Marko 10
10
Jesu kufundisa ighulu ya kusigha muke
(Matayo 19:1-12; Luka 16:18)
1Nao Jesu kafuma alye kaghenda gasi ya Judea na chambuko cha mweta ghwa Jordani, nawo makoghano wakamtindirira sena; naye sena kawafundisa selyi kwenyi yeluo ada yake.
2Nao Wafarisayo wakamjila na kumtima kwa kumkotela, “Ado ni kuirimana na sheria mundu kumlegha mkwake?”
3Jesu kawatumbulila, “Musa wanamuzile ije?” 4Wakamuza, “Musa odumusile mundu amwandikile mkwake karatasi yemlegha, nao ima amleghe.”
5Jesu kawauza, “Musa wanamwandikile sheria iyi kwa undu ghwa ngolo zenyu kukala zikulile. 6Ela kufuma kudyowa kwa urumengu, Mawandiko gha Kuela ghaghora, ‘Mlungu oumbile mlume na muke. 7Kwa undu ughu, mundu umsighagha tatie na mee, na awatane na mkwake, 8na awa waili wejekala muli ghumojori. Hata siwekalagha waili sena ela muli ghumojori.’ 9Kwa hung'u, icho chawataniso ni Mlungu, mdamu sachitaghanye.”
10Nawo wangila nyumba, wairimi wakamkotela sena ighulu ya malagho agha. 11Naye kawauza, “Uyo wose emleghagha mkwake na kulola mzima, wazinga ighulu yake. 12Naye muke amlegha mlume na kuuso ni mlume mzima, wazinga.”
Jesu kuwabarikia wanake wachache
(Matayo 19:13-15; Luka 18:15-17)
13Nao wakamletela Jesu wanake, kamba awawate, ela wairimi wakawakemela. 14Ela Jesu aghenda aona, kawasilo, kawauza wairimi wake, “Sigheni wanake weje kwangu, simwawaime, kwani uzuri ghwa Mlungu ni ghwa wandu sa awa. 15Fulo namuza, uyo wose sewatagha uzuri ghwa Mlungu sa mwanake mchache, sengilagha kamare.” 16Naye kawawata na mikonu yake na kuwabarikia, kewaikilila mikonu.
Mundu mzuri
(Matayo 19:16-30; Luka 18:18-30)
17Na ilyi Jesu eluo keghenda ngila zake, mundu mumoju kamkimbilila na kum'dyaila ngokoro hambiri na kumkotela, “Mwalimu waloli, nideagha ije hata nipate umana ghwa kale na kale?” 18Naye Jesu kamuza, “Kudani waniita waloli? Sikwesi mndungi waloli sala Mlungu mwenyi. 19Wanaweni milomu ya Mlungu: ‘Swaulaghe, swazinge, swaiwe, swamzighirire mumbenyu kwa ndimi, swaembe mndungi, umdeile ishima tatio na meo.’” 20Naye katumbulila, “Mwalimu, agha ghose nanaghawatile kufuma unake ghwangu.”
21Nao Jesu kamlola kemshaya, na kumuza, “Wagotuwilo ni kindu kimojori; ghenda utaghe vindu vose uwo navo uwahawe wakiwa, nawe ujekala na mali mlunguni, nao uje uniirime.” 22Ulya mundu aghenda asikila agha, kawasilo, kaghenda afuruse; kwa kukala oluo na mali nyingi.
23Nao Jesu kawaghalukila wairimi wake na kuwauza, “Mwaona selyi kukulile kwa awa weo na mali kungila kele uzuri ghwa Mlungu!” 24Nawo wairimi wake wakashiniso ni malagho ghake. Ela Jesu kawauza sena, “Wanake, kwanakulile sani kungila kele uzuri ghwa Mlungu! 25Kwanawanguwe ngamila kungila kele ilanga lya sinzano, kuchumba mzuri kungila kele uzuri ghwa Mlungu.” 26Nawo wakashinika na ndighi na kumuza, “Ndamu nani edimagha kukila?” 27Jesu kawalola na kuwauza, “Kwa wadamu siidimikagha, ela kwa Mlungu yadimika; kwani kwa Mlungu, vose vadimika.”
