LUKA 4
4
Jesuh Zaepacunghaih A Tongh
(Mat 4:1-11; Mrk 1:12-13)
1Jesuh loa Cai Pakhra hoiah a koi moa Jordan tuiva hoitoah amlaem na-ah Cai Pakhra mah praetanghaeng ah to a caeh haih. 2Toah to ni quipalito thung Diabol mah zae pacung. Tona thung loa tidoeh caa ai pongah to tue aboeng na-ah katingai zok amhlam boah.
3Diabol mah Jesuh khaeah, “Sithaw Capa ah na oh nahaeloa hi hlung hae takaw ah coengh hanah akaa paek ah,” tiah a naa.
4To-e Jesuh mah, “Cabu Kacai mah, ‘Kami hae takaw khueh hoiah hing ai,’ a tih,” tiah pathim.#Deut 8:3
5Topacoengah Diabol mah a dawh haih tahang moa nawnetta thungah longnui prae boiboih to a patuek. 6Diabol mah, “Hi hmuensak thaihaih ih boih hoi angraeng lenhhaih ih boih hae kang paek han. Kai khaeah paek boih boah moa ka koeh ih kami khaeah ka paek thaih. 7Topongah kai hae na bok nahaeloa hi boiboih hae nang taham ah om tih,” tiah a naa.
8Jesuh mah, “Cabu Kacai mah, ‘Angraeng na Sithaw to bok loa angmah ih tok khueh to sah ah,’ a tih,” tiah pathim.#Deut 6:13
9Topacoengah Diabol mah Jerusalem ah to a caeh haih moa Tempal imphu kamsum ciklik ah a suek moa anih khaeah, “Sithaw ih Capa ah na oh nahaeloa hi hoitoah longpung tathuk ah. 10Kawmawtiah Cabu Kacai mah, ‘Nang to na khenzawn hanah Sithaw mah a vanminawk to akaa paek tih,’ tiah a thuih.#Sam 91:11 11Tolaep ah, ‘Anihcae mah ban hoiah tapom o tahang ueloa na khok to doeh hlung pongah daeng mak ai,’ tiah a thuih bae vop,” tiah a naa.#Sam 91:12
12To-e Jesuh mah, “Cabu Kacai mah, ‘Angraeng na Sithaw to tanoek hmah,’ a tih,” tiah a pathim.#Deut 6:16
13Diabol mah Jesuh to qoili qoila ah pacung boih pacoeng na-ah atue setta thungah to a caehtak.
Jesuh Galili Ah Toksak Amtong
(Mat 4:12-17; Mrk 1:14-15)
14Topacoengah Jesuh loa Galili bangah amlaem moa Cai Pakhra hmuensak thaihaih ih loa anih khaeah a oh. Ato prae boiboih ah anih kawng loa amthang king. 15Anih mah sinakok ah patuk moa mi boih mah pakoeh o.
Nazareth Ah Jesuh Tahnawng O
(Mat 13:53-58; Mrk 6:1-6)
16Topacoengah Jesuh loa a qoengh lenhhaih Nazareth vang ah to a caeh moa Sabbath ni ah to a sak noek batiah sinakok ah a caeh. Cabu Kacai kroek hanah angdoet moa, 17tahma Isaiah catangzawh to a paek o. Ato catangzawh to adaih moa:
18“Angraeng ih Pakhra loa kai nuiah a oh,#Isa 61:1-2
kawmawtiah kamtang kamlai kaminawk khaeah Tamthang Kahoih taphong hanah kai hae ang qoih boah.
Misongnawk khaeah loihhaih lok taphong han hoi
mikmaengnawk khaeah mikhnuk lethaih lok taphong hanah kai hae ang patoeh;
Raekraihaih pauep kaminawk loihsak han hoi
19Angraeng angmah kaminawk
pahlong hanih atue ang phak boah, tito taphong hanah kai hae ang patoeh,” tiah tarik ih thuemh to a kroek.
20Jesuh loa catangzawh to taoeng let moa ka toepkung khaeah a paek let moa anghnut. Sinakok thungih kaom kami boiboih mah anih to mik hoiah pacok o. 21Anih mah, “Cabu Kacai kroek ah ka om na thaih o batih toengah vaihni ah hae acung boah,” tiah a naa.
22Lokpaa kahoih paraiah a thuih ih lok mah to palung a daengh pae o khraengh moa a dawnrai o. “Hi kami hae Joseph ih capa na ai maw?” a ti o.
