Luki 14
14
Khodaar bɩɛlɩkɛ Jeju kpɛɛnɩ hɩɩr wire
1Hɩɩr wi bɩɛl Jeju kɔɔ lʋʋn jɔfʋ bʋ dʋdaar kɔ̃tɩ̃ bɩɛlɩ cɔ a kho dɩkor. Dɩ wɩrɛɛkɛ kɔɔ hanɩle n kɔɔ jʋrʋʋrɛ. 2Dɩ hɩnɛ, kũu bɩɛl gɩ, a hale Jejuu ƴɛra a hana khookɛ n ˈlaanɛnɩ tomɩ mʋɔrɛ. 3Dɩ Jeju bule jɔfʋ dɩɩrdara na jɔfʋ bʋ dʋdarasɔ ayɩ: Hɩɩr wire n sãsɩrɛ kho kpɛɛrɛ yaa, ga‐n sãsa? 4Dɩ wɩ pɩr pɔɔpɔɔ. Dɩ Jeju fʋ khodaarɩle a kpɛɛ ɔɔ kho sa sɩɩraa dɩ bir kɔ̃. 5Agɩpɩ Jeju bule wi: Ʋmɔ̃ɔ tibil nɛrɛra ado ɔɔ bi ji birera, agɩbo ɔɔ nake gɩ, a na tii dapaara khə̃khə̃ hɩɩr wirəə?#Mat 12:11 6Dɩ wa kɔɔ puno a na birsee gelela bã.
Ƴɛ kʋʋl too pa ƴaalɛ
7Agɩpɩ a sor wɩrɛraakɛ wɩ kɔɔ wenɩ dɩkorra sokpa bɩɛl, gɩdonɩ a yɩrɛ mɔ̃kɛ wɩ‐n phiirni ƴɛ kʋʋl too pa. Dɩ a so warɛ: 8Ɔbɔɔkɛ tibil we fɩnɩ dɩkorra dɩ fɩ jal, fa‐n gba too paar ƴɛ kʋʋlɔ afɩ dɩbara ga. Agakpaana tibil kpɩɩkɛ kɔ̃tɩnanɩ a jɔ fɩ hale, kɛ wɩ wenɩ dakha;#Sokp 25:6–7 9dɩ ʋrɛɛkɛra kɔɔ wɛ nɩnɩ fɛʋ na pɔr na so far: Hana ʋrɛ too paarɩkɛra. Le yicuru na fʋ fɩ mɔ̃kɛ fa‐n birni pɩpɩɩ too paarra. 10Sɩ ɔbɔɔkɛ wɩ we fɩnɩ dɩkorra dɩ fɩ jal, tɔɔ pɩpɩɩ too paarra, dɩ ɔbɔɔkɛ ʋrɛɛkɛ kɔɔ wɛ fɩnɩ na lonɩ a na so farɛ: Ɩ̃ kuun, ɩrɛ a ɩna tɔɔ kɛkɛ ƴɛ kʋʋlɔ. Le ga do far cʋrɛ wɩrɛ fɛʋraakɛ fɩ hananɩ kha dɩko kho paar. 11Gɩdonɩ ʋrɛɛkɛ n kanɩ ire wa wuruure, sɩ ʋrɛɛkɛ n wuroni dɩbara, ɔr wa ɩɩr.#Mat 23:12; Lu 18:14
12Dɩ Jeju so ʋrɛraakɛ kɔɔ wɩɛnɩ dakha ayɩ: Dabɔɔkɛ fɩ‐n wenɩ tɩbɩla nɩ khɔ kha dɩkor, a ʋlkhɔɔ gɩ, a dɩtɩnɔ gɩ, fa‐n we afɩ kuunsɔ, agɩbo afɩ õkuunsɔ, agɩbo afɩ toosɔ, agɩbo afɩ cɔ khu lẽledarasɔaˈ. Gɩdonɩ agakpaana wa we fer dakha wer, gɩ ho wɩ lɩmɩ fɛr. 13Sɩ ɔbɔɔkɛ fɩ‐n wenɩ tɩbɩla dɩkorra, wɛ wɩrɛ dɔnɩ bɔdara, na tãdara, na nɛ kʋɛdarasɔ, na yarasɔ. 14Dɩ ga da farɛ gɩdonɩ wa hana thɩ̃ɛ a na lɩmɩ faˈ, sɩ Thãgba gɩɩkɛ na lɩma fɩnɩ wireekɛ tɩɩ sara na ɩɩrnɩ na the khirera.
