LUKA 3
3
Baptiskung Johan Ih Tamthang Lok Thuih
(Mat 3:1-12; Mrk 1:1-8; Jhn 1:19-28)
1Rom sangpahrang Tiberias a ukhaih saning hlaipangato oh na-ah Pontias Pilat loa Judah ram ukkung angraeng ah a oh, Herod loa Galili ukkung ah a oh moa amnauk Filip loa Iturea hoi Trakhonitis prae ukkung ah oh; Lisanias loa Abilene ukkung ah oh moa, 2Annas hoi Kaiafas loa Qaihma Kalen ah oh. To tue nathuemah to Zekhariah capa Johan khaeah praetanghaeng ah Sithaw lok to a phak. 3Topongah Johan loa Jordan Tuiva taenghaek prae boiboih amkaeh moa, “Na zaehaih to dawnpakhuem oloa baptisma to hak oah; moa Sithaw mah nangcae zaehaih to tahmen tih,” tiah a thuih.
4Tahma Isaiah cabu thungah tarik ih batiah a oh. A tarik ih loa:#Isa 40:3-5
“Kami longto loa praetanghaeng ah a hangh moa,
‘Angraeng ih loklam coengcoe ah pacaih o;
a caehhaih loklam to patoeng pazang oh.
5Tahawt boiboih to patet oah,
maehung maesang boiboih to kangvan ah sah oah;
Lam kangkaenawk tho patoeng oh,
loklam kasaenawk to lam kahoih ah sah oh.
6Caeng kami boih mah Sithaw pahlonghaih to hnuh o tih,’” tiah a thuih.
7Kami zetpui to Johan ih baptisma hak hanah anih khaeah angzoh o. Johan mah, “Nangcae pahui kasaenawk! Sithaw palungphuihaih kangzo hankoi ka om hoitoah ka loih o thaih tih, tiah amimah maw na thui o?#Mat 12:34; 23:33 8Na zaehaih dawnpakhuem o ih to na sak o ih hmuen pongah amtuengsak oah. Abraham loa kaicae ih saeza ni tito ah thui o mut hmah. Loktang kang thuih o: Sithaw mah hi hlung mataeng doeh Abraham ih cadii ah angcoengsak thaih.#Jhn 8:33 9Thingkung loa pakhruk hanah takung ah saka oh coek boah; athaih kahoih ka thaii ai thingkung boih loa pakhruk ah om ueloa hmai thungah vah ah om tih,” tiah a naa.#Mat 7:19
10Mipui mah anih khaeah, “Totibaloa timaw aicae mah sak han a oh?” tiah a duengh o.
11Anih mah, “Ami doeh laihaw zung hnetto ka tawn loa ka tawn ai khaeah zungto paek na soe; ami doeh caknaek ka tawn loa ka tawn ai khaeah paek na soe” tiah a naa.
12Tamut congkung thoemto baptisma hak hanah angzoh o moa, “Patukkung, kaicae hae timaw ka sak han a oh?” tiah a duengh o.#Luk 7:29
13Anih mah, “Tamut to cong han tueng pongh kamhlai ah la o hmah,” tiah a naa.
14Risa thoemtonawk mah doeh, “Kaicae loa kawbangmaw? Timaw sak o han ka om?” tiah a duengh o toengh.
Anihcae khaeah, “Mita khaeih tangka to lomh pae o nganga hmah, ami doeh amsawn amlai puiah zaenet o romram hmah,” tiah a naa.
15Mi boih mah oepdoenghaih ih to a tawnh o moa Johan hae Messiah kalang han maw vai, tiah dawnrai hoiah a dawn o toemoe. 16Topongah Johan mah anihcae boih khaeah, “Kai loa tui hoiah baptisma kang paek o, to-e kami longlongto kai pongdoeh kalensawk aep to angzo tih. Kai loa anih ih khokbuen qui khramh pae han mataeng boe doeh kamcuk ai. Anih mah loa Cai Pakhra hoi hmai hoiah baptisma to na paek tih. 17Anih loa cang hawhhaih paqa to a sinh moa cang to haw tih; cangtak to sapai thungah haeng tih, to-e canghii to loa ka dueh thaih ai ih hmai thungah aqui tih,” a naa pae.
