Chhòng-sè-kì 49

Ngá-kok Chòe-āu ê Chiok-hok

1 Ngá-kok kiò i só͘-ū ê kiáⁿ lâi, kóng, “Lín lóng chū-chi̍p óa--lâi, góa beh chiong lín í-āu ōe tú--tio̍h ê sū kā lín kóng:

2 Ngá-kok ê kiáⁿ, tio̍h chū-chi̍p lâi thiaⁿ,

thiaⁿ lín lāu-pē Í-sek-lia̍t ê ōe.

3“Lū-piān, lí sī góa ê tōa-kiáⁿ, góa ê cheng-le̍k,

sī góa ióng-chòng ê sî siⁿ ê tē-it ê kiáⁿ,

eng-kai ke̍k-kî chun-êng, khùi-la̍t chhiau-kûn.

4M̄-kú lí chhin-chhiūⁿ sì-kòe chhiong ê tōa-chúi,

bōe-tàng koh tī hiaⁿ-tī tiong choh-tōa;

in-ūi lí peh-chiūⁿ lín lāu-pē ê bîn-chhn̂g,

peh-khí-khì góa ê chhn̂g-pho͘, kā i phah lâ-sâm.

5“Se-biān kap Lī-bī sī hiaⁿ-tī;

in ê to-kiàm sī chân-jím ê bú-khì.

6Góa ê sim-sîn, m̄-thang kap in kiōng-bô͘;

góa ê sîn-hûn, m̄-thang kap in chham-siông;

in-ūi in tī siū-khì tiong thâi-sí lâng,

loān-sú koah-tn̄g gû ê tōa-thúi-kun.

7In ê siū-khì béng-lia̍t, ōe siū chiù-chó͘;

in ê tōa siū-khì chân-jím, ōe siū chiù-chó͘;

góa beh hun-sòaⁿ in tī Ngá-kok-ke,

phah-sòaⁿ in tī Í-sek-lia̍t ta̍k chi-cho̍k.

8“Iû-tāi, lí ê hiaⁿ-tī beh o-ló lí;

lí ê chhiú beh chhi̍h tùi-te̍k ê ām-kún;

lí ê lāu-pē ê kiáⁿ beh khut-ho̍k tī lí bīn-chêng.

9 Iû-tāi sī sòe-chiah sai;

góa ê kiáⁿ, lí lia̍h-tio̍h la̍h-bu̍t chiū tò-khì tōng-hia̍t.

Iû-tāi phak--teh chhin-chhiūⁿ sai-kang,

tó--teh chhin-chhiūⁿ sai-bú,

siáⁿ-lâng káⁿ jiá i?

10Ông-koân bô lī-khui Iû-tāi,

i ê hō͘-tāi kú-tn̂g thóng-tī;

bān-kok ōe lâi chìn-kòng;

bān-bîn lóng lâi kui-sūn.

11 Iû-tāi pa̍k sòe-chiah lû-á tī phû-tô-chhiū,

pa̍k lû-á-kiáⁿ tī siōng-hó ê phû-tô-chhiū;

i ēng phû-tô-chiú sóe saⁿ,

ēng phû-tô-chiap sóe i-ho̍k.

12I ê ba̍k-chiu in-ūi lim-chiú âng,

i ê chhùi-khí in-ūi lim-lin pe̍h.

13“Se-pò͘-lûn beh khiā-khí tī hái-piⁿ,

beh chòe pha-chûn ê káng-kháu;

i ê kéng-kài ōe kàu Se-tùn.

14“Í-sat-ka sī ióng-chòng ê lû,

tó tī i phāiⁿ ê nn̄g kha tē-á tiong-kan.

15I ài an-chēng khiā-khí,

lâu tī pûi-súi ê thó͘-tōe;

i àⁿ keng-thâu taⁿ tāng-tàⁿ,

chiâⁿ-chòe chòe khó͘-kang ê lô͘-lē.

16“Tān beh ūi-tio̍h ka-kī ê jîn-bîn chú-chhî kong-tō,

chhin-chhiūⁿ Í-sek-lia̍t pa̍t-ê chi-cho̍k.

17 Tān beh chòe lō͘--ni̍h ê chôa,

chòe lō͘-tiong ê to̍k-chôa,

kā bé ê kha-āu-tiⁿ,

hō͘ khiâ-bé ê lâng tò-siàng-hiàⁿ siak--lo̍h-khì.

18“Siōng Chú ah, góa teh thèng-hāu lí ê chín-kiù.

19“Ka-tek beh hō͘ tùi-te̍k tui-kóaⁿ,

m̄-kú i tian-tò beh tui-jip in ê kha-āu-tiⁿ.

20“A-siat ê bu̍t-sán hong-hù,

thang chòe ông-sek ê hó chia̍h-mi̍h.

21“Ná-hut-tha-lī sī tháu-pàng ê lo̍k-bú,

siⁿ khó-ài ê lo̍k-á-kiáⁿ#49.21 “siⁿ khó-ài ê lo̍k-á-kiáⁿ” mā thang e̍k-chòe “hoat-chhut iu-bí ê chhiū-oe”..

