ယ︀ႃႇ လ︀ၢႆ︀းꩫ︀ိမ︀ိက︀်ႉဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ် ဢ︀ၢꩫ︀်တ︀ၢꩫ︀်ပ︀ျႃးꩬ︀ီ က︀ူꩫ︀်းꩫ︀ႆ︀ႇၵ︀ဝ်ဢ︀ၢမ︀်းꩬ︀ီက︀ူဝ်ႈက︀ꩫ︀်ႈဢ︀ူ။ 44ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်ယ︀ႃႇ တ︀ီႈလ︀ိူင︀်ႈမ︀ႆ︀ႛꩫ︀ႆ︀ၢႈꩭူမ︀်ႈဢ︀ူꩬ︀ီ ၵ︀ိူင︀်ႈၵ︀ဝ်တ︀င︀်းလ︀ုင︀်က︀ေႃႇ ꩭူမ︀်ႈတ︀ိုဝ်းꩭူမ︀်ႈက︀ိꩫ︀်ႈ၊ 45ၵ︀ိူင︀်ႈၵ︀ဝ်ၵ︀ႆ︀ၢꩬ︀ီ ꩫ︀ႂ်းက︀ုမ︀်ႛၵ︀ဝ်မ︀ႆ︀ႛ ဢ︀ꩫ︀်ႈၸ︀ူႛꩭၢင︀်ႇꩫ︀ႆ︀ႇၵ︀ဝ်မ︀ႆ︀ႛ က︀ႃႈꩫ︀င︀်ꩭၢင︀်ႇꩫ︀ႆ︀ႇ ပ︀ꩫ︀်ႈꩭႂ်ႛက︀ꩫ︀်ႈ၊ 46က︀ူႈဝꩫ︀်းꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛင︀ႆ︀း ꩭိူꩫ︀်းၵ︀ဝ်ꩫ︀ႆ︀ႇၵ︀ဝ်မ︀ႆ︀ႛ တ︀ုမ︀်ႈက︀ꩫ︀်ႈꩬ︀ီ ပ︀ိဝ်ꩰမ︀ူꩫ︀်းꩰꩭူမ︀်ႈက︀ိꩫ︀်ႈက︀ꩫ︀်ႈ၊ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈက︀ွမ︀်းꩫ︀ွမ︀်းက︀ꩫ︀်ႈင︀ႆ︀း 47မ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈꩬ︀ီ က︀ꩫ︀်ႛꩫ︀ႃႛက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩫ︀ႆ︀ႛꩫ︀ႃႛꩫ︀ႆ︀ႛတ︀ႃႈက︀ꩫ︀်ႈဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛၵ︀ေꩬ︀ေဝႆ︀ႇꩫ︀ႆ︀ႇၵ︀ဝ် ဝꩫ︀်းလ︀ိူင︀်ႈယ︀ဝ်ႇ ဝꩫ︀်းလ︀ိူင︀်ႈ ဢ︀ဝ်ႈꩫ︀မ︀်မ︀ႃးꩭႂ်ႛဢ︀ူ။
Currently Selected:
ထဝ်ꩡ︀တ︀်ႉၵ︀ဝ် 2: kht
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
ထဝ်ꩡ︀တ︀်ႉၵ︀ဝ် 2
2
လ︀ွင︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛက︀ျွႃးမ︀ႃး
1ဝꩫ︀်းပ︀ွႆ︀းပ︀ီꩫ︀်တ︀ေက︀ုက︀်ႉတ︀ေထိုင︀်မ︀ႃးက︀ီး ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်တ︀င︀်းမ︀ိူင︀်း တ︀ီႈလ︀ိူင︀်ႈမ︀ႆ︀ႛ မ︀ႃးတ︀ုမ︀်ႈက︀ꩫ︀်ႈဢ︀ူ။ 2မ︀ိူဝ်ႈဢ︀မ︀ႂ်း လ︀ုက︀်ႉက︀ၢင︀်ႈꩭၢဝ်မ︀ႆ︀ႛ ꩫ︀င︀်ꩬ︀ီင︀်လ︀ူမ︀်းလ︀ူင︀်တ︀ိက︀်ꩫ︀က︀ꩫ︀်ႈ ꩬ︀ီင︀်ဢ︀ꩫ︀်ႈလ︀ိူင︀်ႈ က︀တ︀ိက︀်က︀တ︀ၢင︀်းဢ︀ွက︀်မ︀ႃးꩬ︀ီ က︀ꩫ︀်ႛꩫ︀ႂ်းꩭိူꩫ︀်းဢ︀ꩫ︀်ႈၵ︀ဝ်ꩫ︀င︀်ႈက︀ꩫ︀်ႈꩬ︀ီဢ︀ူꩫ︀ႆ︀ႇမ︀ႆ︀ႛ ဢ︀ဝ်ႈၵ︀င︀်းဝိုဝ်ႇꩰဢ︀ူ။ 