लुका 16
16
चालाक पुरती कोरणे वावु
1ओवतेन येसु चेला काजे बी कोयू एक मालदारोन एक कारभारी होतु, माणसे तीना पोर ओसू गुणू लागाळ्या कि चू तारो आखो धोन उळाव देदलु छे. 2आखरी मालदार तीनाक बुलावीन कोयू, “यो काय छे जो मे तारा बारामा सोमवी रोयू? तारा कारभारन हिसाब आप, काहाकि तू ओगु कारभारी नि रोय सोकतलु.” 3तेत्यार कारभारी विचार कोरणे बाज गोयू, हिमी मे काय कोरो? काहाकि मारू मालिक कारभारन काम मारजुव गोथो हापकणे बाज रोयू धुवू ते मारेसी खोंदायतलू नि; एने भिक मागणे मेसेक लाज आवतेली. 4मे सोमज गोयू कि काय कोरिस, काहाकि जेतार मे कारभारीण कामोसी छुळवाय जाम ती माणसे मेसेक तिंदरा घोरमा ली लेसे. 5तेत्यार चू आपना मालिकन करजा वावाणूक एक-एक जोनाक बुलाव्यू एने पेहला काजे पुछु, “मार पोर मालकोन कोतरू कोरजू छे.” 6चे कोया, “सोव मोन तेल” तेत्यार चू तीनु काजे कोयू, “मारो हिसाबोन लिखलो ले एने बोसीन मामार पोचास लिख ले.” 7एने चू दिसरा काजे पुछु, “तारे पोर कोतरू कोरजू छे?” चू कोयू, “सोव मोन गोहून बालटा,” तेत्यार चू तीनाक कोयू, “तारो हिसाबोन-खातो लीन आस्सी लिख दे.”
8“मालिक तिना झुटा अधोरमीन वाह-वाह कोऱ्यु, चू हुशारीसी काम कोरतेलू छे काहाकि इनी संसारोन माणसे आपना टेमोन माणसो साते रिती-रीवाजोन विजावान माणसो गोथा बी घोणा हुशार छे.” 9एने मे तुमु काजे कोयो कि अधोरमोन धोनोसी आपनेन कोरता दुस्तीदार बनाय लेवू, काहाकि जेतार तोक चो जात रोये ती चे तुमुक ओमोर नीवासीमा ली लेये. 10जे थुलाकमा गोथा थुलाक खोरला छे, चे लोकेत मा गोथा बी खोरला छे, एने जे थुलाकमा गोथा थुलाक अधोरमी छे, चे लोकेत मा भी झुटा छे. 11इनान कोरता जेतार तुमु अधोरमोन धोनमा खोरला नि ठेराये, ती खोरलो धोन तुमुक कून सोपसे? 12एने ओगर तुमु परायान धोनमा खोरला नि ठेरे ती जो तुमरो छे, तीनाक तुमुक कुन आपसे?
13“काहनु पावोर दुय मालिकन चाकरी नि कोर सोके काहाकि चू एक पोर दुष्मोनी एने दिसरा पोर मोंग कोरसे; नीती एक साते मेवायीन रोयसे एने दिसरा काजे विटोव सोमजसे तुमु परमेश्वरोन एने धोन दुयोन सेवा नि कोर सोकतेला.”
परमेश्वरोन राजोन किमोत
(मत्ती 11:12-13)
14फरुशी जे लालची होता, यो आखा वाते सोमवीन तेरी मोजाक कोरणे बाज गोया. 15चू तीनु काजे कोयू, तुमु ते माणसोन सामने खुदो काजे धोरमी ठेरावणेन, बाकीन परमेश्वर तुमरो मोन जानतेला छे, काहाकि जो चीज माणसोन नोजोरसी महान छे, चू परमेश्वरोन साते भुंडला छे. 16“नियम शास्त्र एने भविष्य कोरता योहान तोक रोया; इनी टेम पोर परमेश्वरोन राजोन वारली खोबर सोमवावता होता एने कुदू बी तीनामा ताकतसी माहाय जाता होता. 17सोरग एने धोरतीन टोव जानो नियम शास्त्रान एक बिंदून खुळाय जानेसी सोपो छे. 18जू कुदू आपनी लाडी काजे छुळीन दिसरी साते वियाव कोरतेलू चू व्यभिचार कोरतेलू, एने जू कुदू ओसली छुळली बायर साते वियाव कोरतेलु चू भी भुंडला विचार कोरतेलू.”
