LUKA 7
7
Risa Angraeng ih Tamtoeh Ngantuisak
(Mat 8:5-13)
1Jesuh loa hi loknawk hae mipui khaeah a thuih pacoeng na-ah Kapernaum vang ah a caeh. 2Toah to Rom risa angraeng longto loa angmah ka palung parai tamtoeh longto a tawnh; ato kami nongpa loa ngannat moa a duek tom. 3Risa angraeng mah Jesuh tamthang to a thaih na-ah a tamtoeh to a hoihsak hanih ah a tahmenhaih hnik hanah Judah kami kacoeta thoemto to patoeh. 4Jesuh khaeah a caeh o moa loktang ta-ah tahmenhaih a hnik o. “Hi kami loa na bom han a krak tangtang. 5Kaicae caeng kami hae a palung moa angmah roeroe to mah sinakok to angsak pae,” tiah a naa o.
6Topongah Jesuh loa anihcae hoiah to a caeh. Im hoitoah hla parai ai na-ah risa angraeng loa angmah ampuinawk to patoeh moa, “Angraeng, nangmah hoi nangmah to raihaih ang paek mut hmah. Ka im ah nangzoh hanah kamcuk ai. 7Nang khaeah kaimah takbum khaekhaeh ah kangzoh han doeh kating katawk ai toengtoeng, tiah ka dawn bae. Topongah lok khueh mah paek halat ah, ka tamtoeh loa ngantui tih hmang. 8Kaimah doeh angraeng kalennawk ih akaa hlimah kaom kami ah ka oh moa kaimah ih ban thungah doeh risanawk a oh o. Risa longlongto khaeah, ‘Caeh ah,’ ka naa baloa a caeh; kalah longto khaeah, ‘Angzo ah,’ ka naa baloa angzoh. Ka misong khaeah, ‘Hi hae sah ah,’ tiah lok ka paek baloa a sak halat, a ti tiah thui pae oah,” tiah a naa.
9Hi lok a thaih na-ah Jesuh loa a dawnrai, a hnukbang ah angqoi dak moa angmah hnukah ka baang mipuinawk khaeah, “Kang thuih o: Hibatih taanghaih hae Israel prae thungah mataeng doeh ka hnuh vaih ai,” tiah a naa.
10A patoeh ih laicaenawk loa risa angraeng ih im ah amlaem o moa a tamtoeh nganna ka hoih let boah to a hnuk o.
Lumhmai Capa Angthawksak Let
11Topacoeng akraa ai na-ah#7:11 Topacoeng akraa ai na-ah tihae thoemto banrikcabu ah loa khawn omvaih ah tiah a oh. Jesuh loa Nain naa pae o ih vang ah a caeh moa a hnukbangnawk hoi kami paroeai parai mah a baang o. 12Avang ih khongkha khaeah a phak na-ah kami kadueh aphum hanah kami paroeai a tacawt o. Kadueh kami loa lumhmai nongpui ih capa longto ta khueh a tawnh iah oh moa vangthung kami paroeai mah amno to a caeh o haih. 13Angraeng mah to nongpui to a hnuk na-ah tahmen phi moa, “Qah hmah,” tiah a naa. 14Topacoengah Jesuh loa a caeh moa qok sakrang to a sui; moa kangzawn kaminawk loa angdoet o. Jesuh mah, “Thendoeng, angthawk ah, kang naa,” tiah a naa. 15Kadueh kami loa anghnut moa lok apaeh, moa Jesuh mah amno khaeah to a paek let.
16Anihcae boih mah zithaih hoiah koi o moa Sithaw to saphaw o. “Aicae thungah tahma kalen tacawt boah, angmah kaminawk pahlong hanah Sithaw loa angzoh boah,” a ti o.
17Jesuh ih kawng to ato prae boiboih hoi a taenghaek prae boih ah amthang king.
