ମାର୍କ 3
3
ଯୀଶୁ ରକାନ୍ ୱାଚ୍ଚି କେଇ ଲଗାଙ୍ଗ୍ ହାର୍କିତାନ୍
(ମାଥି. ୧୨:୯-୧୪; ଲୁକ. ୬:୬,୧୧)
1କେତ୍ଦିନ୍ ହାଚି ପାଚେ ଯୀଶୁ ଆରେରଗ ଯିହୁଦିର୍ ପାର୍ତାନା ଇଞ୍ଜ ହାଚାନ୍। ହେବେ ରକାନ୍ ମାନାୟ୍ ମାଚାନ୍, ହେୱାନ୍ତି ର କେଇ ୱାଜ୍ଜି ମାଚାତ୍। 2କେତେକ୍ ପାରୁସିଦଳ୍ନି ମାନାୟ୍ ଯୀଶୁଙ୍ଗ୍ ଦସ୍ ହିଦେଙ୍ଗ୍ କାସି ମାଚାର୍, ହେଦାଙ୍ଗ୍ କାଜିଙ୍ଗ୍ ଯୀଶୁ ଯିହୁଦିର୍ ଜମ୍ନିଦିନ୍ ନାଞ୍ଜିଙ୍ଗ୍ ହାର୍କିନାନ୍ କି ଆକାଇ ଇଞ୍ଜି, ହେୱାର୍ ଇଟ୍କାଡ଼୍ କିଜି ହୁଡ଼୍ଜି ମାଚାର୍। 3ହେବେତାଙ୍ଗ୍ ଇମ୍ଣାକାନିଙ୍ଗ୍ କେଇ ୱାଜ୍ଜି ମାଚାତ୍, ହେୱାନିଙ୍ଗ୍ ଯୀଶୁ ୱେଚ୍ଚାନ୍, ୱା ୱିଜାର୍ ମାଦି ନିଲା। 4ହେୱାରିଙ୍ଗ୍ ଯୀଶୁ ୱେଚ୍ଚାନ୍, “ଯିହୁଦିର୍ ଜମ୍ନିଦିନ୍ ନାଞ୍ଜିଙ୍ଗ୍ ହାର୍ କାମାୟ୍ କିଦେଙ୍ଗ୍ ଇ ବିଦି ମାନାତ୍, ମାତର୍ ବାନ୍ୟା କାମାୟ୍ କିଦେଙ୍ଗ୍ ଆକାୟ୍। ଆରେ ଜିବୁନ୍ ଉଦାର୍ କିଦେଙ୍ଗ୍ ପା ବିଦି ମାନାତ୍ ମାତର୍ ପାଗ୍ଦେଙ୍ଗ୍ ଆକାୟ୍, ଇଦାଙ୍ଗ୍ ଇନାକା ସତ୍ବେଣ୍ ଆକାୟ୍କି?” ମାତର୍ ଇବେଣ୍ ୱେନ୍ଞ୍ଜି ହେୱାର୍ ଚିମ୍ରା ଆଜି ମାଚାର୍। 5ହେବେତାଙ୍ଗ୍ ଯୀଶୁ ହେୱାର୍ ଗରବ୍ନି ଆଟ୍ୱା ବୁଦି ହୁଡ଼୍ଜି ଯୀଶୁ ବେସି ଦୁଃକ୍ ଆତାନ୍, ଆରେ ହେୱାନ୍ ଚାରିବେଣ୍ତାଙ୍ଗ୍ ହୁଡ଼୍ତାନ୍ ଆରେ ହେ କେଇଦ ହିର୍କଲ୍ ଆହିଆତି ମାନାୟ୍ତିଙ୍ଗ୍ ୱେଚ୍ଚାନ୍, “ହେ ହିର୍କଲ୍ ଆସ୍ତିକେଇ ଲାମାୟ୍ କିଦା।” ହେୱାନ୍ ତା ହିର୍କଲ୍ ଆସ୍ତିକେଇ ଲାମାୟ୍ କିତାନ୍, ଆରେ ହେ ହିର୍କଲ୍ ଆସ୍ତିକେଇ ହାର୍ ଆତାତ୍। 6ହେବେତାଙ୍ଗ୍ ପାରୁସିଦଳ୍ନି ମାନାୟ୍ ହସିହାଚାର୍ ଆରେ ହେଦାପ୍ରେ ହେରୋଦ ନିପଣ୍ ଆନି ମାନାୟ୍ ନିକାର୍ ହୁଦାଙ୍ଗ୍ ମାହାଆଜି ଯୀଶୁଙ୍ଗ୍ ମାର୍ନେ ଅସ୍ତେଙ୍ଗ୍ ଉପାୟ୍ କିଦେଙ୍ଗ୍ ଲାଗାତାର୍।
