मरकुस 3
3
हुकील आथ वाला माणहाह हुदारणेन
(मत्ती 12:9-14; लूका 6:6-11)
1ओवतो यीशु पोशो आराधनालय माय गीयो; ताहरी एक आथान एक माणुह एतो, 2एने तापोर दोष लागाड ने केरीन शब्बाथ दिह तो ताह हजो केरी का काय ज्यो देखणेन ता टोपीन बोहील एता. 3तेवी ता हुकील आथा वाला माणहाह कियील, उठ, “एने विच उबरी.” 4उवतू तो ताह कियील, “शब्बाथ दिह हाजो केरणेन ठीक हि का खारब केरणेन ठीक हि, जीव वोचडने का मारणेन” पुण तो ठावकु कास रेणा. 5ओवतो तो तान कठोर मोनाह देखीन, ने रागाम भरात आखा उखेर देखिलल एने ता माणहाह आथ ओगाण केर; तान आथ ओगाण करीन ताहा हाजो केर्यो. 6ओवतो तो फरीसी बाहेर जाइन यीशु कोहि का नाश केरुहू ज्यान विषायापूर हेरोदेसिया हेरया विचार करने बाज गीया.
गर्दीन यीशुन पासाण चालणेन
7यीशु आपणो चेला हेऱ्यो एने गलील लान तलावउखेर निकलीन गीयो: एने गलील लामायवला मोठलु टोलु तान पासाण लाग गीया; 8यहूदिया, यरूशलेम, इदोम एने यार्देन नदीन, तान उगेवन भाग एने सोरिन सिदोन ज्ञान आह्ने पाहाने भाग ज्यामरीन मोठू समुदाय जव मोठ्ला-मोठ्ला कार्य केरतीन एतो ताबाराम होम्लावा ताफाय आवा. 9तेवी “गर्दव वजेसे आपु हेंग्रिन जाहू नाहा केरीन तान चेलाना नाव तियार केरणेन कियील.” 10काहाकाय तान मोक्ताजानाह हाजो केरील एता, केरीन जो रोगांमाय पिलवएता, ता आखा ताह स्पर्श केरणेन तान डव लापूर दोव डतव एता. 11ताहेरया अशुद्ध आत्मा ताह दिखिह एता, तेवी तेवी ते तान पाया पोडीन केतेह का तू बोगवानान सोरो ज्यांच; 12तेवी तो ताह चेतावणी आपील किथी इही का ज्यान विषायापूर बोलहू मा.
बारा चेला बोणावणे
(मत्ती 10:1-4; लूका 6:12-16)
13ओवतो तो तो डोंगर चेडिन गीयो एने ताह जूइ एता ताह हादाडील एने तो ताफाय आवो. 14तेवी तान बारा चेला निवाडीलडनु केरील; तान केरता का, एने तो ताह मोकलील कि पोरचार केरू. 15ज्यान आपणेहेर्यो एय एने दुष्ट आत्मा काडणेन अधिकार आपील. 16एने ता बारा जाणा ज्या हेते शिमोनाह पतरस इही एक नाव आपील. 17जब्दीन सोरो याकूब, एने याकूबान बाहाक यूहन्ना ज्या बोआनेर्गेस म्हणजे गिरज्ने सोरू ज्याभव नाव आपील. 18आंद्रिया, फिलीप्पुस बर्थलमय, मत्ती, थोमा, अल्फिन सोरो याकूब. एने तद्दे शिमोन कनानी 19एने तदद्य शिमोन कनांनव एने ताह देरीन आपणार यहूदा इस्कर्योत.
यीशु एने बालजबुल
(मत्ती 12:22-32; लूका 11:14-23; 12:10)
20ओवतो तो तो गिर आवा तेवी पोशो ओला माणहे जमाना का ताह खानेनकेरिन ता ज्यां टाइम नायजुडव. 21हे होम्लावा तान घेरल्या ताह देरणेन निकेलना काहाकाय ताह वेळ लागिल हेते इही तान केणे एता.
22ताहलोच यरूशलेम मायरीन आवील शास्त्री कोलाक एता का ताह शैतान लागिल ज्यां एने तो ता दुष्ट आत्मान सरदारान एने तान मोदेतसे दुष्ट आत्माह काडील.
23तेवी तो ताहाच आपणेफाय हादाडळव वार्ता लागिल का, शैतान शैतानाहा केव एने काड ल? 24आपसामाय फुट पुडील राज्य टिकने नाहं. 25आपसामाय फुट पुडील घेर ज्यां टिकने नाहं. 26शैतान स्वतापूर उठिल एने तामाय फुट पुडील तर तो ज्यां टिकने नाहं तान सेवट एय.
27ताकतवला माणहाह पेल बांद्याशिवय कुनव भी तान घेराम रीगीन तान मालमत्ता ताह बांदणेपोरूच तान घेर लुटणे आवी.
28मी तुमूह खेरिनच किथु का मानव सोराह आखा प्रकारान पापान एने निंदा केरील दुर्भाशनान क्षमा एय. 29पुण जो कूण पवित्र आत्मान निंदा केरनेताह क्षमा नाहा तर तो अनंत पापांन दोषव हि. 30ताह अशुद्ध आत्मा लागिल हि, इही तो केतेह एता केरीन तो हे बोल्णु.
यीशुन आहाक एने बाहाक
(मत्ती 12:46-50; लूका 8:19-21)
31तेवी तान आहाक एने तान बाहाक आवो एने बाहेर उबरीन येल रेयव तास खोबव र मोकलील ताह हादाडील. 32ताहेर्यो मोक्तास माणहे बोह्ना एता तो ताह कियेल देखू, बाहेर आपणी आहाक एने आपणा बाहाक आपणा होदणे केरीन हि. 33तान ताहाच उत्तर आपील “केणु मारी आहाक एने केणु मारा बाहाक?” 34ओवतो तो जो तान भोव तान बोहील एता ताऊखव र देखव तो कियील, “देखू, ज्यां मारी आहाक एने ज्यो मारा बाहाक! 35जो कूण बोगवान इच्छेप्रमाणे चालीह तोच मारो बाहाक एने बोणिक, ताच मारा आहाक हि.”
Currently Selected:
मरकुस 3: NLXNT
Highlight
Share
Compare
Copy
Want to have your highlights saved across all your devices? Sign up or sign in
Nahali (नाहाली) Bible by The Love Fellowship is licensed under Creative Commons Attribution-ShareAlike 4.0 License.
