Jã 13
13
Jeju cɔcɔɔrɛ kpãkpãadara nɛɛ
1Ɔbɔɔkɛ Pakɩ fɛtɩ na kɔɔ danɩ paˈ, Jeju jɩrɛ dɩ ɔɔ bɔ daan da the kɛ thɩɩra a na jal Thɩrɛra. Jejuukɛra kɔɔ naannɩ ɔɔdaakɛra hanɩkɛ thɩɩra, a thʋnɛ na wɩ waa a dana pɩpɩɩ paar.
2Dɩ Jeju na ɔɔ kpãkpãadara har dɩko kho paar. Sɩ Satã kɔɔ ˈlire lʋʋn Sɩmɔ̃ɔ bikuun Judasɩɩkɛ thɛnɩ Karɩyɔtɩ dɩɩraa hara da liirna Jeju. 3Mɔ̃ Jeju jɩnɩ dɩ Thɩrɛ pɛr thɩ̃ɛ fɛʋ ɔɔ nyɔ̃kɔɔ, dɩ Thãgbaa pa a kɔɔ the a ɩ̃ dɩ a na bire na jal Thãgbaa pa, 4le a ɩɩr dɩko kho paar a thʋbɩ ɔɔ kẽkẽsɔ, sa gba yɔ pɩɩndaa a li. 5Agɩpɩ dɩ gba nyʋɔn a ƴemi tasara, a ma da‐n cɔcɔɔ ɔɔ kpãkpãadara nɛɛ sa pɩɩn wɩ na yɔ pɩɩndaakɛ a lini. 6Dɩ mɛ̃ a pɔ dã Sɩmɔ̃ Pɩɛrɩkɛ buleneeni ayɩ: Fɛr Kɔ̃tɩn na cɔcɔɔnɛ mɩ nɛɛ bɛɛ? 7Dɩ Jeju birsee: Gɩrɛɛkɛ mɩ‐n cʋʋnɩ fa jɩ kɩrʋ nɛnɛ̃ paˈ, sɩ bɔɔ gbe fa jɩrɛ kɩrʋ. 8Dɩ Pɩɛr sʋʋraa: Fa‐n cɔcɔɔ ɩ̃ nɛ wer yuurakaˈ. Dɩ Jeju birsee: Ado ma cɔcɔɔ faˈ sa puno na bɔ kha ga. 9Dɩ Sɩmɔ̃ Pɩɛr sʋʋraa: Kɔ̃tɩn, ga do nɛɛ dɩbara ga, sɩ na nyɛ̃ɛ na yʋʋ dakha. 10Dɩ Jeju birsee: Ʋrɛɛkɛ hɔnɩ nyʋɔn, aa hana ƴaalɛ a bir a hʋ nyʋɔn bã, sɩ nɛɛ a na cɔcɔɔ dɩbara gɩdonɩ a phure fɛʋ. Dɩ nɛrɛ dakha nɩ phure, sɩ ga do nɛrɛ fɛʋ ga. 11Gɩdonɩ Jeju kɔɔ jɩrɛ ʋrɛɛkɛ na lirenaanɩ, gɛr dɔ nɔɔ dɩ so wɛr fɛʋ na phuəˈ.
12Ɔbɔɔkɛ a cɔcɔɔ wɩnɩ nɛɛ pɩ, a bire gba kẽkena a to, a too dɩko kho paar sa bule wi: Gɩrɛ mɩ cʋʋ nɩnɩ, nɩ jɩrɛ kɩrʋ bɛ?#Lu 22:27 13Nɩ‐n we mer Dɩɩrdaar na Kɔ̃tɩn, dɩ sobɔrra nɩ so gɩdonɩ gɛrra mɩ do. 14Dɩ ado mɛrkɛ dɔnɩ Kɔ̃tɩn na Dɩɩrdaar cɔcɔɔ nɩ nɛɛ, dɔ na‐n cɔcɔɔ kha nɛɛ dakha bɩɛlbɩɛl. 15Gɩdonɩ thɩ̃ nɩrɔrɛ mɩ nɩ nar dɩ nɛrɛ dakha na cʋʋ mɔ̃kɛra mɩ kɔɔ cʋʋ narnɩ. 16Sobɔr mɩ so nar gel, thɔ̃daar na hale a na kɔ̃tɩ̃ na jɔ ɔɔ kɔ̃tãˈ, dɩ thɔ̃thɔn gɩ a kɔ̃tɩ̃ a jɔ ʋrɛɛkɛ thɔnaanaˈ.#Mat 10:24; Lu 6:40; Jã 15:20 17Ado nɩ jɩ gele dɩ ado dakha nɩ‐n cʋʋ gɛr, ga da narɛ sobɔr.
