Éxodo 4
4
1Ha yu'un hich la sjac' te Moisés: Ma ba ya sch'uhunonic soc ma xya'iybonic jc'op, ya wan yalbonic: Ma ba yac'oj sba ta ilel ta atojol te Jehová, xchihic wan.
2¿Bin a te ay ta ac'ab? xchi te Jehová.
Nahbate'el, xchi te Moisés.
3Ch'oja ta lum, xchi sc'oblal. Hich la sch'oj ta lum, c'atp'uj ta chan; te Moisés loc' ta ahnel yu'un. 4Te Jehová la yalbe te Moisés: Ac'a bahel ac'ab, tsaca ta sne, xchi. Hich la yac' bahel sc'ab, la stsac, cha'c'atp'uj xan ta nahbate'el ta sc'ab.
5Hich la yal te Jehová: Tey me ya sch'uhunic a te yac'ojix sba ta ilel ta atojol te Jehová te Dios yu'un te ame'atatic, te Dios yu'un Abraham, te Dios yu'un Isaac, soc te Dios yu'un Jacob, xchi.
6Hich la yal xan te Jehová: Otsesa ac'ab ta yutil ac'u' ta atahn, xchi. Hich la yotses sc'ab ta yutil sc'u'; c'alal la sloq'ues tal, yich'ojix c'a'el-chamel a, buen sac hich te bin ut'il me'sic.
7La yal te Jehová: Cha'otsesa xan ac'ab ta yutil ac'u', xchi. Hich la scha'otses xan sc'ab ta yutil sc'u'; c'alal la sloq'ues, lequix ay a, hich te bin ut'il spisil te sbaq'uetale.
8Hich la yal te Jehová: Teme ma ba ya sch'uhunat soc teme ma ba ya yich'ic ta cuenta te shahchibal seña, ya me sch'uhunic te schebal señahe. 9Yan teme ma ba ya sch'uhunic te cheb señahetic ini soc teme ma ba ya ya'iybat te ac'ope, ya me alup te ha' ta muc'ul-ha', ya me amal ta lumq'uinal. Te ha' yac alup loq'uel ta muc'ul-ha', ya xc'atp'uj ta ch'ich' ta lumq'uinal, xchi.
10Pero te Moisés la yalbe te Jehová: ¡Ay, Cajwal! Mayuc bin ora hu'em cu'un c'op ta lec, ni ta nahil to, ni ta ora ini te yacat ta c'op ta jtojol te awa'batone. Wocol ya xloc' jc'op soc ya schuc sba te cac', xchi.
11Hich la sjac' te Jehová: ¿Mach'a la spasbe ye te ants-winic? ¿Mach'a ya spas te uma' soc te cohc, te mach'a ya yil q'uinal soc te ts'o'sit? ¿Ma bal ho'ucon te Jehovahon? 12Ha yu'un bahan hiche, tey ayon a te ya xc'opojat soc ya ca'bat anop te bin yac awale, xchi.
13Te Moisés hich la yal: ¡Ay, Cajwal! awocoluc, ticona bahel yan, xchi.
14Ha yu'un te Jehová ilin ta stojol Moisés, hich la yalbe: ¿Ma bal yacuc jna'be sba te abanquil Aarón te levita, te ya xc'opoj ta lec stuquel? Ya xtal stahat bahel, soc bayel yutsil yo'tan yu'un te c'alal ya yilate. 15Ha'at yac awalbe ya'iy te bin ya xc'oht yal; soc ya jcoltayex ta c'op ta achebalic, soc ya ca'beyex anopic te bin yac apasique. 16Te Aarón ya sc'opon te pueblo ta acuenta; ha awe ya xc'oht, soc ha sjelolat Dios ya xc'ohat yu'un. 17Soc ya me awich' bahel te nahbate'el ini te yac apas te jchahp a'teliletic a, xchi.
Moisés suht bahel ta Egipto
18Hich suht bahel te Moisés ta sna te snihal-mamal Jetro, hich la yalbe: Ac'awon suhtel bahel ta banti ay te quermanotac ta Egipto, yu'un ya jc'an ya quil teme cuxulic to, xchi.
Lamaluc me q'uinal yac awa'iy c'alal ya xbahat, xchi te Jetro.
19Te Jehová la yalbe te Moisés ta Madián: Suhtan bahel ta Egipto, yu'un chamiquix spisil te mach'atic c'an smilat, xchi. 20Ha yu'un te Moisés la yic' bahel te yihnam soc te yal-snich'nab, la smohtes ta burro, suht bahel ta sq'uinal Egipto. Soc la yich' bahel ta sc'ab te nahbate'el yu'un Dios.
