MARKA 16
16
Jesuh Angthawklethaih
(Mat 28:1-8; Luk 24:1-12; Jhn 20:1-10)
1Sabbath ni to aboeng na-ah Meri Magdalin hoi Jaem amno Meri hoi Salome mah Jesuh qok to nok hanah hmuihoihtui to a qanh o. 2Yahni akhawnbang khawnthaw ni tacawt na-ah taprong ah caeh o. 3Loklam ah to longto hoi longto, “Taprong khahhaih ih hlungtampae loa mimah maw na takhoe pae han?” tiah longto hoi longto angduengh o. 4(To hlung loa hlung kalen parai ni). Topacoengah a khet o na-ah hlungpui to loa takhoe tangcae ah ka om to a hnuk o. 5Topongah taprong thungah to akun o, thendoeng longto kahni kanglung kang khuk bantang bangah kanghnu to a hnuk o moa angpae o.
6Anih mah, “Angpae o hmah! Kraws ah hum o ih Nazareth Jesuh to na pakrong o tito ka panoek. Hiah om ai boah, angthawklet boah! A suek o haih ih ahmuenh hae khen oah. 7Vaihi caeh o aloa Piter hoi hnukbang kalahnawk khaeah to, ‘Nangcae hma-ah Galili ah ka caeh han. Toah to ka thuih ih batiah na hnuh o tih,’ tiah lok to thui pae oah,” tiah a naa.#Mat 26:32; Mrk 14:28
8Topongah tacawt o moa tasoeh hoi mawnh hoiah a cawnh o. A zit o phi pongtoah mi khaeah tidoeh thui o ai.
Marka Aboenghaih Kasawk#16:9-20 Aboenghaih kasawk Thoemto banrikcabu hoi cabu kangquem ah hi kathoengnawk (9-20) hae om ai.
16:9-20
Meri Magdalin Khaeah Amtueng Pae
(Mat 28:9-10; Jhn 20:11-18)
[9Yahni ah duekhaih thung hoitoah Jesuh angthawklet pacoengah hmaloe koek ah Meri Magdalin khaeah amtueng pae. Ato nongpui loa a thung hoi-ih taqawk sarihto pathok pae ih kami ni. 10Meri Magdalin loa a caeh moa angmah ih ampuinawk to a thuih pae. Anihcae loa palungset moa a qah o. 11Jesuh loa a hing let boah, anih to ka hnuk, tiah a thuih ih to a thaih o na-ah taang pae o ai.
Hnukbang Longhnetto Khaeah Amtueng
(Luk 24:13-35)
12Topacoengah a hnukbang longhnetto vangca bangah lam a caeh hoi li nathuemah kalah kaang ah anih hnit khaeah Jesuh amtueng pae. 13Amlaem hoi moa kami kalahnawk to a thuih pae hoi, to-e taang o ai.
Hnukbang Hahlaito Khaeah Amtueng
(Mat 28:16-20; Luk 24:36-49; Jhn 20:19-23; Tok 1:6-8)
14Hnukkhuem koek ah a hnukbang hahlaito buh a cak o li na-ah Jesuh amtueng pae. Taanghaih tawn o ai pong hoi kahing ah ka hnuhnawk mah thuih ih to taang aiah palungthah o parai pongah a zoeh pae. 15Anihcae khaeah, “Longnui prae boih ah caeh oloa caeng kami boiboih khaeah Tamthang kahoih to thui oah.#Tok 1:8 16Ami doeh ka taang moa baptisma ka hak to loa pahlong ah om tih. Ami doeh ka taang ai loa zaenethaih to hnuh o tih. 17Ka taangnawk loa dawnraihaih hmuen sak hanah hmuensak thaihaih ih to paek ah om tih: Ka hmin hoiah taqawk to pathok o thaih tih, panoek ai lok apae o thaih tih, 18pahui to naeh o langla doehsoe, duekhaih kasoe nae o langla doehsoe, kawbang doeh na om o mak ai; ngan kananawk nuiah a ban to koeng o ueloa ngantui o tih,” tiah a naa.
Jesuh Van Ah Dawh
(Luk 24:50-53; Tok 1:9-11)
19Angraeng Jesuh loa anihcae hoiah lok apaeh boih pacoengah van ah lak tahang ah a oh moa Sithaw ih bantang bangah to anghnut.#Tok 1:9-11 20Hnukbangnawk loa a caeh o moa vang kruekah tamthang lok to a thuih o; Angraeng loa anihcae khaeah tok a sak moa a thuih o ih amsoem tito dawnrai hmuen a sak o ih hoiah amtuengsak.]
Marka Aboenghaih Kaduem#16:9-10 Aboenghaih kaduem Thoemto banrikcabu hoi cabu kangquem ah loa aboenghaih ka sawk (9-20) laep ah hi aboenghaih kaduem (9-10) hae a oh.
16:9-10
[9Nongpuinawk to Piter hoi angmah ampuinawk khaeah a caeh o moa vanmi mah a thuih pae o ih boih to kaduem ah a thuih pae o. 10Hi pacoengah, Jesuh angmah a hnukbangnawk to niangzae bang hoitoah niduem bang khoekto a patoeh ranghoiah dungzan pahlonghaih ka hing toemoe hoi kacai tamthang lok to a thuih.]
Currently Selected:
MARKA 16: AKNT2023
Highlight
Share
Copy
Want to have your highlights saved across all your devices? Sign up or sign in
Asang Khongso New Testament in Eastern Khumi © Bible Society of Myanmar, 2023.
