Chhòng-sè-kì 25

A-pek-la-hán Kî-tha ê Hō͘-tāi

(1 Tāi 1.32-33)

1 A-pek-la-hán koh chhōa Ki-thó͘-la chòe bó͘. 2Ki-thó͘-la kā i siⁿ Sim-lân, Iok-san, Bí-tān, Bí-tiân, I-si-pa, kap Su-a. 3Iok-san siⁿ Sī-pa kap Tí-tān. Tí-tān ê hō͘-tāi sī A-su-lī-lâng, Lī-to͘-sī-lâng, kap Lī-o͘-bí-lâng. 4Bí-tiân ê kiáⁿ sī Í-hoat, Í-hut, Í-lo̍k, A-pí-tāi, Í-le̍k-tāi; chiah-ê lóng sī Ki-thó͘-la ê hō͘-tāi.

5 A-pek-la-hán chiong i it-chhè só͘ ū--ê hō͘ Í-sat. 6A-pek-la-hán mā thàn i iáu oa̍h--teh ê sî, chiong châi-bu̍t pun hō͘ i ê sòe-î hiah-ê kiáⁿ, koh kiò in lī-khui i ê kiáⁿ Í-sat khì tang-pêng ê tōe.

A-pek-la-hán Sí

7 A-pek-la-hán it-seng oa̍h chi̍t-pah chhit-cha̍p gō͘ hè. 8A-pek-la-hán chia̍h tn̂g-hè-siū, pêng-pêng-an-an tńg-khì i ê chó͘-sian hia. 9-10I ê kiáⁿ Í-sat kap Í-si̍t-má-lī chiong i an-chòng tī Bān-lī tùi-bīn ê Be̍k-pí-la tōng-hia̍t, sī tī A-pek-la-hán tùi Hek-lâng Só-hat ê kiáⁿ Í-hut-lûn bóe--lâi hit-khu hn̂g ê lāi-bīn. A-pek-la-hán kap i ê bó͘ Sa-la lóng bâi-chòng tī hia. 11A-pek-la-hán sí liáu-āu, Siōng-tè sù-hok hō͘ i ê kiáⁿ Í-sat; Í-sat tòa tī Pí-ní La-hái Lâi hù-kūn.

Í-si̍t-má-lī ê Hō͘-tāi

(1 Tāi 1.28-31)

12Ē-bīn sī A-pek-la-hán ê kiáⁿ Í-si̍t-má-lī ê hō͘-tāi: Í-si̍t-má-lī sī Sa-la ê lú-pī Ai-ki̍p-lâng Hā-kah kā A-pek-la-hán siⁿ ê kiáⁿ. 13Í-si̍t-má-lī chiah-ê kiáⁿ chiàu in chhut-sì ê sūn-sū siá tī ē-bīn: Í-si̍t-má-lī ê tōa-kiáⁿ Nî-pài-iok, koh ū Ki-ta̍t, A-tek-pia̍t, Bí-pí-san, 14Bí-si-má, Tō͘-má, Má-sat, 15Hap-tāi, Thê-má, I-tu̍t, Ná-hui-si, Ki-tí-má; 16chiah-ê lóng sī Í-si̍t-má-lī ê kiáⁿ, chòe cha̍p-jī cho̍k ê cho̍k-tiúⁿ. In tòa ê chng-siā kap iâⁿ-tōe, lóng chiàu in ê miâ lâi hō. 17Í-si̍t-má-lī oa̍h chi̍t-pah saⁿ-cha̍p chhit hè chiū kè-sin, tńg-khì i ê chó͘-sian hia. 18I ê hō͘-tāi tòa tī tùi Hap-hui-la kàu Ai-ki̍p tang-pêng ê Su-ní, beh khì A-su̍t ê lō͘ hit-ê tōe-khu; khiā-khí tī i chhin-cho̍k ê tùi-bīn.

Í-sò kap Ngá-kok Chhut-sì

19Ē-bīn sī A-pek-la-hán ê kiáⁿ Í-sat ê hō͘-tāi: A-pek-la-hán siⁿ Í-sat; 20Í-sat sì-cha̍p hè ê sî chhōa Lē-pek-ka chòe bó͘. Lē-pek-ka sī Bí-soh-put-ta̍t-bí-a ê A-lân-lâng Pí-thó͘-lī ê cha-bó͘-kiáⁿ, La-pan ê sió-bē. 21Í-sat in-ūi i ê bó͘ bōe siⁿ, chiū ūi-tio̍h i kî-kiû Siōng Chú; Siōng Chú èng-ún i ê khún-kiû, i ê bó͘ Lē-pek-ka chiū hoâi-īn. 22Nn̄g ê siang-siⁿ-á tī Lē-pek-ka ê pak-tó͘ lāi sio-khoeh, hō͘ i chin kan-khó͘; i chiū kóng, “Sī-án-chóaⁿ góa tio̍h chiah kan-khó͘?” I chiū mn̄g Siōng Chú.