18Ga do nɛrɛ fɛʋʋda mɩ‐n mɩaˈ, sɩ mɩ jɩrɛ wɩrɛ mɩ kɔɔ phiirni. Dɩ dɔ gɩrɛɛkɛ kɔɔ kherenenɩ Thãgbaa sɛbɛra n dã oti. Gɩ sor: “Ʋrɛɛkɛ n yɔnɩ nyɔ̃kpõ bɩɛl na mɛrɛ, ɔr deba do ɩ̃ lãlaardaar.”#Khɩ 41:9 19Mɩ so narɛ nɛnɛ̃kɛ sɩ thɩ̃ɛɛlera n dã, dɩ ɔbɔɔkɛ ga danɩ mɛ̃ na pɛr haar dɩ mɛr n dʋɔn ʋrɛɛkɛra n dʋɔnnɩ. 20Sobɔr mɩ so nar gel, ntɛɛkɛ na teanɩ ʋrɛɛkɛ ma thɔnɩ, mɛr a tee. Dɩ ʋrɛɛkɛ tea mɩnɩ, ʋrɛɛkɛ thɔna mɩnɩ a tee dakha.#Mat 10:40; Mar 9:37; Lu 9:48; 10:16
Jeju mɩɩrɛ mɔ̃ Judasɩ na liirnaanɩ
(Mat 26:20–25; Mar 14:17–21; Lu 22:21–23)
21Ɔbɔɔkɛ Jeju mɩɩnɩ thale pɩ, haar kʋɛsʋʋrɛ dɩ so war sobɔr ayɩ: Sobɔr mɩ so nar gel, bɩɛl nɛrɛra na liirna mɛr. 22Dɩ kpãkpãadara na‐n hɩɩn kha bɩɛlbɩɛl dɩ wa‐n bulena kha: Amɛɛda a mɩɩ ya fɛ? 23Dɩ kpãkpãadaar bɩɛlɩkɛ Jeju n nanɩ hale dɩko kho paar, a ƴɛl Jejuu kũkunə. 24Dɩ Sɩmɔ̃ Pɩɛr kher kpãkpãadaarɩlera, a sʋʋraa a bulene Jeju amɛ a‐n so ya; 25dɩ kpãkpãadaarɩle ƴɛlanɩ Jejuu kũkunə bulee: Kɔ̃tɩn, amɛ gɩ? 26Dɩ Jeju birsee: Ʋrɛɛkɛ ma kurni buru a na ɓɛna a na ha, ɔr gɩ. Dɩ a kurre burura a ɓɛna a ha Judasɩɩkɛ thɛnɩ Karɩyɔtɩ dɩɩra, Sɩmɔ̃ɔ bikuun. 27Dɩ ɔbɔɔkɛ Judasɩ teenɩ buru kuruule pɩ dɔrɔɔm Satã lʋʋnaanɛ. Dɩ Jeju sʋʋraa: Gɩrɛra fɩ ƴaalnɩ fɩ cʋʋ, cʋɛ gɩ kɔrɔ. 28Sɩ wɩrɛ wɩ hananɩ kha dɩko kho paar, bɩɛllakɛ na jɩ gɩrɛ dɔnɩ nɔɔ dɩ sʋʋraa thɩ̃ɛ thalaˈ. 29Dɩ dakha gɩdonɩ Judasɩ n fɔrɔ lokaar, ɩkhasɔ n kpɩɛrɛ dɩ Jeju sʋʋraarɛ a thɛ gɩrɛ ɩna hananɩ ƴaalɛ fɛtɩra, anaa a sʋʋraarɛ a hana bɔdara dɩkha. 30Dɩ ɔbɔɔkɛ Judasɩ kɔɔ teenɩ buruule na pɩ, a ther dapaara. Sɩ dɩtɩnɔ gɩ kɔɔ do.
Jeju ˈlaarɛ jɔfʋ phaa
31Dɩ ɔbɔɔkɛ Judasɩra thenɩ na pɩ, Jeju sor: Nɛnɛ̃ dɩphã, mɛr tibili Bikuun ˈlɛr i dʋbɩrɛ, dɩ Thãgba dakha ˈlɛr i dʋbɩrɛ dɩɩ do mɛr dɔ nɔɔ. 32Dɩ ado Thãgba kɔɔ ˈlɛr i dʋbɩrɛ dɩɩ do mɛr dɔ nɔɔ, Thãgbaa thɛthɛra na dʋbɩ mɛr dakha, dɩ a na dʋbɩ mɛr dapaara.
