Luki 6
6
Jeju na hɩɩr wi thɩmɩɩr
(Mat 12:1–8; Mar 2:23–28)
1Hɩɩr wi bɩɛl Jeju n kɔɔ kar a lõ jʋ lɩɛra. Dɩ ɔɔ kpãkpãadara ˈlaa a kha jɔ a fɔfɔrɔ a kho.#Dət 23:25 2Dɩ wɩ̃ jɔfʋ bʋ dʋdara bule wi: Mɔ̃gɩdo dɩ na‐n cʋʋ gɩrɛ jɔfʋ yɩnɩ gɩ‐n sãsɩrɛ hɩɩr wire? 3Dɩ Jeju birse wi: Na kɔɔ yɩɛ Thãgbaa sɛbɛra gɩrɛɛkɛ Davɩdɩ kɔɔ cʋʋnɩ, ɔbɔɔkɛ kɔmɛr kɔɔ fʋʋnɩ ɔr na wɩrɛɛkɛ a kɔɔ hananɩ kha gaa?#6:3–4; 1 Sam 21:1–6 #Lev 24:9 4Mee a kɔɔ lʋʋn Thãgba fʋɔr cʋɔrɔ a gba buruukɛ wɩ‐n hanɩ Thãgba a kho, sa ha wɩrɛɛkɛ a hananɩ kha, sɩrakɛ Thãgbaa gbõdara teana dɩbara wɩ khɔ gɩ. 5Sɩ dɩ so war: Mɛr tibili Bikuun dor Kɔ̃tɩn hɩɩr wirerarakɛ.
Kuunikɛ nyɔ̃ɔ khini
(Mat 12:9–14; Mar 3:1–6)
6Hɩɩr wi bɩɛl wo, Jeju lʋʋn Juifisɔɔ Thãgba fʋɔr cɔra, a ma da‐n dɩɩr tɩbɩla. Dɩ le a yɩ kũu bɩɛlɩkɛ ɔɔ nyɔ̃bɔ nyɔ̃ khini.#Lev 24:9 7Dɩ jɔfʋ dɩɩrdara na jɔfʋ bʋ dʋdara jʋʋr Jeju dɩ wa‐n hɩɩn ado a na kpɛɛrɛ tibil khoo hɩɩr wire, gɩdonɩ hʋɛ wɩ‐n ƴaal wɩ pɩɛraa sor. 8Sɩ a jɩrɛ mɔ̃ wɩ‐n kpɩɛrnɩ awɩ bɩnɔ, a so kuunnaakɛ nyɔ̃ɔ khini ayɩ: Ɩrɛ jɩlɛ kɩɛr thɩ̃thɩɩn. Dɩ pal ɩɩr jɩɩl. 9Dɩ Jeju so war: Mɩ‐n bule ner, hɩɩr wire teana bɔ cʋʋrɛ yaa, puu cʋʋrɛ; agɩbo fɩ taa tibil yaa, fɩ kʋʋ? 10Sɩ a hɩɩn wɛr fɛʋ da‐n finə sa bir so kuunnana: ˈLaanɛ afɩ nyɔ̃; dɩ ˈlaa dɩɩ do gɩ kpɛɛrɛ. 11Dɩ nɩ̃khii fʋlɛ wɩ, dɩ wa‐n gʋʋr kha awɩ ha mɔ̃ wa cʋʋnɩ Jejura.
Kpãkpãadara yʋɔr yenyɔɔkɛ Jeju phiirni
(Mat 10:1–4; Mar 3:13–19)
12Ɔbɔɔlera Jeju kɔɔ ther jal gɔ̃gʋɔna a bɩɛl Thãgba; dɩ a kɔɔ toore le a bɩɛl Thãgba dɩ dɩɩ wɩlna. 13Dɩ ɔbɔɔkɛ dɩɩ wɩlnɩ, a wer ɔɔ kpãkpãadara a phiir yʋɔr yenyɔ. Wɛr a ha ire thɔ̃thɔna: 14Sɩmɔ̃ ɔr a dʋ ire Pɩɛr, sɩ ɔɔ õkuun n dɔ Ãdire, Jakɩ, Jã, Filipi, Bartelemɩ, 15Matiə, Tomasɩ, Jakɩ Alfee bikuun, 16na Sɩmɔ̃ɔkɛ dʋɔnnɩ gbɛ̃gbɛrɛ̃ tibil, Juudi Jakɩɩ bikuun, na Judasɩɩkɛ thɛnɩ Karɩyɔtɩ, kɛ kɔɔ debanɩ do lĩlir.