ଯୀଶୁ ପାଚେ ବେସିହେନି ମାନାୟ୍ ହାନିକାତା
(ମାଥି. ୪:୨୫; ମାର୍କ. ୪:୧; ଲୁକ. ୫:୧-୩)
7ଇବେତାଙ୍ଗ୍ ଯୀଶୁ ଜାର୍ ଚେଲାହିର୍ ହୁଦାଙ୍ଗ୍ ହାମ୍ଦୁର୍ କାଣ୍ଡିତ ହସିହାଚାର୍, ଆରେ, ଗାଲିଲୀ ଜିଲ୍ଲାତାଙ୍ଗ୍ ବେସିହେନି ମାନାୟ୍ ତାହୁକେ ହାଚାର୍। 8ଆରେ ଯିହୁଦା ଜିଲ୍ଲାନି ସହର୍ତାଙ୍ଗ୍, ଯିରୁଶାଲାମ ସହର୍ତାଙ୍ଗ୍, ଇଦୋମ୍ ଜିଲ୍ଲାତାଙ୍ଗ୍, ଯର୍ଦ୍ଦନ ନାଗୁଡ଼୍ ହେପାଡ଼୍କାତାଙ୍ଗ୍, ଆରେ, ସୋର୍ ଆରେ ସିଦନ୍ ସହର୍ତାଙ୍ଗ୍ ବେସିହେନି ମାନାୟ୍ ଯୀଶୁତାକେ ୱାତାର୍। ଇନେସ୍କି ହେୱାନ୍ ଚାନିଆ କାମାୟ୍ କିନି ବେଣ୍ ୱେନ୍ଞ୍ଜି ହେୱାର୍ ୱାତାର୍।
9ହେଦାଙ୍ଗ୍ କାଜିଙ୍ଗ୍ ଯୀଶୁ ତା ଚେଲାହିରିଙ୍ଗ୍ ୱେଚ୍ଚାନ୍, ନା କାଜିଙ୍ଗ୍ ର ହିରୁ ଡଙ୍ଗା ଜଗାଡ଼୍ କିୟାଟ୍, ଏନେଙ୍ଗ୍ କିତିସ୍ ନା ଚାରିବେଣ୍ତାଙ୍ଗ୍ ଗଉଲି ଆଉର୍। 10ଯୀଶୁ ହେନାଞ୍ଜ୍ କେତେକ୍ ମାନାୟ୍ତିଙ୍ଗ୍ ହାର୍କିତାନ୍। ହେଦାଙ୍ଗ୍ କାଜିଙ୍ଗ୍ ବେସିହେନି ରଗିର୍ ତାବେ ରୁଣ୍ଡାଆତାର୍ ଆରେ ହେୱାନିଙ୍ଗ୍ ଆସ୍ପେଦେଙ୍ଗ୍ ତିବ୍ଗା ତିବ୍ଗି ଆଜି ମାଚାର୍। 11ବୁତ୍ଆତ୍ମା ଡୁୟାଆତି ମାନାୟାର୍ ଯୀଶୁଙ୍ଗ୍ ହୁଡ଼୍ତି ଦାପ୍ରେ ତାଙ୍ଗେଙ୍ଗ୍ ସନ୍ମାନ୍ ହିଦେଙ୍ଗ୍ ମୁଣ୍ଡିଆ ଇଡ଼୍ଜି ଆରେ ଚେରାଆଜି ୱେଚ୍ଚି ମାଚାର୍, “ଏନେଙ୍ଗ୍ନେ ଈଶ୍ୱର ମେହିତି।” 12ହେବେତାଙ୍ଗ୍ ଯୀଶୁ ବୁତ୍ଆତ୍ମାକାଙ୍ଗ୍ ଆଦେସ୍ କିଜି ୱେଚ୍ଚାନ୍, “ଆନେଙ୍ଗ୍ ଇନେର୍ ଇଞ୍ଜି ଇନେରିଙ୍ଗ୍ ପା ୱେଚ୍ମାଟ୍।”