18Johan loa Tamthang Kahoih to qoili qoila ah mipui khaeah zetpui ah thuih moa tuinuenh to amkhraih o hanah pacae. 19To-e Johan mah ukkung angraeng Herod to takhih moa a zoeh; kawmawtiah anih loa amnauk ih zu Herodias to a lomh pae khueh aiah kalah hmuenh kahoih ainawk to doeh a sak mang pongah ni.#Mat 14:3-4; Mrk 6:17-18 20Tona-ah Herod mah Johan to thongim ah pakhrak, totiah hmuen kasae aep aep to a sak.
Jesuh Baptisma Hakhaih
(Mat 3:13-17; Mrk 1:9-11)
21Mi boih mah baptisma a hak o boih pacoengah Jesuh doehsoe baptisma a hnuk toengh. Kho a phoeh li nathuemah van to am-ong moa, 22Cai Pakhra to pahuu batiah a nuiah angzoh tathuk. Topacoengah van hoitoah lok angzoh mah, “Nang loa ka palung duek ih ka Capa ni. Na nuiah palung kanghoe parai,” tiah a naa.
Jesuh Ih Saezanawk
(Mat 1:1-17)
23Jesuh a toksakhaih amtong na-ah angmah ih saning loa quithumto thuemtham oh boah. Mipui mah anih loa Joseph ih capa ni tiah a dawn o. Joseph loa Heli ih capa ah oh moa, 24Heli loa Matthat capa ni, Matthat loa Levi capa ni, Levi loa Melkhi capa ni, Melkhi loa Jannai capa ni, Jannai loa Joseph capa ni, 25Joseph loa Mattathias capa ni, Mattathias loa Amos capa ni, Amos loa Nahum capa ni, Nahum loa Esli capa ni, Esli loa Naggai capa ni, 26Naggai loa Maath capa ni, Maath loa Mattathias capa ni, Mattathias loa Semein capa ni, Semein loa Josek capa ni, Josek loa Joda capa ni, 27Joda loa Joanan capa ni, Joanan loa Rhesa capa ni, Rhesa loa Zerubbabel capa ni, Zerubbabel loa Shealtiel capa ni, Shealtiel loa Neri capa ni, 28Neri loa Melkhi capa ni, Melkhi loa Addi capa ni, Addi loa Kosam capa ni, Kosam loa Elmadam capa ni, Elmadam loa Er capa ni, 29Er loa Joshua capa ni, Joshua loa Eliezer capa ni, Eliezer loa Jorim capa ni, Jorim loa Matthat capa ni, Matthat loa Levi capa ni, 30Levi loa Simeon capa ni, Simeon loa Judah capa ni, Judah loa Joseph capa ni, Joseph loa Jonam capa ni, Jonam loa Eliakim capa ni, 31Eliakim loa Melea capa ni, Melea loa Menna capa ni, Menna loa Mattatha capa ni, Mattatha loa Nathan capa ni, Nathan loa David capa ni, 32David loa Jesse capa ni, Jesse loa Obed capa ni, Obed loa Boaz capa ni, Boaz loa Salmon capa ni, Salmon loa Nahshon capa ni, 33Nahshon loa Amminadab capa ni, Amminadab loa Admin capa ni, Admin loa Arni capa ni, Arni loa Hezron capa ni, Hezron loa Perez capa ni, Perez loa Judah capa ni, 34Judah loa Jakob capa ni, Jakob loa Isaak capa ni, Isaak loa Abraham capa ni, Abraham loa Terah capa ni, Terah loa Nahor capa ni, 35Nahor loa Serug capa ni, Serug loa Reu capa ni, Reu loa Peleg capa ni, Peleg loa Eber capa ni, Eber loa Shelah capa ni, 36Shelah loa Kainan capa ni, Kainan loa Arpaksad capa ni, Arpaksad loa Shem capa ni, Shem loa Noah capa ni, Noah loa Lamek capa ni, 37Lamek loa Methuselah capa ni, Methuselah loa Enok capa ni, Enok loa Jared capa ni, Jared loa Mahalaleel capa ni, Mahalaleel loa Kenan capa ni, 38Kenan loa Enosh capa ni, Enosh loa Seth capa ni, Seth loa Adam capa ni, Adam loa Sithaw capa ni.
Currently Selected:
LUKA 3: AKNT2023
Highlight
Share
Copy
Want to have your highlights saved across all your devices? Sign up or sign in
Asang Khongso New Testament in Eastern Khumi © Bible Society of Myanmar, 2023.