Kɩɛr Jeju kpɛɛ tibil jɔjʋɔɔ kho
(Mat 4:23–25)
17Dɩ Jeju gbũ nakha wɛr a jɩɩl gɔ̃gɔ̃ ɓɛlɛ̃ paar, kãkɛ ɔɔ kpãkpãadara jɔɔ hanɩ, na tibil jɔjʋɔ tə̃tə̃tə̃əkɛ thɛnɩ Jude dɩɩra fɛʋ na Jerujalɛm, nakha Tɩɩr na Sɩdɔ̃ dɩ khuirə kɛ hanɩ lanyɔ̃ nʋɔra. 18Wɩ pɔr wɩ pɛ Jeju nũu wɩ ˈlɛna kho kpɛɛrɛ. Dɩ wɩrɛ fɛʋʋkɛ kɔ̃tɛɛbii n hʋɔlɔnɩ kɔɔ kpɛɛrɛ dakha. 19Dɩ tibil jɔɔle fɛʋ n ƴaalɛ wa‐n thaaraa, gɩdonɩ fãga n thɩɩraarɛ dɩ a‐n kpɛɛ wɩ fɛʋ.
Jeju mɩɩrɛ bɔna thɩmɩɩr na puu thɩmɩɩr
(Mat 5:1–12)
20Dɩ Jeju gba da‐n hɩɩn ɔɔ kpãkpãadara sa so war ayɩ:
Gɩ da nɛr bɔdarara,
gɩdonɩ Thãgbaa fãgadaar do dor anɩda.
21Gɩ da nɛrɛraakɛ kɔmɛr n fʋnɩ nɛnɛ̃,
gɩdonɩ na hire phi.
Gɩ da nɛrɛraakɛ n khɩanɩ,
gɩdonɩ na ˈlɛr daʋ.
22Gɩ da nar ɔbɔɔkɛ tɩbɩla na laar nɩnɩ, ɔbɔɔkɛ wa lee nɩnɩ na faa kpɩɩ, wa‐n nɩɩrna nɩ, wa‐n kpɔrɔna nɩ ire dɩɩ ho thɩ̃ɛɛkɛ dɔnɩ kpɔ̃kpɔrɔ̃ thɩ̃ɛ tibili Bikuuni sora.#1 Pɩ 4:14 23Na‐n hana daʋ ga wiraalera a na kãkanɛ, gɩdonɩ khaarda kɔ̃tɩ̃ɩ hale Thãgbaa dʋɔ dɩ a‐n pɩɛr nɩ. Gɩdonɩ thalera awɩ mama thɩ kɔ̃tɩ̃sɔ kɔɔ cʋʋ Thãgbaa bobonasɔra.#2 Kur 36:16; Th t t 7:52
24Sɩ ga puu narɛ nɛrɛɛkɛ dʋɔnnɩ lẽledara,
gɩdonɩ nɩ ˈlɛr anɩ ha faa pɩ.
25Ga puu narɛ nɛrɛɛkɛ n hienni,
gɩdonɩ kɔmɛr na fʋ nɛr.
Ga puu narɛ nɛrɛɛkɛ n mananɩ nɛnɛ̃,
gɩdonɩ na har bɩwɛra na yilẽbera.
26Ga puu narɛ ɔbɔɔkɛ tɩbɩla fɛʋ n mɩɩnɩ anɩda bɔ, gɩdonɩ thale awɩ mama thɩ kɔ̃tɩ̃sɔ kɔɔ cʋʋ na wɩrɛ kɔɔ dɔnɩ sõso bobonasɔ.