ଯୀଶୁ ବାରଜାଣ୍ ଚେଲାହିରିଙ୍ଗ୍ ବାଚିକିତାନ୍
(ମାଥି. ୧୦:୧୪; ଲୁକ. ୬:୧୨-୧୬)
13ତାପାଚେ ଯୀଶୁ ମାଡ଼ିଜପି ହାଲ୍ଜି, ଆରେ ଇମ୍ଣାକାରିଙ୍ଗ୍ ତା ଚେଲା କିଦେଙ୍ଗ୍ ତା ଲାଗେ ହିର୍ବାତାନ୍, ଆରେ ହେୱାର୍ ମାନାୟ୍ ଗଉଲିତାଙ୍ଗ୍ ଯୀଶୁ ଲାଗାୟ୍ ହାଚାର୍। 14ଆରେ, ଯୀଶୁ ବାରଜାଣ୍ତିଙ୍ଗ୍ ବାଚିକିତାନ୍, ଆରେ ବାଚିକିତି ଚେଲାଇଞ୍ଜି ତର୍ ହିତାନ୍, ଇନେସ୍କି ହେୱାର୍ ତା ହୁଦାଙ୍ଗ୍ ମାନାର୍, ଆରେ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ପକ୍ନାନ୍, 15ଆରେ ହେୱାର୍ ବୁତ୍ଆତ୍ମା ପିହିକିଦେଙ୍ଗ୍ ଆଦିକାର୍ ପାୟାଆନାର୍। 16ଯୀଶୁ ବାଚିକିତି ଚେଲାର୍ ତର୍ ଲେକେ, ଶିମୋନତିଙ୍ଗ୍ ପିତର ଇଞ୍ଜି ଆରେ ର ତର୍ ହିତାନ୍, 17ଜେବଦି ମେହି ଯାକୁବ ଆରେ ତା ଟଣ୍ଡାହି ଯୋହନ୍, ଇନେରିଙ୍ଗ୍ ହେୱାନ୍ ବିନେରିଗସ୍ ଇଞ୍ଜି ଆରେ ର ତର୍ ହିତାନ୍। ବିନେରିଗସ୍ନି ଅର୍ତ ବିଜ୍ଲି ଲେଗ୍ଦି ମାନାୟ୍। 18ଆନ୍ଦ୍ରିୟ, ପିଲିପ, ବାର୍ଥଲମି, ମାଥିଉ, ଥୋମା, ଆଲ୍ପି ମେହି ଯାକୁବ, ଥଦ୍ଦୀୟ, ଦେସ୍ତିଙ୍ଗ୍ ହେବାକିନି ଶିମୋନ, 19ଆରେ ଇଷ୍କାରିତିୟ ଯିହୁଦା, ଯୀଶୁଙ୍ଗ୍ ଶାତ୍ରୁ କେଇଦ ଆହିକିତାନ୍।
ଈଶ୍ବରଆତ୍ମାତିଙ୍ଗ୍ ବିରଦ୍ କିଜି ନିନ୍ଦା
(ମାଥି. ୧୨:୨୨-୩୨; ଲୁକ. ୧୧:୧୪-୨୩; ୧୨:୧୦)
20ତାପାଚେ ଯୀଶୁ ଆରେ ତା ଚେଲାହିର୍ ର ଇଞ୍ଜ ହାଚାର୍, ହେବେ ପା ବେସିହେନି ମାନାୟ୍ ରୁଣ୍ଡାଆତାର୍ ଯେ, ହେୱାନ୍ ଆରେ ତା ଚେଲାହିର୍ ଚିଞ୍ଜେଙ୍ଗ୍ ଉଣ୍ଡେଙ୍ଗ୍ ପା ଆଡ୍ୱାତାର୍। 21ଯୀଶୁ ଲକ୍ବାକ୍ ଇୱିଜୁ ବିଷୟ ୱେନ୍ଞ୍ଜି, ହେୱାର୍ ଇଚାର୍, “ଇୱାନ୍ ବାୟା ଆତାନେ।” ହେଦାଙ୍ଗ୍ କାଜିଙ୍ଗ୍ ହେୱାର୍ ତା ଇଞ୍ଜ ଅସାହାଞ୍ଜେଙ୍ଗ୍ ୱାତାର୍।
