Matiyu 18

Jene yi ɲamɔɔ le haijɛnɛ masaya lɔ?

Malɛkɛ 9.33-37; Luka 9.46-48

1 # Luka 22.24. Wo waate lɔ, Isa kɔbiladennu ka na k'a maɲininga, ai vɛɛ: «Jene yi ɲamɔɔ le haijɛnɛ masaya lɔ?» 2Wo lɔ, Isa ka denni dɔ kili k'a lalɔ ai tɛma. 3#Malɛkɛ 10.15; Luka 18.17.A vɛɛ ai yɛ: «Ǹ'i tuɲa fɔ ài yɛ, ni ài ma ài dajoo mafalin ka kɛ iwo denni, ài tɛnala donna haijɛnɛ masaya lɔ. 4Ni mɔɔ mɔɔ k'a fanmajii ka kɛ iwo denni min ne, wo tii le kɛtɔ ɲamɔɔ le haijɛnɛ masaya lɔ. 5Ado ni mɔɔ mɔɔ k'a bolo sii denni min ɲɔɔzii kɔlɔ ka bɛn m̀ ma, wo tii v'a bolo sii ǹe gbu kɔlɔ.»

Mɔɔlafiliko

Malɛkɛ 9.42-48; Luka 17.1-2

6«Ni mɔɔ mɔɔ ka kɛ sabu le ka denni minu kelen lɔ julumbu tala, minu limaniyanin m̀ ma, a tɛɛ bɛnne wo tii ma ka kawa ba sili a kanna k'a lafili kɔɔ duunba lɔ. 7Gbalo yi dunuɲamɔɔlu yɛ ka bɛn lafilikolu ma! Fɔ ko wolu yi na, kɛɛ gbalo yi mɔɔ wo yɛ min vɛ kɛla ko wolu sabu le!

8 # Matiyu 5.30. «Ni i bolo niwotɛ i sen k'i lɔ julumbu tala, i y'a tɛɛ a la k'a lafili. Kamasɔlɔn ni i bolokelentɔ niwotɛ i senkelentɔ ka don niimaya banbali lɔ, wo le fisayanin i ma, jani i bolofilatɔ niwotɛ i senfilatɔ la yi fili taa banbali lɔ. 9#Matiyu 5.29.Ni i ɲaden kelen k'i lɔ julumbu tala, i y'a bɔ a lɔ k'a lafili, kamasɔlɔn ni i ɲakelentɔ ka don niimaya banbali lɔ, wo le fisayanin i ma, jani i ɲafilatɔ la yi fili jahanama taa lɔ.»

Saa tununnin ma sana

Luka 15.3-7

10 # Luka 19.10. «Ài y'alama, ài kà denni minu dɔ dɔɔya, kamasɔlɔn ǹ'a fɔ ài yɛ, aiya mɛlɛkalu lɔnin ǹ Fa ɲakɔlɔ haijɛnɛ waate bɛ.#18.10 Sɛvɛli kɔlɔ dɔlu ka haya min la a kɔkan: 18.11»

12«Ài miliya yi di? Ni saa kelen ka tunun saa kɛmɛ (100) tii ma do? A tɛ a tɔ bikɔnɔ ni kɔnɔ (99) to tini kɔkan ka taa saa tununnin ɲininya lɔ? 13Ǹ'i tuɲa fɔ ài yɛ, a v'a yena, a sawatɔ a la ka timin a tɔ bikɔnɔ ni kɔnɔ (99) ya ko la, minu ma tunun a ma. 14Wo boloɲa kelen ma, ài Fa min yi haijɛnɛ, wo t'a fɛ denni minu kelen gbu yi halaki.»

Ni i badenma ka hakɛ ta i la

Luka 17.3

15 # Luka 17.3. «Ni i badenma ka hakɛ ta i la, i yi taa a ɲafɔ a yɛ, ile ni ale kelen. Ni a ka diɲa iya kuma ma, àiya badenmaya yi tole a ma. 16Ni do a ma diɲa iya kuma ma, i yi mɔɔ kelen niwotɛ mɔɔ fila ta ka taa a fɛlɔ, fɔsa ko bɛ ɲa yi bɔ ka bɛn mɔɔ fila niwotɛ mɔɔ sawa ya seleyakan ma. 17Ni do a k'i ban a tolomalɔla ai la, i yi wo lase limaniyajama ma. Ni do a k'i ban a tolomalɔla limaniyajama la kɔtunun, i y'a jate iwo Alalɔnbali, niwotɛ niisɔɔnminaba.