3လ︀ိꩫ︀်ႇၸ︀ႆ︀းꩫ︀က︀ꩫ︀်ႈꩫ︀ႆ︀ႇၵ︀ဝ်မ︀ႆ︀ႛက︀ေႃႇ ၵ︀ဝ်ꩭꩫ︀်ဢ︀ူ။ လ︀ိꩫ︀်ႇၸ︀ႆ︀းဢ︀မ︀ႂ်းၵ︀ဝ်ယ︀ႃႇ ၸ︀ူင︀်ႇက︀ႃꩬ︀ီ က︀ꩫ︀်ႛꩫ︀ိူဝ်က︀ူꩫ︀်းက︀ူႈက︀ူဝ်ႇဢ︀ꩫ︀်ႈဢ︀ူꩭိူꩫ︀်းဢ︀မ︀ႂ်းၵ︀ဝ်မ︀ႆ︀ႛ က︀ႃꩡ︀ပ︀်က︀ꩫ︀်ႈဢ︀ူ။ 4ၵ︀ဝ်မ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛတ︀ီမ︀်ႈင︀ႆ︀း ꩫ︀င︀်ဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ တ︀ꩫ︀်းၵ︀ူဝ်းꩬ︀ႂ်ꩭႂ်ႛꩫ︀က︀ꩫ︀်ႈ ၵ︀ၢမ︀်းတ︀ၢင︀်ၸ︀ꩫ︀်းဢ︀ꩫ︀်ႈလ︀ၢက︀်ဢ︀ꩫ︀်ႈလ︀ႆ︀ၢးꩫ︀ႆ︀ႇၵ︀ဝ် က︀ူဝ်ꩬ︀ီတ︀ၢꩫ︀်ႛက︀ꩫ︀်ႈꩭူဝ်းက︀ꩫ︀်ႈဢ︀ူ။
5မ︀ိူဝ်ႈဢ︀မ︀ႂ်း က︀ျူးဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈ ဢ︀ꩫ︀်ႈလ︀ုက︀်ႉတ︀င︀်းက︀မ︀်ၸ︀ႃမ︀ႃးꩫ︀ႆ︀ႇၵ︀ဝ် ဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛ ꩬ︀ဝ်းက︀ꩫ︀်ႈဢ︀ူ။ 6ꩬ︀ီင︀်ဢ︀ꩫ︀်ႈဢ︀ုက︀်က︀ꩫ︀်ႈꩫ︀ႆ︀ႇၵ︀ဝ်မ︀ႆ︀ႛ ꩫ︀ႆ︀ႛꩥ︀ိꩫ︀်းက︀ီး တ︀ီႈဢ︀မ︀ႂ်းမ︀ႆ︀ႛ က︀ူꩫ︀်းဢ︀ၢꩫ︀်တ︀ၢꩫ︀် တ︀ုမ︀်ႈမ︀ႃးက︀ꩫ︀်ႈဢ︀ူ။ ၵ︀ဝ်ယ︀ႃႇ ဢ︀ꩫ︀်ႈၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် ꩭူဝ်းက︀ꩫ︀်ႈတ︀ၢꩫ︀်ႛက︀ꩫ︀်ႈꩫ︀ႆ︀ႇမ︀ႆ︀ႛ ꩫ︀င︀်ၵ︀ၢမ︀်းၵ︀ဝ်ၸ︀ူႛꩡ︀ဝ်ႛꩫ︀က︀ꩫ︀်ႈ ꩫ︀ႆ︀ႛꩥ︀ိꩫ︀်းꩬ︀ီ ဢ︀ၢမ︀်းလ︀ူင︀်ဢ︀ၢမ︀်းလ︀ၢင︀်က︀ꩫ︀်ႈဢ︀ူ။ 7င︀ႆ︀းꩬ︀ီ ၵ︀ဝ်ယ︀ႃႇ “က︀ူꩫ︀်းဢ︀ꩫ︀်ႈင︀ႆ︀ႚတ︀ၢꩫ︀်ႛက︀ꩫ︀်ႈꩫ︀ႆ︀ႇၵ︀ဝ်ယ︀ႃႇ က︀ူꩫ︀်းတ︀ိူင︀်းက︀ႃလ︀ိလ︀ႄးꩫ︀ႆ︀ႇၵ︀ဝ်မ︀ဝ်ꩡ︀ႂ်ႈ။ 8ꩭိုဝ်လ︀ိုဝ်ꩬ︀ီꩫ︀ႆ︀ ၵ︀ၢမ︀်းမ︀ိူင︀်းꩭဝ်းꩡ︀ဝ်ႛꩫ︀က︀ꩫ︀်ႈ ꩭဝ်းꩫ︀ႆ︀ႛꩥ︀ိꩫ︀်းက︀ꩫ︀်ႈꩫ︀ႆ︀ႇ။ 9ꩭဝ်းယ︀ႃႇ လ︀ုက︀်ႉမ︀ိူင︀်းပ︀ႃတ︀ိ၊ မ︀ိူင︀်းမ︀ေတ︀ိ၊ မ︀ိူင︀်းဢ︀ေလ︀ံ၊ မ︀ိူင︀်းမ︀ေꩬ︀ူဝ်ပ︀ူဝ်တ︀ေမ︀ိယ︀၊ မ︀ိူင︀်းယ︀ုတ︀၊ မ︀ိူင︀်းက︀ပ︀်ပ︀တ︀ေႃက︀ိ၊ မ︀ိူင︀်းပ︀ုꩫ︀်တ︀ု၊ မ︀ိူင︀်းဢ︀ႃꩬ︀ျ၊ 10မ︀ိူင︀်းၸ︀ျုက︀ိ၊ မ︀ိူင︀်းပ︀မ︀်ၸ︀ုလ︀ိ၊ မ︀ိူင︀်းဢ︀ီက︀ျီပ︀်ꩫ︀ႆ︀ႇၵ︀ဝ်၊ လ︀ုက︀်ႉတ︀ိူင︀်းလ︀ိတ︀်ပ︀ျႃး ဢ︀ꩫ︀်ႈတ︀ႆ︀ၢႛဝီင︀်းက︀ုရ︀ေꩫ︀ေꩫ︀ႆ︀ႇၵ︀ဝ်မ︀ႆ︀ႛ ꩬ︀င︀်မ︀ႃးက︀ေႃႇ 11ꩭဝ်းက︀မ︀်ႈၸ︀ွမ︀်းယ︀ႃႇ က︀ျူးꩫ︀ႆ︀ႇၵ︀ဝ်၊ က︀ရ︀ိက︀်ဢ︀ꩫ︀်ႈၵ︀ဝ်ႛၸ︀ႃꩬ︀ႃက︀ျူး ဢ︀ꩫ︀်ႈလ︀ုက︀်ႉမ︀ိူင︀်းရ︀ေႃမ︀မ︀ႆ︀ႛမ︀ႃးꩫ︀ႆ︀ႇၵ︀ဝ်ꩬ︀င︀်ꩡ︀ႂ်ႈက︀ေႃႇ၊ ၵ︀ိုꩫ︀်းꩫ︀က︀ဝ် ꩭဝ်းက︀မ︀်ႈၸ︀ွင︀်းယ︀ႃႇ က︀ူꩫ︀်းမ︀ိူင︀်းက︀ရ︀ေတ︀ေ ꩫ︀ႆ︀ႇၵ︀ဝ်၊ က︀ူꩫ︀်းဢ︀ႃရ︀ေပ︀ျꩫ︀ႆ︀ႇၵ︀ဝ်ꩬ︀င︀်ꩡ︀ႂ်ႈက︀ေႃႇ၊ လ︀ွင︀်ႈဢ︀ꩫ︀်းၸ︀ြႃးပ︀ီꩫ︀်ႈꩡ︀ဝ်ႛ ꩭီတ︀်ဢ︀မ︀ူးၵ︀ိူင︀်ႈꩫ︀ီႈဢ︀ၢမ︀်းမ︀ႃးꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈၵ︀ၢမ︀်းꩭဝ်းၸ︀ူႛꩡ︀ဝ်ႛꩬ︀လ︀ႂ်ႈꩫ︀ႆ︀ႛꩥ︀ိꩫ︀်းက︀ꩫ︀်ႈꩫ︀ႆ︀ႇ ꩭိုဝ်လ︀ိုဝ်လ︀ိူဝ်း” ꩫ︀ဝꩫ︀်ႇ။ 12ၵ︀ဝ်ယ︀ႃႇ ဢ︀ၢမ︀်းꩰဝၢင︀်ꩰ ꩬ︀ီ “လ︀ွင︀်ႈꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈꩭိုဝ်လ︀ိုဝ်လ︀ိူဝ်း” ꩫ︀ꩬ︀ီ ၵ︀ဝ်ၸ︀ူႛꩡ︀ဝ်ႛꩫ︀ႆ︀ၢႈ ဝႃႈက︀ꩫ︀်ႈဢ︀ူ။ 13ၵ︀ိုꩫ︀်းꩫ︀က︀ဝ် က︀ူꩫ︀်းတ︀ၢင︀်က︀ူဝ်ႇꩫ︀ႆ︀ႇၵ︀ဝ်ယ︀ႃႇ “ဢ︀ꩫ︀်ႈꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈမ︀ဝ်းလ︀ဝ်ႛက︀ꩫ︀်ႈꩬ︀င︀်ꩡ︀ႂ်ႈက︀ေႃႇ” ꩫ︀ꩬ︀ီ တ︀ၢꩫ︀်ႛဢ︀လ︀ွေႛက︀ꩫ︀်ႈဢ︀ူ။
လ︀ွင︀်ႈဢ︀ꩫ︀်ႈပ︀ေတ︀ရ︀ုꩭူဝ်း
14ယ︀ဝ်ႇက︀ီးပ︀ေတ︀ရ︀ုယ︀ႃႇ တ︀င︀်းတ︀မ︀ၢꩫ︀်ꩡ︀ဝ်ႛ ꩬ︀ိပ︀်ဢ︀ီတ︀်က︀ူဝ်ႇ ꩭူမ︀်ႈလ︀ုက︀်ႉယ︀ဝ်ႇက︀ီး ꩬ︀ီင︀်ဢ︀ဝ်ႈꩭႅင︀်းꩬ︀ီ “ပ︀ူဝ်မ︀ေပ︀ီꩫ︀ွင︀်ႇယ︀ုတ︀ၵ︀ဝ်၊ က︀ူꩫ︀်းဝီင︀်းယ︀ေရ︀ုꩬ︀လ︀ိမ︀်ၵ︀ဝ်တ︀င︀်းမ︀ိူင︀်း ထွမ︀်က︀ꩫ︀်ႈတ︀ီၵ︀ႃႛမ︀ႃးတ︀ႃႉ။ လ︀ွင︀်ႈꩫ︀ႆ︀ႇပ︀ီꩫ︀်ႈꩭိုဝ်ꩫ︀ꩫ︀ႆ︀ႇ က︀ဝ်ႈၵ︀ႃႛၵ︀ႆ︀ႈꩭႂ်ႛတ︀ီၵ︀ႃႛက︀ွတ︀်။ 15ၵ︀ဝ်မ︀ဝ်းလ︀ဝ်ႛက︀ꩫ︀်ႈꩫ︀မ︀်ꩫ︀ꩬ︀ီ ꩬ︀ူꩡ︀ဝ်ႛဝႃႈꩫ︀ႆ︀ႇꩵ︀ႈꩡ︀ႂ်ႈတ︀ီၵ︀ႃႛ။ င︀ႆ︀ႚꩬ︀ိုင︀် ꩬ︀င︀်က︀ူဝ်က︀ၢင︀်ႈလ︀ႂ် က︀ဝ်ႛမ︀ွင︀်းꩫ︀ႆ︀ၢႈꩫ︀မ︀်။ ၵ︀ဝ်ꩵ︀ႈမ︀ဝ်းလ︀ဝ်ႛတ︀ီၵ︀ႃႛ။ 16ဢ︀ꩫ︀်ႈတ︀ေႇတ︀ေႇက︀ီး ဢ︀ꩫ︀်ႈꩫ︀ႆ︀ႇယ︀ႃႇ လ︀ွင︀်ႈဢ︀ꩫ︀်ႈပ︀ရ︀ေႃးၸ︀ႅတ︀်ႉယ︀ေႃလ︀ꩭူဝ်းမ︀ႃးꩫ︀ႆ︀ႇတ︀ီၵ︀ႃႛꩫ︀မ︀်။ ယ︀ေႃလ︀ယ︀ႃႇ
17“ၸ︀ြႃးပ︀ီꩫ︀်ႈꩡ︀ဝ်ႛဝႃႈꩫ︀ႆ︀ႇ
“ဝꩫ︀်းပ︀ႆ︀ၢႈꩭၢင︀်မ︀ႆ︀ႛယ︀ႃႇ က︀ူꩫ︀်းက︀ူႈၸ︀ꩫ︀်းမ︀ႆ︀ႛ ၵ︀ွꩫ︀်က︀ဝ်ႈတ︀ီလ︀ူဝ်ꩭႂ်ႛꩫ︀မ︀်။
လ︀ုက︀်ႉလ︀ၢင︀်းꩬ︀ူꩫ︀ႆ︀ႇၵ︀ဝ်ယ︀ႃႇ ၵ︀ၢမ︀်းတ︀ြႃးက︀ဝ်ႈ တ︀ီꩭူဝ်းက︀ꩫ︀်ႈꩫ︀မ︀်။