28Petro kadyowa kumuza, “Lola, isi tanasighile vindu vose tikakuirima.” 29Jesu kaghora, “Fulo namuza, Mundu uwo wose esighagha nyumba, ango wana wakwawe wa walume, ango wa wake, ango mee, ango tatie, ango wana, ango mbuwa, kwa undu ghwangu na kwa undu ghwa Injili, 30upatagha mandu ighana, nyumba, wana wakwawe wa walume na wa wake, mee, wana na mbuwa; ngila mojori na matiriro, na urumengu ghukujagha upatagha umana ghwa kale na kale. 31Kwani awa weo wa hambiri wejekala na nyuma, na wa nyuma wejekala wa hambiri.”
Jesu kughora lya katatu ighulu ya kifwa chake
(Matayo 20:17-19; Luka 18:31-34)
32Jesu na wairimi wake weluo ngileni wekeghenda Jerusalemu. Jesu kakayaya. Wairimi wake wakashinika na walye wandu weirimane wakangilo ni wogha. Nao sena kawata walye wairimi ikumi na waili, kadyowa kuwaghorera ghalye ghempatagha. 33Kawauza, “Zighaneni, tendeghenda Jerusalemu; naye Mwana wa Mdamu ujefunyo kwa wakohani wabwaa na walimu wa sheria, nawo wejemtaghanya kufwa, nawo wejemfunya kwa mbari nzima. 34Nawo wejemsholela, na kumchwila mate, na kumkwita, na kumuulagha, naye ujezuka ijua lya katatu.”
Malombi gha Jakobo na Johana
(Matayo 20:20-28)
35Nao Jakobo na Johana, wana wa Zebedayo, wakamjila na kumuza, “Mwalimu, tanashaile utideile icho chose tijekulomba.” 36Naye kawauza, “Mwanashaile nimdeile kimuni?” 37Nawo wakatumbulila, “Utidumusile tikale mumoju mkonu ghwako ghwa kijo na mumoju mkonu ghwako ghwa kimosho, ngelo ukalagha mzuri.” 38Ela Jesu kawauza, “Simumanyagha ichi mlombagha! Ado mwadima kunwa kikombe cha matiriro ninweghagha, ango kubatizo na ubatizo nibatizogho nagho?”
39Nawo wakaghora, “Tadima.” Jesu kawauza, “Kikombe cha matiriro ninweghagha mjechinwa na ubatizo nibatizogho, mjebatizo; 40ela kukala mkonu ghwangu ghwa kijo ango ghwa kimosho simi ungi nihawanagha, kwa kukala ni walye tu waikililo.”
41Nao walye wairimi ikumi waghenda kusikila, wakadyowa kuwasilo ni wana Jakobo na Johana. 42Jesu kawapang'a wairimi wose na kuwauza, “Mwamanya selyi wabwaa wa mbari nzima wadeagha nguma ighulu ya wandu wawe, na selyi wandu wabwaa awo weo na ndighi ighulu yawe. 43Ela kwenyu siikalagha hung'u kungi; kwani uyo wose ashaile kukala mubwaa kwenyu, ni suti akale mtumiki wenyu. 44Na uyo wose ashaile kukala wa hambiri kwenyu, akale msunyi wa wose. 45Kwani Mwana wa Mdamu sajile kutumikilo, ela kutumika, na kufunya umana ghwake kukala kizangauna kwa undu ghwa wengi.”
Jesu kumuboesa Bartimayo eluo kifondo
(Matayo 20:29-34; Luka 18:35-43)
46Nao wakafika Jeriko. Naye Jesu ilyi eluo kefuma Jeriko ngila mojori na wairimi wake na makoghano, Bartimayo mwana wa Timayo, kifondo eluo mlombi, oluo kitembo mbalimbali ya ngila. 47Naye asikila kamba ni Jesu wa Nazareti eitagha, kadyowa kukema keghamba, “Ee Jesu Mwana wa Daudi, nifwile waya!”
48Nawo wandu wengi wakamkemela, wekemuza anyamale; ela iye kajuzila kukema, “Mwana wa Daudi, nifwile waya!” 49Nao Jesu kamanga, kaghora, “Muzeni eje.” Nawo wakampang'a kifondo wekemuza, “Boelo, uka wakupang'a.” 50Nao kakumba nguo yake ya ighulu noko, kauka kaghenda kwa Jesu. 51Nao Jesu kamuza, “Wanashaile nikudeile ije?” Naye kifondo kamuza, “Bwana, nanashaile nipate kuona sena.” 52Nao Jesu kamuza, “Ghenda ngila zako, idumusi lyako lyakuboesa.” Nao iyo ngelo yenyi kapata kuona na kairimana na Jesu.