23Anih mah, “Tamtuklok thungih ‘Dawkta, nangmah hoi nangmah to hoihsak khae,’ tiah lok na paeh thuih o tih, tito hoihdak ta-ah ka panoek. Tolaep ah, ‘Kapernaum vang ah na sak tiah ka thaih o ih hmuennawk to na tacawthaih ih vang ah doeh sah toeng ah,’ tiah nang naa o bae tih. 24Loktang ta-ah kang thuih: Tahma loa angmah ih vang ah loa talawk o vaih ai.#Jhn 4:44
25“Ka lok hae tahngai oah: “Israel prae ah Elijah dung nathuemah saning thumto pacoeng a boenghto thungah kho angzo ai moa prae bum boih ah takang kating kanoek ai thoh nathuemah lumhmai paroeai a oh tangtang.#1 Sang 17:1 26To-e Elijah loa Israel prae thungih lumhmai longlongto khaeah patoeh ah om ai moa Sidon prae Zarefath vang ih kaom lumhmai khaeah khueh ni loa patoeh ah oh.#1 Sang 17:8-16 27Tahma Elisha dung thuemah Israel prae thungah kaom ngansae manhhaih hoiah patang ka khang kami zetpui a oh; to-e longto doeh hoih o ai, Siria kami Naaman khueh ni a hoih,” a naa pae.#2 Sang 5:1-14
28Hi lok hae sinakok thungah kaom kaminawk mah a thaih o na-ah palungphui o pu. 29Angthawk o moa Jesuh to avang sipae laep ah azaeh o pacoengah avang ohhaih ih maesom ah to caeh o haih moa tanim amngoe ah nuih zawh han a thuih o. 30To-e mipui salak thungah azut pan moa a caeh ving.
Taqawk Mah Akunthuih Ih Nongpa
(Mrk 1:21-28)
31Topacoengah Jesuh loa Galili prae Kapernaum vang ah a caeh moa Sabbath ni ah to a patuk pae. 32A patukhaih ih to mi boih mah a dawnrai o, kawmawtiah akaatawnhhaih hoiah a thuih pongah ni.#Mat 7:28-29 33Sinakok ah taqawk mah akun thuih ih nongpa longto a oh. To kami loa khoeh puiah a hangh moa, 34“Nazareth Jesuh, Timaw na koehhaih ih ka om? Kaicae na paro hanah maw nangzoh? Nang loa Sithaw ih laicae kacai ni tito kang panoek,” tiah a naa.
35Jesuh mah taqawk khaeah, “Om duem loa hi nongpa thung hoitoah tacawt ah,” tiah a naa. Taqawk mah mi boih hma-ah amtimsak moa tidoeh nganbawh paek aiah tacawt tak.
36Tona-ah mipui loa a dawnrai o moa longto hoi longto, “Hi lok loa kawbatih lok khoe maw? Hi kami mah akaatawnhhaih hoi hmuensak thaihaih hoiah taqawk kasae to akaa paek moa a tacawt o halat,” tiah a ti o. 37Topacoeng loa Jesuh kawng to ato prae thung vang kruekah amthang.
Jesuh Mah Kami Paroeai A Hoihsak
(Mat 8:14-17; Mrk 1:29-34)
38Jesuh loa sinakok tacawt tak moa Simon ih im ah a caeh. Simon ih amsae nongpui loa angqaihaih hoiah ngannat kongsalong moa ato kawng to Jesuh khaeah a thuih pae o. 39Anih loa a caeh moa nongpui taengah angdoet moa ngannathaih ih to hoih lai ah tiah a naa. Vaipang ta-ah hoih roep, angthawk moa anihcae to a khet a zawn.
40Ni akun pacoengah nathaih congca hoiah kana kaminawk to ampuinawk mah Jesuh khaeah caeh o haih. Kana kaminawk ih a lu ah ban a koeng moa anihcae boih to a hoihsak. 41Kami paroeai thung hoitoah taqawknawk loa, “Nang loa Sithaw Capa ni,” tiah hangh lamhoi tacawt o.
Jesuh mah taqawknawk to lok apaeh han aiah lok a paek, kawmawtiah Messiah ni tito panoek o.
Sinakok Ah Jesuh Lok A Thuih
(Mrk 1:35-39)
42Khodai na-ah Jesuh loa vang hoitoah tacawt moa kami amdinghaih hmuenh ah to a caeh. Mipui mah pakrong khing moa a hnuk o na-ah, “Na caeh o tak hmah,” tiah a naa o. 43To-e anih mah, “Sithaw Poenghaih kawng Tamthang Kahoih hae vang kalah bangah doeh ka thuih han a oh, kawmawtiah totiah thuih hanah ni Sithaw mah kai hae ang patoeh,” tiah a naa.
44Topongah Judea prae thungih sinakok kruekah Tamthang to a thuih.
Currently Selected:
LUKA 4: AKNT2023
Highlight
Share
Copy
Want to have your highlights saved across all your devices? Sign up or sign in
Asang Khongso New Testament in Eastern Khumi © Bible Society of Myanmar, 2023.