21Te Jehová hich la yalbe te Moisés: Te c'alal ya xc'ohat ta Egipto, ya me apas ta stojol faraón spisil te jchahp a'teliletic te la jca'batix apas. Pero ya jtulantesbe yo'tan scuenta yu'un ma ba ya yac' bahel te pueblo. 22Hich me xawalbe te faraón: Hich ya yal te Jehová: Ha jba-nich'an te Israel. 23La jcalbatix te ac'a loc'uc bahel te jnich'an scuenta yu'un ya sch'uhuntayon; pero ma la ac'an la awac' bahel, ha yu'un ya jmilbat te ba-alal awu'un, xchi.
24Jun buelta c'alal ayic ta be a te Moisés, tahot yu'un Jehová te banti ya xc'ax ahc'abal yu'unic, ya c'an milec yu'un. 25Ha yu'un te Séfora te yihnam la stsac tulan ton te ay ye, la sbojbe loq'uel snuhculel sni'il sc'unil te yale, la sch'ojbe ta ye'tal yoc Moisés, hich la yal: Melel jmamalalat ta scuenta ch'ich', xchi. 26Hich ihquitayot hilel yu'un Jehová te Moisés. Te Séfora la yal: Jmamalalat scuenta ch'ich', te xchihe ta scaj te circuncisión.
27Te Jehová hich la yalbe te Aarón: Bahan, taha tal te Moisés ta jochol taquin q'uinal, xchi. Ha yu'un baht te Aarón, c'oht sta te Moisés ta wits yu'un Dios soc la yuhts'uy. 28Ha yu'un te Moisés la yalbe ya'iy te Aarón spisil te sc'op Jehová te ticonot ta yalel yu'un soc spisil te jchahp a'teliletic te a'bot spase.
29Hich bahtic te Moisés soc Aarón, la stsobic spisil te mamaletic yu'un te snich'nab Israel. 30Te Aarón la yalbe ya'iyic spisil te bintic halbot yu'un Jehová te Moisés, soc la spas te jchahp a'teliletic ta stojol te pueblo. 31La sch'uhun yo'tanic te pueblo, soc c'alal la ya'iyic te Jehová ya sna'be yo'bolil sbahic te snich'nab Israel soc yac yilbel te swocolic, la snijan sbahic soc la sch'uhuntayic.
Currently Selected:
Éxodo 4: TZH
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.
Éxodo 4
4
1Ha yu'un hich la sjac' te Moisés: Ma ba ya sch'uhunonic soc ma xya'iybonic jc'op, ya wan yalbonic: Ma ba yac'oj sba ta ilel ta atojol te Jehová, xchihic wan.
2¿Bin a te ay ta ac'ab? xchi te Jehová.
Nahbate'el, xchi te Moisés.
3Ch'oja ta lum, xchi sc'oblal. Hich la sch'oj ta lum, c'atp'uj ta chan; te Moisés loc' ta ahnel yu'un. 4Te Jehová la yalbe te Moisés: Ac'a bahel ac'ab, tsaca ta sne, xchi. Hich la yac' bahel sc'ab, la stsac, cha'c'atp'uj xan ta nahbate'el ta sc'ab.
5Hich la yal te Jehová: Tey me ya sch'uhunic a te yac'ojix sba ta ilel ta atojol te Jehová te Dios yu'un te ame'atatic, te Dios yu'un Abraham, te Dios yu'un Isaac, soc te Dios yu'un Jacob, xchi.
6Hich la yal xan te Jehová: Otsesa ac'ab ta yutil ac'u' ta atahn, xchi. Hich la yotses sc'ab ta yutil sc'u'; c'alal la sloq'ues tal, yich'ojix c'a'el-chamel a, buen sac hich te bin ut'il me'sic.
7La yal te Jehová: Cha'otsesa xan ac'ab ta yutil ac'u', xchi. Hich la scha'otses xan sc'ab ta yutil sc'u'; c'alal la sloq'ues, lequix ay a, hich te bin ut'il spisil te sbaq'uetale.
8Hich la yal te Jehová: Teme ma ba ya sch'uhunat soc teme ma ba ya yich'ic ta cuenta te shahchibal seña, ya me sch'uhunic te schebal señahe. 9Yan teme ma ba ya sch'uhunic te cheb señahetic ini soc teme ma ba ya ya'iybat te ac'ope, ya me alup te ha' ta muc'ul-ha', ya me amal ta lumq'uinal. Te ha' yac alup loq'uel ta muc'ul-ha', ya xc'atp'uj ta ch'ich' ta lumq'uinal, xchi.