Currently Selected:
Marko 10: SAGALLANT
Highlight
Share
Copy
Want to have your highlights saved across all your devices? Sign up or sign in
(C) The Bible Society of Kenya, 1993
Marko 10
10
Jesu kufundisa ighulu ya kusigha muke
(Matayo 19:1-12; Luka 16:18)
1Nao Jesu kafuma alye kaghenda gasi ya Judea na chambuko cha mweta ghwa Jordani, nawo makoghano wakamtindirira sena; naye sena kawafundisa selyi kwenyi yeluo ada yake.
2Nao Wafarisayo wakamjila na kumtima kwa kumkotela, “Ado ni kuirimana na sheria mundu kumlegha mkwake?”
3Jesu kawatumbulila, “Musa wanamuzile ije?” 4Wakamuza, “Musa odumusile mundu amwandikile mkwake karatasi yemlegha, nao ima amleghe.”
5Jesu kawauza, “Musa wanamwandikile sheria iyi kwa undu ghwa ngolo zenyu kukala zikulile. 6Ela kufuma kudyowa kwa urumengu, Mawandiko gha Kuela ghaghora, ‘Mlungu oumbile mlume na muke. 7Kwa undu ughu, mundu umsighagha tatie na mee, na awatane na mkwake, 8na awa waili wejekala muli ghumojori. Hata siwekalagha waili sena ela muli ghumojori.’ 9Kwa hung'u, icho chawataniso ni Mlungu, mdamu sachitaghanye.”
10Nawo wangila nyumba, wairimi wakamkotela sena ighulu ya malagho agha. 11Naye kawauza, “Uyo wose emleghagha mkwake na kulola mzima, wazinga ighulu yake. 12Naye muke amlegha mlume na kuuso ni mlume mzima, wazinga.”
Jesu kuwabarikia wanake wachache
(Matayo 19:13-15; Luka 18:15-17)
13Nao wakamletela Jesu wanake, kamba awawate, ela wairimi wakawakemela. 14Ela Jesu aghenda aona, kawasilo, kawauza wairimi wake, “Sigheni wanake weje kwangu, simwawaime, kwani uzuri ghwa Mlungu ni ghwa wandu sa awa. 15Fulo namuza, uyo wose sewatagha uzuri ghwa Mlungu sa mwanake mchache, sengilagha kamare.” 16Naye kawawata na mikonu yake na kuwabarikia, kewaikilila mikonu.
Mundu mzuri
(Matayo 19:16-30; Luka 18:18-30)
17Na ilyi Jesu eluo keghenda ngila zake, mundu mumoju kamkimbilila na kum'dyaila ngokoro hambiri na kumkotela, “Mwalimu waloli, nideagha ije hata nipate umana ghwa kale na kale?” 18Naye Jesu kamuza, “Kudani waniita waloli? Sikwesi mndungi waloli sala Mlungu mwenyi. 19Wanaweni milomu ya Mlungu: ‘Swaulaghe, swazinge, swaiwe, swamzighirire mumbenyu kwa ndimi, swaembe mndungi, umdeile ishima tatio na meo.’” 20Naye katumbulila, “Mwalimu, agha ghose nanaghawatile kufuma unake ghwangu.”
21Nao Jesu kamlola kemshaya, na kumuza, “Wagotuwilo ni kindu kimojori; ghenda utaghe vindu vose uwo navo uwahawe wakiwa, nawe ujekala na mali mlunguni, nao uje uniirime.” 22Ulya mundu aghenda asikila agha, kawasilo, kaghenda afuruse; kwa kukala oluo na mali nyingi.
23Nao Jesu kawaghalukila wairimi wake na kuwauza, “Mwaona selyi kukulile kwa awa weo na mali kungila kele uzuri ghwa Mlungu!” 24Nawo wairimi wake wakashiniso ni malagho ghake. Ela Jesu kawauza sena, “Wanake, kwanakulile sani kungila kele uzuri ghwa Mlungu! 25Kwanawanguwe ngamila kungila kele ilanga lya sinzano, kuchumba mzuri kungila kele uzuri ghwa Mlungu.” 26Nawo wakashinika na ndighi na kumuza, “Ndamu nani edimagha kukila?” 27Jesu kawalola na kuwauza, “Kwa wadamu siidimikagha, ela kwa Mlungu yadimika; kwani kwa Mlungu, vose vadimika.”