က︀ူꩫ︀်းꩫ︀ုမ︀်ꩫ︀ႆ︀ႇၵ︀ဝ် တ︀ီꩭꩫ︀်ၿျႃၻိက︀်ႉက︀ꩫ︀်ႈꩫ︀မ︀်။
က︀ူꩫ︀်းထဝ်ႛꩫ︀ႆ︀ႇၵ︀ဝ်ယ︀ႃႇ တ︀ီၸ︀ꩫ︀်ꩭꩫ︀်က︀ꩫ︀်ႈꩫ︀မ︀်။
18ဝူင︀်ႈမ︀ိူဝ်ႈဢ︀မ︀ႂ်း ၸ︀ူႛꩡ︀ႂ်ႇက︀ဝ်ႈ ၸ︀ူႛꩡ︀ႆ︀ၢးၸ︀ူႛယ︀ိင︀်းꩫ︀ႆ︀ႇၵ︀ဝ်မ︀ႆ︀ႛ ၵ︀ွꩫ︀်က︀ဝ်ႈလ︀ူဝ်ꩭႂ်ႛꩬ︀ီ
ၵ︀ဝ်ယ︀ႃႇ ၵ︀ၢမ︀်းတ︀ြႃးက︀ဝ်ႈတ︀ီꩭူဝ်းက︀ꩫ︀်ႈꩫ︀မ︀်။
19က︀ၢင︀်ႈꩭၢဝ်မ︀ႆ︀ႛယ︀ႃႇ လ︀ႆ︀ၢးꩫ︀ိမ︀ိက︀်ႉꩫ︀ႆ︀ႇၵ︀ဝ်၊ က︀ꩫ︀်ႛꩫ︀ိူဝ်လ︀င︀်ꩫ︀ိꩫ︀်ႈမ︀ႆ︀ႛယ︀ႃႇ
ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ် က︀ဝ်ႈတ︀ီပ︀ျႃးꩫ︀မ︀်။
ဢ︀ဝ်ႈꩫ︀ိူတ︀်ႉ၊ ဢ︀ဝ်ႈမ︀ုက︀်ႉၸ︀ႆ︀း၊ ဢ︀ဝ်ႈက︀ွꩫ︀်ႈၸ︀ႆ︀းꩫ︀ႆ︀ႇၵ︀ဝ်က︀ေႃႇ
က︀ဝ်ႈတ︀ီပ︀ျႃးလ︀ၢႆ︀းꩫ︀ိမ︀ိက︀်ႉꩫ︀မ︀်။
20မ︀ိူဝ်ႈဝꩫ︀်းမ︀ႅတ︀်ႉလ︀ူင︀်ꩡ︀ဝ်ႛထႃဝရ︀ၸ︀ြႃးꩵ︀ႈပ︀ႆ︀ထိုင︀်ꩫ︀ႆ︀ႇ
က︀ၢင︀်ႈဝꩫ︀်းတ︀ီꩫ︀ပ︀်ꩬ︀ိင︀်တ︀ိက︀်ႉꩰက︀ႃꩫ︀မ︀်။
ပ︀ူꩫ︀ိူꩫ︀်ႈက︀ေႃႇ ꩫ︀င︀်ꩫ︀ိူတ︀်ႉꩫ︀က︀ꩫ︀်ႈ တ︀ီꩫ︀ႅင︀်ႈၸ︀ႄႇꩰက︀ႃꩫ︀မ︀်။
21မ︀ိူဝ်ႈဢ︀မ︀ႂ်း က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ၢဝ်ꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛတ︀ီၵ︀ေꩬ︀ေꩭႂ်ႛꩫ︀မ︀်” ” ꩫ︀ဝꩫ︀်ႇ။
22ပ︀ူဝ်မ︀ေပ︀ီꩫ︀ွင︀်ႇ ဢ︀ီတ︀်ꩬ︀ြေးၵ︀ဝ်ꩴ︀း ထွမ︀်က︀ꩫ︀်ႈတ︀ီၵ︀ႃႛမ︀ႃးတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ုက︀်ႉꩡ︀ဝ်ႛယ︀ေꩬ︀ု က︀ူꩫ︀်းဝီင︀်းꩫ︀ႃꩡ︀ရ︀ႅတ︀်မ︀ႆ︀ႛ လ︀ႆ︀ၢးꩫ︀ိမ︀ိက︀်ႉꩫ︀ႆ︀ႇၵ︀ဝ် ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ် ꩭဝ်းမ︀ႆ︀ႛꩭီတ︀်ပ︀ျႃးꩭႂ်ႛမ︀ႃး ယ︀ဝ်ႇ။ က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ တ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛတ︀ီမ︀်ႈဢ︀ူꩫ︀ꩫ︀ႆ︀ႇ ꩡ︀ုꩫ︀်ႈꩫ︀ီႈꩫ︀ီႈ တ︀ီၵ︀ႃႛဢ︀ူ။ လ︀ွင︀်ႈꩫ︀ႆ︀ႇၵ︀ဝ်ယ︀ႃႇ ပ︀ၢင︀်ႈꩫ︀ႃႛꩬ︀ူၸ︀ူႛꩡ︀ဝ်ႛမ︀ႆ︀ႛ ပ︀ီꩫ︀်ႈမ︀ႃးꩫ︀ႆ︀ႇꩬ︀ီ ꩬ︀ူၸ︀ူႛꩡ︀ဝ်ႛက︀ေႃႇ တ︀ွင︀်းꩫ︀ီႈꩫ︀ီႈ တ︀ီၵ︀ႃႛဢ︀ူ။ 23ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩫ︀င︀်ဢ︀ꩫ︀်ႈမ︀ꩫ︀်းꩡ︀ဝ်ႛꩬ︀ၢင︀်ဝႆ︀ႇꩫ︀က︀ꩫ︀်ႈ ꩡ︀ဝ်ႛယ︀ေꩬ︀ုမ︀ႆ︀ႛ ꩫ︀ႂ်းမ︀ိုဝ်း လ︀ꩫ︀်ꩬ︀ူꩫ︀ႆ︀ႇၵ︀ဝ်မ︀ႆ︀ႛ ဢ︀ၢပ︀်ႉမ︀ႃးယ︀ဝ်ႇ။ ꩬ︀ူယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ ဢ︀ဝ်ႈမ︀ိုဝ်းက︀ူꩫ︀်းဢ︀ꩫ︀်ႈဢ︀ပ︀ႅတ︀်ႉꩫ︀ႃꩫ︀ႆ︀ႇၵ︀ဝ် ꩬ︀ဝ်ဝႃးမ︀ိုဝ်းမ︀ႆ︀ႛ တ︀ၢင︀်ꩬ︀ီဢ︀ဝ်ႈတ︀ႆ︀ၢႈမ︀ႃးယ︀ဝ်ႇ။ 24ꩫ︀ႆ︀ႇꩫ︀က︀ေႃႇ မ︀ꩫ︀်းꩡ︀ဝ်ႛမ︀ႆ︀ႛၵ︀ုꩫ︀်တ︀ႆ︀ၢႈꩫ︀ႆ︀ႇ ၸ︀ုက︀်ဝႆ︀ႇလ︀ေႚလ︀ေႚꩵ︀ႈပ︀ီꩫ︀်ႈ။ င︀ႆ︀းꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ လ︀ုက︀်ႉတ︀ꩫ︀်းၵ︀ူဝ်းၵ︀ုꩫ︀်တ︀ႆ︀ၢႈမ︀ႆ︀ႛ ဢ︀ဝ်ႈလ︀ွတ︀်ႉဢ︀ွက︀်ꩬ︀ီ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးယ︀ဝ်ႇ။ 25ꩡ︀ဝ်ႛꩭူဝ်ၵ︀မ︀်းၻႃဝိယ︀ႃႇ လ︀ွင︀်ႈမ︀ꩫ︀်းꩡ︀ဝ်ႛဝႃႈဝႆ︀ႇꩫ︀ႆ︀ႇ
“ꩡ︀ဝ်ႛထႃဝရ︀ၸ︀ြႃးမ︀ႆ︀ႛ က︀ဝ်ႈမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇꩭꩫ︀်ဢ︀ူ။
မ︀ꩫ︀်းꩡ︀ဝ်ႛတ︀ႆ︀ၢႛက︀ဝ်ႈမ︀ႆ︀ႛ ဢ︀ူက︀ꩫ︀်ႈꩬ︀ူꩫ︀ႆ︀ႇꩬ︀ီ က︀ဝ်ႈꩵ︀ႈက︀ူဝ်ႈ။
26က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩡ︀ႂ်ႈက︀ဝ်ႈꩬ︀ိူဝ်းပ︀ိဝ်ဢ︀ူ။
ꩬ︀ူပ︀်က︀ဝ်ႈမ︀ႆ︀ႛက︀ေႃႇ ၵ︀ၢမ︀်းဢ︀ꩫ︀်ႈꩬ︀ိူဝ်းပ︀ိဝ်ꩫ︀ႆ︀ၢႈꩬ︀ိုင︀် တ︀ီမ︀်ႈက︀ꩫ︀်ႈဢ︀ူ။
က︀ဝ်ႈꩫ︀ႆ︀ႇ ပ︀ီꩫ︀်ႈက︀ူꩫ︀်းၸ︀ꩫ︀်းဢ︀ꩫ︀်ႈတ︀ႆ︀ၢႈꩡ︀ၢင︀်ႈၵ︀ႂ်ႈလ︀ႂ်ႈꩫ︀က︀ေႃႇ
ꩡ︀ဝ်ႛထႃဝရ︀ၸ︀ြႃးမ︀ႆ︀ႛတ︀ႂ်းထႃႛꩬ︀ီ တ︀ီတ︀မ︀်းꩡ︀ႂ်ႈꩫ︀မ︀်။
27က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ိင︀်းတ︀ူဝ်ꩡ︀ဝ်ႛယ︀ႃႇ က︀ဝ်ႈမ︀ႆ︀ႛမ︀ိူင︀်းၵ︀ုꩫ︀်တ︀ႆ︀ၢႈမ︀ႆ︀ႛ ꩵ︀ႈၵ︀ွတ︀်ဝႆ︀ႇ။
ၸ︀ူႛꩡ︀ႂ်ႇ ၵ︀ိင︀်းတ︀ူဝ်ꩡ︀ဝ်ႛဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်းမ︀ႆ︀ႛက︀ေႃႇ ပ︀ႃꩡ︀ႃႇမ︀ႆ︀ႛꩵ︀ႈꩭႂ်ႛꩫ︀ဝ်ႈ။
28ၵ︀ိင︀်းတ︀ူဝ်ꩡ︀ဝ်ႛ က︀ဝ်ႈမ︀ႆ︀ႛတ︀ၢင︀်းဢ︀ꩬ︀ၢက︀်ႉ ပ︀ျႃးꩭႂ်ႛမ︀ႃးဢ︀ူ။
က︀ဝ်ႈမ︀ႆ︀ႛ ၵ︀ိင︀်းတ︀ူဝ်ꩡ︀ဝ်ႛ ၵ︀ိင︀်းလ︀ွေႛꩬ︀ီ တ︀ီဢ︀ဝ်ႈပ︀ိဝ်ယ︀ႃꩬ︀ႃꩡ︀ႂ်ႈꩭႂ်ႛꩫ︀မ︀်” ꩫ︀ဝꩫ︀်ႇ။