LUKA 4
4
Jesuh Zaepacunghaih A Tongh
(Mat 4:1-11; Mrk 1:12-13)
1Jesuh loa Cai Pakhra hoiah a koi moa Jordan tuiva hoitoah amlaem na-ah Cai Pakhra mah praetanghaeng ah to a caeh haih. 2Toah to ni quipalito thung Diabol mah zae pacung. Tona thung loa tidoeh caa ai pongah to tue aboeng na-ah katingai zok amhlam boah.
3Diabol mah Jesuh khaeah, “Sithaw Capa ah na oh nahaeloa hi hlung hae takaw ah coengh hanah akaa paek ah,” tiah a naa.
4To-e Jesuh mah, “Cabu Kacai mah, ‘Kami hae takaw khueh hoiah hing ai,’ a tih,” tiah pathim.#Deut 8:3
5Topacoengah Diabol mah a dawh haih tahang moa nawnetta thungah longnui prae boiboih to a patuek. 6Diabol mah, “Hi hmuensak thaihaih ih boih hoi angraeng lenhhaih ih boih hae kang paek han. Kai khaeah paek boih boah moa ka koeh ih kami khaeah ka paek thaih. 7Topongah kai hae na bok nahaeloa hi boiboih hae nang taham ah om tih,” tiah a naa.
8Jesuh mah, “Cabu Kacai mah, ‘Angraeng na Sithaw to bok loa angmah ih tok khueh to sah ah,’ a tih,” tiah pathim.#Deut 6:13
9Topacoengah Diabol mah Jerusalem ah to a caeh haih moa Tempal imphu kamsum ciklik ah a suek moa anih khaeah, “Sithaw ih Capa ah na oh nahaeloa hi hoitoah longpung tathuk ah. 10Kawmawtiah Cabu Kacai mah, ‘Nang to na khenzawn hanah Sithaw mah a vanminawk to akaa paek tih,’ tiah a thuih.#Sam 91:11 11Tolaep ah, ‘Anihcae mah ban hoiah tapom o tahang ueloa na khok to doeh hlung pongah daeng mak ai,’ tiah a thuih bae vop,” tiah a naa.#Sam 91:12
12To-e Jesuh mah, “Cabu Kacai mah, ‘Angraeng na Sithaw to tanoek hmah,’ a tih,” tiah a pathim.#Deut 6:16
13Diabol mah Jesuh to qoili qoila ah pacung boih pacoeng na-ah atue setta thungah to a caehtak.
Jesuh Galili Ah Toksak Amtong
(Mat 4:12-17; Mrk 1:14-15)
14Topacoengah Jesuh loa Galili bangah amlaem moa Cai Pakhra hmuensak thaihaih ih loa anih khaeah a oh. Ato prae boiboih ah anih kawng loa amthang king. 15Anih mah sinakok ah patuk moa mi boih mah pakoeh o.
Nazareth Ah Jesuh Tahnawng O
(Mat 13:53-58; Mrk 6:1-6)
16Topacoengah Jesuh loa a qoengh lenhhaih Nazareth vang ah to a caeh moa Sabbath ni ah to a sak noek batiah sinakok ah a caeh. Cabu Kacai kroek hanah angdoet moa, 17tahma Isaiah catangzawh to a paek o. Ato catangzawh to adaih moa:
18“Angraeng ih Pakhra loa kai nuiah a oh,#Isa 61:1-2
kawmawtiah kamtang kamlai kaminawk khaeah Tamthang Kahoih taphong hanah kai hae ang qoih boah.
Misongnawk khaeah loihhaih lok taphong han hoi
mikmaengnawk khaeah mikhnuk lethaih lok taphong hanah kai hae ang patoeh;
Raekraihaih pauep kaminawk loihsak han hoi
19Angraeng angmah kaminawk
pahlong hanih atue ang phak boah, tito taphong hanah kai hae ang patoeh,” tiah tarik ih thuemh to a kroek.
20Jesuh loa catangzawh to taoeng let moa ka toepkung khaeah a paek let moa anghnut. Sinakok thungih kaom kami boiboih mah anih to mik hoiah pacok o. 21Anih mah, “Cabu Kacai kroek ah ka om na thaih o batih toengah vaihni ah hae acung boah,” tiah a naa.
22Lokpaa kahoih paraiah a thuih ih lok mah to palung a daengh pae o khraengh moa a dawnrai o. “Hi kami hae Joseph ih capa na ai maw?” a ti o.