Sokpaa wɩrɛraakɛ wɩ wenɩ dɩkorra
(Mat 22:1–10)
15Dɩ tibil bɩɛl wɩrɛraakɛ kɔɔ tɔɔnɩ dɩko kho paarɩle, ɔbɔɔkɛ a nɩɛnɩ thɩmɩɩrɩle pɩ, a sor Jejura: Ga dar ʋrɛraakɛ na khɔnɩ dɩkor Thãgba fãgadaarɩ dɩra. 16Dɩ Jeju sʋʋraa: Kũu bɩɛl gɩ, a kɔɔ cʋʋ fɛtɩ kɔ̃tɩ̃ɩ a wena tɩbɩla jɔɔ. 17A dɩko kho bɔɔ dã, a thʋɔn ɔɔ thɔ̃daar a jala a wɛ wɩrɛɛkɛra a kɔɔ wenɩ wɩ pɔ, gɩdonɩ thɩ̃ɛ fɛʋ gbɛbɩrɛ pɩ. 18Sɩ wɛr fɛʋ bɩɛlbɩɛl mar dɩ wa‐n ther thɩ̃ɛsɔ dɩɩdɩɩ: Cacadaar sʋʋraarɛ: Mɩ kɔɔ ther lɛ phaa dɩɩ teena ɩ̃ jala hɩnɛ. Mɩ‐n bɩɛl fɛr ma ˈlɛ na pɔaˈ. 19Dɩ ʋ yɩ: Mɩ kɔɔ ther nakena yʋɔr dɩ ma‐n jal ɩ̃ dona wɩ thɔma ɩ̃ hɩɩn. Mɩ‐n bɩɛl fɛr ma ˈlɛ na pɔaˈ. 20Dɩ ʋ so wo: Mɩ her khɛr he phaa, dɩ gɛr gɩ ma ˈlɛ na pɔaˈ. 21Dɩ ɔbɔɔkɛ thɔ̃daarɩle kɔɔ birni dã cʋɔr, a mɩɩrɛ ɔɔ kɔ̃tɩ̃ thɩ̃ therresɔɔlera fɛʋ. Dɩ nĩkhii fʋ cɔdaar kuun, dɩ so ɔɔ thɔ̃daarra ayɩ: Birə jala khə̃khə̃khə̃ a lona dɩ kɔ̃tɩ̃ ƴatɔɔ na hʋ kɔ̃tɩnana, a kpa bɔdarasɔ, na tãdarasɔ, na yarasɔ, na nɛ kʋɛdarasɔ a ɛna kɛ. 22Dɩ thɔ̃daarɩle sʋʋraa: Kɔ̃tɩn, gɩrɛɛkɛra fɩ kɔɔ sonɩ mɩ cʋʋrɛ pɩ, sɩ too paar bo sɩrakɛ wo ˈlo. 23Dɩ Kɔ̃tɩn so ɔɔ thɔ̃daarra: Birə gba hʋɛsɔ na jala na hʋ sɔ̃sʋ̃ɔsɔ, a yɩrana tɩbɩla wɩ lõ wɩ hi ɩ̃ cɔ phi. 24Gɩdonɩ mɩ so narɛ, tibil bɩɛl wɩrɛraakɛ mɩ kɔɔ wenɩ na ˈlɛ ɩ̃ dɩkora bã.
Mɔ̃ fa kpanɩ Jejura
(Mat 10:37–38)
25Tibil jɔjʋɔ n kɔɔ kpar Jejura, dɩ kɛr a so war: 26A tibil na ɩ̃ mɛrɛra sɩ aa‐n laar ɔɔ thaˈ, na ɔɔ naˈ, na ɔɔ khɛraˈ, na ɔɔ bɩsãsɔaˈ, na ɔɔ õkonasɔaˈ, na ɔɔ õkhɛrsɔaˈ, na ɔɔ thɛthɛɛ yəˈ, a na puno na do ɩ̃ kpãkpãadaaraˈ.#Mat 10:37 27Dɩ ntɛɛkɛ na‐n heenenɩ ɔɔ kʋkʋ thɩr da‐n kpana maraˈ, a na puno na do ɩ̃ kpãkpãadaaraˈ.#Mat 10:38; 16:24; Mar 8:34; Lu 9:23 28Gɩdonɩ ʋmɔ̃ɔ tibil nɛrɛra ado a ƴaal a mɩ cɔ gbãa, ga do a na toore ɓo a ther gɩrɛɛkɛ a na kʋɛnɩ a hɩɩn, ado a hananɛ gɩrɛ na dananaa? 29A mɛ̃ gaa, ɔbɔɔkɛ a kpɛɛnɩ go kʋʋ pɩ sɩ aa puno paˈ, wɩrɛ fɛʋʋkɛ na yɩɛnɩ wa‐n maanʋʋnɛ wa‐n sonaa wɩ yɩ aa: 30Hɩnɛ, kuunikɛ kɔɔ fʋrɛ da‐n mɩ cɔ gbãa, sɩ aa puno kpooraˈ. 31Dɩ agɩbo wo, ʋmɔ̃ɔ fãgadaar na‐n jala a ke kʋʋr na ʋ̃ fãgadaar, sɩɩ do aa kɔɔ too ɓo a gʋʋr a hɩɩn, ado a na punone na kona gbɩlanɩ yʋɔr a na caan ole hananɩ kona gbɩlanɩ kpelẽ da‐n pɔnanaa ga? 32Ado a na punoəˈ, mee ɔbɔɔkɛ wa fãgadaarɩle hanɩnakɛ ƴɔɔ, ƴɛƴɛa a na thɔ̃ wɩ caanɛ ƴɛgaa? 33Mɛ̃ gɩ dakha, ntɛɛkɛ na‐n bɔnɩ gɩrɛ fɛʋʋkɛ a hɩnaˈ, a na puno na do ɩ̃ kpãkpãadaaraˈ.
Laanɩkɛ na bʋɔnɔnɩ bã
(Mat 5:13; Mar 9:50)
34Thɩ̃ bʋɔ laan do, sɩ a laan bir dasɩ a mɩla bã, mɔ̃ wa fʋ sɩ na cʋʋ dɩ a bir na hana mɩlalɛ? 35Ga taa thɩɩ bʋɔaˈ, dɩ ga do beethɩn woaˈ. Khuirə wa dʋna na faa. Ntɛɛkɛ hananɩ nũu dɩ nɩna, dɔ a na‐n pɛ nũu.
Currently Selected:
Luki 14: LOBIRI
Highlight
Share
Copy
Want to have your highlights saved across all your devices? Sign up or sign in
Bible Society of Burkino Faso 1985.