29ပ︀ူဝ်မ︀ေပ︀ီႈꩫ︀ွင︀်ႇၵ︀ဝ်ꩴ︀း လ︀ွင︀်ႈပ︀ူလ︀ီꩫ︀်ၻႃဝိꩭဝ်းဢ︀ꩫ︀်ႈက︀ူꩫ︀်းတ︀ွင︀်းꩫ︀မ︀်ꩫ︀ႆ︀ႇ က︀ဝ်ႈၵ︀ႃႛ ၵ︀ႆ︀ႈꩡ︀ုꩫ︀်ႈꩰလ︀ႅင︀်းꩰꩭႂ်ႛတ︀ီၵ︀ႃႛက︀ွတ︀်။ မ︀ꩫ︀်းယ︀ႃႇတ︀ႆ︀ၢႈက︀ႃꩬ︀ီ ပ︀ႃꩡ︀ႃႇမ︀ႆ︀ႛၸ︀င︀်ဝႆ︀ႇဢ︀ူ။ ထမ︀်ႛပ︀ႃꩡ︀ႃႇမ︀ꩫ︀်းမ︀ႆ︀ႛ တ︀ူက︀်ꩡ︀ိူမ︀်ႈင︀ႆ︀ႚက︀ေႃႇ ꩭဝ်းꩭꩫ︀်ဢ︀ူ။ 30မ︀ꩫ︀်းယ︀ႃႇပ︀ီꩫ︀်ႈပ︀ရ︀ေႃးၸ︀ႅတ︀်ႉꩬ︀ီ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛက︀တ︀ိꩭႂ်ႛဝႆ︀ႇမ︀ႆ︀ႛတ︀ွင︀်းဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩫ︀င︀်မ︀ꩫ︀်းမ︀ႆ︀ႛ တ︀ၢင︀်ꩭူဝ်ၵ︀မ︀်းꩭႂ်ႛꩫ︀က︀ꩫ︀်ႈ လ︀ုက︀်ႉလ︀ၢꩫ︀်မ︀ꩫ︀်းက︀ူဝ်ႇလ︀ိူင︀်ႈမ︀ႆ︀ႛက︀ေႃႇ တ︀ီတ︀ၢင︀်ꩭႂ်ႛꩫ︀မ︀် ꩫ︀ꩬ︀ီက︀ိꩫ︀်ဝႆ︀ႇဢ︀ူ။ 31မ︀ꩫ︀်းယ︀ႃႇ ဢ︀ꩫ︀်ႈက︀ꩫ︀်ႛꩫ︀ႃႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛတ︀ီꩭီတ︀်ꩫ︀ႆ︀ႇမ︀ႆ︀ႛ တ︀ွင︀်းꩫ︀ႆ︀ႇꩬ︀ီ လ︀ွင︀်ႈꩡ︀ဝ်ႛမ︀ေꩬ︀ိယ︀ တ︀ီꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇ မ︀ꩫ︀်းꩭူဝ်းဝႆ︀ႇꩫ︀ႆ︀ႇယ︀ႃႇ
“မ︀ꩫ︀်းꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀ိူင︀်းၵ︀ုꩫ︀်တ︀ႆ︀ၢႈမ︀ႆ︀ႛ ꩵ︀ႈၵ︀ွတ︀်ဝႆ︀ႇ။
တ︀ူဝ်ႈမ︀ꩫ︀်းꩡ︀ဝ်ႛမ︀ႆ︀ႛက︀ေႃႇ ပ︀ႃꩡ︀ႃႇမ︀ႆ︀ႛ ꩵ︀ႈꩭႂ်ႛꩫ︀ဝ်ႈ” ꩫ︀ဝꩫ︀်ႇ။
32ꩡ︀ဝ်ႛယ︀ေꩬ︀ု ꩡ︀ဝ်ႛမ︀ေꩬ︀ိယ︀ꩫ︀ႆ︀ႇမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈꩫ︀ိပ︀်ပ︀ွက︀်ႉမ︀ႃးယ︀ဝ်ႇꩫ︀ꩫ︀ႆ︀ႇ တ︀ူႈတ︀င︀်းမ︀ိူင︀်း ꩬ︀ၢက︀်ႉꩬ︀ေꩫ︀မ︀်။ 33ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ဝ်ႛယ︀ေꩬ︀ုမ︀ႆ︀ႛ ဢ︀ဝ်ႈၵ︀ိုꩫ︀်ႛက︀ႃဢ︀ူပ︀ႃႛၵ︀ႃမ︀ꩫ︀်းꩡ︀ဝ်ႛဝႆ︀ႇယ︀ဝ်ႇ။ ယ︀ဝ်ႇက︀ီး ꩫ︀င︀်မ︀ꩫ︀်းꩡ︀ဝ်ႛ က︀တ︀ိꩭႂ်ႛဝႆ︀ႇꩫ︀ႆ︀ႇꩫ︀က︀ꩫ︀်ႈ ꩡ︀ဝ်ႛယ︀ေꩬ︀ုမ︀ႆ︀ႛ ၵ︀ွꩫ︀်မ︀ꩫ︀်းꩡ︀ဝ်ႛ ပ︀ူင︀်ႈဢ︀ၢပ︀်ႉꩭႂ်ႛယ︀ဝ်ႇ။ ဢ︀ꩫ︀်ႈင︀ႆ︀ႚꩬ︀ူꩭꩫ︀်က︀ꩫ︀်ႈ၊ ꩫ︀ႆ︀ႛꩥ︀ိꩫ︀်းက︀ꩫ︀်ႈꩫ︀ႆ︀ႇၵ︀ဝ်ယ︀ႃႇ ꩬ︀ူးက︀ျေးꩡ︀ူးဢ︀ꩫ︀်ႈꩡ︀ဝ်ႛယ︀ေꩬ︀ု တ︀ူႈမ︀ႆ︀ႛတ︀ၢင︀်ႇလ︀ိူင︀်ႈ ပ︀ူင︀်ႈဢ︀ၢပ︀်ႉꩭႂ်ႛဝႆ︀ႇꩫ︀ႆ︀ႇꩫ︀မ︀်။ 34-35ဢ︀ꩫ︀်ႈၵ︀ိုꩫ︀်ႛက︀ႃက︀ꩫ︀်ႛꩫ︀ိူဝ်က︀ၢင︀်ႈꩭၢဝ်ꩫ︀ႆ︀ႇ ꩡ︀ဝ်ႛꩭူဝ်ၵ︀မ︀်းၻႃဝိꩵ︀ႈꩡ︀ႂ်ႈ။ ꩫ︀ႆ︀ႇꩬ︀ေႇမ︀ဝ်က︀ႃး ꩡ︀ဝ်ႛꩭူဝ်ၵ︀မ︀်းၻႃဝိယ︀ႃႇ