Johan Khae Hoi-ih Laicaenawk
(Mat 11:2-19)
18Hi kawng boiboih to Johan khaeah angmah ih hnukbangnawk mah a thuih pae o moa anih mah tonawk thungih longhnetto to a kawk moa, 19“Johan mah angzo tih tiah a thuih to nang hae boah maw, tiaibaloa kalah longlongto ka zing o han vop maw?” tiah Angraeng khaeah duengh hanah a patoeh.
20Jesuh khaeah angzoh o na-ah anihcae mah, “Baptisma paekkung Johan mah ‘angzo tih tiah a thuih ih to nang hae boah maw, tiaibaloa mi kalah longlongto zing han vop maw?’ tiah duengh hanah ang patoeh hae,” tiah a naa pae o.
21Tona tue roeroe ah Jesuh mah kami paroeai ngoinathaih ihnawk hoi nathaih ihnawk to a hoihsak, taqawk kasae mah a sak ih kaminawk doeh a hoihsak moa mikmaengnawk to doeh mik amtuengsak let. 22Anih mah Johan ih laicaenawk khaeah, “Amlaem oloa na hnuk o ih hoi na thaih o ih to thui pae oah: Mikmaengnawk mah mik aanghaih hnuk o thaih boah, khokbainawk mah takat o thaih boah, ngansae kamannawk mah a thoeng o boah; naapangnawk mah naa thaih o boah, kadueh kaminawk angthawk o let boah moa kamtang kamlainawk khaeah Tamthang Kahoih to thuih ah oh boah.#Isa 35:5-6; 61:1 23Kai ih kawng pongah oepvawthaih ka tawn ai kami loa taham a hoih o,” tiah pathim pae.
24Johan ih laicaenawk to a caeh o pacoengah Jesuh mah Johan kawng to mipuinawk khaeah hitiah a thuih pae: Praetanghaeng ah Johan khaeah na caeh o na-ah ti hnuk hanih maw na oepdoeng o? Takhi mah hmuh henhawn ih sakrung kung hnuk hanih maw na oepdoeng o? 25Ti hnuk hanih maw na caeh o? Khukbuenh kahoih hoiah kamthoep tarunu to khet koeh ah maw? Ato batiah kamthoep moa phuhnaep pung ah kaom kaminawk loa sangpahrang im ah khueh ni a oh o. 26Na thui o e, Tih khet hanah maw na tacawt o? Tahma to khet koeh ah maw? Ahlong, tahma pongdoeh kalen kue to na hnuk o hae loa. 27Kawmawtiah Johan kawng to Cabu Kacai mah, ‘Sithaw mah nang hanah loklam ka tuh hanah nang ih hma-ah kaimah ih laicae ka patoeh han,’ a tih.#Mal 3:1 28Jesuh mah kang thuih o: “Nongpui mah zah ih kami boiboih pongdoeh Johan loa a lenh. To-e Sithaw Poenghaih thungah ka thoeng koek ah kaom kami to Johan pongdoeh a lenh,” tiah a naa.
29A lokthuih ih to mi boiboih mah a thaih o; anihcae hoi tamut congkungnawk loa Sithaw toenghaih ka tapom takung ah a oh o moa Johan mah baptisma paek ih kaminawk ni. 30To-e Farasinawk hoi Tawklok patukkungnawk loa angmahcae hanih Sithaw amsakhaih ih to tahnawng o moa Johan ih baptisma to tapom han koeh o ai.#Mat 21:32; Luk 3:12
31Jesuh mah, “Vaihi dung ih kaminawk hae tihoiah maw ka patah han? Tihoiah maw ahmong o han? 32Vawnsai zawhhaih hmuenh ah kanghnu nauktanawk hoiah ahmong o. Naukta kangkom huto mah kalah huto to, ‘Zupaluen poi tuenkamding kang uengh pae e na hnawh o ai, kadueh qahninglung kang sak pae o e qah han na koeh o ai bae,’ tiah ka thui naukta hoiah nahmong o. 33Baptisma paekkung Johan loa angzoh, buh a zah moa misurtui doeh nae aiah a oh moa nangcae mah, ‘Taqawk mah a oh haih,’ na naa o. 34Kami Capa to angzoh, a cak moa a naek na-ah nangcae mah, ‘Hi kami hae khen o e! Buh kam-oeh hoi misurtui kahaw parai kami ni; tamut congkungnawk hoi kami kazaenawk ih ampui ni!’ na naa o. 35To-e Sithaw palunghahaih loa ahmaan tangtang tito ka talawknawk boih mah amtuengsak,” tiah a naa.
