Génesis 10
10
Cajalcaj sts'umbal Noé
1Hich ay te cajalcaj sts'umbalic te snich'nab Noé: ha te Sem, Cam soc Jafet, te ayin yal-snich'anic c'alal c'axix a te puhlele.
2Te snich'nab Jafet: ha Gomer, Magog, Madai, Javán, Tubal, Mesec soc Tiras. 3Te snich'nab Gomer: ha Askenaz, Rifat soc Togarma. 4Te snich'nab Javán: ha Elisa, Tarsis, Quitim soc Rodanim.#10.4 Rodanim: hich ya yal te antiguo hunetic ta hebreo, soc ta 1 Cr 1.7; pero ay yantic hunetic ta hebreo te ya yal: Dodanim, xchi. 5Ha'ic te nahinic ta ti'mar, chahpalchahp la stsob sbahic, ha chican bin ut'il ay te sc'opique.
6Te snich'nab Cam: ha Cus, Mizraim, Fut soc Canaán. 7Te snich'nab Cus: ha Seba, Havila, Sabta, Raama soc Sabteca. Te snich'nab Raama: ha Seba soc Dedán. 8Ayin snich'an Cus, ha te Nimrod, ha te mach'a te bayel yip ta q'uinal. 9Mero jnutsojel winic ta stojol Jehová, ha scuentahil te hich ay ta halel: Hich te bin ut'il Nimrod, te mero jnutsojel winic ta stojol Jehová, te xchihe. 10Te Babel, Erec, Acad soc Calne, ha te capitaletic ta sq'uinal Sinar te banti scuentahinej. 11Loc' bahel tey a baht ta Asiria, c'oht spas te Nínive, te Rehobot-Ir, Cala, 12soc te muc'ul pueblo Resén te ohlil ay yu'un Nínive soc Cala.
13Ayin snich'nab Mizraim, ha te Ludim, Anamim, Lehabim, Naftuhim, 14Patrusim, Casluhim (te banti chicnaj tal te filisteohetic), soc te Caftorim.
15Ayin snich'nab Canaán, ha te Sidón te sba-nich'an, soc Het, 16soc te jebuseo, amorreo, gergeseo, 17heveo, araceo, sineo, 18arvadeo, zemareo, soc te hamateo. Patil puhquic bahel te sts'umbal Canaán. 19Te sti'sts'ahcan te cananeohetic hahch ta Sidón, c'ax ta stojol Gerar c'alal Gaza; c'ax ta stojol Sodoma, Gomorra, Adma, Zeboim, c'alal ta Lasa. 20Ha'ic te snich'nab Cam ta jujuchahp soc ta jujun sc'opic, jsehpelsehp sq'uinalic soc ta jujuchahp nacionetic.
21Ha nix hich ayin snich'nab te Sem, te sbanquil Jafet. Ha tatil yu'un spisil te snich'nab Heber. 22Te snich'nab Sem, ha te Elam, Asur, Arfaxad, Lud soc Aram. 23Te snich'nab Aram, ha te Uz, Hul, Geter soc Mas. 24Ayin snich'an Arfaxad, ha te Sala. Ayin snich'an Sala, ha te Heber. 25Ayin cheb snich'nab Heber: Peleg#10.25 Peleg: sjatoj sbahic, xchi. Ya x'ixtaj te c'ope; ha wan ya yalbe sc'oblal te la spuc sbahic ta q'uinal te ants-winiquetique. sbihil te jtuhle, yu'un ha yorahil a te la sjat sbahic ta q'uinal; Joctán sbihil te yihts'ine. 26Ayin snich'nab Joctán, ha te Almodad, Selef, Hazar-mavet, Jera, 27Adoram, Uzal, Dicla, 28Obal, Abimael, Seba, 29Ofir, Havila soc Jobab. Ha'ic spisil te snich'nab Joctán. 30Te q'uinal te banti nahinic, ha te Mesa ta stojol Sefar, c'alal ta witsiltic ay ta stojol banti ya xloc' tal c'ahc'al. 31Hich ay te sts'umbal Sem ta jujuchahp soc ta jujun sc'opic, ta jsehpelsehp sq'uinalic soc ta jujuchahp nacionetic.
32Hich ay te snich'nab Noé ta cajalcaj sts'umbal soc ta jujuchahp nacionetic. Tey hahchic tal a te jujuchahp nacionetic te la spuc sbahic bahel ta q'uinal te c'alal c'axix a te puhlele.
Currently Selected:
Génesis 10: TZH
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.