“ပ︀ႃႛၵ︀ႃက︀ဝ်ႈမ︀ႆ︀ႛ ꩫ︀င︀်ႈꩬ︀ီဢ︀ူတ︀ႃႉ။
လ︀ꩫ︀်ꩬ︀ူမ︀ႂ်းၵ︀ဝ်မ︀ႆ︀ႛ ဢ︀ဝ်ႈပ︀ီꩫ︀်ႈတ︀င︀်တ︀ိꩫ︀်ႈမ︀ႂ်းꩭႂ်ႛက︀ွတ︀်”
ꩫ︀ꩬ︀ီ ꩡ︀ဝ်ႛက︀ဝ်ႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဝႃႈဢ︀ူ”
ꩫ︀ꩬ︀ီဝႃႈဝႆ︀ႇဢ︀ူ။ 36င︀ႆ︀းꩬ︀ီ ပ︀ူဝ်မ︀ေပ︀ီꩫ︀ွင︀်ႇဢ︀ီတ︀်ꩬ︀ြေးၵ︀ဝ်ꩴ︀း ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈပ︀ီꩫ︀်ႈꩡ︀ဝ်ႛ၊ ဢ︀ဝ်ႈပ︀ီꩫ︀်ႈမ︀ေꩬ︀ိယ︀ဝႆ︀ႇꩫ︀ႆ︀ႇယ︀ႃႇ ꩡ︀ဝ်ႛယ︀ေꩬ︀ုဢ︀ꩫ︀်ႈꩬ︀ူက︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ တ︀ၢင︀်ꩬ︀ီ ဢ︀ဝ်ႈတ︀ႆ︀ၢႈမ︀ႃးꩫ︀ႆ︀ႇꩫ︀မ︀်ꩫ︀ꩫ︀ႆ︀ႇ တ︀ွင︀်းမ︀တ︀်ႉက︀ꩫ︀်ႈတ︀ေႇတ︀ေႇတ︀ႃႉ” ꩫ︀ဝꩫ︀်ႇ။
37ၵ︀ၢမ︀်းဢ︀မ︀ႂ်းꩫ︀ႆ︀ႛꩥ︀ိꩫ︀်းက︀ီး ၵ︀ဝ်ယ︀ႃႇမ︀ႆ︀ႛꩡ︀ႂ်ႈက︀ပ︀်ႉꩡ︀ႂ်ႈလ︀ူင︀်ꩬ︀ီ ပ︀ေတ︀ရ︀ုင︀ႆ︀းတ︀မ︀ၢꩫ︀်ꩡ︀ဝ်ႛတ︀ၢင︀်က︀ူဝ်ႇ ꩫ︀ႆ︀ႇၵ︀ဝ်မ︀ႆ︀ႛ “ꩫ︀ႆ︀ႇက︀ီး ပ︀ီႈꩫ︀ွင︀်ႈၵ︀ဝ်ꩴ︀း တ︀ူႈꩭိုဝ်လ︀ိုဝ်ꩫ︀ႆ︀ ဝႃႈꩭီတ︀်ꩫ︀ႆ︀ႇ” ꩫ︀ꩬ︀ီထၢမ︀်က︀ꩫ︀်ႈဢ︀ူ။ 38ꩫ︀ႆ︀ႇမ︀ႆ︀ႛပ︀ေတ︀ရ︀ုယ︀ႃႇ “ဢ︀ပ︀ႅတ︀်ႉꩬ︀ူမ︀ႆ︀ႛꩭႂ်ႛပ︀ူဝ်း ၸ︀ြႃးပ︀ီꩫ︀်ႈꩡ︀ဝ်ႛ ပ︀ွႆ︀ꩭႂ်ႛꩫ︀ႆ︀ႇ က︀ူႈက︀ူဝ်ႇ ꩬ︀ၢင︀်ဝွေꩬ︀ီ ꩡ︀ိုဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩭၢပ︀်ႉဢ︀ဝ်ႈက︀ꩫ︀်ႈတ︀ႃႉ။ င︀ႆ︀းက︀ီး ꩬ︀ူးက︀ျေးꩡ︀ူးၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႛက︀ꩫ︀်ႈဢ︀ူ။ 39ꩬ︀ူးက︀ျေးꩡ︀ူးဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛက︀ွတ︀်ꩫ︀ꩬ︀ီ က︀တ︀ိꩭႂ်ႛဝႆ︀ႇꩫ︀ႆ︀ႇယ︀ႃႇ ꩡ︀ႃႇꩭၢင︀်းꩬ︀ူ၊ ꩡ︀ႃႇꩭၢင︀်းလ︀ုက︀်ႉလ︀ၢင︀်းꩬ︀ူင︀ႆ︀း ꩡ︀ႃႇꩭၢင︀်းက︀ူꩫ︀်းဢ︀ꩫ︀်ႈတ︀င︀်းၸ︀ြႃးပ︀ီꩫ︀်ႈꩡ︀ဝ်ႛက︀ႆ︀ႈ ဢ︀ꩫ︀်ႈမ︀ꩫ︀်းꩡ︀ဝ်ႛꩭွင︀်ႇဝႆ︀ႇꩫ︀ႆ︀ႇၵ︀ဝ်တ︀င︀်းမ︀ိူင︀်းꩫ︀မ︀်” ꩫ︀ဝꩫ︀်ႇ။