Mɔ̃ fa hananɩ naʋ lãlaardarara
(Mat 5:38–48; 7:12)
27Sɩ mɩ so narɛ nɛrɛɛkɛ n pɛ mɩnɩ nũu: Na‐n na anɩ lãlaardara, na‐n cʋɛ wɩrɛ n laarɛ nɩnɩ bɔɔ. 28Na‐n bɔna wɩrɛɛkɛ n sɔna nɩnɩ, na‐n bɩɛlnɛ Thãgba a na pɛ wɩrɛraakɛ n hʋɔlɛ narnɩ. 29A tibil ɓa fɩ gbʋa bɩɛl, fe gbʋa kpɩɩ a hanaa dakha. Dɩ a tibil gbaan afɩ darã, sɩɛraa a gba afɩ kẽkẽ gburo dakha wo. 30Tibil wo tibilikɛ n bɩɛlnɛ farnɩ thɩ̃ɛ, hanaa, dɩ tibilikɛ gbaan fɩnɩ thɩ̃ɛ, fa‐n lʋʋraˈ. 31Gɩrɛɛkɛ nɩ‐n ƴaalnɩ tɩbɩla na‐n cʋɛ nar, na‐n cʋɛ ɔmɛ̃ wɛrra dakha.#Mat 7:12 32A na na wɩrɛɛkɛ n naan nɩnɩ, anye dɔ gɩrɛ teronɩ a ha kpɩɩ? Gɩdonɩ sopugodara dakha wɩ‐n nar wɩrɛɛkɛ n naan wɩnɩ. 33Dɩ a na cʋʋ bɔɔ wɛkɛra n cʋɛ nɩnɩ bɔɔ, anye dɔ gɩrɛ teronɩ a ha kpɩɩ? Gɩdonɩ sopugodara dakha thalera wɩ‐n cʋʋ. 34Dɩ a wɩrɛɛkɛ nɩ‐n pɛrnɩ haar wa yɩ gɛr na ha nɩ nɩ‐n pemi thɩ̃ɛ, anye dɔ gɩrɛ teronɩ a ha kpɩɩ? Gɩdonɩ sopugodara dakha wɩ‐n pemine kha awɩ ha, sɩ wa‐n kpɩɛrna mɔ̃ wa birni na ˈlɛ oti. 35Sɩ na‐n na anɩ lãlaardara, na‐n cʋɛ bɔɔ, na‐n pema tɩbɩla sɩ na‐n kpɩɛr nɩ birə ˈlɛrɔ dɩkha ga. Dɩ mɛ̃ na ˈlɛ khaarda kɔ̃tɩ̃ɩ, dɩ na dor dakha Kəkəədaarɩ bɩsãsɔ, gɩdonɩ a bɔrɛ tɩɩ kʋɛara na tɩɩ puusɔra. 36Gɛr gɩ nɩ dɔ bɔ jɩ tɩbɩla, mɔ̃ anɩ Thɩ donɩ bɔ jɩdaar.