LUKA 3
3
Baptiskung Johan Ih Tamthang Lok Thuih
(Mat 3:1-12; Mrk 1:1-8; Jhn 1:19-28)
1Rom sangpahrang Tiberias a ukhaih saning hlaipangato oh na-ah Pontias Pilat loa Judah ram ukkung angraeng ah a oh, Herod loa Galili ukkung ah a oh moa amnauk Filip loa Iturea hoi Trakhonitis prae ukkung ah oh; Lisanias loa Abilene ukkung ah oh moa, 2Annas hoi Kaiafas loa Qaihma Kalen ah oh. To tue nathuemah to Zekhariah capa Johan khaeah praetanghaeng ah Sithaw lok to a phak. 3Topongah Johan loa Jordan Tuiva taenghaek prae boiboih amkaeh moa, “Na zaehaih to dawnpakhuem oloa baptisma to hak oah; moa Sithaw mah nangcae zaehaih to tahmen tih,” tiah a thuih.
4Tahma Isaiah cabu thungah tarik ih batiah a oh. A tarik ih loa:#Isa 40:3-5
“Kami longto loa praetanghaeng ah a hangh moa,
‘Angraeng ih loklam coengcoe ah pacaih o;
a caehhaih loklam to patoeng pazang oh.
5Tahawt boiboih to patet oah,
maehung maesang boiboih to kangvan ah sah oah;
Lam kangkaenawk tho patoeng oh,
loklam kasaenawk to lam kahoih ah sah oh.
6Caeng kami boih mah Sithaw pahlonghaih to hnuh o tih,’” tiah a thuih.
7Kami zetpui to Johan ih baptisma hak hanah anih khaeah angzoh o. Johan mah, “Nangcae pahui kasaenawk! Sithaw palungphuihaih kangzo hankoi ka om hoitoah ka loih o thaih tih, tiah amimah maw na thui o?#Mat 12:34; 23:33 8Na zaehaih dawnpakhuem o ih to na sak o ih hmuen pongah amtuengsak oah. Abraham loa kaicae ih saeza ni tito ah thui o mut hmah. Loktang kang thuih o: Sithaw mah hi hlung mataeng doeh Abraham ih cadii ah angcoengsak thaih.#Jhn 8:33 9Thingkung loa pakhruk hanah takung ah saka oh coek boah; athaih kahoih ka thaii ai thingkung boih loa pakhruk ah om ueloa hmai thungah vah ah om tih,” tiah a naa.#Mat 7:19
10Mipui mah anih khaeah, “Totibaloa timaw aicae mah sak han a oh?” tiah a duengh o.
11Anih mah, “Ami doeh laihaw zung hnetto ka tawn loa ka tawn ai khaeah zungto paek na soe; ami doeh caknaek ka tawn loa ka tawn ai khaeah paek na soe” tiah a naa.
12Tamut congkung thoemto baptisma hak hanah angzoh o moa, “Patukkung, kaicae hae timaw ka sak han a oh?” tiah a duengh o.#Luk 7:29
13Anih mah, “Tamut to cong han tueng pongh kamhlai ah la o hmah,” tiah a naa.
14Risa thoemtonawk mah doeh, “Kaicae loa kawbangmaw? Timaw sak o han ka om?” tiah a duengh o toengh.
Anihcae khaeah, “Mita khaeih tangka to lomh pae o nganga hmah, ami doeh amsawn amlai puiah zaenet o romram hmah,” tiah a naa.
15Mi boih mah oepdoenghaih ih to a tawnh o moa Johan hae Messiah kalang han maw vai, tiah dawnrai hoiah a dawn o toemoe. 16Topongah Johan mah anihcae boih khaeah, “Kai loa tui hoiah baptisma kang paek o, to-e kami longlongto kai pongdoeh kalensawk aep to angzo tih. Kai loa anih ih khokbuen qui khramh pae han mataeng boe doeh kamcuk ai. Anih mah loa Cai Pakhra hoi hmai hoiah baptisma to na paek tih. 17Anih loa cang hawhhaih paqa to a sinh moa cang to haw tih; cangtak to sapai thungah haeng tih, to-e canghii to loa ka dueh thaih ai ih hmai thungah aqui tih,” a naa pae.