22“Iok-sek chhin-chhiūⁿ chúi-chôaⁿ piⁿ ê iá-lû,

chhin-chhiūⁿ soaⁿ-lûn-á téng ê iá-bé.#49.22 Chit-chat mā thang e̍k-chòe “Iok-sek chhin-chhiūⁿ chúi-chôaⁿ piⁿ ê chhiū, chhin-chhiūⁿ gâu kiat ké-chí ê chhiū-oe, chhun-chhut chhiûⁿ-gōa.”

23Siā-chìⁿ ê lâng béng-lia̍t kong-kek i,

ēng chìⁿ siā i, tui-jip i;

24m̄-kú i óa-khò Ngá-kok ê Tāi-lêng-chiá,

i ê keng iû-goân ân;

i óa-khò Í-sek-lia̍t ê Bo̍k-chiá kap Chio̍h-pôaⁿ,

i ê chhiú iáu ū-la̍t.#49.24 “i ê keng iû-goân ân...i ê chhiú iáu ū-la̍t.” mā thang e̍k-chòe “tùi-te̍k ê keng siū at-tn̄g, tùi-te̍k ê chhiú-kut siū thiah-li̍h.”

25Lí ê lāu-pē ê Siōng-tè beh pang-chān lí;

Choân-lêng-chiá beh sù-hok lí.

I beh siúⁿ-sù lí thiⁿ-téng ê hok-khì,

chhim-ian ún-chông ê hok-khì;

hō͘ lí kiáⁿ-sun chin chōe, cheng-siⁿ heng-ōng.

26Lí ê lāu-pē ê chiok-hok

iâⁿ-kè éng-oán soaⁿ-niá ê hok-khì,

chhiau-kè chū-kó͘ í-lâi ê soaⁿ-lûn-á ê hó-mi̍h;

chiah-ê hok-khì beh kàng-lo̍h tī Iok-sek ê thâu-khak,

lîm-kàu tī tùi hiaⁿ-tī tiong-kan kéng-soán--chhut-lâi hit-ê lâng ê sin-chiūⁿ.

27“Piān-ngá-bín sī hiong-béng ê chhâi-lông;

chá-khí-sî thun-chia̍h i ê la̍h-bu̍t,

ē-hng-sî pun i chhiúⁿ--tio̍h-ê.”

28Chiah-ê sī Í-sek-lia̍t ê cha̍p-jī chi-cho̍k; in ê lāu-pē chiàu in ta̍k-ê lâng eng-kai tit--tio̍h ê hok-hūn kā in chiok-hok.

Ngá-kok ê Sí kap Bâi-chòng

29 Ngá-kok hoan-hù i ê kiáⁿ, kóng, “Góa beh tò-khì góa ê lia̍t-chó͘ hia, lín tio̍h chiong góa kap góa ê chó͘-sian tâi chòe-hé, bâi-chòng tī Hek-lâng Í-hut-lûn chhân-iá ê tōng-hia̍t; 30chiū-sī tī Ka-lâm-tōe Bān-lī ê tùi-bīn, Be̍k-pí-la chhân-iá ê tōng-hia̍t, sī A-pek-la-hán tùi Hek-lâng Í-hut-lûn bóe lâi chòe bōng-tōe ê sán-gia̍p. 31Tī hia ū bâi-chòng A-pek-la-hán kap i ê bó͘ Sa-la, koh ū bâi-chòng Í-sat kap i ê bó͘ Lē-pek-ka; góa mā tī hia bâi-chòng Lē-a. 32Hit-khu hn̂g kap hit lāi-bīn ê tōng-hia̍t sī tùi Hek-lâng bóe--ê.” 33Ngá-kok tùi i hiah-ê kiáⁿ kau-tài chheng-chhó liáu-āu, kha kiu--khí-lâi, tó tī bîn-chhn̂g, khùi chiū tn̄g, tò-khì i ê chó͘-sian hia.

Currently Selected:

Chhòng-sè-kì 49: TTVR

Highlight

Copy

Want to have your highlights saved across all your devices? Sign up or sign in

The Bible Society in Taiwan

Learn More About 現代台語譯本羅馬字版

Popular Bible Verses from
Chhòng-sè-kì 49

Videos for Chhòng-sè-kì 49

Genesis 12-50

The Bible Project

Genesis Part 2

The Bible Project

Chhòng-sè-kì 49

Popular Bible Verses from
Chhòng-sè-kì 49

Videos for Chhòng-sè-kì 49

Genesis 12-50

Genesis Part 2

Bible:

Chinese, Min Nan

Version: 現代台語譯本羅馬字版 - TTVR

Chhòng-sè-kì 49

Chhòng-sè-kì 49

Popular Bible Verses from Chhòng-sè-kì 49

Videos for Chhòng-sè-kì 49

Genesis 12-50

Genesis Part 2

Bible:

Chinese, Min Nan

Version: 現代台語譯本羅馬字版 - TTVR

Chhòng-sè-kì 49

Popular Bible Verses from
Chhòng-sè-kì 49