Na‐n pɛ tibil soraˈ
(Mat 7:1–5)
37Na‐n fi do kɩɩldara ga, dɩ mɛ̃ Thãgba na do nar Kɩɩldaaraˈ. Na‐n heen tibil soraˈ, dɩ mɛ̃ na ˈlɛ so heene dakha ga. Na‐n faa tɩbɩlaa dɩ pa a na hana wɩ, dɩ mɛ̃ Thãgba na faa anɩ dɩ pa a na ha nɩ dakha. 38Na‐n ˈlaanɛ, dɩ mɛ̃ Thãgba na ˈlaa a na ha nɩ dakha. Ga dor mɩɛda bʋɔɔkɛ wa ɩɩnɩ a na yɛyɛɛ gɩ hi ga‐n jal wɩ ha nɩ. Gɩdonɩ mɩɛda ca ʋrɛɛkɛ nɩ‐n kɔɔ mɩɛnanɩ thɩ̃ɛ, ɔrra Thãgba na mɩɛna a na ha nɩ oti. 39Dɩ Jeju so warɛ sokpaa wo ayɩ: Yaarʋ na punone na thɔɔ yaarʋ ya? Mee wɛr yenyɔ fɛʋ na jiire kõkorro.#Mat 15:14 40Kpãkpãadaar na hale a na kɔ̃tɩ̃ na jɔ ʋrɛ n dɩrɛɛnaˈ, sɩ ɔbɔɔkɛ a na dɩɩrnɩ na pɩ, a na har mɔ̃kɛ ʋrɛ dɩrɛɛnɩ hanɩ.#Mat 10:24–25; Jã 13:16; 15:20 41Mɔ̃gɩdo dɩ fɩ ka gar yire hɔ̃ phɩɩnaakɛ hanɩ afɩ omii yiro, sɩ fa‐n ka dɩ fɩ hɩɩn kparrɛɛkɛ hanɩ afɩ thɛthɛɛ yiroə? 42Dɩ mɔ̃ fa fʋ sɩ na so afɩ omina nayɩ: Ɩ̃ omi, jɩlɛ ɩ̃ ti hɔ̃ phɩ̃ɩkɛ ha fɩnɩ yiro, fɛrɛɛkɛ na yɛnɩ kparrɛɛkɛ hanɩ afɩ yiroə? Fɛr bɩnɛ yenyɔdaar, te kparrɛɛkɛ hanɩ afɩ yiro ɓo, le fa jɩɩ yɩ hɔ̃ phɩ̃ɩkɛ hanɩ afɩ omii yiro a na ti.
Thɩrʋ na ɔɔ bi
(Mat 7:16–20; 12:33–35)
43Thɩr bʋɔ na puno na se bi puəˈ. Dɩ thɩrʋʋkɛ na bʋɔnɔnaˈ na puno na se bi bʋɔ dakha ga. 44Gɩdonɩ be wɩ‐n jɩna thɩra fɛʋ bɩɛlbɩɛl. Sobɔr gɩ, wa‐n yɛɛ bara usɩɛra ga, dɩ wa‐n khʋ̃ ɓãɓar be paabɩrʋra dakha ga.#Mat 12:33 45Tɩɩ bʋɔ n tire dabʋɔɔkɛ hanɩ ɔɔ hara dɩ thena, sɩ tɩɩ puu n tire dapuukɛ hanɩ ɔɔ hara dɩ thena. Gɩdonɩ gɩrɛ n henɩ haarra, gɛr n thɛ nɔɔ.#Mat 12:34
Cɔ thɛ yenyɔ
(Mat 7:24–27)
46Mɔ̃gɩdo dɩ na‐n we mɩ Kɔ̃tɩn, Kɔ̃tɩn, sɩ na‐n cʋʋ gɩrɛ mɩ‐n so narnaˈ. 47Tibil wo tibilikɛ ɩna marnɩ da‐n nɩɛ ɩ̃ thɩmɩɩ dɩ gbuuro yʋʋ da‐n cʋʋ, ma nɩ narɛ ntɛɛkɛ a honɩ. 48A hʋrɛ tibilikɛ n mɛnɩ cʋɔr, a kpe koru dɩɩ hulono dɩ kpɛɛrɔ go kʋʋ boka nã thɛrɛɛra. Dɩ ɔbɔɔkɛ nyʋɔn phanɩ, dɩ poo be dɩ a‐n cɩr cʋɔrɩle, sɩ ga puno cʋʋ thɩ̃aˈ, gɩdonɩ kuunile mɩɩrɛ dɩɩ bɔr. 49Sɩ ʋrɛɛkɛ n nɩɛnɛnɩ sɩ aa‐n cʋaˈ, a hʋrɛ tibilikɛ thɛnɩ cʋɔr thɩ bʋraara, sɩ aa kpe koru a kpɛɛrɔ go kʋaˈ. Dɩ ɔbɔɔkɛ poo benɩ dɩ a‐n cɩr cʋɔrɩle, dɩɩ do dapaara gɩ derre, dɩ cʋɔrɩle jire ji puure.
Currently Selected:
Luki 6: LOBIRI
Highlight
Share
Copy
Want to have your highlights saved across all your devices? Sign up or sign in
Bible Society of Burkino Faso 1985.
