Machitilo 2
2
1LOMBA pelichiza siku la Pentekote ŵenze ŵonse pa malo pamo. 2Nipo wifuma mungwe kumulu kovurumukizya nga ni mkukumo wa chinkuka chikuru, izula ng'anda yonse iŵenzemo. 3Eŵaŵonekera malulimi oyaŵanikana, nga ni a mulilo; winkala pa aŵo umo umo. 4Naŵo ŵonse ŵezula Mzimu Mtuŵa, eyambolaŵira na vilaŵiro vimbi umo Mzimu mwechiŵalaŵirisyira.
5Lomba pa Yerusalemi penzonkala Ayuda, ŵochinzika Mlungu, kufumila ku mitundu yonse iri pansi pa lulezi. 6Pamene pewimvwika mungwe uyu winji wa ŵantu wilongana nozuvikazuvika, ali wonse poŵamvwa ŵenzolaŵira mchilaŵiro chake. 7Naŵo ŵonse ŵenzododoma nozuzuka ŵechiti, Ŵonani, kansi ŵonse aŵa olaŵira nta Galilaya? 8Tikumvwa syani ali wonse mchilaŵiro chake chitivyalikwa nacho? 9Aparti na Amedi na Aelami, na aŵo onkala mMesopotamiya, mu Yudaya na mKapadokiya, mPonto na mu Asiya, 10mFrugiya na mPamfuliya, mu Egupto na mvitwa vya Libiya vya ku Kurene, na alwendo ŵofuma ku Roma niŵo Ayuda na ŵoyaruka kumo, 11Akrete na Aarabu, tuŵamvwa olaŵira mvilaŵiro vyasu vikuru vya Mlungu. 12Naŵo ŵonse ŵezuzuka nokanganya, enenana umo na muyake, Kansi ni chinji ichi? 13Sembe ayakene echita nchululila enena kuti, Aŵa akuta mvinyu.
14Lomba Petro epanama pamo na ŵala kumi na umo etumpula lizu lake eŵakundululila kuti, Mwanalume mwa Yudaya na mweo monse munkala pa Yerusalemi, nachiziŵikwe ichi kwanu, teyani matu ku malizu ŵangu. 15Aŵa aliyokolwa, umo mmwalingira, pakuti lomba likaliyokwera zuŵa; 16sembe ili ni lila linenewa mwa ula muŵirizi Yoweli;
17Kuze kuŵe mmasiku ŵosililila, akuti Mlungu,
Nize nipungulile Mzimu wangu pa miŵili yonse:
Ninga azalosye ŵana ŵanu analume na anakazi,
Alumbwana ŵanu azaŵone vizwezwe,
Na akuru ŵanu azalote maloto:
18Inde, pa akapolo ŵangu na pa vituntulu vyangu mmasiku ŵala
Nize nipungulilepo Mzimu wangu; naŵo azalosye.
19Nize nilangizye vyozizwisya mlulezi mmulu,
Na viziŵikwilo pa charo cha pansi;
Mlopa na mulilo na mpuye wa chusi:
20Zuŵa lize lisanguke kuŵa mfinzi,
Na mwezi kuŵa mlopa,
Palikaliyekuza siku la Asikuru,
Lila likuru loziŵikwa:
21Kuze kuŵe kuti ali wonse ati azaliite zina la Asikuru azapuzumushiwe.
