uYohane uYohane 2

uYohane 2

1Kwathi ngomhla wesithathu kwabakho umsitho eKana yelaseGalili; waye unina kaYesu ekhona. 2Wamenyelwa ke noYesu kwanabafundi bakhe emsithweni lowo. 3Yakuphela iwayini, wathi unina kaYesu kuye, Abanawayini. 4Uthi uYesu kuye, Yintoni na enam nawe, mfazi? ilixa lam alikafiki. 5Athi unina kubalungiseleli, Asukuba ekuthetha kuni, kwenzeni. 6Kwakumi khona ke imiphanda yamatye imithandathu, ngokwentlambululo yamaYuda, engena ngaminye iibhate ezimbini nantathu. 7Athi kubo uYesu, Yizaliseni imiphanda ngamanzi. Bazizalisa zada zafikelela eludinini. 8Athi kubo, Yikhani ngoku, nise kwinjoli. Bayithwala ke. 9Ke kaloku, yakuweva injoli amanzi abenziwe iwayini, engayazi nalapho ivela khona; 10Yathi kuye, Wonke umntu ubeka kuqala iwayini emnandi, aze akhuphe iwayini emnandi; 22 Xa bathe basela bakholisa, andule ukubeka enganeno kwaleyo; wena uyibandezile iwayini emnandi, kwada kwangoku. 11Lo mqondiso wakhe wokuqala uYesu wawenza eKana yelaseGalili, walubonakalalisa uzuko lwakhe; bakholwa kuye abafundi bakhe. 12Emva koko uYesu, nonina, nabantakwabo, nabafundi bakhe, baya eKapernahum, bahlala khona iintsukwana. 13Yayikufuphi ke ipasika yamaYuda, wenyuka uYesu waya eYerusalem. 14Wabafumana etempileni ababethengisa ngeenkomo nezimvu namahobe, nabananisa ngemali behleli. 15Wenze iziniya ngentambo, wabakhupha bonke etempileni, kwanezimvu neenkomo; wayiphalaza imali yabananisi, wazibhukuqa neetafile; 16Waza wathi nakwabo bathengisa ngamahobe: “Zikhupheni apha ezi zinto; musani ukuyenza indlu kaBawo indlu yokuthengisela. 17Bakhumbula ke abafundi bakhe, ukuba kubhaliwe kwathiwa, Ukuzondelela indlu yakho kundidlile kanye. 18Aphendula ke ngoko amaYuda, athi kuye, Usibonisa mqondiso mni na, uzenza nje ezi zinto? 19Waphendula uYesu wathi kubo, Yichitheni le tempile, mna ke ndiya kuyivusa ngeentsuku ezintathu. 20Athi ke ngoko amaYuda, Yayiminyaka imashumi mane anesithandathu nje isakhiwa le tempile, ke wena woyivusa ngeentsuku ezintathu na? 21Kodwa yena ubethetha ngetempile yomzimba wakhe. 22Kwathi akuvuka kwabafileyo, bakhumbula abafundi bakhe okokuba wayekuthethile oko kubo, basikholwa isibhalo, nelizwi awalithethayo uYesu. 23Kwathi, xa uYesu wayeseJerusalem kwitheko lePasika, abantu abaninzi bakholwa kulo igama lakhe bakubona imimangaliso ayenzayo. 24Ke yena uYesu akaziyekelanga kubo, ngenxa yokuba ebazi bonke; 25Kwakungekho mfuneko yakuba kungqine bani ngomntu, kuba ubekwazi yena okungaphakathi komntu.

Currently Selected:

uYohane uYohane 2: CXB24

Highlight

Copy