लुका 15
15
खुवायला गाडरान दाखलू
(मत्ती 18:12-14)
1आखा फावू लेणे वावा एने पापी तेरेनचा आव्या कोरता होता काहाकि चे येसुन सोमवे. 2फरुशी एने शास्त्री कुरकुर कोरता जायीन कोयने बाज गोया, “यु ते पापी काजे मेवतलु एने तिंदरे साते खातलू बी.” 3तेत्यार येसु तीनु काजे यु दाखलु कोयू, 4“तुमरेमा कुन छे जेरा सोव गाडरा रोये, एने तीनामा गोथो एक खुवाय जाय, ती निन्यानोव काजे बोयळामा छुळीन, तिना खुवायला काजे जेतार तोक जोळी नी जाय हेरतू नि रोये? 5एने जेतार जोळ जातलो, तेत्यार चू घोनी खुशीसी तीनाक खांदा पोर हाकली लेतलू.” 6एने घोर आवीन दुस्तीदार एने साते वावा काजे एखठा कोरीन कोयतलु, “मार पुठी खुशी कोरु, काहाकि मारो खुवायलो गाडरो जोळ गोयलो छे.” 7मे तुमु काजे कोयो कि इना रितीसी एक पसतावू कोरणे वावा पापीन बारामा बी सोरगोमा ओतरीत खुशी होयसे, जोतरी कि निन्यानोव ओसा धोरमीन बारामा नी होता, जीनुक पोस्तावू कोरनेन गोरोज नि होय.
खुवायला सिक्कान दाखलू
8नि ते कुन ओसी बायोर होसे जेरे जुव दोस ओदला होसे, एने तीनामा गोथो एक खुवाय जाय ती ची दिवू धोपाळीन एने घोर बाहारीन, जेतार तोक जोळी नी जाय जीव लागाळीन हेरतीरोये? 9एने जेतार जोळ जातलो ती ची आपना दुस्तीदार एने साते वावा काजे एखठा कोरीन कोयतेली, “मार पुठी खुशी कोरु, काहाकि मारू खुवायलु ओदलु जोळ गोयलु छे.” 10मे तुमु काजे कोयो कि इना रितीसी एक पसतावू कोरणे वावा पापीन बारामा परमेश्वरोन सोरग दूतोन सामने खुशी होयतेली.
खुवायला पुऱ्यान दाखलू
11एने येसु कोयू, “काहनास माणसोन दुय पुऱ्या होता.” 12तीना मायलु नानलु बासो काजे कोयू, “हे बाबा, धोनोमा गोथू जु हिस्सू मारू होसे चू मेसेक आपी दे चू तीनु काजे आपनो धोन वाट देदू.” 13जादा दाहळा नी होयला होता कि नानलु पुऱ्यु आखो काहीन एखठो कोरीन नांबे देस जात रोयू, एने चा भुंडला कामोमा आपनो धोन उळाव देदू. 14जेतार चु आखो काहीन खोरचू कोर देदू, ती तीना देसोमा मोटूत काव पोळ्यु, एने चु ठारलू होय गोयू. 15इनान कोरता चू तीना देसोन रोहीवासी मायला एकानचा जाय लाग्यू चु तीनाक आपना खेतोम सुवऱ्याक चारणेन कोरता मूकल्यु. 16एने तीनाक लागतो होतो कि तीना सेंगवामा गोथा जीनुक सुवऱ्या खाता होता, आपनो पेट भोरे एने तीनाक कुदू काहीन नी आपता होता. 17जेतार चू सुदपोर आव्यु तेत्यार कोयने बाज गोयू, मारा बासोनचा कोतरा दाहळक्या काजे खाणासी बी जादा रुटू जोळतलू, एने मे न्या भूकलू मोर रोयू. 18मे हीमी उठीन आपना बासोनचा जायीस एने तीनाक कोयीस कि बाबा, मे सोरगोन खिलापमा एने तारी नोजोरमा पाप कोरलु छे. 19हिमी इनान लायक नि रोयू कि तारू पुऱ्यु कोवाये, मेसेक आपना एक दाहळक्या सारकू राखले.
खुवायला पुऱ्यान पोछो आवनो
20तेत्यार चू उठीन आपना बासोनचा चाल पोळ्यु चू हिमी नांबेत होतु ती तेरा बासो काजे तीनाक गिन आवी, एने दोवळीन तीनाक गोवे लागाळयू, एने घोनु गुवा देदू. 21पुऱ्यु तीनाक कोयू, “बाबा, मे सोरगोन खिलापमा एने तारी नोजोरमा पाप कोरलु छे; एने हिमी इनी लायक नी रोयू कि तारू पुऱ्यु कोवायो.” 22बाकीन बास आपना पावोर काजे कोयू, “मामार वारलामा गोथा वारला छिंदरा निकावीन इना काजे पेहेरावू, एने एरे हातोमा मुंदी एने पायोमा खासळा पेरावू, 23एने पावलो जोनावर लावीन मारू काहाकि आपनु खासु एने खुशी कोरसू.” 24काहाकि मारू यु पुऱ्यु मोर गोयलु होतु, पोछु जीव गोयलु छे, खुवाय गोयलु होतु, हिमी जोळ गोयलु छे एने चे खुशी कोरणे बाज गोया.