22Mwanalume mwa Israeli, imvwani aŵa malizu: Yesu wa ku Nazarete, muntu efuma kwa Mlungu nolumbishiwa kwanu na vyampamvu na vizwezwe na viziŵikwilo, vyechichita Mlungu mwa yeve pakati panu, nga ni umo mmuziŵira mwaŵene; 23mwimpachika wamene uyu nompaisya na manja a ŵantu amisusya, apo akapunziwe mwechipangira Mlungu nzeru noziŵilatu: 24wamene wechiusya Mlungu pechima gulula vyoŵaŵa vya imfwa: pakuti ntekwikumika kuti akatiwe nayo. 25Chifukwa Davide enena zyake,
Nilola Asikuru mmenso mwangu maŵero;
Pakuti ali ku kwanja kwangu kwendi ningasung'unzike:
26Ni pewitemwa mtima wangu, na lulimi lwangu lwisangalala;
Eya, muŵili wangu nawo uzomange chifuto chake pogomezya:
27Chikomo simti msiye moyo wangu mu Hade,
Kano kumpeleka Wozila wanu aŵone maŵolero.
28Mwiniziŵisya njira zya moyo;
Mze munizuzye nseko poŵapo kwanu.
29Mweo mwakwasu, nipinge namwe kosapwerera zya mkuru wa kale Davide zyakuti echifwa noŵikiwa, na mtupa wake uli pasu kuza na lero. 30Teti pakuŵa muŵirizi noziŵa kuti Mlungu emlapizya njazi yakuti azapyanike pa chilimba chake wa mwa chotwala cha muluunda mwake; 31yeve elosya ichi, elaŵira zyouka soti kwake Kristo, zyakuti aliyosiiwe mu Hade, na muŵili wake uliyoŵole. 32Uyu Yesu Mlungu emuusya, nase tonse nise ntoni zyake. 33Teti paluimyiwe ku kwanja kwendi kwa Mlungu nopokera kwa Awisi chipango cha Mzimu Mtuŵa wapungulila ichi chimuŵona nochimvwa. 34Pakuti Davide aliyokwera kumulu yai: sembe mwine echiti,
Asikuru enena na Asikuru ŵangu, Nkala weo kwanja kwangu kwendi,
35Mpaka penti nituchisye tupondo twako kuŵa msamilo wa malwayo ŵako.
36Teti chiŵanza chonse cha Israeli nachuziŵa ngako kuti Mlungu emchisya yeve Asikuru na Kristo, wamene uyu Yesu wimwipachika.
37Lomba pamene pechimvwa echontewa mitima eŵanenera Petro na apostolo ayakwene, Akwasu, tichitenji? 38Petro echiti kwaŵo, Yarukani mitima nobatiziwa mweo monse mzina la Yesu Kristo kolekelewa kwa viipa vyanu, ninga mpokere mtulo wa Mzimu Mtuŵa. 39Pakuti ichi chipango chiri kwanu na ku ŵana ŵanu na ku ŵonse ali patali, ŵonse amene Asikuru Mlungu wasu ŵati aitire kwake. 40Naye eŵonesya untoni na malizu ayakene anyinji, eŵachimula echiti, Mulipuzumusye pa luko luno lopetamapetama. 41Nipo amene ŵala epokera malizu ŵake ebatiziwa: eyangizyiwa siku lamene lila ŵantu nga ni myanda makumi atatu. 42Naŵo ŵenze kankalilo mmayeruzyo a apostolo na mkuyanjana kwaŵo, mkusuna mtanda na mmalombero.
43Nipo ŵonse echita mwezo: vyamazuzu navyo na viziŵikwilo vinyinji vichitiwa na apostolo. 44Naŵo ŵonse ezomera enze pamo, enze navyo vyonse vyosanzya; 45esitisya vyenze navyo na chuma chaŵo noviyaŵira ŵonse, nga ni umo ali wonse mvimsoŵera. 46Nsiku na nsiku enzokoselela na mtima umo mchipupilo nosuna mtanda kwaŵo, nopoka vyakulya kosangalala na mitima yendi, 47komlumba Mlungu na kuŵa nacho chisomo ku ŵantu ŵonse. Asikuru naye eŵayangizizya nsiku zyonse ŵala enzekuti apuzumushiwe.
Currently Selected:
Machitilo 2: MA23
Highlight
Share
Copy
Want to have your highlights saved across all your devices? Sign up or sign in
Mapangano Alomba © Bible Society of Zambia, 1923.
