Matiyu 28

Isa k'i wuli ka bɔ saya lɔ teme

Malɛkɛ 16.1-8; Luka 24.1-12; Yohana 20.1-10

1Nɔningɛlon timinnin kɔ, Lailon sɔɔmadanina, Magidalaka Mɔyamu ni a tɔɔma Mɔyamu vɛ taala kabulu mafɛlɛnya lɔ. 2Wo waate kelen, duukolo vɛ jaajaala gbiligbili, ado mɔ Tii ya mɛlɛka ka jii ka bɔ haijɛnɛ, ka kawa makulukulu k'a bɔ kabulu da la, ka ban k'i sii a kɔkan. 3A ɲakɔlɔla tɛɛ mɛnɛnna gbesekele iwo sanmɛnɛn, ado aa faani gbɛnin tɛɛ pepe iwo sanmabɛlɛni. 4Sɔdasilu ka siyan bubale fɔɔ k'ai lɔjaajaa k'ai kilon iwo ai sanin vɛ.

5Kɛɛ mɛlɛka k'a fɔ mosolu yɛ, a vɛɛ: «Ài kà siyan. Ǹ k'a lɔn ài yi Isa le ɲininna, min gbaannin tɛɛ kɔlɔman ma. 6A tɛ jan butu. A v'i wuli iwo a n'a fɔla teme. A fuleni lanin tɛɛ tɛɛminja, ài yi na vɛ, ài ɲa kaa je. 7Wo kɔ, ài yi taa telemanin k'a fɔ a kɔbiladennu yɛ ko a v'i wuli ka bɔ saya lɔ. Ko a taatɔ ài ɲa Galile. Ài kɛtɔ a yena je. Ǹ nanin min fɔko lɔ ài yɛ, wo le ve.»

8Wo lɔ, mosolu vɛ bɔla kabulu dala telemanin. Ai tɛɛ siyanna, kɛɛ sawa ba tɛɛ ai josokun nɔ. Ai do ka bɔli ka taa wo lase Isa kɔbiladennu ma.

9Ai taatɔla, Isa k'ai kunkɔlɔbɛn siya la k'a fɔ ai yɛ, a vɛɛ: «Ài ni sɔɔma!» Ai k'i madon a la k'a sen mina a batoko lɔ. 10Wo kɛ, Isa do vɛɛ ai yɛ: «Ài kà siyan. Ài yi taa a fɔ m̀ badenmalu yɛ ko ai yi taa Galile. Ai do kɛtɔ ǹ yena je.»

Sɔdasilu ka dandɛɛli kɛ teme

11Mosolu taatɔla, sɔdasi minu tɛɛ kabulu lakanala, wo dɔlu ka seikɔ so kɔnɔ, ka ko timinnin wolu ɲafɔ salakalase kuntiibalu yɛ. 12Salakalase kuntiibalu ni kɛmɔbalu k'ai kun bilin i ɲɔɔ ma mingɛ, ai ka wɔli ba di sɔdasilu ma 13k'a fɔ ai yɛ, ai vɛɛ: «Ài y'a fɔ mɔɔlu yɛ, ài vɛɛ: ‹Mɔ tonin sunɔɔ lɔ su lɔ, Isa kɔbiladennu na nala ka a su suɲa.› 14Ni ko min mangan ka se jamanatii ma, mɔ kɛtɔ kumala a fɛ ka wo kunko bɔ ài kun.» 15Sɔdasilu ka wɔli mina ka kuma wo lataama. Wo kuma le jɛzɛnnin Jahudiyalu tɛma hali bi.

Isa k'a kɔbiladennu kelaya teme

Malɛkɛ 16.14-18; Luka 24.36-49; Yohana 20.19-23

16 # Matiyu 26.32; Malɛkɛ 14.28. Wo kɔ, keladen mɔɔ tan ni kelen vɛ taala Galile ka se tini dɔ ma min ya ko fɔnin tɛɛ Isa bolo. 17Ai ka Isa ye mingɛ, ai v'a batola, kɛɛ a dɔlu ka sika. 18Isa k'i madon ai la k'a fɔ ai yɛ, a vɛɛ: «See bɛ vɛ di m̀ ma duukolo kɔkan, ani haijɛnɛ. 19#Kɛkolu 1.8.Wo lɔ saa, ài yi taa siboloma bɛ kɛ ǹ kɔbiladen ne, k'ai mako ji kɔlɔ Fa Ala, ni a Denkɛ, ani Nii Sɛnɛyanin tɔɔ lɔ, 20ani k'ai kalan ko bɛ labatoko la, ǹ n'ài jamalila minu la. Ǹe do, ǹ'ài fɛ waate bɛ haan fɔɔ ka taa sii dunuɲa laban na.»

Currently Selected:

Matiyu 28: MBT2023

Highlight

Copy