10Pero te Moisés la yalbe te Jehová: ¡Ay, Cajwal! Mayuc bin ora hu'em cu'un c'op ta lec, ni ta nahil to, ni ta ora ini te yacat ta c'op ta jtojol te awa'batone. Wocol ya xloc' jc'op soc ya schuc sba te cac', xchi.
11Hich la sjac' te Jehová: ¿Mach'a la spasbe ye te ants-winic? ¿Mach'a ya spas te uma' soc te cohc, te mach'a ya yil q'uinal soc te ts'o'sit? ¿Ma bal ho'ucon te Jehovahon? 12Ha yu'un bahan hiche, tey ayon a te ya xc'opojat soc ya ca'bat anop te bin yac awale, xchi.
13Te Moisés hich la yal: ¡Ay, Cajwal! awocoluc, ticona bahel yan, xchi.
14Ha yu'un te Jehová ilin ta stojol Moisés, hich la yalbe: ¿Ma bal yacuc jna'be sba te abanquil Aarón te levita, te ya xc'opoj ta lec stuquel? Ya xtal stahat bahel, soc bayel yutsil yo'tan yu'un te c'alal ya yilate. 15Ha'at yac awalbe ya'iy te bin ya xc'oht yal; soc ya jcoltayex ta c'op ta achebalic, soc ya ca'beyex anopic te bin yac apasique. 16Te Aarón ya sc'opon te pueblo ta acuenta; ha awe ya xc'oht, soc ha sjelolat Dios ya xc'ohat yu'un. 17Soc ya me awich' bahel te nahbate'el ini te yac apas te jchahp a'teliletic a, xchi.
Moisés suht bahel ta Egipto
18Hich suht bahel te Moisés ta sna te snihal-mamal Jetro, hich la yalbe: Ac'awon suhtel bahel ta banti ay te quermanotac ta Egipto, yu'un ya jc'an ya quil teme cuxulic to, xchi.
Lamaluc me q'uinal yac awa'iy c'alal ya xbahat, xchi te Jetro.
19Te Jehová la yalbe te Moisés ta Madián: Suhtan bahel ta Egipto, yu'un chamiquix spisil te mach'atic c'an smilat, xchi. 20Ha yu'un te Moisés la yic' bahel te yihnam soc te yal-snich'nab, la smohtes ta burro, suht bahel ta sq'uinal Egipto. Soc la yich' bahel ta sc'ab te nahbate'el yu'un Dios.
21Te Jehová hich la yalbe te Moisés: Te c'alal ya xc'ohat ta Egipto, ya me apas ta stojol faraón spisil te jchahp a'teliletic te la jca'batix apas. Pero ya jtulantesbe yo'tan scuenta yu'un ma ba ya yac' bahel te pueblo. 22Hich me xawalbe te faraón: Hich ya yal te Jehová: Ha jba-nich'an te Israel. 23La jcalbatix te ac'a loc'uc bahel te jnich'an scuenta yu'un ya sch'uhuntayon; pero ma la ac'an la awac' bahel, ha yu'un ya jmilbat te ba-alal awu'un, xchi.
24Jun buelta c'alal ayic ta be a te Moisés, tahot yu'un Jehová te banti ya xc'ax ahc'abal yu'unic, ya c'an milec yu'un. 25Ha yu'un te Séfora te yihnam la stsac tulan ton te ay ye, la sbojbe loq'uel snuhculel sni'il sc'unil te yale, la sch'ojbe ta ye'tal yoc Moisés, hich la yal: Melel jmamalalat ta scuenta ch'ich', xchi. 26Hich ihquitayot hilel yu'un Jehová te Moisés. Te Séfora la yal: Jmamalalat scuenta ch'ich', te xchihe ta scaj te circuncisión.
27Te Jehová hich la yalbe te Aarón: Bahan, taha tal te Moisés ta jochol taquin q'uinal, xchi. Ha yu'un baht te Aarón, c'oht sta te Moisés ta wits yu'un Dios soc la yuhts'uy. 28Ha yu'un te Moisés la yalbe ya'iy te Aarón spisil te sc'op Jehová te ticonot ta yalel yu'un soc spisil te jchahp a'teliletic te a'bot spase.
29Hich bahtic te Moisés soc Aarón, la stsobic spisil te mamaletic yu'un te snich'nab Israel. 30Te Aarón la yalbe ya'iyic spisil te bintic halbot yu'un Jehová te Moisés, soc la spas te jchahp a'teliletic ta stojol te pueblo. 31La sch'uhun yo'tanic te pueblo, soc c'alal la ya'iyic te Jehová ya sna'be yo'bolil sbahic te snich'nab Israel soc yac yilbel te swocolic, la snijan sbahic soc la sch'uhuntayic.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.