Éxodo 2
2
Ayin Moisés
1Ay jtuhl winic te ha sts'umbal Leví la yic' yihnamin jtuhl ants te ha nix sts'umbal Leví. 2La yic' yal, ayin tut querem yu'un. C'alal la yil te buen t'ujbil te alale, la snac' oxeb u. 3Pero ta scaj te ma ba hu'ix ta naq'uel, la stsac jun moch pasbil ta jalal, la spac' ta chapapote soc xuch', tey la yotses a te alale, soc la yotses ta yohlil jalaliltic te ay ta ti' muc'ul-ha'. 4Te swix namal la stehc'an sba ta yilel bin ya xpasbot.
5Te yantsil-nich'an faraón co bahel ta atimal ta muc'ul-ha'. Te ach'ixetic joquimbil bahel yu'une behenic ta sti'il te ha'e. La yil te moch ay ta yohlil te jalaliltic, la sticon bahel jtuhl scriada ta stsaquel loq'uel tal. 6Te c'alal la sjam te moch, la yil te tut querem yac ta oq'uel. La sna'be yo'bolil sba, hich la yal: Ha yu'un te hebreohetic te tut alal ini, xchi.
7Hich te swix te alal la yalbe te yantsil-nich'an faraón: ¿Ya bal quic'bat tal jtuhl jcanan-alal hebrea-ants yu'un ya schu'untesbat te alal ini? xchi.
8Bahan, xchi te yantsil-nich'an faraón.
Ha yu'un te ach'ix baht yic'be tal snan te alale. 9Te yantsil-nich'an faraón hich la yalbe: Ic'a bahel te alal ini, chu'untesbon; ho'on ya jtojat, xchi. Hich te ants la yic' bahel te alale, la ya'be schu'.
10C'alal muc'ub te alale, baht ya'be te yantsil-nich'an faraón; hich c'oht ta yo'tan te bin ut'il mero yal; la ya'be sbihilin Moisés,#2.10 Moisés: jteb ma pajaluc ta a'iyel soc: loq'uesbil, xchi ta hebreo. Ta egipcio-c'op: ayintesbil, xchi. yu'un hich la yal: Yu'un la jloq'ues tal ta ha', xchi.
Moisés ahn loq'uel ta Egipto
11C'alal muq'uix a te Moisés, ay jun c'ahc'al baht yil te yermanotac. La yil te ayic ta tulan a'tel; soc la yil jtuhl egipcio-winic te yac ta smajel jtuhl hebreo-winic te ha jun sts'umbal soque. 12Ha yu'un hahch yilticlan ta spisil sjoyobal, te bin ut'il mayuc mach'a chican la yile, la smil te egipcio-winic, la smuc hilel ta hi'ileltic. 13Ta yan c'ahc'al cha'loc' bahel, la yil cheb hebreohetic yac smajbel sbahic. La sjoc'obe te mach'a yac ta majaw: ¿Bin yu'un yac amaj aba soc alumal? xchi.
14La sjac': ¿Mach'a la ya'bat awa'tel ta ajwalil soc ta juez ta jtojolcotic? ¿Yu'un bal yac anop te yac amilon hich te bin ut'il la amil te egipcio-winic? xchi. Ha yu'un te Moisés xiw yo'tan yu'un, hich la yal: Chicnajemix te bin la jpas, xchi.
15Te c'alal hich la ya'iy te faraón, la sc'an la smil te Moisés. Pero te Moisés loc' ta ahnel ta stojol faraón, baht ta nahinel ta sq'uinal Madián; la shuhcan sba ta ti' pozo.
16Te sacerdote yu'un Madián ay huctuhl yantsil-nich'nab, tal sloq'uesic ha' yu'un ya snojesic te yawil ha', ya yac'ticlambe yuch'ic ha' te tuminchijetic yu'un te statique. 17Pero talic yan jcanan-tuminchijetic, la stenic loq'uel tey a. La stehc'an sba te Moisés, la scoltay te ach'ixetic, soc la ya'be yuch' ha' te stuminchijique. 18C'alal suhtic bahel ta banti ay te static Reuel, hich joc'obotic yu'un: ¿Bin yu'un ora nax suhtex tal? xchi.
19Yu'un ay jtuhl egipcio-winic la scoltayotcotic loq'uel ta sc'ab te jcanan-tuminchijetic; soc la slicbotcotic loq'uel ha', la ya'be yuch' te tuminchijetic, xchihic.
20Ha yu'un te Reuel la sjoc'obe te yantsil-nich'nab: ¿Banti ay? ¿Bin yu'un la awihquitayic hilel te winique? Ic'ahic tal ta we'el, xchi.
21Te Moisés la sch'uhun iq'uel tal ta nahinel ta sna te winique. Ha la ya'be yihnamin te Séfora te yantsil-nich'an. 22Te antse ayin stut querem-al; te Moisés la ya'be sbihil Gersón,#2.22 Gersón: jteb ma pajaluc ta a'iyel soc: jbehyom tey a, xchi. como la yal: Jbehyomal ayon ta yan q'uinal, xchi.
23Bayel c'ahc'al ta patil cham te ajwalil yu'un Egipto. Te snich'nab Israel yaquic ta ahcan yu'un swocolic ta mosohil, tulan awonic yu'un; c'oht ta stojol Dios te yahcanic yu'un te swocolic ta mosohil. 24A'iybot yu'un Dios te yahcanic, soc la sna' xan te c'op schapoj soc Abraham, Isaac soc Jacob. 25Ilotic yu'un Dios te snich'nab Israel, soc la sna'be yo'bolil sbahic.
Currently Selected:
Éxodo 2: TZH
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.