23Anih mah, “Tamtuklok thungih ‘Dawkta, nangmah hoi nangmah to hoihsak khae,’ tiah lok na paeh thuih o tih, tito hoihdak ta-ah ka panoek. Tolaep ah, ‘Kapernaum vang ah na sak tiah ka thaih o ih hmuennawk to na tacawthaih ih vang ah doeh sah toeng ah,’ tiah nang naa o bae tih. 24Loktang ta-ah kang thuih: Tahma loa angmah ih vang ah loa talawk o vaih ai.#Jhn 4:44
25“Ka lok hae tahngai oah: “Israel prae ah Elijah dung nathuemah saning thumto pacoeng a boenghto thungah kho angzo ai moa prae bum boih ah takang kating kanoek ai thoh nathuemah lumhmai paroeai a oh tangtang.#1 Sang 17:1 26To-e Elijah loa Israel prae thungih lumhmai longlongto khaeah patoeh ah om ai moa Sidon prae Zarefath vang ih kaom lumhmai khaeah khueh ni loa patoeh ah oh.#1 Sang 17:8-16 27Tahma Elisha dung thuemah Israel prae thungah kaom ngansae manhhaih hoiah patang ka khang kami zetpui a oh; to-e longto doeh hoih o ai, Siria kami Naaman khueh ni a hoih,” a naa pae.#2 Sang 5:1-14
28Hi lok hae sinakok thungah kaom kaminawk mah a thaih o na-ah palungphui o pu. 29Angthawk o moa Jesuh to avang sipae laep ah azaeh o pacoengah avang ohhaih ih maesom ah to caeh o haih moa tanim amngoe ah nuih zawh han a thuih o. 30To-e mipui salak thungah azut pan moa a caeh ving.
Taqawk Mah Akunthuih Ih Nongpa
(Mrk 1:21-28)
31Topacoengah Jesuh loa Galili prae Kapernaum vang ah a caeh moa Sabbath ni ah to a patuk pae. 32A patukhaih ih to mi boih mah a dawnrai o, kawmawtiah akaatawnhhaih hoiah a thuih pongah ni.#Mat 7:28-29 33Sinakok ah taqawk mah akun thuih ih nongpa longto a oh. To kami loa khoeh puiah a hangh moa, 34“Nazareth Jesuh, Timaw na koehhaih ih ka om? Kaicae na paro hanah maw nangzoh? Nang loa Sithaw ih laicae kacai ni tito kang panoek,” tiah a naa.
35Jesuh mah taqawk khaeah, “Om duem loa hi nongpa thung hoitoah tacawt ah,” tiah a naa. Taqawk mah mi boih hma-ah amtimsak moa tidoeh nganbawh paek aiah tacawt tak.
36Tona-ah mipui loa a dawnrai o moa longto hoi longto, “Hi lok loa kawbatih lok khoe maw? Hi kami mah akaatawnhhaih hoi hmuensak thaihaih hoiah taqawk kasae to akaa paek moa a tacawt o halat,” tiah a ti o. 37Topacoeng loa Jesuh kawng to ato prae thung vang kruekah amthang.
Jesuh Mah Kami Paroeai A Hoihsak
(Mat 8:14-17; Mrk 1:29-34)
38Jesuh loa sinakok tacawt tak moa Simon ih im ah a caeh. Simon ih amsae nongpui loa angqaihaih hoiah ngannat kongsalong moa ato kawng to Jesuh khaeah a thuih pae o. 39Anih loa a caeh moa nongpui taengah angdoet moa ngannathaih ih to hoih lai ah tiah a naa. Vaipang ta-ah hoih roep, angthawk moa anihcae to a khet a zawn.
40Ni akun pacoengah nathaih congca hoiah kana kaminawk to ampuinawk mah Jesuh khaeah caeh o haih. Kana kaminawk ih a lu ah ban a koeng moa anihcae boih to a hoihsak. 41Kami paroeai thung hoitoah taqawknawk loa, “Nang loa Sithaw Capa ni,” tiah hangh lamhoi tacawt o.
Jesuh mah taqawknawk to lok apaeh han aiah lok a paek, kawmawtiah Messiah ni tito panoek o.
Sinakok Ah Jesuh Lok A Thuih
(Mrk 1:35-39)
42Khodai na-ah Jesuh loa vang hoitoah tacawt moa kami amdinghaih hmuenh ah to a caeh. Mipui mah pakrong khing moa a hnuk o na-ah, “Na caeh o tak hmah,” tiah a naa o. 43To-e anih mah, “Sithaw Poenghaih kawng Tamthang Kahoih hae vang kalah bangah doeh ka thuih han a oh, kawmawtiah totiah thuih hanah ni Sithaw mah kai hae ang patoeh,” tiah a naa.
44Topongah Judea prae thungih sinakok kruekah Tamthang to a thuih.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Asang Khongso New Testament in Eastern Khumi © Bible Society of Myanmar, 2023.