33Ɩ̃ bɩsã bi, bɔɔ gbe mɩ ha kha na nɛrɛ gɩrɛ wo; dɩ na ƴaal mɛr, sɩ mɔ̃ mɩ kɔɔ sonɩ Juifisɔra ayɩ: Kãkɛ mɩ‐n jalnɩ wa puno na pɔ laˈ, mɛna mɩ so nar dakha gɩrɛ.#Jã 7:34 34Sɩ wo jɔfʋ phaa ha ʋrɛ mɩ‐n ha nɩnɩ: Na‐n na kha bɩɛlbɩɛl. Mɔ̃kɛ mɩ‐n na nɩnɩ, nɛrɛ dakha na‐n na kha bɩɛlbɩɛl.#Jã 15:12, 17; 1 Jã 3:23; 2 Jã 5 35Gɛrra tɩbɩla fɛʋ na jɩ dɩ nɛr dʋɔn ɩ̃ kpãkpãadara, ado nɩ‐n hananɛ kha naʋ bɩɛlbɩɛl.
Jeju mɩɩrɛ mɔ̃ Pɩɛr na bananɩ nayɩ, ɩna jɩaˈ
(Mat 26:31–35; Mar 14:27–31; Lu 22:31–34)
36Dɩ Sɩmɔ̃ Pɩɛr bulee: Kɔ̃tɩn ya, ka fa jal? Dɩ Jeju birsee: Ka mɩ‐n jalnɩ fa puno na kpa mar le nɛnãˈ, sɩ dɩkhõo fa kpa mar. 37Dɩ Pɩɛr bir bulee: Kɔ̃tɩn, anye dɔ nɔɔ dɩ ma puno na kpa far nɛnã? Mee ma faarɛ ɩ̃ yi afɩ sora. 38Dɩ Jeju birsee: Hãa, fa faarɛ afɩ yi ɩ̃ sora? Sobɔr mɩ so far gel, yɔl kʋʋ na ˈlɛ na khɩɩrakɛ sɩ dɩ fa bana balãther nayɩ fa jɩ maa ga.
Currently Selected:
Jã 13: LOBIRI
Highlight
Share
Copy
Want to have your highlights saved across all your devices? Sign up or sign in
Bible Society of Burkino Faso 1985.
Jã 13
13
Jeju cɔcɔɔrɛ kpãkpãadara nɛɛ
1Ɔbɔɔkɛ Pakɩ fɛtɩ na kɔɔ danɩ paˈ, Jeju jɩrɛ dɩ ɔɔ bɔ daan da the kɛ thɩɩra a na jal Thɩrɛra. Jejuukɛra kɔɔ naannɩ ɔɔdaakɛra hanɩkɛ thɩɩra, a thʋnɛ na wɩ waa a dana pɩpɩɩ paar.
2Dɩ Jeju na ɔɔ kpãkpãadara har dɩko kho paar. Sɩ Satã kɔɔ ˈlire lʋʋn Sɩmɔ̃ɔ bikuun Judasɩɩkɛ thɛnɩ Karɩyɔtɩ dɩɩraa hara da liirna Jeju. 3Mɔ̃ Jeju jɩnɩ dɩ Thɩrɛ pɛr thɩ̃ɛ fɛʋ ɔɔ nyɔ̃kɔɔ, dɩ Thãgbaa pa a kɔɔ the a ɩ̃ dɩ a na bire na jal Thãgbaa pa, 4le a ɩɩr dɩko kho paar a thʋbɩ ɔɔ kẽkẽsɔ, sa gba yɔ pɩɩndaa a li. 5Agɩpɩ dɩ gba nyʋɔn a ƴemi tasara, a ma da‐n cɔcɔɔ ɔɔ kpãkpãadara nɛɛ sa pɩɩn wɩ na yɔ pɩɩndaakɛ a lini. 6Dɩ mɛ̃ a pɔ dã Sɩmɔ̃ Pɩɛrɩkɛ buleneeni ayɩ: Fɛr Kɔ̃tɩn na cɔcɔɔnɛ mɩ nɛɛ bɛɛ? 7Dɩ Jeju birsee: Gɩrɛɛkɛ mɩ‐n cʋʋnɩ fa jɩ kɩrʋ nɛnɛ̃ paˈ, sɩ bɔɔ gbe fa jɩrɛ kɩrʋ. 8Dɩ Pɩɛr sʋʋraa: Fa‐n cɔcɔɔ ɩ̃ nɛ wer yuurakaˈ. Dɩ Jeju birsee: Ado ma cɔcɔɔ faˈ sa puno na bɔ kha ga. 9Dɩ Sɩmɔ̃ Pɩɛr sʋʋraa: Kɔ̃tɩn, ga do nɛɛ dɩbara ga, sɩ na nyɛ̃ɛ na yʋʋ dakha. 10Dɩ Jeju birsee: Ʋrɛɛkɛ hɔnɩ nyʋɔn, aa hana ƴaalɛ a bir a hʋ nyʋɔn bã, sɩ nɛɛ a na cɔcɔɔ dɩbara gɩdonɩ a phure fɛʋ. Dɩ nɛrɛ dakha nɩ phure, sɩ ga do nɛrɛ fɛʋ ga. 11Gɩdonɩ Jeju kɔɔ jɩrɛ ʋrɛɛkɛ na lirenaanɩ, gɛr dɔ nɔɔ dɩ so wɛr fɛʋ na phuəˈ.
