Matthäus 25
25
Dit 25. Capitel.
1Da wel dit Hemmelrik lik wīs tin Jungfåmner, diär jår Lampen nōm, en ging üt, di Bridman öntögen.
2Mar fiif van jam wiär wanredig, en fiif wiär klōk.
3Di Wanredigen no̊m jår Lampen, mar ja nōm nin Öli me.
4Di Klōken nōm Öli ön jår Krükken tö di Lampen.
5Diär nü di Bridman sümmet, wåd ja al slipig, en slöp īn.
6Om Mednagt öntstönd er en Geskrig: Lukke hjir, di Bridman komt, gung höm önjen.
7Da stönd di Jungfåmner al âp, en maket jår Lampen klår.
8Mar di Wanredigen#25.8 Tabigen said tö di Klo̊ken: Jiw ǖs wat van ju Öli, for üs Lampen gung üt.
9Diär swåret di Kloken en said: Biliwe ek; om dat wü en I nīn Brak fo; mar gung hen tö di Kråmers en kōpe foar ju sallew.
10En diär ja henging, om Öli tö kopin, kâm di Bridman, en dânen diär klår wiär, ging me höm iin tö Brödlep, en di Dür wåd töslöten.
11Tölēst kam uk di Üder Jungfåmner en said: Herr, Herr, måke ipen!
12Mar hi swåret en said: “Wårelk, ik si ju, ik kǟn ju ek.”
13Diärom wåke, for I wēt nogweder Dai of Stünd, wan di Menskenseen kom wel.
14Alliksa üs en Mensk, diär aur Lönd reiset, en rȫp sin Knegter, en död jam sin Gud aur.
15En jen död hi fiif Centner, di Üder tau, di trǟd jen, ark na sin Gawen, en dådelsk reiset hi weg.
16Da ging di hen, diär fiif Centner fingen hed, en handelt diärme en woan üder fiif Centner (Pünd).
17Alliksa, diär tau fingen hēd, woân tau üdern tö.
18Mar di diär man jen fingen hed, ging hen, en bedoppet di önder di Öörd, en forhüdet di Herr sin Jild.
19Lung Tid diär eter kam di Herr van dös Knegter töreg, en höld Rēkning me jam.
20Da kâm di voar, diär fiif Centner fingen hed, en brågt Üder fiif Centner, en said: Herr, I hå mi fiif Centner of Talente dön; lukke hjir, ik hå jit Üder fiif diärme wonnen.
21Sin Herr said tö höm: Wel, dü best en bråw en tru Knegt, dü hēst aur Litjet tru wessen, ik wel di aur en hīl Hoppen sǟt. Kīr īn ön di Herr sin Frügged.
22Diär kâm uk di, diär tau Talente fingen hēd en said: Herr! tau Talente hå I mi dön, lukke hjir, ik hå jit tau Üdern diärme wonnen.
23Sin Herr said tö höm: Aa dü bråw en tru Knegt! Dü hēst aur Litjet tru wessen, ik wel di aur en hīl Hoppen sät; kīr iin ön di Herr sin Frügged.
24Tölēst kam uk di, diär jen Talent fingen hed, en said: Herr, ik kǟn ju, dat I en strǟng Man sen. I wel iinbârge, hur I ek sen hå, en såmle, hur I nönt ütstrīt hå.
25Diärom wiär ik bang voar ju, ging hen en bedoppet ju Talent ön di Grünđ. Lukke, hjir ha I ju Jild weder.
26Mar sin Herr swåret en said tö höm: Dü Dögenigt en lai Knegt, wust dü, dat ik īnbarge wild, hur ik ek sen hå, en såmle wild, hur ik nönt ütstrit hå.
27Dü hédst min Jild ön di Wekselbank beli skuld, en wan ik da kjemmen wiär, da hed ik min Jild me di Rǟnt weder töreg fingen.
28Diärom nem höm dit Jild van, en dö-t di, diär tin Talente hēd.
29For di diär wat hēd, höm ūd-t dön, dat hi Aurflöd hēd; mar di diär nönt hēd, höm ud uk dit nommen, wat er hēd.
30En di Dögenigt skop üt ön di pek Junkens, diär skel Hülin en Tedsnapperin wīs.
31Mar wan di Menskenseen ön sin Herligheid komt, en all hellige Engeler me höm, da skel hi set üp di Trōn van sin Herligheid.
32En da skel alle Mensken üp Wârld jam forsåmle voar höm. En hi wel jam van arküder skäd, allik üs en Hört di Sjip van di Rammer ofsendert.
33En hi wel di Sjip tö di rogt Hunđ, en di Rammer tö di left Hunđ stel.
34Da wel di Könning si tö dânen, diär bi di rogt Hunđ stūn: “Kom hjårt, I sen wel segnet van min Vader, ârwe dit Rik, diär ju van jest Begen van di Wârld tötågt es.
35For ik hå hungrig wessen, en I hå mi wat tö iten dön. Ik hå törstig wessen, en I ha mi tö drinken dön, ik wiär främed, en I ha mi behērbârigt.
36Ik wiär nåken, en I hå mi âpkloadet, ik wiär krånk, en I hå mi besågt. Ik wiär inskot, en I kâm tö mi.”
37Da wel di Rogtfardigen höm swåre en si: “Herr, wan hå wü Ju hungrig sen, en ha Ju wat tö iten dön? Of wan ha wü sen, dat I törstig wiär, en hå Ju wat tö drinken dön?
38Wan ha wü sen, dat I främed wiär, en hå Ju beherbârigt? Of wan ha wü sen, dat I nåken wiär, en ha Ju âpkloadet?
39Of wan ha wü Ju krånk, of ön Gefangenskep sen, en kam tö Ju?”
40Diärüp wel di Könning swåre, en si tö jam: “Warelk, ik si ju: Wat I jen van min âremst Brödhern dön hå, dit hå I mi dön.”
41Da wel hi si tö danen tö di left Hunđ: “Måke, dat I weg kom, I Forflökten ön dit Jöld, diär ewig brent, en önleid es foar di Düwel en sins Gelikken.
42For ik wiär hungrig, en I död mi nönt tö iten, ik wiär törstig, en I hå mi nönt tö drinken dön.
43Ik wiär främed, en I hå mi ek âpnommen, ik wiär nåken, en I ha mi ek âpkloadet, ik wiär krånk en gefangen, en I ha mi ek betinet.
44Da wel ja höm uk swåre en si: “Herr, wan ha wü ju hungrig of törstig, of främed, of nåken, of krånk, of gefangen sen, en hå ju ek betinet?”
45Da wel hi jam swåre en si: “Wårelk, ik si ju: Wat I jen van dös Ringsten ek dön ha, dit ha I mi ek dön.
46En ja wel ingung ön di ewig Pīn, mar di Rogtfardigen īn önt ewige Lewent.
Currently Selected:
Matthäus 25: NFNT
Highlight
Share
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