22ଆରେ, ଯିରୁଶାଲାମ ସହର୍ତାଙ୍ଗ୍ ୱାତି କେତେକ୍ ଯିହୁଦି ଦରମ୍ନି ପଣ୍ଡିତାର୍ ୱେଚ୍ଚାର୍, “ଇୱାନିଙ୍ଗ୍ ଶୟତାନ ଆତ୍ମା ଡୁତାତ୍ନା, ହେଦାଙ୍ଗ୍ କାଜିଙ୍ଗ୍ ଇୱାନ୍ ଶଇତାନ୍ ସାଇଜତାଙ୍ଗ୍ ବୁତ୍ଆତ୍ମାକାଙ୍ଗ୍ ପିହିକିନାନା।”
23ଯୀଶୁ ତା ଲାଗାୟ୍ କୁକ୍ଚି କାତା ୱେଚ୍ନିଲେକେ କିଜି ହେୱାରିଙ୍ଗ୍ ୱେଚ୍ଚାନ୍, “ଶୟତାନ୍ ଇନେସ୍ କିଜି ଶୟତାନ୍ତିଙ୍ଗ୍ ପିହିକିଦେଙ୍ଗ୍ ଆଡ୍ନାତ୍? 24ଯଦି ଜାର୍ ଦେସ୍ତି ମାନାୟ୍ ପା ବାଗ୍-ବାଗ୍ ଆଜି ଜାର୍-ଜାର୍ ବିରଦ୍ତାକେ ଯୁଦ୍ କିନାର୍, ହେ ଦେସ୍ ଶାନ୍ତିଆଜି ମାଞ୍ଜେଙ୍ଗ୍ ଆଡୁତ୍। 25ର ପରିବାର୍ ନିକାର୍ ଯଦି ବାଗ୍ ଆଜି ଜାର୍-ଜାର୍ ପରିବାର୍ତାକେ ବିରୁଦ୍ କିନାର୍, ହେ ପରିବାର୍ ବାଙ୍ଗା ଆନାତ୍। 26ହେଲେକେ, ଶୟତାନ ଯଦି ଜାର୍ ଲକ୍ ବିତ୍ରେ ବିରଦ୍ କିନାତ୍, ଲାଗିଙ୍ଗ୍ ତା ରାଜି ଶାନ୍ତିଆଜି ମାଞ୍ଜେଙ୍ଗ୍ ଆଡୁତ୍, ଆରେ ତା ରାଜି ବୁଡାଆନାତ୍। 27ସାକ୍ତିକାଟି ମାନାୟ୍ତିଙ୍ଗ୍ ଆଗେ ଗାଚ୍ୱିତିସ୍ ତା ଇଞ୍ଜ ହଣ୍ଜି ତା ଟାଙ୍ଗି ଟାଙ୍ଗିଆ ୱିଜୁ ଅଦେଙ୍ଗ୍ ଆଡୁର୍, ତାଙ୍ଗେଙ୍ଗ୍ ଆଗେ ଗାଚ୍ପିତିସ୍ ତା ଦନ୍ ସମ୍ପତି ସବୁ ଅଦେଙ୍ଗ୍ ଆଡ୍ନାର୍।
28ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା, ମାନାୟାର୍ ୱିଜୁ ପାପ୍ ଆରେ ଈଶ୍ୱରତିଙ୍ଗ୍ ନିନ୍ଦାକିତିସ୍ ହେୱାର୍ ପାପ୍ ୱିଜୁ କେମା କିନାନ୍। 