Jesuh Simon Im Ah Paqaih
36Farasi mi longto mah Jesuh to duembuh cak hanah a kawk haih. Jesuh loa anih im ah to a caeh moa buh cak hanah anghnut. 37To avang ah zae hinghaih hoiah kahing nongpui longto a oh. Ato kami mah Farasi im ah buh a pangh tito a thaih, topongah alabaster naa ih hlung kanglung hoiah sak ih tabu maeto ka koi khik ah hmuihoihtui to a sinh moa, #Mat 26:7; Mrk 14:3; Jhn 12:3 38Jesuh ih hnukbang a khokkung ah to angdoet, a qah moa a mikkhraetui mah a khok to a suihsak king. Moa Jesuh ih a khok to a sam hoiah a huk moa a mok pacoengah hmuihoihtui to a bawh. 39Ato to Farasi kami mah a hnuk na-ah palung thungah, “Hi kami hae tahma tangtang nahaeloa angmah ka sui nongpui to mimaw, tito panoek ueloa kawbatih zae hinghaih hoiah maw a hingh tito doeh panoek tih,” tiah a dawn.
40Jesuh loa Simon khaeah, “Simon, nang khaeah thuih han hmuen maeto ka tawnh,” tiah a naa.
Anih mah, “Patukkung, na thui ah,” tiah a naa.
41Jesuh mah, “Tangka ka coisakkung khaeah tangka ka coi longhnetto a oh. Longto mah maku phoisa cumvai pangato a coi moa kalah longto mah quipangato a coi. 42Mi hnetto maek mah pathok hoi thaih ai qoiqai, topongah a tahmen pae hoi maek. Totibaloa mimah maw tangka coisakkung to palung kue tih?” tiah a naa.
43Simon mah, “Ka dawnhaih iah, tangka paroeai kue a tahmen ih kami mah,” tiah a pathim.
Jesuh mah, “Ahmaan,” tiah a naa. 44Topacoengah nongpui bangah angqoi moa Simon khaeah, “Hi nongpui hae na hnuk maw? Na im thungah kang kun e khok pasaeh haih hanah tui nang paek ai, to-e anih loa a mikkhraetui hoiah kai ih khok ang pasaeh moa a sam hoiah a huk bit. 45Nang loa mokhaih hoiah kai nang dawt ai, to-e anih loa kangzoh nahoiah vaihi khoekto ka khok mok ih hae toengh ai. 46Nang loa ka lu ah nok hanah oliv situi to nang paek ai, to-e anih loa ka khok hae hmuihoihtui hoiah a bawh. 47Topongah kang thuih: Anih mah patueng ih amlunghaih kalenpui mah hae a zaehaih zetpui to tahmen ah oh boah tito amtuengsak. To-e ami doeh zaehaih zetta khueh tahmen ah ka om loa amlunghaih zetta khueh to amtuengsak toeng,” tiah a naa.
48Moa Jesuh mah nongpui khaeah, “Na zaehaih ihnawk boih loa tahmen ah oh boah,” tiah a naa.
49Buh cakhaih caboi ah kanghnu kami kalahnawk loa angmahcae ih palung thungah, “Zaehaih mataeng doeh tahmen thaikung, hi kami loa amimaw?” tiah a dawn o.
50To-e Jesuh mah nongpui khaeah, “Na taanghaih ih mah ang pahlong boah; ka mong ta-ah caeh ah,” tiah a naa.
Currently Selected:
LUKA 7: AKNT2023
Highlight
Share
Copy
Want to have your highlights saved across all your devices? Sign up or sign in
Asang Khongso New Testament in Eastern Khumi © Bible Society of Myanmar, 2023.