Luki 6
6
Jeju na hɩɩr wi thɩmɩɩr
(Mat 12:1–8; Mar 2:23–28)
1Hɩɩr wi bɩɛl Jeju n kɔɔ kar a lõ jʋ lɩɛra. Dɩ ɔɔ kpãkpãadara ˈlaa a kha jɔ a fɔfɔrɔ a kho.#Dət 23:25 2Dɩ wɩ̃ jɔfʋ bʋ dʋdara bule wi: Mɔ̃gɩdo dɩ na‐n cʋʋ gɩrɛ jɔfʋ yɩnɩ gɩ‐n sãsɩrɛ hɩɩr wire? 3Dɩ Jeju birse wi: Na kɔɔ yɩɛ Thãgbaa sɛbɛra gɩrɛɛkɛ Davɩdɩ kɔɔ cʋʋnɩ, ɔbɔɔkɛ kɔmɛr kɔɔ fʋʋnɩ ɔr na wɩrɛɛkɛ a kɔɔ hananɩ kha gaa?#6:3–4; 1 Sam 21:1–6 #Lev 24:9 4Mee a kɔɔ lʋʋn Thãgba fʋɔr cʋɔrɔ a gba buruukɛ wɩ‐n hanɩ Thãgba a kho, sa ha wɩrɛɛkɛ a hananɩ kha, sɩrakɛ Thãgbaa gbõdara teana dɩbara wɩ khɔ gɩ. 5Sɩ dɩ so war: Mɛr tibili Bikuun dor Kɔ̃tɩn hɩɩr wirerarakɛ.
Kuunikɛ nyɔ̃ɔ khini
(Mat 12:9–14; Mar 3:1–6)
6Hɩɩr wi bɩɛl wo, Jeju lʋʋn Juifisɔɔ Thãgba fʋɔr cɔra, a ma da‐n dɩɩr tɩbɩla. Dɩ le a yɩ kũu bɩɛlɩkɛ ɔɔ nyɔ̃bɔ nyɔ̃ khini.#Lev 24:9 7Dɩ jɔfʋ dɩɩrdara na jɔfʋ bʋ dʋdara jʋʋr Jeju dɩ wa‐n hɩɩn ado a na kpɛɛrɛ tibil khoo hɩɩr wire, gɩdonɩ hʋɛ wɩ‐n ƴaal wɩ pɩɛraa sor. 8Sɩ a jɩrɛ mɔ̃ wɩ‐n kpɩɛrnɩ awɩ bɩnɔ, a so kuunnaakɛ nyɔ̃ɔ khini ayɩ: Ɩrɛ jɩlɛ kɩɛr thɩ̃thɩɩn. Dɩ pal ɩɩr jɩɩl. 9Dɩ Jeju so war: Mɩ‐n bule ner, hɩɩr wire teana bɔ cʋʋrɛ yaa, puu cʋʋrɛ; agɩbo fɩ taa tibil yaa, fɩ kʋʋ? 10Sɩ a hɩɩn wɛr fɛʋ da‐n finə sa bir so kuunnana: ˈLaanɛ afɩ nyɔ̃; dɩ ˈlaa dɩɩ do gɩ kpɛɛrɛ. 11Dɩ nɩ̃khii fʋlɛ wɩ, dɩ wa‐n gʋʋr kha awɩ ha mɔ̃ wa cʋʋnɩ Jejura.
Kpãkpãadara yʋɔr yenyɔɔkɛ Jeju phiirni
(Mat 10:1–4; Mar 3:13–19)
12Ɔbɔɔlera Jeju kɔɔ ther jal gɔ̃gʋɔna a bɩɛl Thãgba; dɩ a kɔɔ toore le a bɩɛl Thãgba dɩ dɩɩ wɩlna. 13Dɩ ɔbɔɔkɛ dɩɩ wɩlnɩ, a wer ɔɔ kpãkpãadara a phiir yʋɔr yenyɔ. Wɛr a ha ire thɔ̃thɔna: 14Sɩmɔ̃ ɔr a dʋ ire Pɩɛr, sɩ ɔɔ õkuun n dɔ Ãdire, Jakɩ, Jã, Filipi, Bartelemɩ, 15Matiə, Tomasɩ, Jakɩ Alfee bikuun, 16na Sɩmɔ̃ɔkɛ dʋɔnnɩ gbɛ̃gbɛrɛ̃ tibil, Juudi Jakɩɩ bikuun, na Judasɩɩkɛ thɛnɩ Karɩyɔtɩ, kɛ kɔɔ debanɩ do lĩlir.
