Éxodo 3
3
Moisés ic'ot ta a'tel yu'un Dios
1Te Moisés yac ta scanantaybeyel stuminchij te snihal-mamal Jetro,#3.1 Jetro: ay yantic versiculohetic te ya yal: Reuel, soc ay yan banti ya yal: Hobab. te sacerdote ta Madián. La yic' bahel te tuminchijetic c'alal ta sjehchelul te jochol taquin q'uinal, c'oht c'alal ta Horeb,#3.1 Ay jun chebuc buelta te ya yal: Wits Horeb, pero bayel banti ya yal: Wits Sinaí. te wits yu'un Dios. 2Tey chicnaj ta stojol a te ch'ul a'bat yu'un Jehová ta c'ahc' te yac ta tihlel ta yohlil jpeht ch'ix. La yil te yac ta tihlel te ch'ix, pero ma xlaj ta c'ahq'uel. 3Ha yu'un la yal te Moisés: Ya xbaht quil te bin jchahp ta ilel, bin yu'un te ma ba ya xlaj ta c'ahc' te ch'ixe, xchi.
4C'alal la yil te Jehová te ya xbaht yile, hich c'oponot yu'un Dios ta yohlil te ch'ix: ¡Moisés! ¡Moisés! xchi.
Li' ayoni, xchi te Moisés.
5Hich halbot yu'un Dios: Ma xnohpojat tal; chola atep, como te banti ayat, ha ch'ultesbil q'uinal, xchi sc'oblal. 6Soc hich la yal xan: Ho'on Dioson yu'un te atate, ha te Dios yu'un Abraham, te Dios yu'un Isaac, soc te Dios yu'un Jacob, xchi. Ha yu'un te Moisés la smuc yelaw, yu'un la xi' ya yil te Diose.
7Patil hich la yal te Jehová: Melel la jquilbeyix swocol te pueblo cu'un te ay ta Egipto, soc la jca'iybeyix yawic yu'un te jsujawetic yu'unic ta a'tel. Ya jna'be yo'bolil sbahic yu'un te swocolique. 8Ha yu'un cohonix tal ta scoltayel loq'uel ta sc'ab te egipciohetic soc ta sloq'uesel bahel tey ta q'uinal; ya quic' bahel ta q'uinal te buen lec soc buen jamal, te q'uinal te banti ya x'oquin leche soc chab, ta banti ay te cananeo, heteo, amorreo, ferezeo, heveo soc te jebuseo. 9Te yawic te snich'nab Israel c'ohtix ta jtojol, soc quilojix te swocolic a'botic yu'un te egipciohetique. 10La' me hiche, ya jticonat bahel ta stojol faraón scuenta yu'un yac aloq'ues tal ta Egipto te pueblo cu'un, ha te snich'nab Israel, xchi.
11Pero te Moisés la sjac'be te Diose: ¿Mach'ahon a te ya xbohon ta stojol faraón, te ya jloq'ues tal ta Egipto te snich'nab Israel? xchi.
12La sjac' te Diose: Ho'on ya joquinat; soc ha seña awu'un ya xc'oht ini te ho'on la jticonat bahel: te c'alal loq'uemix tal awu'un ta Egipto a te pueblo, ya xtal ach'uhuntayonic li' ta wits ini, xchi.
13Te Moisés hich la yalbe te Diose: Teme ya xc'oht calbe te snich'nab Israel: Te Dios yu'un te antiguo ame'atatic la sticononix tal ta atojolic, teme xchihone, teme ya sjoc'obonic: ¿Bin sbihil? teme xchihique, ¿bin ya calbe? xchi.
14Dios la yalbe te Moisés: HO'ON TE JTALEL HICH AYON, xchi.
Soc la yal xan: Hich me xawalbe te snich'nab Israel: ‘HO'ON AYON’ la sticonon tal ta atojolic, xchihan me, xchi.