मालदार माणूस एने गरीब लाजर
19एक मालदार माणूस होतु जू जामन्या कपडा एने मखमोलोन पेहेरीन एने होर एक दाहळे सुख-खुशालीमा एने एस आरामोमा रोयतू होतु. 20लाजर नावोन एक गरीब घावोसी भोरलु होतु तेरा झोपलांचा नाखाय जातलू, 21एने तीनाक लागतो होतो कि मालदारोन टेबल पोरला उसटलासी आपनो पेट भोराये; या तोक कि कुत्रा बी आवीन तेरा घावो काजे चाटता होता. 22ओसो होयो कि चू गरीब मोर गोयू, एने सोरगो दूत तीनाक ली जाईन अब्राहामन खुवामा पुगाळ देदा. चू मालदार बी मोर गोयू एने गाळाय गोयू, 23एने अधोलोकमा चू पिळामा पोळलु तेरा डूवा उचा कोऱ्यु, एने नांबे गोथू अब्राहामन खुवामा लाजर काजे देख्यू. 24तेत्यार चू आयळीन कोयू, “हे बासो अब्राहाम मार पोर दया कोरीन लाजर काजे मुकली दे, काहाकि चू तेरी आंगवीन पोर पाणीमा भिगवीन मारी जीब काजे थोंडी कोरे, काहाकि इना आगठामा मे फोपळी रोयू.” 25बाकीन अब्राहाम कोयू, हे पुऱ्या, फोम कोर कि तू तारा जीवनोमा वारला चीजे ली लेदलु छे, एने तोसोत लाजर भुंडली चीजे बाकीन हिमी चू या शांतीमा रोयू, एने तू फोपळने बाज रोयू. 26इनी आखी वातोक छुळीन आमरे एने तुमरा इचमा एक भारी खाडू ठेराय गोयलु छे कि जे या गोथा पोले धोळे तुमरेनचा जाणेन कोरसे, चे नि जाय सोके, एने नि कुदू वा गोथा इना धोळे आमरेनचा आव सोके. 27मालदार माणूस कोयू, “ती हे बासो, मे तुसेक विनता कोरो कि तू तीनाक मारा बासोन घोर मुकोल, 28काहाकि मारा पाच भाश छे; चू तिंदरे सामने इनी वातोन गोवायी आपे, ओसो नि होये कि चे इनी पिळान जागामा आवे.” 29अब्राहाम तीनाक कोयू, “तिंदरेनचा ते मुसा एने भविष्य कोरताण किताबे छे, चे तिंदरी सोमवे.” 30चू कोयू, “नि, हे बासो अब्राहाम; बाकीन ओगर कुदू मोरलामा गोथा तिंदरेनचा जाय, ती चे मोन फिराव ले.” 31चू तीनाक कोयू, जेतार चे मुसा एने भविष्य कोरतान नि सोमवतला ती हिमी मोरला गोथू कुदू जीवतु होयीन बी उठे ते बी तेरी नि माने.
Currently Selected:
लुका 16: BFBNT
Highlight
Share
Copy
Want to have your highlights saved across all your devices? Sign up or sign in
Bareli Pauri (बारेली पावरी) Bible by The Love Fellowship is licensed under Creative Commons Attribution-ShareAlike 4.0 License.
लुका 16
16
चालाक पुरती कोरणे वावु
1ओवतेन येसु चेला काजे बी कोयू एक मालदारोन एक कारभारी होतु, माणसे तीना पोर ओसू गुणू लागाळ्या कि चू तारो आखो धोन उळाव देदलु छे. 2आखरी मालदार तीनाक बुलावीन कोयू, “यो काय छे जो मे तारा बारामा सोमवी रोयू? तारा कारभारन हिसाब आप, काहाकि तू ओगु कारभारी नि रोय सोकतलु.” 3तेत्यार कारभारी विचार कोरणे बाज गोयू, हिमी मे काय कोरो? काहाकि मारू मालिक कारभारन काम मारजुव गोथो हापकणे बाज रोयू धुवू ते मारेसी खोंदायतलू नि; एने भिक मागणे मेसेक लाज आवतेली. 4मे सोमज गोयू कि काय कोरिस, काहाकि जेतार मे कारभारीण कामोसी छुळवाय जाम ती माणसे मेसेक तिंदरा घोरमा ली लेसे. 5तेत्यार चू आपना मालिकन करजा वावाणूक एक-एक जोनाक बुलाव्यू एने पेहला काजे पुछु, “मार पोर मालकोन कोतरू कोरजू छे.” 6चे कोया, “सोव मोन तेल” तेत्यार चू तीनु काजे कोयू, “मारो हिसाबोन लिखलो ले एने बोसीन मामार पोचास लिख ले.” 7एने चू दिसरा काजे पुछु, “तारे पोर कोतरू कोरजू छे?” चू कोयू, “सोव मोन गोहून बालटा,” तेत्यार चू तीनाक कोयू, “तारो हिसाबोन-खातो लीन आस्सी लिख दे.”
8“मालिक तिना झुटा अधोरमीन वाह-वाह कोऱ्यु, चू हुशारीसी काम कोरतेलू छे काहाकि इनी संसारोन माणसे आपना टेमोन माणसो साते रिती-रीवाजोन विजावान माणसो गोथा बी घोणा हुशार छे.” 9एने मे तुमु काजे कोयो कि अधोरमोन धोनोसी आपनेन कोरता दुस्तीदार बनाय लेवू, काहाकि जेतार तोक चो जात रोये ती चे तुमुक ओमोर नीवासीमा ली लेये. 10जे थुलाकमा गोथा थुलाक खोरला छे, चे लोकेत मा गोथा बी खोरला छे, एने जे थुलाकमा गोथा थुलाक अधोरमी छे, चे लोकेत मा भी झुटा छे. 11इनान कोरता जेतार तुमु अधोरमोन धोनमा खोरला नि ठेराये, ती खोरलो धोन तुमुक कून सोपसे? 12एने ओगर तुमु परायान धोनमा खोरला नि ठेरे ती जो तुमरो छे, तीनाक तुमुक कुन आपसे?