Kɩɛr Jeju kpɛɛ tibil jɔjʋɔɔ kho
(Mat 4:23–25)
17Dɩ Jeju gbũ nakha wɛr a jɩɩl gɔ̃gɔ̃ ɓɛlɛ̃ paar, kãkɛ ɔɔ kpãkpãadara jɔɔ hanɩ, na tibil jɔjʋɔ tə̃tə̃tə̃əkɛ thɛnɩ Jude dɩɩra fɛʋ na Jerujalɛm, nakha Tɩɩr na Sɩdɔ̃ dɩ khuirə kɛ hanɩ lanyɔ̃ nʋɔra. 18Wɩ pɔr wɩ pɛ Jeju nũu wɩ ˈlɛna kho kpɛɛrɛ. Dɩ wɩrɛ fɛʋʋkɛ kɔ̃tɛɛbii n hʋɔlɔnɩ kɔɔ kpɛɛrɛ dakha. 19Dɩ tibil jɔɔle fɛʋ n ƴaalɛ wa‐n thaaraa, gɩdonɩ fãga n thɩɩraarɛ dɩ a‐n kpɛɛ wɩ fɛʋ.
Jeju mɩɩrɛ bɔna thɩmɩɩr na puu thɩmɩɩr
(Mat 5:1–12)
20Dɩ Jeju gba da‐n hɩɩn ɔɔ kpãkpãadara sa so war ayɩ:
Gɩ da nɛr bɔdarara,
gɩdonɩ Thãgbaa fãgadaar do dor anɩda.
21Gɩ da nɛrɛraakɛ kɔmɛr n fʋnɩ nɛnɛ̃,
gɩdonɩ na hire phi.
Gɩ da nɛrɛraakɛ n khɩanɩ,
gɩdonɩ na ˈlɛr daʋ.
22Gɩ da nar ɔbɔɔkɛ tɩbɩla na laar nɩnɩ, ɔbɔɔkɛ wa lee nɩnɩ na faa kpɩɩ, wa‐n nɩɩrna nɩ, wa‐n kpɔrɔna nɩ ire dɩɩ ho thɩ̃ɛɛkɛ dɔnɩ kpɔ̃kpɔrɔ̃ thɩ̃ɛ tibili Bikuuni sora.#1 Pɩ 4:14 23Na‐n hana daʋ ga wiraalera a na kãkanɛ, gɩdonɩ khaarda kɔ̃tɩ̃ɩ hale Thãgbaa dʋɔ dɩ a‐n pɩɛr nɩ. Gɩdonɩ thalera awɩ mama thɩ kɔ̃tɩ̃sɔ kɔɔ cʋʋ Thãgbaa bobonasɔra.#2 Kur 36:16; Th t t 7:52
24Sɩ ga puu narɛ nɛrɛɛkɛ dʋɔnnɩ lẽledara,
gɩdonɩ nɩ ˈlɛr anɩ ha faa pɩ.
25Ga puu narɛ nɛrɛɛkɛ n hienni,
gɩdonɩ kɔmɛr na fʋ nɛr.
Ga puu narɛ nɛrɛɛkɛ n mananɩ nɛnɛ̃,
gɩdonɩ na har bɩwɛra na yilẽbera.
26Ga puu narɛ ɔbɔɔkɛ tɩbɩla fɛʋ n mɩɩnɩ anɩda bɔ, gɩdonɩ thale awɩ mama thɩ kɔ̃tɩ̃sɔ kɔɔ cʋʋ na wɩrɛ kɔɔ dɔnɩ sõso bobonasɔ.