23Siōng Chú kā i kóng:

Nn̄g kok tī lí ê pak-tó͘ lāi;

nn̄g cho̍k beh tùi lí ê seng-khu chhut;

chi̍t cho̍k beh pí lēng-gōa chi̍t cho̍k khah kiông;

tōa--ê beh ho̍k-sāi sòe--ê.

24Seng-sán ê sî kàu, kó-jiân pak-tó͘ lāi sī siang-siⁿ-á. 25Tāi-seng chhut--lâi-ê, seng-khu âng-âng, kui seng-khu hoat mn̂g chhin-chhiūⁿ chhēng phê-saⁿ; chiū kā i hō-miâ kiò-chòe Í-sò#25.25 “Í-sò” ê Hi-pek-lâi-gú hoat-im kap “mn̂g chin chōe” chiap-kūn. Í-sò hō͘-tāi khiā-khí ê tōe-khu “Se-ní” chiū-sī “mn̂g chin chōe” ê ì-sù.. 26Tè-āu, i ê sió-tī koh chhut--lâi, chhiú giú Í-sò ê kha-āu-tiⁿ; chiū kā hō-miâ kiò Ngá-kok#25.26 “Ngá-kok” ê Hi-pek-lâi-gú hoat-im kap “kha-āu-tiⁿ” chiap-kūn.. Nn̄g ê kiáⁿ chhut-sì ê sî, Í-sat tú-á la̍k-cha̍p hè.

Í-sò Chhut-bōe Tōa-kiáⁿ ê Bêng-hūn

27Nn̄g ê gín-á chiām-chiām tōa-hàn; Í-sò gâu phah-la̍h, siông-siông tī soaⁿ-iá; Ngá-kok kò-sèng an-chēng, siông-siông tī pò͘-pîⁿ lāi. 28Í-sat thiàⁿ Í-sò, in-ūi siông-siông chia̍h Í-sò phah--lâi ê iá-bī. Lē-pek-ka thiàⁿ Ngá-kok.

29Ū chi̍t ji̍t Ngá-kok teh khòng-thng, Í-sò tùi soaⁿ-iá tò--lâi, seng-khu chin thiám. 30Í-sò kā Ngá-kok kóng, “Góa thiám kah beh sí, pài-thok lí chiong hit-ê âng-âng ê thng hō͘ góa chia̍h.” In-ūi án-ni, Í-sò mā kiò-chòe Í-tong#25.30 “Í-tong” ì-sù sī “âng-sek”..

31 Ngá-kok kóng, “Lí seng chiong tōa-kiáⁿ ê bêng-hūn bōe hō͘ góa.”

32 Í-sò kóng, “Góa to iau kah beh sí ah, chit-ê tōa-kiáⁿ ê bêng-hūn tùi góa ū siáⁿ lō͘-ēng?”

33 Ngá-kok kóng, “Lí tio̍h seng chiù-chōa.”

Í-sò chiū tùi i chiù-chōa, chiong tōa-kiáⁿ ê bêng-hūn bōe hō͘ i. 34Ngá-kok chiū chiong piáⁿ kap âng-tāu-thng hō͘ Í-sò; i chiū chia̍h, chia̍h-liáu chiū chòe i khì. Án-ni, Í-sò khòaⁿ-khin i tōa-kiáⁿ ê bêng-hūn.

Currently Selected:

Chhòng-sè-kì 25: TTVR

Highlight

Copy

Want to have your highlights saved across all your devices? Sign up or sign in

The Bible Society in Taiwan

Learn More About 現代台語譯本羅馬字版

Popular Bible Verses from
Chhòng-sè-kì 25

Videos for Chhòng-sè-kì 25

Genesis 12-50

The Bible Project

Genesis Part 2

The Bible Project

Chhòng-sè-kì 25

Popular Bible Verses from
Chhòng-sè-kì 25

Videos for Chhòng-sè-kì 25

Genesis 12-50

Genesis Part 2

Bible:

Chinese, Min Nan

Version: 現代台語譯本羅馬字版 - TTVR

Chhòng-sè-kì 25

Chhòng-sè-kì 25

Popular Bible Verses from Chhòng-sè-kì 25

Videos for Chhòng-sè-kì 25

Genesis 12-50

Genesis Part 2

Bible:

Chinese, Min Nan

Version: 現代台語譯本羅馬字版 - TTVR

Chhòng-sè-kì 25

Popular Bible Verses from
Chhòng-sè-kì 25