Machitilo 2
2
1LOMBA pelichiza siku la Pentekote ŵenze ŵonse pa malo pamo. 2Nipo wifuma mungwe kumulu kovurumukizya nga ni mkukumo wa chinkuka chikuru, izula ng'anda yonse iŵenzemo. 3Eŵaŵonekera malulimi oyaŵanikana, nga ni a mulilo; winkala pa aŵo umo umo. 4Naŵo ŵonse ŵezula Mzimu Mtuŵa, eyambolaŵira na vilaŵiro vimbi umo Mzimu mwechiŵalaŵirisyira.
5Lomba pa Yerusalemi penzonkala Ayuda, ŵochinzika Mlungu, kufumila ku mitundu yonse iri pansi pa lulezi. 6Pamene pewimvwika mungwe uyu winji wa ŵantu wilongana nozuvikazuvika, ali wonse poŵamvwa ŵenzolaŵira mchilaŵiro chake. 7Naŵo ŵonse ŵenzododoma nozuzuka ŵechiti, Ŵonani, kansi ŵonse aŵa olaŵira nta Galilaya? 8Tikumvwa syani ali wonse mchilaŵiro chake chitivyalikwa nacho? 9Aparti na Amedi na Aelami, na aŵo onkala mMesopotamiya, mu Yudaya na mKapadokiya, mPonto na mu Asiya, 10mFrugiya na mPamfuliya, mu Egupto na mvitwa vya Libiya vya ku Kurene, na alwendo ŵofuma ku Roma niŵo Ayuda na ŵoyaruka kumo, 11Akrete na Aarabu, tuŵamvwa olaŵira mvilaŵiro vyasu vikuru vya Mlungu. 12Naŵo ŵonse ŵezuzuka nokanganya, enenana umo na muyake, Kansi ni chinji ichi? 13Sembe ayakene echita nchululila enena kuti, Aŵa akuta mvinyu.
14Lomba Petro epanama pamo na ŵala kumi na umo etumpula lizu lake eŵakundululila kuti, Mwanalume mwa Yudaya na mweo monse munkala pa Yerusalemi, nachiziŵikwe ichi kwanu, teyani matu ku malizu ŵangu. 15Aŵa aliyokolwa, umo mmwalingira, pakuti lomba likaliyokwera zuŵa; 16sembe ili ni lila linenewa mwa ula muŵirizi Yoweli;
17Kuze kuŵe mmasiku ŵosililila, akuti Mlungu,
Nize nipungulile Mzimu wangu pa miŵili yonse:
Ninga azalosye ŵana ŵanu analume na anakazi,
Alumbwana ŵanu azaŵone vizwezwe,
Na akuru ŵanu azalote maloto:
18Inde, pa akapolo ŵangu na pa vituntulu vyangu mmasiku ŵala
Nize nipungulilepo Mzimu wangu; naŵo azalosye.
19Nize nilangizye vyozizwisya mlulezi mmulu,
Na viziŵikwilo pa charo cha pansi;
Mlopa na mulilo na mpuye wa chusi:
20Zuŵa lize lisanguke kuŵa mfinzi,
Na mwezi kuŵa mlopa,
Palikaliyekuza siku la Asikuru,
Lila likuru loziŵikwa:
21Kuze kuŵe kuti ali wonse ati azaliite zina la Asikuru azapuzumushiwe.