मोटाला पुऱ्यान सिकायात
25बाकीन तेरु मोटलु पुऱ्यु खेतोमा होतु जेतार चू आवीन घोरो साते पुग गोयू, ती चू गावणेन-वाजाळणेन एने नाचणेन ओवाज सोमव्यू. 26आखरी चू एक पावोर काजे बुलावीन पुछु, “यो काय होय रोयो?” 27पावोर तीनाक कोयू, “तारू भाश आव रोयू एने तारू बाबू पावलु केवळू काटाळ रोयू, इनान कोरता कि चु वारलु आरेगलू जोळलु छे.” 28यो सोमवीन तीनाक रीस लागी एने चू माही जाने नि हिंनतु होतु, बाकीन तेरु बाबू बारथे आवीन तीनाक सोमजाडने बाज गोयू. 29चू बासो काजे जोवाब आप्यू, “देख मे ओतरा सालोसी तारी सेवा कोर रोयू एने कोबी बी तारी आग्या नि टाव्यू, ते बी तु मेसेक कोबी एक बुकळान गिदल्यो बी नी आप्यू कि मे मारा दुस्तीदार पुठी खुशी कोरतू. 30बाकीन जेतार तारू यु पुऱ्यु, जु तारो धोन व्यभिचार बायरापोर उळाव देदलु छे, आव्यु, ती तिनान कोरता तू पावलु केवळू काटाळयु.” 31तेरु बास तीनाक कोयू, “पुऱ्या, तू हमेशा मार पुठी छे; एने जो काहीन मारो छे चो आखो तारोत छे.” 32बाकीन हीमी खुशी कोरणे एने मुजा कोरनु जुवे काहाकि यु तारू भाश मोर गोयलु होतु, पोछु जीवतु होय गोयू; खुवाय गोयलु होतु, हिमी जोळ गोयलु छे.
Currently Selected:
लुका 15: BFBNT
Highlight
Share
Copy
Want to have your highlights saved across all your devices? Sign up or sign in
Bareli Pauri (बारेली पावरी) Bible by The Love Fellowship is licensed under Creative Commons Attribution-ShareAlike 4.0 License.
लुका 15
15
खुवायला गाडरान दाखलू
(मत्ती 18:12-14)
1आखा फावू लेणे वावा एने पापी तेरेनचा आव्या कोरता होता काहाकि चे येसुन सोमवे. 2फरुशी एने शास्त्री कुरकुर कोरता जायीन कोयने बाज गोया, “यु ते पापी काजे मेवतलु एने तिंदरे साते खातलू बी.” 3तेत्यार येसु तीनु काजे यु दाखलु कोयू, 4“तुमरेमा कुन छे जेरा सोव गाडरा रोये, एने तीनामा गोथो एक खुवाय जाय, ती निन्यानोव काजे बोयळामा छुळीन, तिना खुवायला काजे जेतार तोक जोळी नी जाय हेरतू नि रोये? 5एने जेतार जोळ जातलो, तेत्यार चू घोनी खुशीसी तीनाक खांदा पोर हाकली लेतलू.” 6एने घोर आवीन दुस्तीदार एने साते वावा काजे एखठा कोरीन कोयतलु, “मार पुठी खुशी कोरु, काहाकि मारो खुवायलो गाडरो जोळ गोयलो छे.” 7मे तुमु काजे कोयो कि इना रितीसी एक पसतावू कोरणे वावा पापीन बारामा बी सोरगोमा ओतरीत खुशी होयसे, जोतरी कि निन्यानोव ओसा धोरमीन बारामा नी होता, जीनुक पोस्तावू कोरनेन गोरोज नि होय.
खुवायला सिक्कान दाखलू
8नि ते कुन ओसी बायोर होसे जेरे जुव दोस ओदला होसे, एने तीनामा गोथो एक खुवाय जाय ती ची दिवू धोपाळीन एने घोर बाहारीन, जेतार तोक जोळी नी जाय जीव लागाळीन हेरतीरोये? 9एने जेतार जोळ जातलो ती ची आपना दुस्तीदार एने साते वावा काजे एखठा कोरीन कोयतेली, “मार पुठी खुशी कोरु, काहाकि मारू खुवायलु ओदलु जोळ गोयलु छे.” 10मे तुमु काजे कोयो कि इना रितीसी एक पसतावू कोरणे वावा पापीन बारामा परमेश्वरोन सोरग दूतोन सामने खुशी होयतेली.