Mɔ̃ fa hananɩ naʋ lãlaardarara
(Mat 5:38–48; 7:12)
27Sɩ mɩ so narɛ nɛrɛɛkɛ n pɛ mɩnɩ nũu: Na‐n na anɩ lãlaardara, na‐n cʋɛ wɩrɛ n laarɛ nɩnɩ bɔɔ. 28Na‐n bɔna wɩrɛɛkɛ n sɔna nɩnɩ, na‐n bɩɛlnɛ Thãgba a na pɛ wɩrɛraakɛ n hʋɔlɛ narnɩ. 29A tibil ɓa fɩ gbʋa bɩɛl, fe gbʋa kpɩɩ a hanaa dakha. Dɩ a tibil gbaan afɩ darã, sɩɛraa a gba afɩ kẽkẽ gburo dakha wo. 30Tibil wo tibilikɛ n bɩɛlnɛ farnɩ thɩ̃ɛ, hanaa, dɩ tibilikɛ gbaan fɩnɩ thɩ̃ɛ, fa‐n lʋʋraˈ. 31Gɩrɛɛkɛ nɩ‐n ƴaalnɩ tɩbɩla na‐n cʋɛ nar, na‐n cʋɛ ɔmɛ̃ wɛrra dakha.#Mat 7:12 32A na na wɩrɛɛkɛ n naan nɩnɩ, anye dɔ gɩrɛ teronɩ a ha kpɩɩ? Gɩdonɩ sopugodara dakha wɩ‐n nar wɩrɛɛkɛ n naan wɩnɩ. 33Dɩ a na cʋʋ bɔɔ wɛkɛra n cʋɛ nɩnɩ bɔɔ, anye dɔ gɩrɛ teronɩ a ha kpɩɩ? Gɩdonɩ sopugodara dakha thalera wɩ‐n cʋʋ. 34Dɩ a wɩrɛɛkɛ nɩ‐n pɛrnɩ haar wa yɩ gɛr na ha nɩ nɩ‐n pemi thɩ̃ɛ, anye dɔ gɩrɛ teronɩ a ha kpɩɩ? Gɩdonɩ sopugodara dakha wɩ‐n pemine kha awɩ ha, sɩ wa‐n kpɩɛrna mɔ̃ wa birni na ˈlɛ oti. 35Sɩ na‐n na anɩ lãlaardara, na‐n cʋɛ bɔɔ, na‐n pema tɩbɩla sɩ na‐n kpɩɛr nɩ birə ˈlɛrɔ dɩkha ga. Dɩ mɛ̃ na ˈlɛ khaarda kɔ̃tɩ̃ɩ, dɩ na dor dakha Kəkəədaarɩ bɩsãsɔ, gɩdonɩ a bɔrɛ tɩɩ kʋɛara na tɩɩ puusɔra. 36Gɛr gɩ nɩ dɔ bɔ jɩ tɩbɩla, mɔ̃ anɩ Thɩ donɩ bɔ jɩdaar.
