मत्ती 17

यीशुन रुपान्तर

(मरकुस 9:2-13; लूका 9:28-36)

1एक हफ्ता बाद दिह ओवतो यीशु पतरस एने याकूब तान बाहाक यूहन्ना न्या हेरी लीईल, एने ताह एकांतात उचो डोंगरापोर लीन गीयो 2ताहरी तानकेरीन ओगाण तान रुपाम एनो एने तान मूय सूर्याहोस चोमेकना एने तान फाडका उजवाडाहोच धोवल्यो एईय गीया. 3एने मुसा एने एलिया ताहेरी वातू केरतालून ताह देखा.

4ता टायीमा पतरस यीशुह कियील, “हे प्रभु, आमरा न्या रेणे हाजो हि. जर तारी ईच्छा रेंय तर मी न्या तीन मंडप बोनावन्यू, एक तारे केरता एक मुसा करता एने एक एलिया केरता.” 5तो बोलतालुच एने एक उजळलेल्या वादलापोर ताह आच्छादुन टाकील एने ता वाद्लामरीन जो शब्द आवा, “हा मारो परम प्रिय सोरो हि या मी प्रसन्न हि, तान होमलू. 6चेलाह हे होयलू मुयापूर पोडील एने जादा बियीन गीया.” 7यीशु ताह आहने आवीन स्पर्श किरील, एने केयो, “उठो, बिऊ मा.” 8तेवी तास आपणा डोला उगडीन यीशुह सोडीन कुणीहुच देखील नाहं.

9ताहेरया तो बोयडापोररीन उतरणु एता तेवी यीशु ताह हि आज्ञा आपील जो, “ताहवोर माणहान सोरो मुरील मायरीन उठाडीते, जाईतांहुंजा जो तुमूह पेल्ला तो कुणबी केहू मा.” 10ता उपेर ता चेलाह ताह फुसील, का “शास्त्री का केणु कि एलियान पेल्ला आवणो जरुरी हि” 11तान उत्तर आपील एलिया आवी एने आखोज हूदरी. 12पुण मी तुमूह किथु कि, एलिया आवीन गीयो एने माणहान ताह ओलखिल नाहं पुण जोहलो जुवी तोहोलो तान हेरी किरील ओहला रीतीमाय माणहान सोरो पुण तानकेरीन हेरी दुख सोसेल. 13तेवी चेला समजील कि तान आमुफायरीन यूहन्ना बाप्तिस्मा आपणारा विषयी कियील हि.

दुष्टत्मा रीगील सोराहा हुदारणेन

(मरकुस 9:14-29; लूका 9:37-43)

14तेवी ता गेर्दीन आहने पोचील, तेवी एक माणुह ताफाय आवील एने मांडा टेकिन केणेंन लागिल. 15हे प्रभु मारो सोरापूर दया केर कारण फेफरे करी आवी एने ताह जुलुम त्रास एतो एने पोशा पोशा आकठाम एने पोशा पोशा पाण्यामाय पोडीन जाथू. 16मी ताह तारो चेलापोर लावील एता पुण तो ताह हाजो नाहं केरूह शकले. 17यीशु उत्तर आपील अरे हे अविश्वासी एने कुटील पिडी मी केवीउर त्याहेरी रेहू? केवीउर तुमरो सोसू? ताह न्या मार हेर्यो लावो. 18ओवतो यीशु दुष्ट आत्मा जुल्यो, तेवी तो तामायरीन निकलीन गीया एने तान घटकेरीन सोरो हाजो एनो.

19ओवतो चेला एकांती यीशु हेऱ्यो आवीन कियेल आमूह दुष्ट आत्मा का काढता आवा नाहं? 20तो ताह कियील तुमरो कमीथोडा विश्वासमरीन कारण मी तुमूह खेरीच किथु का जर तुमरो माय राईन दाणान ओलोक विश्वास एतो तर ज्याह डोंगराह यारीन तोथा हरके इही तुमूह कियील तो हरकले तुमूह कायीच असाध्य एय नाहं. 21पुण जी जाती बिना प्रार्थना एने उपास नाह निकलती.

आपणी मोत ने विषयामाय यीशुन पोशी भविष्यवाणी

(मरकुस 9:30-32; लूका 9:43-45)

22तो गलीला माय एक्ठाच जमाना रेतालान यीशु ताह कियील माणहान सोरो माणहान आथे देरीन आपण्यू हि. 23तो ताह जीवे देती एने तिसऱ्या एक दिह तो उठाडील जाहो तेवी तो जुलुम दुखी एय गीयो.

मंदिरान केर

24ओवतो तो कफर्णहुम नगर आविलपोर, मंदिर पट्टी रुपयो वसूल केरणारा पतरसान माय आवीन कियेल तुमरो गुरु मंदिरान पट्टी रुपयो आपतेन नाहं काय? 25तान कियील होव आपणु ओवतो पतरस घेराम आविलपोर तो बोलणे पेलूच यीशु कियील, शिमोन, तुवाह काय लागीह? पृथ्वी पोरिनाला राजे जकात केव्ही केर कुणीपोरीन लेनो? स्वताहा सोरापोररीन कि परक्यांपासून? 26पतरस से एय तान कियील ताह यीशु ताह कियील तर सोरा मोकलो हेते. 27तेभी आपु ताह अडथळा नाहा केरीन तू जाइन गलील ने समुद्रा माय गळ टाक एने पेल्लाचने उपेर आवी तो मासू देरीन तान मूय उघड म्हणजे तुवाह दुय रुपयाह नाणे सापडीलील ते लीन मार बद्दल एने तारो बद्दल ताह आप.

Currently Selected:

मत्ती 17: NLXNT

Highlight

Copy