LUKA 7
7
Risa Angraeng ih Tamtoeh Ngantuisak
(Mat 8:5-13)
1Jesuh loa hi loknawk hae mipui khaeah a thuih pacoeng na-ah Kapernaum vang ah a caeh. 2Toah to Rom risa angraeng longto loa angmah ka palung parai tamtoeh longto a tawnh; ato kami nongpa loa ngannat moa a duek tom. 3Risa angraeng mah Jesuh tamthang to a thaih na-ah a tamtoeh to a hoihsak hanih ah a tahmenhaih hnik hanah Judah kami kacoeta thoemto to patoeh. 4Jesuh khaeah a caeh o moa loktang ta-ah tahmenhaih a hnik o. “Hi kami loa na bom han a krak tangtang. 5Kaicae caeng kami hae a palung moa angmah roeroe to mah sinakok to angsak pae,” tiah a naa o.
6Topongah Jesuh loa anihcae hoiah to a caeh. Im hoitoah hla parai ai na-ah risa angraeng loa angmah ampuinawk to patoeh moa, “Angraeng, nangmah hoi nangmah to raihaih ang paek mut hmah. Ka im ah nangzoh hanah kamcuk ai. 7Nang khaeah kaimah takbum khaekhaeh ah kangzoh han doeh kating katawk ai toengtoeng, tiah ka dawn bae. Topongah lok khueh mah paek halat ah, ka tamtoeh loa ngantui tih hmang. 8Kaimah doeh angraeng kalennawk ih akaa hlimah kaom kami ah ka oh moa kaimah ih ban thungah doeh risanawk a oh o. Risa longlongto khaeah, ‘Caeh ah,’ ka naa baloa a caeh; kalah longto khaeah, ‘Angzo ah,’ ka naa baloa angzoh. Ka misong khaeah, ‘Hi hae sah ah,’ tiah lok ka paek baloa a sak halat, a ti tiah thui pae oah,” tiah a naa.
9Hi lok a thaih na-ah Jesuh loa a dawnrai, a hnukbang ah angqoi dak moa angmah hnukah ka baang mipuinawk khaeah, “Kang thuih o: Hibatih taanghaih hae Israel prae thungah mataeng doeh ka hnuh vaih ai,” tiah a naa.
10A patoeh ih laicaenawk loa risa angraeng ih im ah amlaem o moa a tamtoeh nganna ka hoih let boah to a hnuk o.
Lumhmai Capa Angthawksak Let
11Topacoeng akraa ai na-ah#7:11 Topacoeng akraa ai na-ah tihae thoemto banrikcabu ah loa khawn omvaih ah tiah a oh. Jesuh loa Nain naa pae o ih vang ah a caeh moa a hnukbangnawk hoi kami paroeai parai mah a baang o. 12Avang ih khongkha khaeah a phak na-ah kami kadueh aphum hanah kami paroeai a tacawt o. Kadueh kami loa lumhmai nongpui ih capa longto ta khueh a tawnh iah oh moa vangthung kami paroeai mah amno to a caeh o haih. 13Angraeng mah to nongpui to a hnuk na-ah tahmen phi moa, “Qah hmah,” tiah a naa. 14Topacoengah Jesuh loa a caeh moa qok sakrang to a sui; moa kangzawn kaminawk loa angdoet o. Jesuh mah, “Thendoeng, angthawk ah, kang naa,” tiah a naa. 15Kadueh kami loa anghnut moa lok apaeh, moa Jesuh mah amno khaeah to a paek let.
16Anihcae boih mah zithaih hoiah koi o moa Sithaw to saphaw o. “Aicae thungah tahma kalen tacawt boah, angmah kaminawk pahlong hanah Sithaw loa angzoh boah,” a ti o.
17Jesuh ih kawng to ato prae boiboih hoi a taenghaek prae boih ah amthang king.