15Soc Dios hich la yalbe xan te Moisés: Hich me xawalbe te snich'nab Israel: Te Jehová te Dios yu'un ame'atatic, te Dios yu'un Abraham, Isaac, soc Jacob la sticonon tal ta atojolic, xchihan me. Ha me jbihil scuenta sbahtel q'uinal; hich ya xna'boton jba sbahtel q'uinal. 16Bahan, tsoba te mamaletic yu'un Israel soc halbeya: Te Jehová te Dios yu'un ame'atatic, te Dios yu'un Abraham, Isaac, soc Jacob la yac' sba ta ilel ta jtojol, hich la yalbon: Ta mero melel la jquilexix soc la jquilix te bin ya xpasbotex ta Egipto. 17Soc la jcalix te ho'on ya jcoltayex ta libre yu'un te wocol ta Egipto, ya quiq'uex bahel ta sq'uinal te cananeo, heteo, amorreo, ferezeo, heveo, soc te jebuseo, ta q'uinal te banti ya x'oquin leche soc chab, xchihat. 18Ya me yich'ic ta cuenta te ac'ope. Ya me xbahat soc te mamaletic yu'un Israel ta stojol te ajwalil yu'un Egipto, hich me ya xc'oht awalbeyic: Te Jehová te Dios yu'un te hebreohetic tal stahotcotiquix; ha yu'un ac'awotcotic bahel te ya xbehenotcotic bahel oxeb c'ahc'al ta jochol taquin q'uinal yu'un ya ca'becotic milbil smahtan te Jehová te Dios cu'uncotic, xchihan me. 19Ya jna' te ma xyaq'uex bahel te ajwalil yu'un Egipto ha to teme tulan ya xtenot ta yip c'abal. 20Pero ya jach jc'ab, ya quehchentes te Egipto ta spisil te jchahp a'teliletic ya jpasbe tey a, hich ya yaq'uex bahel. 21Ya cac' te lec ya xc'oht ta sitic te egipciohetic te pueblo ini, scuenta yu'un te c'alal ya xloq'uex bahel, ma ba jochol ac'abic ya xbahex. 22Jujutuhl ants ya sc'ambeyic te spat-xuhc, soc mach'ayuc antsil nahinem tey a ya ya'be te bintic pasbil ta plata soc ta oro, soc c'u'uletic te yac awa'beyic slapic te queremetic soc ach'ixetic awu'unic; hich yac awich'beyic te bintic ay yu'un te egipciohetique, xchi.
Currently Selected:
Éxodo 3: TZH
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.
Éxodo 3
3
Moisés ic'ot ta a'tel yu'un Dios
1Te Moisés yac ta scanantaybeyel stuminchij te snihal-mamal Jetro,#3.1 Jetro: ay yantic versiculohetic te ya yal: Reuel, soc ay yan banti ya yal: Hobab. te sacerdote ta Madián. La yic' bahel te tuminchijetic c'alal ta sjehchelul te jochol taquin q'uinal, c'oht c'alal ta Horeb,#3.1 Ay jun chebuc buelta te ya yal: Wits Horeb, pero bayel banti ya yal: Wits Sinaí. te wits yu'un Dios. 2Tey chicnaj ta stojol a te ch'ul a'bat yu'un Jehová ta c'ahc' te yac ta tihlel ta yohlil jpeht ch'ix. La yil te yac ta tihlel te ch'ix, pero ma xlaj ta c'ahq'uel. 3Ha yu'un la yal te Moisés: Ya xbaht quil te bin jchahp ta ilel, bin yu'un te ma ba ya xlaj ta c'ahc' te ch'ixe, xchi.
4C'alal la yil te Jehová te ya xbaht yile, hich c'oponot yu'un Dios ta yohlil te ch'ix: ¡Moisés! ¡Moisés! xchi.
Li' ayoni, xchi te Moisés.
5Hich halbot yu'un Dios: Ma xnohpojat tal; chola atep, como te banti ayat, ha ch'ultesbil q'uinal, xchi sc'oblal. 6Soc hich la yal xan: Ho'on Dioson yu'un te atate, ha te Dios yu'un Abraham, te Dios yu'un Isaac, soc te Dios yu'un Jacob, xchi. Ha yu'un te Moisés la smuc yelaw, yu'un la xi' ya yil te Diose.