18Johan loa Tamthang Kahoih to qoili qoila ah mipui khaeah zetpui ah thuih moa tuinuenh to amkhraih o hanah pacae. 19To-e Johan mah ukkung angraeng Herod to takhih moa a zoeh; kawmawtiah anih loa amnauk ih zu Herodias to a lomh pae khueh aiah kalah hmuenh kahoih ainawk to doeh a sak mang pongah ni.#Mat 14:3-4; Mrk 6:17-18 20Tona-ah Herod mah Johan to thongim ah pakhrak, totiah hmuen kasae aep aep to a sak.
Jesuh Baptisma Hakhaih
(Mat 3:13-17; Mrk 1:9-11)
21Mi boih mah baptisma a hak o boih pacoengah Jesuh doehsoe baptisma a hnuk toengh. Kho a phoeh li nathuemah van to am-ong moa, 22Cai Pakhra to pahuu batiah a nuiah angzoh tathuk. Topacoengah van hoitoah lok angzoh mah, “Nang loa ka palung duek ih ka Capa ni. Na nuiah palung kanghoe parai,” tiah a naa.
Jesuh Ih Saezanawk
(Mat 1:1-17)
23Jesuh a toksakhaih amtong na-ah angmah ih saning loa quithumto thuemtham oh boah. Mipui mah anih loa Joseph ih capa ni tiah a dawn o. Joseph loa Heli ih capa ah oh moa, 24Heli loa Matthat capa ni, Matthat loa Levi capa ni, Levi loa Melkhi capa ni, Melkhi loa Jannai capa ni, Jannai loa Joseph capa ni, 25Joseph loa Mattathias capa ni, Mattathias loa Amos capa ni, Amos loa Nahum capa ni, Nahum loa Esli capa ni, Esli loa Naggai capa ni, 26Naggai loa Maath capa ni, Maath loa Mattathias capa ni, Mattathias loa Semein capa ni, Semein loa Josek capa ni, Josek loa Joda capa ni, 27Joda loa Joanan capa ni, Joanan loa Rhesa capa ni, Rhesa loa Zerubbabel capa ni, Zerubbabel loa Shealtiel capa ni, Shealtiel loa Neri capa ni, 28Neri loa Melkhi capa ni, Melkhi loa Addi capa ni, Addi loa Kosam capa ni, Kosam loa Elmadam capa ni, Elmadam loa Er capa ni, 29Er loa Joshua capa ni, Joshua loa Eliezer capa ni, Eliezer loa Jorim capa ni, Jorim loa Matthat capa ni, Matthat loa Levi capa ni, 30Levi loa Simeon capa ni, Simeon loa Judah capa ni, Judah loa Joseph capa ni, Joseph loa Jonam capa ni, Jonam loa Eliakim capa ni, 31Eliakim loa Melea capa ni, Melea loa Menna capa ni, Menna loa Mattatha capa ni, Mattatha loa Nathan capa ni, Nathan loa David capa ni, 32David loa Jesse capa ni, Jesse loa Obed capa ni, Obed loa Boaz capa ni, Boaz loa Salmon capa ni, Salmon loa Nahshon capa ni, 33Nahshon loa Amminadab capa ni, Amminadab loa Admin capa ni, Admin loa Arni capa ni, Arni loa Hezron capa ni, Hezron loa Perez capa ni, Perez loa Judah capa ni, 34Judah loa Jakob capa ni, Jakob loa Isaak capa ni, Isaak loa Abraham capa ni, Abraham loa Terah capa ni, Terah loa Nahor capa ni, 35Nahor loa Serug capa ni, Serug loa Reu capa ni, Reu loa Peleg capa ni, Peleg loa Eber capa ni, Eber loa Shelah capa ni, 36Shelah loa Kainan capa ni, Kainan loa Arpaksad capa ni, Arpaksad loa Shem capa ni, Shem loa Noah capa ni, Noah loa Lamek capa ni, 37Lamek loa Methuselah capa ni, Methuselah loa Enok capa ni, Enok loa Jared capa ni, Jared loa Mahalaleel capa ni, Mahalaleel loa Kenan capa ni, 38Kenan loa Enosh capa ni, Enosh loa Seth capa ni, Seth loa Adam capa ni, Adam loa Sithaw capa ni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Asang Khongso New Testament in Eastern Khumi © Bible Society of Myanmar, 2023.