12Ɔbɔɔkɛ a cɔcɔɔ wɩnɩ nɛɛ pɩ, a bire gba kẽkena a to, a too dɩko kho paar sa bule wi: Gɩrɛ mɩ cʋʋ nɩnɩ, nɩ jɩrɛ kɩrʋ bɛ?#Lu 22:27 13Nɩ‐n we mer Dɩɩrdaar na Kɔ̃tɩn, dɩ sobɔrra nɩ so gɩdonɩ gɛrra mɩ do. 14Dɩ ado mɛrkɛ dɔnɩ Kɔ̃tɩn na Dɩɩrdaar cɔcɔɔ nɩ nɛɛ, dɔ na‐n cɔcɔɔ kha nɛɛ dakha bɩɛlbɩɛl. 15Gɩdonɩ thɩ̃ nɩrɔrɛ mɩ nɩ nar dɩ nɛrɛ dakha na cʋʋ mɔ̃kɛra mɩ kɔɔ cʋʋ narnɩ. 16Sobɔr mɩ so nar gel, thɔ̃daar na hale a na kɔ̃tɩ̃ na jɔ ɔɔ kɔ̃tãˈ, dɩ thɔ̃thɔn gɩ a kɔ̃tɩ̃ a jɔ ʋrɛɛkɛ thɔnaanaˈ.#Mat 10:24; Lu 6:40; Jã 15:20 17Ado nɩ jɩ gele dɩ ado dakha nɩ‐n cʋʋ gɛr, ga da narɛ sobɔr.
18Ga do nɛrɛ fɛʋʋda mɩ‐n mɩaˈ, sɩ mɩ jɩrɛ wɩrɛ mɩ kɔɔ phiirni. Dɩ dɔ gɩrɛɛkɛ kɔɔ kherenenɩ Thãgbaa sɛbɛra n dã oti. Gɩ sor: “Ʋrɛɛkɛ n yɔnɩ nyɔ̃kpõ bɩɛl na mɛrɛ, ɔr deba do ɩ̃ lãlaardaar.”#Khɩ 41:9 19Mɩ so narɛ nɛnɛ̃kɛ sɩ thɩ̃ɛɛlera n dã, dɩ ɔbɔɔkɛ ga danɩ mɛ̃ na pɛr haar dɩ mɛr n dʋɔn ʋrɛɛkɛra n dʋɔnnɩ. 20Sobɔr mɩ so nar gel, ntɛɛkɛ na teanɩ ʋrɛɛkɛ ma thɔnɩ, mɛr a tee. Dɩ ʋrɛɛkɛ tea mɩnɩ, ʋrɛɛkɛ thɔna mɩnɩ a tee dakha.#Mat 10:40; Mar 9:37; Lu 9:48; 10:16
Jeju mɩɩrɛ mɔ̃ Judasɩ na liirnaanɩ
(Mat 26:20–25; Mar 14:17–21; Lu 22:21–23)
21Ɔbɔɔkɛ Jeju mɩɩnɩ thale pɩ, haar kʋɛsʋʋrɛ dɩ so war sobɔr ayɩ: Sobɔr mɩ so nar gel, bɩɛl nɛrɛra na liirna mɛr. 22Dɩ kpãkpãadara na‐n hɩɩn kha bɩɛlbɩɛl dɩ wa‐n bulena kha: Amɛɛda a mɩɩ ya fɛ? 23Dɩ kpãkpãadaar bɩɛlɩkɛ Jeju n nanɩ hale dɩko kho paar, a ƴɛl Jejuu kũkunə. 24Dɩ Sɩmɔ̃ Pɩɛr kher kpãkpãadaarɩlera, a sʋʋraa a bulene Jeju amɛ a‐n so ya; 25dɩ kpãkpãadaarɩle ƴɛlanɩ Jejuu kũkunə bulee: Kɔ̃tɩn, amɛ gɩ? 26Dɩ Jeju birsee: Ʋrɛɛkɛ ma kurni buru a na ɓɛna a na ha, ɔr gɩ. Dɩ a kurre burura a ɓɛna a ha Judasɩɩkɛ thɛnɩ Karɩyɔtɩ dɩɩra, Sɩmɔ̃ɔ bikuun. 