Johan Khae Hoi-ih Laicaenawk
(Mat 11:2-19)
18Hi kawng boiboih to Johan khaeah angmah ih hnukbangnawk mah a thuih pae o moa anih mah tonawk thungih longhnetto to a kawk moa, 19“Johan mah angzo tih tiah a thuih to nang hae boah maw, tiaibaloa kalah longlongto ka zing o han vop maw?” tiah Angraeng khaeah duengh hanah a patoeh.
20Jesuh khaeah angzoh o na-ah anihcae mah, “Baptisma paekkung Johan mah ‘angzo tih tiah a thuih ih to nang hae boah maw, tiaibaloa mi kalah longlongto zing han vop maw?’ tiah duengh hanah ang patoeh hae,” tiah a naa pae o.
21Tona tue roeroe ah Jesuh mah kami paroeai ngoinathaih ihnawk hoi nathaih ihnawk to a hoihsak, taqawk kasae mah a sak ih kaminawk doeh a hoihsak moa mikmaengnawk to doeh mik amtuengsak let. 22Anih mah Johan ih laicaenawk khaeah, “Amlaem oloa na hnuk o ih hoi na thaih o ih to thui pae oah: Mikmaengnawk mah mik aanghaih hnuk o thaih boah, khokbainawk mah takat o thaih boah, ngansae kamannawk mah a thoeng o boah; naapangnawk mah naa thaih o boah, kadueh kaminawk angthawk o let boah moa kamtang kamlainawk khaeah Tamthang Kahoih to thuih ah oh boah.#Isa 35:5-6; 61:1 23Kai ih kawng pongah oepvawthaih ka tawn ai kami loa taham a hoih o,” tiah pathim pae.
24Johan ih laicaenawk to a caeh o pacoengah Jesuh mah Johan kawng to mipuinawk khaeah hitiah a thuih pae: Praetanghaeng ah Johan khaeah na caeh o na-ah ti hnuk hanih maw na oepdoeng o? Takhi mah hmuh henhawn ih sakrung kung hnuk hanih maw na oepdoeng o? 25Ti hnuk hanih maw na caeh o? Khukbuenh kahoih hoiah kamthoep tarunu to khet koeh ah maw? Ato batiah kamthoep moa phuhnaep pung ah kaom kaminawk loa sangpahrang im ah khueh ni a oh o. 26Na thui o e, Tih khet hanah maw na tacawt o? Tahma to khet koeh ah maw? Ahlong, tahma pongdoeh kalen kue to na hnuk o hae loa. 27Kawmawtiah Johan kawng to Cabu Kacai mah, ‘Sithaw mah nang hanah loklam ka tuh hanah nang ih hma-ah kaimah ih laicae ka patoeh han,’ a tih.#Mal 3:1 28Jesuh mah kang thuih o: “Nongpui mah zah ih kami boiboih pongdoeh Johan loa a lenh. To-e Sithaw Poenghaih thungah ka thoeng koek ah kaom kami to Johan pongdoeh a lenh,” tiah a naa.
29A lokthuih ih to mi boiboih mah a thaih o; anihcae hoi tamut congkungnawk loa Sithaw toenghaih ka tapom takung ah a oh o moa Johan mah baptisma paek ih kaminawk ni. 30To-e Farasinawk hoi Tawklok patukkungnawk loa angmahcae hanih Sithaw amsakhaih ih to tahnawng o moa Johan ih baptisma to tapom han koeh o ai.#Mat 21:32; Luk 3:12
31Jesuh mah, “Vaihi dung ih kaminawk hae tihoiah maw ka patah han? Tihoiah maw ahmong o han? 32Vawnsai zawhhaih hmuenh ah kanghnu nauktanawk hoiah ahmong o. Naukta kangkom huto mah kalah huto to, ‘Zupaluen poi tuenkamding kang uengh pae e na hnawh o ai, kadueh qahninglung kang sak pae o e qah han na koeh o ai bae,’ tiah ka thui naukta hoiah nahmong o. 33Baptisma paekkung Johan loa angzoh, buh a zah moa misurtui doeh nae aiah a oh moa nangcae mah, ‘Taqawk mah a oh haih,’ na naa o. 34Kami Capa to angzoh, a cak moa a naek na-ah nangcae mah, ‘Hi kami hae khen o e! Buh kam-oeh hoi misurtui kahaw parai kami ni; tamut congkungnawk hoi kami kazaenawk ih ampui ni!’ na naa o. 35To-e Sithaw palunghahaih loa ahmaan tangtang tito ka talawknawk boih mah amtuengsak,” tiah a naa.