Na‐n pɛ tibil soraˈ
(Mat 7:1–5)
37Na‐n fi do kɩɩldara ga, dɩ mɛ̃ Thãgba na do nar Kɩɩldaaraˈ. Na‐n heen tibil soraˈ, dɩ mɛ̃ na ˈlɛ so heene dakha ga. Na‐n faa tɩbɩlaa dɩ pa a na hana wɩ, dɩ mɛ̃ Thãgba na faa anɩ dɩ pa a na ha nɩ dakha. 38Na‐n ˈlaanɛ, dɩ mɛ̃ Thãgba na ˈlaa a na ha nɩ dakha. Ga dor mɩɛda bʋɔɔkɛ wa ɩɩnɩ a na yɛyɛɛ gɩ hi ga‐n jal wɩ ha nɩ. Gɩdonɩ mɩɛda ca ʋrɛɛkɛ nɩ‐n kɔɔ mɩɛnanɩ thɩ̃ɛ, ɔrra Thãgba na mɩɛna a na ha nɩ oti. 39Dɩ Jeju so warɛ sokpaa wo ayɩ: Yaarʋ na punone na thɔɔ yaarʋ ya? Mee wɛr yenyɔ fɛʋ na jiire kõkorro.#Mat 15:14 40Kpãkpãadaar na hale a na kɔ̃tɩ̃ na jɔ ʋrɛ n dɩrɛɛnaˈ, sɩ ɔbɔɔkɛ a na dɩɩrnɩ na pɩ, a na har mɔ̃kɛ ʋrɛ dɩrɛɛnɩ hanɩ.#Mat 10:24–25; Jã 13:16; 15:20 41Mɔ̃gɩdo dɩ fɩ ka gar yire hɔ̃ phɩɩnaakɛ hanɩ afɩ omii yiro, sɩ fa‐n ka dɩ fɩ hɩɩn kparrɛɛkɛ hanɩ afɩ thɛthɛɛ yiroə? 42Dɩ mɔ̃ fa fʋ sɩ na so afɩ omina nayɩ: Ɩ̃ omi, jɩlɛ ɩ̃ ti hɔ̃ phɩ̃ɩkɛ ha fɩnɩ yiro, fɛrɛɛkɛ na yɛnɩ kparrɛɛkɛ hanɩ afɩ yiroə? Fɛr bɩnɛ yenyɔdaar, te kparrɛɛkɛ hanɩ afɩ yiro ɓo, le fa jɩɩ yɩ hɔ̃ phɩ̃ɩkɛ hanɩ afɩ omii yiro a na ti.
Thɩrʋ na ɔɔ bi
(Mat 7:16–20; 12:33–35)
43Thɩr bʋɔ na puno na se bi puəˈ. Dɩ thɩrʋʋkɛ na bʋɔnɔnaˈ na puno na se bi bʋɔ dakha ga. 44Gɩdonɩ be wɩ‐n jɩna thɩra fɛʋ bɩɛlbɩɛl. Sobɔr gɩ, wa‐n yɛɛ bara usɩɛra ga, dɩ wa‐n khʋ̃ ɓãɓar be paabɩrʋra dakha ga.#Mat 12:33 45Tɩɩ bʋɔ n tire dabʋɔɔkɛ hanɩ ɔɔ hara dɩ thena, sɩ tɩɩ puu n tire dapuukɛ hanɩ ɔɔ hara dɩ thena. Gɩdonɩ gɩrɛ n henɩ haarra, gɛr n thɛ nɔɔ.#Mat 12:34
Cɔ thɛ yenyɔ
(Mat 7:24–27)
46Mɔ̃gɩdo dɩ na‐n we mɩ Kɔ̃tɩn, Kɔ̃tɩn, sɩ na‐n cʋʋ gɩrɛ mɩ‐n so narnaˈ. 47Tibil wo tibilikɛ ɩna marnɩ da‐n nɩɛ ɩ̃ thɩmɩɩ dɩ gbuuro yʋʋ da‐n cʋʋ, ma nɩ narɛ ntɛɛkɛ a honɩ. 48A hʋrɛ tibilikɛ n mɛnɩ cʋɔr, a kpe koru dɩɩ hulono dɩ kpɛɛrɔ go kʋʋ boka nã thɛrɛɛra. Dɩ ɔbɔɔkɛ nyʋɔn phanɩ, dɩ poo be dɩ a‐n cɩr cʋɔrɩle, sɩ ga puno cʋʋ thɩ̃aˈ, gɩdonɩ kuunile mɩɩrɛ dɩɩ bɔr. 49Sɩ ʋrɛɛkɛ n nɩɛnɛnɩ sɩ aa‐n cʋaˈ, a hʋrɛ tibilikɛ thɛnɩ cʋɔr thɩ bʋraara, sɩ aa kpe koru a kpɛɛrɔ go kʋaˈ. Dɩ ɔbɔɔkɛ poo benɩ dɩ a‐n cɩr cʋɔrɩle, dɩɩ do dapaara gɩ derre, dɩ cʋɔrɩle jire ji puure.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Burkino Faso 1985.