29ମାତର୍ ଇନେର୍ ପା ପବିତ୍ର ଆତ୍ମାତିଙ୍ଗ୍ ନିନ୍ଦା କିନାର୍, ଈଶ୍ୱର ହେୱାନିଙ୍ଗ୍ ଇନାୱେଡ଼ାଙ୍ଗ୍ ପା ପାପ୍ କେମା ହିଉନ୍, ଆରେ ଈଶ୍ୱରତାକେ ହେୱାନ୍ ୱିଜୁଦିନ୍ ପାପି ଇଞ୍ଜି ଗାଣାକିୟା ଆନାନ୍।” 30“ଯୀଶୁଙ୍ଗ୍ ବୁତ୍ଆତ୍ମା ଡୁତାତ୍ନା,” ଇଞ୍ଜି କେତ୍ଜାଣ୍ ୱେଚ୍ଚିଲେ ଯୀଶୁ ଇବେଣ୍ ୱେଚ୍ଚାନ୍।
ଯୀଶୁ ତେହି, ଟଣ୍ଡାହିର୍ ଆରେ ତଣ୍ଦେହିକ୍
(ମାଥି. ୧୨:୪୬-୫୦; ଲୁକ. ୮:୧୯-୨୧)
31ହେପାଦ୍ନା ଯୀଶୁ ତେହି ଆରେ ତା ଟଣ୍ଡାହିର୍ ୱାଜି ବାର୍ତ ନିଲ୍ଚି ଯୀଶୁଙ୍ଗ୍ କୁକ୍ତେଙ୍ଗ୍ ପକ୍ତାର୍। 32ଯୀଶୁ ଚାରିବେଣ୍ତାଙ୍ଗ୍ ତାଙ୍ଗ୍ ବେସିହେନି ମାନାୟ୍ କୁଚ୍ଚି ମାଚାର୍, ହେ ମାନାୟାର୍ ଯୀଶୁଙ୍ଗ୍ ୱେଚ୍ଚାର୍, ହୁଡ଼ା, “ନିଙ୍ଗେଙ୍ଗ୍ ମିଞ୍ଜିୟା, ଟଣ୍ଡାଦିର୍ ଆରେ ତଣ୍ଦେଦିକ୍ ବାର୍ତ ମାନ୍ଞ୍ଜି ଦାସ୍ତାନାରା।”
33ଯୀଶୁ ହେୱାରିଙ୍ଗ୍ ୱେଚ୍ଚାନ୍, “ଇନେର୍ ମାଞ୍ଜିୟା ଆରେ ଇନେର୍ ନା ଟଣ୍ଡାର୍?” 34ଯୀଶୁ ତା ଚାରିବେଣ୍ତାଙ୍ଗ୍ କୁଚ୍ଚି ମାନାୟ୍ତିଙ୍ଗ୍ ହୁଡ଼୍ଜି ୱେଚ୍ଚାନ୍, ହୁଡ଼ାଟ୍, “ଇୱାର୍ନେ ମାଞ୍ଜିୟା ଆରେ ଇୱାର୍ନେ ନା ଟଣ୍ଡାର୍। 35ଇନେର୍ ସରଗ୍ନି ଈଶ୍ୱରତିଙ୍ଗ୍ ମାନିକିନାର୍, ହେୱାର୍ ନା ଟଣ୍ଡେନ୍, ତଣ୍ଦେଲ୍ ଆରେ ମାଞ୍ଜିୟା ଆନାର୍।”
Currently Selected:
ମାର୍କ 3: PEGNT
Highlight
Share
Copy
Want to have your highlights saved across all your devices? Sign up or sign in
Pengo Parja Bible by The Love Fellowship is licensed under Creative Commons Attribution-ShareAlike 4.0 License.