Jesuh Simon Im Ah Paqaih
36Farasi mi longto mah Jesuh to duembuh cak hanah a kawk haih. Jesuh loa anih im ah to a caeh moa buh cak hanah anghnut. 37To avang ah zae hinghaih hoiah kahing nongpui longto a oh. Ato kami mah Farasi im ah buh a pangh tito a thaih, topongah alabaster naa ih hlung kanglung hoiah sak ih tabu maeto ka koi khik ah hmuihoihtui to a sinh moa, #Mat 26:7; Mrk 14:3; Jhn 12:3 38Jesuh ih hnukbang a khokkung ah to angdoet, a qah moa a mikkhraetui mah a khok to a suihsak king. Moa Jesuh ih a khok to a sam hoiah a huk moa a mok pacoengah hmuihoihtui to a bawh. 39Ato to Farasi kami mah a hnuk na-ah palung thungah, “Hi kami hae tahma tangtang nahaeloa angmah ka sui nongpui to mimaw, tito panoek ueloa kawbatih zae hinghaih hoiah maw a hingh tito doeh panoek tih,” tiah a dawn.
40Jesuh loa Simon khaeah, “Simon, nang khaeah thuih han hmuen maeto ka tawnh,” tiah a naa.
Anih mah, “Patukkung, na thui ah,” tiah a naa.
41Jesuh mah, “Tangka ka coisakkung khaeah tangka ka coi longhnetto a oh. Longto mah maku phoisa cumvai pangato a coi moa kalah longto mah quipangato a coi. 42Mi hnetto maek mah pathok hoi thaih ai qoiqai, topongah a tahmen pae hoi maek. Totibaloa mimah maw tangka coisakkung to palung kue tih?” tiah a naa.
43Simon mah, “Ka dawnhaih iah, tangka paroeai kue a tahmen ih kami mah,” tiah a pathim.
Jesuh mah, “Ahmaan,” tiah a naa. 44Topacoengah nongpui bangah angqoi moa Simon khaeah, “Hi nongpui hae na hnuk maw? Na im thungah kang kun e khok pasaeh haih hanah tui nang paek ai, to-e anih loa a mikkhraetui hoiah kai ih khok ang pasaeh moa a sam hoiah a huk bit. 45Nang loa mokhaih hoiah kai nang dawt ai, to-e anih loa kangzoh nahoiah vaihi khoekto ka khok mok ih hae toengh ai. 46Nang loa ka lu ah nok hanah oliv situi to nang paek ai, to-e anih loa ka khok hae hmuihoihtui hoiah a bawh. 47Topongah kang thuih: Anih mah patueng ih amlunghaih kalenpui mah hae a zaehaih zetpui to tahmen ah oh boah tito amtuengsak. To-e ami doeh zaehaih zetta khueh tahmen ah ka om loa amlunghaih zetta khueh to amtuengsak toeng,” tiah a naa.
48Moa Jesuh mah nongpui khaeah, “Na zaehaih ihnawk boih loa tahmen ah oh boah,” tiah a naa.
49Buh cakhaih caboi ah kanghnu kami kalahnawk loa angmahcae ih palung thungah, “Zaehaih mataeng doeh tahmen thaikung, hi kami loa amimaw?” tiah a dawn o.
50To-e Jesuh mah nongpui khaeah, “Na taanghaih ih mah ang pahlong boah; ka mong ta-ah caeh ah,” tiah a naa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Asang Khongso New Testament in Eastern Khumi © Bible Society of Myanmar, 2023.