खुवायला पुऱ्यान दाखलू
11एने येसु कोयू, “काहनास माणसोन दुय पुऱ्या होता.” 12तीना मायलु नानलु बासो काजे कोयू, “हे बाबा, धोनोमा गोथू जु हिस्सू मारू होसे चू मेसेक आपी दे चू तीनु काजे आपनो धोन वाट देदू.” 13जादा दाहळा नी होयला होता कि नानलु पुऱ्यु आखो काहीन एखठो कोरीन नांबे देस जात रोयू, एने चा भुंडला कामोमा आपनो धोन उळाव देदू. 14जेतार चु आखो काहीन खोरचू कोर देदू, ती तीना देसोमा मोटूत काव पोळ्यु, एने चु ठारलू होय गोयू. 15इनान कोरता चू तीना देसोन रोहीवासी मायला एकानचा जाय लाग्यू चु तीनाक आपना खेतोम सुवऱ्याक चारणेन कोरता मूकल्यु. 16एने तीनाक लागतो होतो कि तीना सेंगवामा गोथा जीनुक सुवऱ्या खाता होता, आपनो पेट भोरे एने तीनाक कुदू काहीन नी आपता होता. 17जेतार चू सुदपोर आव्यु तेत्यार कोयने बाज गोयू, मारा बासोनचा कोतरा दाहळक्या काजे खाणासी बी जादा रुटू जोळतलू, एने मे न्या भूकलू मोर रोयू. 18मे हीमी उठीन आपना बासोनचा जायीस एने तीनाक कोयीस कि बाबा, मे सोरगोन खिलापमा एने तारी नोजोरमा पाप कोरलु छे. 19हिमी इनान लायक नि रोयू कि तारू पुऱ्यु कोवाये, मेसेक आपना एक दाहळक्या सारकू राखले.
खुवायला पुऱ्यान पोछो आवनो
20तेत्यार चू उठीन आपना बासोनचा चाल पोळ्यु चू हिमी नांबेत होतु ती तेरा बासो काजे तीनाक गिन आवी, एने दोवळीन तीनाक गोवे लागाळयू, एने घोनु गुवा देदू. 21पुऱ्यु तीनाक कोयू, “बाबा, मे सोरगोन खिलापमा एने तारी नोजोरमा पाप कोरलु छे; एने हिमी इनी लायक नी रोयू कि तारू पुऱ्यु कोवायो.” 22बाकीन बास आपना पावोर काजे कोयू, “मामार वारलामा गोथा वारला छिंदरा निकावीन इना काजे पेहेरावू, एने एरे हातोमा मुंदी एने पायोमा खासळा पेरावू, 23एने पावलो जोनावर लावीन मारू काहाकि आपनु खासु एने खुशी कोरसू.” 24काहाकि मारू यु पुऱ्यु मोर गोयलु होतु, पोछु जीव गोयलु छे, खुवाय गोयलु होतु, हिमी जोळ गोयलु छे एने चे खुशी कोरणे बाज गोया.
मोटाला पुऱ्यान सिकायात
25बाकीन तेरु मोटलु पुऱ्यु खेतोमा होतु जेतार चू आवीन घोरो साते पुग गोयू, ती चू गावणेन-वाजाळणेन एने नाचणेन ओवाज सोमव्यू. 26आखरी चू एक पावोर काजे बुलावीन पुछु, “यो काय होय रोयो?” 27पावोर तीनाक कोयू, “तारू भाश आव रोयू एने तारू बाबू पावलु केवळू काटाळ रोयू, इनान कोरता कि चु वारलु आरेगलू जोळलु छे.” 28यो सोमवीन तीनाक रीस लागी एने चू माही जाने नि हिंनतु होतु, बाकीन तेरु बाबू बारथे आवीन तीनाक सोमजाडने बाज गोयू. 29चू बासो काजे जोवाब आप्यू, “देख मे ओतरा सालोसी तारी सेवा कोर रोयू एने कोबी बी तारी आग्या नि टाव्यू, ते बी तु मेसेक कोबी एक बुकळान गिदल्यो बी नी आप्यू कि मे मारा दुस्तीदार पुठी खुशी कोरतू. 30बाकीन जेतार तारू यु पुऱ्यु, जु तारो धोन व्यभिचार बायरापोर उळाव देदलु छे, आव्यु, ती तिनान कोरता तू पावलु केवळू काटाळयु.” 31तेरु बास तीनाक कोयू, “पुऱ्या, तू हमेशा मार पुठी छे; एने जो काहीन मारो छे चो आखो तारोत छे.” 32बाकीन हीमी खुशी कोरणे एने मुजा कोरनु जुवे काहाकि यु तारू भाश मोर गोयलु होतु, पोछु जीवतु होय गोयू; खुवाय गोयलु होतु, हिमी जोळ गोयलु छे.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bareli Pauri (बारेली पावरी) Bible by The Love Fellowship is licensed under Creative Commons Attribution-ShareAlike 4.0 License.