40ꩬ︀မ︀်ႇꩬ︀ီ ပ︀ေတ︀ရ︀ုယ︀ႃႇ “လ︀ုက︀်ႉၸ︀ေးတ︀ၢမ︀်ဢ︀ပ︀ႅတ︀်ႉဢ︀ꩫ︀်ႈ က︀ူꩫ︀်းꩭႆ︀ၢႇက︀ူꩫ︀်းꩭုက︀်ꩫ︀ႆ︀ႇၵ︀ဝ်တ︀ီꩫ︀ႆ︀ႛၵ︀ၢမ︀်ꩫ︀ႆ︀ႇမ︀ႆ︀ႛ ꩬ︀ူꩡ︀ဝ်ႛဢ︀ဝ်ႈလ︀ွတ︀်ႉက︀ꩫ︀်ႈတ︀ႃႉ” ꩫ︀ꩬ︀ီ ၵ︀ဝ်မ︀ႆ︀ႛဢ︀ၢꩫ︀်တ︀ၢꩫ︀်ꩭူဝ်းꩭႂ်ႛꩬ︀ူꩫ︀်းꩭႂ်ႛဢ︀ူ။ 41ꩫ︀ႆ︀ႇမ︀ႆ︀ႛက︀ူꩫ︀်းဢ︀ၢꩫ︀်တ︀ၢꩫ︀် ၵ︀ၢမ︀်းတ︀ြႃးမ︀ꩫ︀်းမ︀ႆ︀ႛ ယ︀ုမ︀်ယ︀မ︀်ႈꩬ︀ီ မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩭၢပ︀်ႉဢ︀ဝ်ႈက︀ꩫ︀်ႈဢ︀ူ။ ဝꩫ︀်းမ︀ိူဝ်ႈဢ︀မ︀ႂ်း ၸ︀ူႛယ︀ုမ︀်ယ︀မ︀်ႈၵ︀ꩫ︀်ꩬ︀ၢမ︀်ꩭီင︀်က︀ူဝ်ႇ ꩫ︀မ︀်ဢ︀ိက︀်မ︀ႃးဢ︀ူ။ 42ၵ︀ဝ်ယ︀ႃႇ ၵ︀ၢမ︀်းတ︀ြႃးတ︀မ︀ၢꩫ︀်ꩡ︀ဝ်ႛၵ︀ဝ်မ︀ႆ︀ႛ ꩭၢပ︀်ႉထွမ︀်က︀ꩫ︀်ႈ၊ ၵ︀ဝ်ႛၵ︀ွꩫ︀်ႛက︀ꩫ︀်ႈ၊ ꩭူမ︀်ႈက︀ိꩫ︀်ႈပ︀ွႆ︀းမ︀ၢင︀်က︀လ︀ႃꩡ︀ဝ်ႛက︀ꩫ︀်ႈ၊ ꩭူမ︀်ႈယ︀ွꩫ︀်းꩬ︀ူးက︀ꩫ︀်ႈင︀ႆ︀းꩬ︀ီ ဢ︀ူဢ︀ူ။
လ︀ွင︀်ႈၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် က︀ိꩫ︀်ႈꩫ︀ုင︀်ႈ
43တ︀မ︀ၢꩫ︀်ꩡ︀ဝ်ႛꩫ︀ႆ︀ႇၵ︀ဝ်ယ︀ႃႇ လ︀ၢႆ︀းꩫ︀ိမ︀ိက︀်ႉဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ် ဢ︀ၢꩫ︀်တ︀ၢꩫ︀်ပ︀ျႃးꩬ︀ီ က︀ူꩫ︀်းꩫ︀ႆ︀ႇၵ︀ဝ်ဢ︀ၢမ︀်းꩬ︀ီက︀ူဝ်ႈက︀ꩫ︀်ႈဢ︀ူ။ 44ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်ယ︀ႃႇ တ︀ီႈလ︀ိူင︀်ႈမ︀ႆ︀ႛꩫ︀ႆ︀ၢႈꩭူမ︀်ႈဢ︀ူꩬ︀ီ ၵ︀ိူင︀်ႈၵ︀ဝ်တ︀င︀်းလ︀ုင︀်က︀ေႃႇ ꩭူမ︀်ႈတ︀ိုဝ်းꩭူမ︀်ႈက︀ိꩫ︀်ႈ၊ 45ၵ︀ိူင︀်ႈၵ︀ဝ်ၵ︀ႆ︀ၢꩬ︀ီ ꩫ︀ႂ်းက︀ုမ︀်ႛၵ︀ဝ်မ︀ႆ︀ႛ ဢ︀ꩫ︀်ႈၸ︀ူႛꩭၢင︀်ႇꩫ︀ႆ︀ႇၵ︀ဝ်မ︀ႆ︀ႛ က︀ႃႈꩫ︀င︀်ꩭၢင︀်ႇꩫ︀ႆ︀ႇ ပ︀ꩫ︀်ႈꩭႂ်ႛက︀ꩫ︀်ႈ၊ 46က︀ူႈဝꩫ︀်းꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛင︀ႆ︀း ꩭိူꩫ︀်းၵ︀ဝ်ꩫ︀ႆ︀ႇၵ︀ဝ်မ︀ႆ︀ႛ တ︀ုမ︀်ႈက︀ꩫ︀်ႈꩬ︀ီ ပ︀ိဝ်ꩰမ︀ူꩫ︀်းꩰꩭူမ︀်ႈက︀ိꩫ︀်ႈက︀ꩫ︀်ႈ၊ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈက︀ွမ︀်းꩫ︀ွမ︀်းက︀ꩫ︀်ႈင︀ႆ︀း 47မ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈꩬ︀ီ က︀ꩫ︀်ႛꩫ︀ႃႛက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩫ︀ႆ︀ႛꩫ︀ႃႛꩫ︀ႆ︀ႛတ︀ႃႈက︀ꩫ︀်ႈဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛၵ︀ေꩬ︀ေဝႆ︀ႇꩫ︀ႆ︀ႇၵ︀ဝ် ဝꩫ︀်းလ︀ိူင︀်ႈယ︀ဝ်ႇ ဝꩫ︀်းလ︀ိူင︀်ႈ ဢ︀ဝ်ႈꩫ︀မ︀်မ︀ႃးꩭႂ်ႛဢ︀ူ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.