22Mwanalume mwa Israeli, imvwani aŵa malizu: Yesu wa ku Nazarete, muntu efuma kwa Mlungu nolumbishiwa kwanu na vyampamvu na vizwezwe na viziŵikwilo, vyechichita Mlungu mwa yeve pakati panu, nga ni umo mmuziŵira mwaŵene; 23mwimpachika wamene uyu nompaisya na manja a ŵantu amisusya, apo akapunziwe mwechipangira Mlungu nzeru noziŵilatu: 24wamene wechiusya Mlungu pechima gulula vyoŵaŵa vya imfwa: pakuti ntekwikumika kuti akatiwe nayo. 25Chifukwa Davide enena zyake,
Nilola Asikuru mmenso mwangu maŵero;
Pakuti ali ku kwanja kwangu kwendi ningasung'unzike:
26Ni pewitemwa mtima wangu, na lulimi lwangu lwisangalala;
Eya, muŵili wangu nawo uzomange chifuto chake pogomezya:
27Chikomo simti msiye moyo wangu mu Hade,
Kano kumpeleka Wozila wanu aŵone maŵolero.
28Mwiniziŵisya njira zya moyo;
Mze munizuzye nseko poŵapo kwanu.
29Mweo mwakwasu, nipinge namwe kosapwerera zya mkuru wa kale Davide zyakuti echifwa noŵikiwa, na mtupa wake uli pasu kuza na lero. 30Teti pakuŵa muŵirizi noziŵa kuti Mlungu emlapizya njazi yakuti azapyanike pa chilimba chake wa mwa chotwala cha muluunda mwake; 31yeve elosya ichi, elaŵira zyouka soti kwake Kristo, zyakuti aliyosiiwe mu Hade, na muŵili wake uliyoŵole. 32Uyu Yesu Mlungu emuusya, nase tonse nise ntoni zyake. 33Teti paluimyiwe ku kwanja kwendi kwa Mlungu nopokera kwa Awisi chipango cha Mzimu Mtuŵa wapungulila ichi chimuŵona nochimvwa. 34Pakuti Davide aliyokwera kumulu yai: sembe mwine echiti,
Asikuru enena na Asikuru ŵangu, Nkala weo kwanja kwangu kwendi,
35Mpaka penti nituchisye tupondo twako kuŵa msamilo wa malwayo ŵako.
36Teti chiŵanza chonse cha Israeli nachuziŵa ngako kuti Mlungu emchisya yeve Asikuru na Kristo, wamene uyu Yesu wimwipachika.
37Lomba pamene pechimvwa echontewa mitima eŵanenera Petro na apostolo ayakwene, Akwasu, tichitenji? 38Petro echiti kwaŵo, Yarukani mitima nobatiziwa mweo monse mzina la Yesu Kristo kolekelewa kwa viipa vyanu, ninga mpokere mtulo wa Mzimu Mtuŵa. 39Pakuti ichi chipango chiri kwanu na ku ŵana ŵanu na ku ŵonse ali patali, ŵonse amene Asikuru Mlungu wasu ŵati aitire kwake. 40Naye eŵonesya untoni na malizu ayakene anyinji, eŵachimula echiti, Mulipuzumusye pa luko luno lopetamapetama. 41Nipo amene ŵala epokera malizu ŵake ebatiziwa: eyangizyiwa siku lamene lila ŵantu nga ni myanda makumi atatu. 42Naŵo ŵenze kankalilo mmayeruzyo a apostolo na mkuyanjana kwaŵo, mkusuna mtanda na mmalombero.
43Nipo ŵonse echita mwezo: vyamazuzu navyo na viziŵikwilo vinyinji vichitiwa na apostolo. 44Naŵo ŵonse ezomera enze pamo, enze navyo vyonse vyosanzya; 45esitisya vyenze navyo na chuma chaŵo noviyaŵira ŵonse, nga ni umo ali wonse mvimsoŵera. 46Nsiku na nsiku enzokoselela na mtima umo mchipupilo nosuna mtanda kwaŵo, nopoka vyakulya kosangalala na mitima yendi, 47komlumba Mlungu na kuŵa nacho chisomo ku ŵantu ŵonse. Asikuru naye eŵayangizizya nsiku zyonse ŵala enzekuti apuzumushiwe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mapangano Alomba © Bible Society of Zambia, 1923.