GÉNESIS 35
35
Taita Diosca, Bet-el shuti pambapimi Jacobtaca bendiciashca
1Taita Diosca, Jacobtami cashna nirca: “Bet-el shuti pambaman vichai rishpa, chaipi causangapa saquiringuilla. Cambaj huauqui Esaumanda pacajushpa rijujpi, canman ricurishca Taita Dios Ñucaman, shuj altarta rurangui” nircami. 2Shina nishca jipami Jacobca, paipaj ayllucunatapash, paihuan causajcunatapash cashna nirca: “Canguna charishca chai rurashcalla dioscunataca, shitanapachami canguichi. Shinallata, cangunapash armashpami, shuj churajunata churajuna canguichi. 3Cunanga, Bet-el shuti pambaman vichai rishunchilla. Ninan llaquihuan causajui punllapi, ñuca mañajujta tigrachij Taita Diosmanmi, chaipi shuj altarta rurasha. Ñuca maita rijujpipash, Paimi ñucahuan pacta purijushca” nircami. 4Shina nijpimi, paicuna charinajushca rurashcalla dioscunataca, Jacobman cunajurca. Shinallata, paicunapaj rinripi churajushca zarcillocunatapashmi Jacobman cunajurca. Chaicunataca, Siquem shuti pambapi shayajuj encina shuti quiru ucupimi pacarca. 5Chaimanda llujshishpa rinajujpimi Taita Diosca, chai muyundi llactacunapi causajcunamanga, ninan manllaita cachamurca. Chaimandami, Jacobpaj churicunataca pipash na catishpa llaquichirca. 6Jacobca, Canaán llactapi tiyaj Luz shuti pambamanmi chayarca. (Chaica, Bet-el shuti pambami). Paipash, paihuan rinajuj tucui gentecunapashmi chaiman chayarca. 7Chaipimi, shuj altarta rurarca. Chai pambataca, “El-bet-el” shutitami shutichirca. Paipaj huauquimanda pacajushpa rijujpi, Taita Dios paiman chaipi ricurishcamandami, chashna shutichirca.
8Rebecata viñachishca Débora shuti huarmi huañujpica, Bet-el quimiriaj pushtupi shayajuj, shuj encina quiru ucupimi pambarca. Chaitaca, “Alón-bacut”#35:8 Alón-bacut nishpaca huacagrina jatun quiru nijunmi shutitami shutichirca.
9Padan-aram shuti llactamanda tigramujpimi Taita Diosca, Jacobman cutin ricurishpa bendiciarca. 10Taita Diosca, cashnami nirca: “Cambaj shutica Jacobmi. Shina cajpipash, cunanmandaca cambaj shutica na ashtahuan Jacob cangachu, ashtahuangarin Israelmi canga” nishpami paitaca, “Israel” shutita shutichirca. 11Taita Diosca, cashnatapashmi nirca: “Ñucami, tucui ushaita charij Taita Dios cani. Cambaj miraicunaca ashtacapachami canga. Canmandaca, llactacunapash ashtacami miranga. Cambaj miraicunamandami, jatun mandajcunapash llujshinga. 12Abrahamman, Isaacman carashca alpatami, canmambash, cambaj miraicunamambash carasha” nircami. 13Shina nishca jipami Taita Diosca, Jacobhuan parlanajushca pambamandaca rirca. 14Jacobca, maipi paihuan rimajushca pambapimi, Diospajlla cashcata ricuchij rumita shayachishpa, chai rumipica, vinotapash, aceitetapash talirca. 15Jacobca, Taita Dios paihuan parlajushca chai pambataca, “Bet-el” shutitami shutichirca.
Raquel huañushcatami villajun
16Chai jipaca, Bet-el shuti pambamanda rinajurca. Efrata shuti puebloman chayangapaca ashalla illajpimi, Raquelca huahuata unguna pactajpi, ashtaca nanaihuan carca. 17Chaipica, nanaihuan na ushajujpimi, huahuata unguchij huarmica: “Ama manllaichu. Cunambash, jari huahuagutallatami charigringui” nirca. 18Ña huañugrijushpami, chai huahuagutaca, “Benoni” shutita shutichirca (Raquelca huañurcallami). Ashtahuangarin, chai huahuapaj taitaca, “Benjamín” shutitami shutichirca. 19Raquel huañujpica, Efrata puebloman rina ñan quimiriapimi pambarca. Chaitaca cunanga, Belén pueblo nishpami rijsin. 20Maipi pambashca pushtupica, Jacobca shuj jatun rumitami shayachirca. Chai rumica, Raquelta pambashcatami cunangaman ricuchijun. 21Taita Israelca, chaimanda llujshishpami paipaj carpataca, Migdal-edar shuti torremandaca, ashtahuan yalishpa shayachirca.
22Chai llactapi taita Israel causajui punllacunapimi, Rubenga, paipaj taitapaj huarmi Bilhahuan pacta puñurca. Chaitami, taita Israelca yachaj chayarca.
Jacobpaj churicunamanda
(1 Crón. 2:1-2)
Taita Israelpaj churicunaca, cai chunga ishcaicunami carca: 23Jacobca, Ruben shuti punda churitaca, Lea huarmihuanmi charirca. Paihuanllatami: Simeón, Leví, Judá, Isacar, Zabulón shuti churicunatapash charirca. 24Raquel huarmihuanga: Joseta, Benjamindami charishca. 25Raquel huarmipajta ruraj Bilha huarmihuanga: Dan, Neftalí shuti churicunatami charishca. 26Lea huarmipajta ruraj Zilpa huarmihuanga: Gad, Aser shuti churicunatami charirca. Jacobca, Padan-aram shuti llactapi causajushpami, chai churicunataca charirca.