13“काहनु पावोर दुय मालिकन चाकरी नि कोर सोके काहाकि चू एक पोर दुष्मोनी एने दिसरा पोर मोंग कोरसे; नीती एक साते मेवायीन रोयसे एने दिसरा काजे विटोव सोमजसे तुमु परमेश्वरोन एने धोन दुयोन सेवा नि कोर सोकतेला.”
परमेश्वरोन राजोन किमोत
(मत्ती 11:12-13)
14फरुशी जे लालची होता, यो आखा वाते सोमवीन तेरी मोजाक कोरणे बाज गोया. 15चू तीनु काजे कोयू, तुमु ते माणसोन सामने खुदो काजे धोरमी ठेरावणेन, बाकीन परमेश्वर तुमरो मोन जानतेला छे, काहाकि जो चीज माणसोन नोजोरसी महान छे, चू परमेश्वरोन साते भुंडला छे. 16“नियम शास्त्र एने भविष्य कोरता योहान तोक रोया; इनी टेम पोर परमेश्वरोन राजोन वारली खोबर सोमवावता होता एने कुदू बी तीनामा ताकतसी माहाय जाता होता. 17सोरग एने धोरतीन टोव जानो नियम शास्त्रान एक बिंदून खुळाय जानेसी सोपो छे. 18जू कुदू आपनी लाडी काजे छुळीन दिसरी साते वियाव कोरतेलू चू व्यभिचार कोरतेलू, एने जू कुदू ओसली छुळली बायर साते वियाव कोरतेलु चू भी भुंडला विचार कोरतेलू.”
मालदार माणूस एने गरीब लाजर
19एक मालदार माणूस होतु जू जामन्या कपडा एने मखमोलोन पेहेरीन एने होर एक दाहळे सुख-खुशालीमा एने एस आरामोमा रोयतू होतु. 20लाजर नावोन एक गरीब घावोसी भोरलु होतु तेरा झोपलांचा नाखाय जातलू, 21एने तीनाक लागतो होतो कि मालदारोन टेबल पोरला उसटलासी आपनो पेट भोराये; या तोक कि कुत्रा बी आवीन तेरा घावो काजे चाटता होता. 22ओसो होयो कि चू गरीब मोर गोयू, एने सोरगो दूत तीनाक ली जाईन अब्राहामन खुवामा पुगाळ देदा. चू मालदार बी मोर गोयू एने गाळाय गोयू, 23एने अधोलोकमा चू पिळामा पोळलु तेरा डूवा उचा कोऱ्यु, एने नांबे गोथू अब्राहामन खुवामा लाजर काजे देख्यू. 24तेत्यार चू आयळीन कोयू, “हे बासो अब्राहाम मार पोर दया कोरीन लाजर काजे मुकली दे, काहाकि चू तेरी आंगवीन पोर पाणीमा भिगवीन मारी जीब काजे थोंडी कोरे, काहाकि इना आगठामा मे फोपळी रोयू.” 25बाकीन अब्राहाम कोयू, हे पुऱ्या, फोम कोर कि तू तारा जीवनोमा वारला चीजे ली लेदलु छे, एने तोसोत लाजर भुंडली चीजे बाकीन हिमी चू या शांतीमा रोयू, एने तू फोपळने बाज रोयू. 26इनी आखी वातोक छुळीन आमरे एने तुमरा इचमा एक भारी खाडू ठेराय गोयलु छे कि जे या गोथा पोले धोळे तुमरेनचा जाणेन कोरसे, चे नि जाय सोके, एने नि कुदू वा गोथा इना धोळे आमरेनचा आव सोके. 27मालदार माणूस कोयू, “ती हे बासो, मे तुसेक विनता कोरो कि तू तीनाक मारा बासोन घोर मुकोल, 28काहाकि मारा पाच भाश छे; चू तिंदरे सामने इनी वातोन गोवायी आपे, ओसो नि होये कि चे इनी पिळान जागामा आवे.” 29अब्राहाम तीनाक कोयू, “तिंदरेनचा ते मुसा एने भविष्य कोरताण किताबे छे, चे तिंदरी सोमवे.” 30चू कोयू, “नि, हे बासो अब्राहाम; बाकीन ओगर कुदू मोरलामा गोथा तिंदरेनचा जाय, ती चे मोन फिराव ले.” 31चू तीनाक कोयू, जेतार चे मुसा एने भविष्य कोरतान नि सोमवतला ती हिमी मोरला गोथू कुदू जीवतु होयीन बी उठे ते बी तेरी नि माने.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bareli Pauri (बारेली पावरी) Bible by The Love Fellowship is licensed under Creative Commons Attribution-ShareAlike 4.0 License.