Wepélisiananu 23
23
Sara gale
(WP 25:7–10; 49:29–32)
1Sara lɛɛ kɛlɛ yɔ suiɛdo wɔlɛ sɔrafié; a zo lé Sara lé tɛrɛlalɛɛ ke.
2Sara ga Kiijat‐Aaba, ’bɛ gi léé, Ébrɔn, Kanaan tɛrɛ la; yé Abraam da a gyɛ bole valé a wuvɔle we gi. 3Abraam a gale vo bɛ, yé é go we fe lɛ Et benu lɛ yé é léé: 4Maa a bɛn nya yé an nyanaan ka va; ’ka mipana nɔ an lɛ ka va, yé maa anlé migale pa yé é si an yuɛ gi. 5Et benu lé Abraam lɛ léé: 6Anzan, ’i tɔné dɔ ko lɛ. I a Bale lé mi blɛn nya ko méléna ’ko; dé kolé mipana‐an sɔ i lɛ, ’ilé migale pa ana; ko va mian é dan élé mipana nyané kɛlɛ lɛ i lɛ léé, té ilé migale pa lo, ’bɛzan ’ka lo. 7Abraam nwa yé é dia é bli la ana tɛrɛ la munu ’lɛ, Et benu ’lɛ. 8Yé é lé wo lɛ léé: Dé ka zi nɔ an lɛ léé, maa anlé migale pa yé é si an yuɛ gi, ’ka tɔné dɔ an lɛ; ’ka zanté vɔ Sosaa be Éfrɔn lɛ léé, 9Makipéla gɔmaguru lé ke azé nya, ’té é ke alé féi glɛ ta bɛ, ’é a nɔ an lɛ; dé a vlɛ a fɛan zo, maa dan a ma gɔɔli nɔ lɛ, yé ’é kɛlɛ anlé mipana nya ka va. 10Éfrɔn a é nyanale Et benu va. Yé Et mi Éfrɔn a zi pa Abraam lɛ Et benu yuɛ va, wo valé munu faa lé ke é zénle wolé flagɔrɔ ’léé, wo yuɛ va, yé é léé: 11Anzan, gba, ’i tɔné dɔ an lɛ. Maa féi nɔ i lɛ, yé gɔmaguru lé ke ana, maa ’bɛ nɔ i lɛ é ziin. Maa wo nɔ i lɛ é pla anlé munu yuɛ va. ’Ilé migale pa ma. 12Abraam dia é bli la ana tɛrɛ la munu ’lɛ. 13Yé é we fe Éfrɔn lɛ ana tɛrɛ la munu yuɛ va yé é léé: Ilé zanté, ’i tɔné dɔ an lɛ. Maa féi ma gɔɔli no i lɛ; ’bé si an lee yé maa anlé migale pa. 14Yé Éfrɔn a zi pa Abraam lɛ léé: 15Anzan, ’i tɔné dɔ an lɛ, tɛrɛ lé a vlɛ ke gɔɔli fu sikla wuru fié nya, ’bɛ a mɛ fɛ nya maa valé bii mélénaa? ’Ilé migale pa. 16Abraam Éfrɔn dére ’ma, yé gɔɔli fu’léé lé Éfrɔn a fe Et benu yuɛ va, Abraam a pézéwo Éfrɔn lɛ, gɔɔli fu sikla wuru fié lé, flɛdanmunu woo ’wozé pɛzéwoo fɛan zo, a zo.
17Éfrɔn lé féi lé ke Makipéla, Mamré yara, féi valé gɔmaguru lé ke ana koo, féi yilinu faa koo, yilinu lé wo ke féi zi glɛ la koo, 18’bɛ zo lé wo kɛlɛ Abraam zé nya, Et benu yuɛ va, wo valé munu faa lé ke é zénle alé flagɔrɔ ’léé, wo yuɛ va. 19’Bɛ zuo Abraama é na Sara pa Makipéla gɔmaguru gi, Mamré, ’bɛ gi léé, Ébrɔn, a yara, Kanaan tɛrɛ la. 20Féi valé gɔmaguru lé é ke ana, é vo Abraam zé mipana nya; é a lɔ Et benu lee.
Currently Selected:
Wepélisiananu 23: GOURU
Highlight
Share
Copy
Want to have your highlights saved across all your devices? Sign up or sign in
Alliance Biblique de Cote d'Ivoire 1979