27Dɩ ɔbɔɔkɛ Judasɩ teenɩ buru kuruule pɩ dɔrɔɔm Satã lʋʋnaanɛ. Dɩ Jeju sʋʋraa: Gɩrɛra fɩ ƴaalnɩ fɩ cʋʋ, cʋɛ gɩ kɔrɔ. 28Sɩ wɩrɛ wɩ hananɩ kha dɩko kho paar, bɩɛllakɛ na jɩ gɩrɛ dɔnɩ nɔɔ dɩ sʋʋraa thɩ̃ɛ thalaˈ. 29Dɩ dakha gɩdonɩ Judasɩ n fɔrɔ lokaar, ɩkhasɔ n kpɩɛrɛ dɩ Jeju sʋʋraarɛ a thɛ gɩrɛ ɩna hananɩ ƴaalɛ fɛtɩra, anaa a sʋʋraarɛ a hana bɔdara dɩkha. 30Dɩ ɔbɔɔkɛ Judasɩ kɔɔ teenɩ buruule na pɩ, a ther dapaara. Sɩ dɩtɩnɔ gɩ kɔɔ do.
Jeju ˈlaarɛ jɔfʋ phaa
31Dɩ ɔbɔɔkɛ Judasɩra thenɩ na pɩ, Jeju sor: Nɛnɛ̃ dɩphã, mɛr tibili Bikuun ˈlɛr i dʋbɩrɛ, dɩ Thãgba dakha ˈlɛr i dʋbɩrɛ dɩɩ do mɛr dɔ nɔɔ. 32Dɩ ado Thãgba kɔɔ ˈlɛr i dʋbɩrɛ dɩɩ do mɛr dɔ nɔɔ, Thãgbaa thɛthɛra na dʋbɩ mɛr dakha, dɩ a na dʋbɩ mɛr dapaara.
33Ɩ̃ bɩsã bi, bɔɔ gbe mɩ ha kha na nɛrɛ gɩrɛ wo; dɩ na ƴaal mɛr, sɩ mɔ̃ mɩ kɔɔ sonɩ Juifisɔra ayɩ: Kãkɛ mɩ‐n jalnɩ wa puno na pɔ laˈ, mɛna mɩ so nar dakha gɩrɛ.#Jã 7:34 34Sɩ wo jɔfʋ phaa ha ʋrɛ mɩ‐n ha nɩnɩ: Na‐n na kha bɩɛlbɩɛl. Mɔ̃kɛ mɩ‐n na nɩnɩ, nɛrɛ dakha na‐n na kha bɩɛlbɩɛl.#Jã 15:12, 17; 1 Jã 3:23; 2 Jã 5 35Gɛrra tɩbɩla fɛʋ na jɩ dɩ nɛr dʋɔn ɩ̃ kpãkpãadara, ado nɩ‐n hananɛ kha naʋ bɩɛlbɩɛl.
Jeju mɩɩrɛ mɔ̃ Pɩɛr na bananɩ nayɩ, ɩna jɩaˈ
(Mat 26:31–35; Mar 14:27–31; Lu 22:31–34)
36Dɩ Sɩmɔ̃ Pɩɛr bulee: Kɔ̃tɩn ya, ka fa jal? Dɩ Jeju birsee: Ka mɩ‐n jalnɩ fa puno na kpa mar le nɛnãˈ, sɩ dɩkhõo fa kpa mar. 37Dɩ Pɩɛr bir bulee: Kɔ̃tɩn, anye dɔ nɔɔ dɩ ma puno na kpa far nɛnã? Mee ma faarɛ ɩ̃ yi afɩ sora. 38Dɩ Jeju birsee: Hãa, fa faarɛ afɩ yi ɩ̃ sora? Sobɔr mɩ so far gel, yɔl kʋʋ na ˈlɛ na khɩɩrakɛ sɩ dɩ fa bana balãther nayɩ fa jɩ maa ga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Burkino Faso 1985.