28Petro kadyowa kumuza, “Lola, isi tanasighile vindu vose tikakuirima.” 29Jesu kaghora, “Fulo namuza, Mundu uwo wose esighagha nyumba, ango wana wakwawe wa walume, ango wa wake, ango mee, ango tatie, ango wana, ango mbuwa, kwa undu ghwangu na kwa undu ghwa Injili, 30upatagha mandu ighana, nyumba, wana wakwawe wa walume na wa wake, mee, wana na mbuwa; ngila mojori na matiriro, na urumengu ghukujagha upatagha umana ghwa kale na kale. 31Kwani awa weo wa hambiri wejekala na nyuma, na wa nyuma wejekala wa hambiri.”
Jesu kughora lya katatu ighulu ya kifwa chake
(Matayo 20:17-19; Luka 18:31-34)
32Jesu na wairimi wake weluo ngileni wekeghenda Jerusalemu. Jesu kakayaya. Wairimi wake wakashinika na walye wandu weirimane wakangilo ni wogha. Nao sena kawata walye wairimi ikumi na waili, kadyowa kuwaghorera ghalye ghempatagha. 33Kawauza, “Zighaneni, tendeghenda Jerusalemu; naye Mwana wa Mdamu ujefunyo kwa wakohani wabwaa na walimu wa sheria, nawo wejemtaghanya kufwa, nawo wejemfunya kwa mbari nzima. 34Nawo wejemsholela, na kumchwila mate, na kumkwita, na kumuulagha, naye ujezuka ijua lya katatu.”
Malombi gha Jakobo na Johana
(Matayo 20:20-28)
35Nao Jakobo na Johana, wana wa Zebedayo, wakamjila na kumuza, “Mwalimu, tanashaile utideile icho chose tijekulomba.” 36Naye kawauza, “Mwanashaile nimdeile kimuni?” 37Nawo wakatumbulila, “Utidumusile tikale mumoju mkonu ghwako ghwa kijo na mumoju mkonu ghwako ghwa kimosho, ngelo ukalagha mzuri.” 38Ela Jesu kawauza, “Simumanyagha ichi mlombagha! Ado mwadima kunwa kikombe cha matiriro ninweghagha, ango kubatizo na ubatizo nibatizogho nagho?”
39Nawo wakaghora, “Tadima.” Jesu kawauza, “Kikombe cha matiriro ninweghagha mjechinwa na ubatizo nibatizogho, mjebatizo; 40ela kukala mkonu ghwangu ghwa kijo ango ghwa kimosho simi ungi nihawanagha, kwa kukala ni walye tu waikililo.”
41Nao walye wairimi ikumi waghenda kusikila, wakadyowa kuwasilo ni wana Jakobo na Johana. 42Jesu kawapang'a wairimi wose na kuwauza, “Mwamanya selyi wabwaa wa mbari nzima wadeagha nguma ighulu ya wandu wawe, na selyi wandu wabwaa awo weo na ndighi ighulu yawe. 43Ela kwenyu siikalagha hung'u kungi; kwani uyo wose ashaile kukala mubwaa kwenyu, ni suti akale mtumiki wenyu. 44Na uyo wose ashaile kukala wa hambiri kwenyu, akale msunyi wa wose. 45Kwani Mwana wa Mdamu sajile kutumikilo, ela kutumika, na kufunya umana ghwake kukala kizangauna kwa undu ghwa wengi.”
Jesu kumuboesa Bartimayo eluo kifondo
(Matayo 20:29-34; Luka 18:35-43)
46Nao wakafika Jeriko. Naye Jesu ilyi eluo kefuma Jeriko ngila mojori na wairimi wake na makoghano, Bartimayo mwana wa Timayo, kifondo eluo mlombi, oluo kitembo mbalimbali ya ngila. 47Naye asikila kamba ni Jesu wa Nazareti eitagha, kadyowa kukema keghamba, “Ee Jesu Mwana wa Daudi, nifwile waya!”
48Nawo wandu wengi wakamkemela, wekemuza anyamale; ela iye kajuzila kukema, “Mwana wa Daudi, nifwile waya!” 49Nao Jesu kamanga, kaghora, “Muzeni eje.” Nawo wakampang'a kifondo wekemuza, “Boelo, uka wakupang'a.” 50Nao kakumba nguo yake ya ighulu noko, kauka kaghenda kwa Jesu. 51Nao Jesu kamuza, “Wanashaile nikudeile ije?” Naye kifondo kamuza, “Bwana, nanashaile nipate kuona sena.” 52Nao Jesu kamuza, “Ghenda ngila zako, idumusi lyako lyakuboesa.” Nao iyo ngelo yenyi kapata kuona na kairimana na Jesu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(C) The Bible Society of Kenya, 1993