18 # Matiyu 16.19; Yohana 20.23. «Ǹ'i tuɲa fɔ ài yɛ, ài vɛ ko ko si lasilila duukolo kɔkan, wo lasilitɔle haijɛnɛ. Ài do vɛ ko ko si lafɔlinna duukolo kɔkan, wo fana lafɔlintɔle haijɛnɛ.»

19«Ǹ'a fɔ ài yɛ fana, ni ài lɔ mɔɔ fila ka bɛn ko ko si ma ka Ala dali a la duukolo kɔkan, wo yi kɛle ài yɛ ǹ Fa Ala bolo min yi haijɛnɛ. 20Kamasɔlɔn ni mɔɔ fila niwotɛ mɔɔ sawa k'i ladɛn ǹ tɔɔ lɔ, ǹ kɛtɔ ai tɛma.»

Bɔiden henabali ma sana

21 # Luka 17.3, 4. Wo kɔ, Piyɛli ka na ka Isa maɲininga, a vɛɛ: «Ǹ Kuntii, ni m̀ badenma ka to hakɛ tala ǹ na, ǹ'a makoto haan fɔɔ siɲa jein? Siɲa wolowulan?»

22Isa vɛɛ a yɛ: «Ɛnɛn, i kà dan siɲa wolowulan ma. Kɛɛ ǹ'a fɔ i yɛ, ǹ ko, i yi to wo tii makotola haan fɔɔ siɲa biwolowulan (70) siiyama wolowulan.

23«Kamasɔlɔn haijɛnɛ masaya ko kɛyine iwo masakɛ dɔ min tɛɛ a fɛ ka wɔliko ɲabɔ ale ni aa bɔidennu wotɛ. 24A k'i wuli wo ɲabɔla mingɛ, ai ka aa bɔiden dɔ lana a ma, aa sanu gbana waa tan (10 000) julu tɛɛ min na. 25Kɛɛ komi julu wo sala see tɛɛ tɛ bɔiden wo yɛ, wo le k'a kɛ, masakɛ k'a fɔ ko k'a fele, k'a moso ni a dennu ani a bolofen bɛ la a kɔkan, fɔsa julu wo yi sala. 26Wo fɔ masakɛ bolo, bɔiden v'i mabilinna a sen kɔlɔ k'a madiya kosɛvɛ, a vɛɛ: ‹I diɲa, i yi waate di m̀ ma. Ǹ kɛtɔ iya wɔli bɛ salala.› 27Henandeya boloma, masakɛ ka bɔiden wo bila, ka aa julu bɛ lɔkoto a yɛ.

28«Bɔiden do vɛ bɔla je ka taa bɛn a bɔidenɲɔɔ dɔ le, aa wɔligbɛ gbana kɛmɛ (100) julu tɛɛ min na. A do vɛ wo minala a kanma k'a lɔja fɔɔ ka wo nunakili matɛɛ. A vɛɛ a yɛ: ‹Ǹa julu sala!› 29A bɔidenɲɔɔ v'i mabilinna a sen kɔlɔ k'a madiya, a vɛɛ: ‹I yi diɲa, i yi waate di m̀ ma. Ǹ kɛtɔ iya wɔli salala.› 30Kɛɛ bɔiden ma diɲa feu. A ka kɛ́ mina k'a bila kaso la, ko wo tɛnala bɔla je feu ni wo ma aa julu sala. 31A bɔidenɲɔɔlu ka wo ye mingɛ, ai josoma ka gba kosɛvɛ. Ai do ka taa wo bɛ ɲafɔ aiya masakɛ yɛ. 32Wo kɛ, masakɛ ka bɔiden wo kili k'a fɔ a yɛ, a vɛɛ: ‹Ile bɔiden kɛwon! Ǹ n'iya julu bɛ lɔkotola i yɛ, kamasɔlɔn i na m̀ madiyala. 33Ǹ na henala i la teme, ile fana tɛɛ ka kan ka hena i bɔidenɲɔɔ la ten ne, kɛlɛ?› 34Mɔnɛ boloma, masakɛ k'a bila kaso la, ko ai y'a tɔlɔya je fɔɔ a vɛ banna aa julu bɛ salala.»

35Isa vɛɛ: «Ǹ Fa min yi haijɛnɛ, wo fana kɛtɔ wo suu le kɛla ài kelenkelenna bɛ la ni ài ma ài badenmalu makoto ài josokun bɛ la.»

Currently Selected:

Matiyu 18: MBT2023

Highlight

Copy