Éxodo 2
2
Ayin Moisés
1Ay jtuhl winic te ha sts'umbal Leví la yic' yihnamin jtuhl ants te ha nix sts'umbal Leví. 2La yic' yal, ayin tut querem yu'un. C'alal la yil te buen t'ujbil te alale, la snac' oxeb u. 3Pero ta scaj te ma ba hu'ix ta naq'uel, la stsac jun moch pasbil ta jalal, la spac' ta chapapote soc xuch', tey la yotses a te alale, soc la yotses ta yohlil jalaliltic te ay ta ti' muc'ul-ha'. 4Te swix namal la stehc'an sba ta yilel bin ya xpasbot.
5Te yantsil-nich'an faraón co bahel ta atimal ta muc'ul-ha'. Te ach'ixetic joquimbil bahel yu'une behenic ta sti'il te ha'e. La yil te moch ay ta yohlil te jalaliltic, la sticon bahel jtuhl scriada ta stsaquel loq'uel tal. 6Te c'alal la sjam te moch, la yil te tut querem yac ta oq'uel. La sna'be yo'bolil sba, hich la yal: Ha yu'un te hebreohetic te tut alal ini, xchi.
7Hich te swix te alal la yalbe te yantsil-nich'an faraón: ¿Ya bal quic'bat tal jtuhl jcanan-alal hebrea-ants yu'un ya schu'untesbat te alal ini? xchi.
8Bahan, xchi te yantsil-nich'an faraón.
Ha yu'un te ach'ix baht yic'be tal snan te alale. 9Te yantsil-nich'an faraón hich la yalbe: Ic'a bahel te alal ini, chu'untesbon; ho'on ya jtojat, xchi. Hich te ants la yic' bahel te alale, la ya'be schu'.
10C'alal muc'ub te alale, baht ya'be te yantsil-nich'an faraón; hich c'oht ta yo'tan te bin ut'il mero yal; la ya'be sbihilin Moisés,#2.10 Moisés: jteb ma pajaluc ta a'iyel soc: loq'uesbil, xchi ta hebreo. Ta egipcio-c'op: ayintesbil, xchi. yu'un hich la yal: Yu'un la jloq'ues tal ta ha', xchi.
Moisés ahn loq'uel ta Egipto
11C'alal muq'uix a te Moisés, ay jun c'ahc'al baht yil te yermanotac. La yil te ayic ta tulan a'tel; soc la yil jtuhl egipcio-winic te yac ta smajel jtuhl hebreo-winic te ha jun sts'umbal soque. 12Ha yu'un hahch yilticlan ta spisil sjoyobal, te bin ut'il mayuc mach'a chican la yile, la smil te egipcio-winic, la smuc hilel ta hi'ileltic. 13Ta yan c'ahc'al cha'loc' bahel, la yil cheb hebreohetic yac smajbel sbahic. La sjoc'obe te mach'a yac ta majaw: ¿Bin yu'un yac amaj aba soc alumal? xchi.
14La sjac': ¿Mach'a la ya'bat awa'tel ta ajwalil soc ta juez ta jtojolcotic? ¿Yu'un bal yac anop te yac amilon hich te bin ut'il la amil te egipcio-winic? xchi. Ha yu'un te Moisés xiw yo'tan yu'un, hich la yal: Chicnajemix te bin la jpas, xchi.
15Te c'alal hich la ya'iy te faraón, la sc'an la smil te Moisés. Pero te Moisés loc' ta ahnel ta stojol faraón, baht ta nahinel ta sq'uinal Madián; la shuhcan sba ta ti' pozo.
16Te sacerdote yu'un Madián ay huctuhl yantsil-nich'nab, tal sloq'uesic ha' yu'un ya snojesic te yawil ha', ya yac'ticlambe yuch'ic ha' te tuminchijetic yu'un te statique. 17Pero talic yan jcanan-tuminchijetic, la stenic loq'uel tey a. La stehc'an sba te Moisés, la scoltay te ach'ixetic, soc la ya'be yuch' ha' te stuminchijique. 18C'alal suhtic bahel ta banti ay te static Reuel, hich joc'obotic yu'un: ¿Bin yu'un ora nax suhtex tal? xchi.
19Yu'un ay jtuhl egipcio-winic la scoltayotcotic loq'uel ta sc'ab te jcanan-tuminchijetic; soc la slicbotcotic loq'uel ha', la ya'be yuch' te tuminchijetic, xchihic.
20Ha yu'un te Reuel la sjoc'obe te yantsil-nich'nab: ¿Banti ay? ¿Bin yu'un la awihquitayic hilel te winique? Ic'ahic tal ta we'el, xchi.
21Te Moisés la sch'uhun iq'uel tal ta nahinel ta sna te winique. Ha la ya'be yihnamin te Séfora te yantsil-nich'an. 22Te antse ayin stut querem-al; te Moisés la ya'be sbihil Gersón,#2.22 Gersón: jteb ma pajaluc ta a'iyel soc: jbehyom tey a, xchi. como la yal: Jbehyomal ayon ta yan q'uinal, xchi.
23Bayel c'ahc'al ta patil cham te ajwalil yu'un Egipto. Te snich'nab Israel yaquic ta ahcan yu'un swocolic ta mosohil, tulan awonic yu'un; c'oht ta stojol Dios te yahcanic yu'un te swocolic ta mosohil. 24A'iybot yu'un Dios te yahcanic, soc la sna' xan te c'op schapoj soc Abraham, Isaac soc Jacob. 25Ilotic yu'un Dios te snich'nab Israel, soc la sna'be yo'bolil sbahic.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.