7Patil hich la yal te Jehová: Melel la jquilbeyix swocol te pueblo cu'un te ay ta Egipto, soc la jca'iybeyix yawic yu'un te jsujawetic yu'unic ta a'tel. Ya jna'be yo'bolil sbahic yu'un te swocolique. 8Ha yu'un cohonix tal ta scoltayel loq'uel ta sc'ab te egipciohetic soc ta sloq'uesel bahel tey ta q'uinal; ya quic' bahel ta q'uinal te buen lec soc buen jamal, te q'uinal te banti ya x'oquin leche soc chab, ta banti ay te cananeo, heteo, amorreo, ferezeo, heveo soc te jebuseo. 9Te yawic te snich'nab Israel c'ohtix ta jtojol, soc quilojix te swocolic a'botic yu'un te egipciohetique. 10La' me hiche, ya jticonat bahel ta stojol faraón scuenta yu'un yac aloq'ues tal ta Egipto te pueblo cu'un, ha te snich'nab Israel, xchi.
11Pero te Moisés la sjac'be te Diose: ¿Mach'ahon a te ya xbohon ta stojol faraón, te ya jloq'ues tal ta Egipto te snich'nab Israel? xchi.
12La sjac' te Diose: Ho'on ya joquinat; soc ha seña awu'un ya xc'oht ini te ho'on la jticonat bahel: te c'alal loq'uemix tal awu'un ta Egipto a te pueblo, ya xtal ach'uhuntayonic li' ta wits ini, xchi.
13Te Moisés hich la yalbe te Diose: Teme ya xc'oht calbe te snich'nab Israel: Te Dios yu'un te antiguo ame'atatic la sticononix tal ta atojolic, teme xchihone, teme ya sjoc'obonic: ¿Bin sbihil? teme xchihique, ¿bin ya calbe? xchi.
14Dios la yalbe te Moisés: HO'ON TE JTALEL HICH AYON, xchi.
Soc la yal xan: Hich me xawalbe te snich'nab Israel: ‘HO'ON AYON’ la sticonon tal ta atojolic, xchihan me, xchi.
15Soc Dios hich la yalbe xan te Moisés: Hich me xawalbe te snich'nab Israel: Te Jehová te Dios yu'un ame'atatic, te Dios yu'un Abraham, Isaac, soc Jacob la sticonon tal ta atojolic, xchihan me. Ha me jbihil scuenta sbahtel q'uinal; hich ya xna'boton jba sbahtel q'uinal. 16Bahan, tsoba te mamaletic yu'un Israel soc halbeya: Te Jehová te Dios yu'un ame'atatic, te Dios yu'un Abraham, Isaac, soc Jacob la yac' sba ta ilel ta jtojol, hich la yalbon: Ta mero melel la jquilexix soc la jquilix te bin ya xpasbotex ta Egipto. 17Soc la jcalix te ho'on ya jcoltayex ta libre yu'un te wocol ta Egipto, ya quiq'uex bahel ta sq'uinal te cananeo, heteo, amorreo, ferezeo, heveo, soc te jebuseo, ta q'uinal te banti ya x'oquin leche soc chab, xchihat. 18Ya me yich'ic ta cuenta te ac'ope. Ya me xbahat soc te mamaletic yu'un Israel ta stojol te ajwalil yu'un Egipto, hich me ya xc'oht awalbeyic: Te Jehová te Dios yu'un te hebreohetic tal stahotcotiquix; ha yu'un ac'awotcotic bahel te ya xbehenotcotic bahel oxeb c'ahc'al ta jochol taquin q'uinal yu'un ya ca'becotic milbil smahtan te Jehová te Dios cu'uncotic, xchihan me. 19Ya jna' te ma xyaq'uex bahel te ajwalil yu'un Egipto ha to teme tulan ya xtenot ta yip c'abal. 20Pero ya jach jc'ab, ya quehchentes te Egipto ta spisil te jchahp a'teliletic ya jpasbe tey a, hich ya yaq'uex bahel. 21Ya cac' te lec ya xc'oht ta sitic te egipciohetic te pueblo ini, scuenta yu'un te c'alal ya xloq'uex bahel, ma ba jochol ac'abic ya xbahex. 22Jujutuhl ants ya sc'ambeyic te spat-xuhc, soc mach'ayuc antsil nahinem tey a ya ya'be te bintic pasbil ta plata soc ta oro, soc c'u'uletic te yac awa'beyic slapic te queremetic soc ach'ixetic awu'unic; hich yac awich'beyic te bintic ay yu'un te egipciohetique, xchi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.