Isaac huañushcatami villajun
27Chai jipami Jacobca, paipaj taita Isaac causajuj Mamre shuti pushtuman shamurca. Chaica, Arba nishpa rijsishca Hebrón shutimi carca. Chaipimi, Abrahambash, Isaacpash causashca carca. 28Isaac runaca, patsaj pusaj chunga huatatami causarca. 29Isaac runaca ña rucugupacha cashpa huañujpimi, paipaj churi Esaupash, Jacobpashmi, paipaj ayllucunahuan tandachishpa pambarca.
Currently Selected:
GÉNESIS 35: QVI16
Highlight
Share
Copy
Want to have your highlights saved across all your devices? Sign up or sign in
Biblia en Quichua de Imbambura: Diospaj Shimi © Sociedades Biblicas Unidas, 1994, 2023.
GÉNESIS 35
35
Taita Diosca, Bet-el shuti pambapimi Jacobtaca bendiciashca
1Taita Diosca, Jacobtami cashna nirca: “Bet-el shuti pambaman vichai rishpa, chaipi causangapa saquiringuilla. Cambaj huauqui Esaumanda pacajushpa rijujpi, canman ricurishca Taita Dios Ñucaman, shuj altarta rurangui” nircami. 2Shina nishca jipami Jacobca, paipaj ayllucunatapash, paihuan causajcunatapash cashna nirca: “Canguna charishca chai rurashcalla dioscunataca, shitanapachami canguichi. Shinallata, cangunapash armashpami, shuj churajunata churajuna canguichi. 3Cunanga, Bet-el shuti pambaman vichai rishunchilla. Ninan llaquihuan causajui punllapi, ñuca mañajujta tigrachij Taita Diosmanmi, chaipi shuj altarta rurasha. Ñuca maita rijujpipash, Paimi ñucahuan pacta purijushca” nircami. 4Shina nijpimi, paicuna charinajushca rurashcalla dioscunataca, Jacobman cunajurca. Shinallata, paicunapaj rinripi churajushca zarcillocunatapashmi Jacobman cunajurca. Chaicunataca, Siquem shuti pambapi shayajuj encina shuti quiru ucupimi pacarca. 5Chaimanda llujshishpa rinajujpimi Taita Diosca, chai muyundi llactacunapi causajcunamanga, ninan manllaita cachamurca. Chaimandami, Jacobpaj churicunataca pipash na catishpa llaquichirca. 6Jacobca, Canaán llactapi tiyaj Luz shuti pambamanmi chayarca. (Chaica, Bet-el shuti pambami). Paipash, paihuan rinajuj tucui gentecunapashmi chaiman chayarca. 7Chaipimi, shuj altarta rurarca. Chai pambataca, “El-bet-el” shutitami shutichirca. Paipaj huauquimanda pacajushpa rijujpi, Taita Dios paiman chaipi ricurishcamandami, chashna shutichirca.
8Rebecata viñachishca Débora shuti huarmi huañujpica, Bet-el quimiriaj pushtupi shayajuj, shuj encina quiru ucupimi pambarca. Chaitaca, “Alón-bacut”#35:8 Alón-bacut nishpaca huacagrina jatun quiru nijunmi shutitami shutichirca.
9Padan-aram shuti llactamanda tigramujpimi Taita Diosca, Jacobman cutin ricurishpa bendiciarca. 10Taita Diosca, cashnami nirca: “Cambaj shutica Jacobmi. Shina cajpipash, cunanmandaca cambaj shutica na ashtahuan Jacob cangachu, ashtahuangarin Israelmi canga” nishpami paitaca, “Israel” shutita shutichirca. 11Taita Diosca, cashnatapashmi nirca: “Ñucami, tucui ushaita charij Taita Dios cani. Cambaj miraicunaca ashtacapachami canga. Canmandaca, llactacunapash ashtacami miranga. Cambaj miraicunamandami, jatun mandajcunapash llujshinga. 12Abrahamman, Isaacman carashca alpatami, canmambash, cambaj miraicunamambash carasha” nircami. 13Shina nishca jipami Taita Diosca, Jacobhuan parlanajushca pambamandaca rirca. 14Jacobca, maipi paihuan rimajushca pambapimi, Diospajlla cashcata ricuchij rumita shayachishpa, chai rumipica, vinotapash, aceitetapash talirca. 15Jacobca, Taita Dios paihuan parlajushca chai pambataca, “Bet-el” shutitami shutichirca.
Raquel huañushcatami villajun
16Chai jipaca, Bet-el shuti pambamanda rinajurca. Efrata shuti puebloman chayangapaca ashalla illajpimi, Raquelca huahuata unguna pactajpi, ashtaca nanaihuan carca. 17Chaipica, nanaihuan na ushajujpimi, huahuata unguchij huarmica: “Ama manllaichu. Cunambash, jari huahuagutallatami charigringui” nirca. 18Ña huañugrijushpami, chai huahuagutaca, “Benoni” shutita shutichirca (Raquelca huañurcallami). Ashtahuangarin, chai huahuapaj taitaca, “Benjamín” shutitami shutichirca. 19Raquel huañujpica, Efrata puebloman rina ñan quimiriapimi pambarca. Chaitaca cunanga, Belén pueblo nishpami rijsin. 20Maipi pambashca pushtupica, Jacobca shuj jatun rumitami shayachirca. Chai rumica, Raquelta pambashcatami cunangaman ricuchijun. 21Taita Israelca, chaimanda llujshishpami paipaj carpataca, Migdal-edar shuti torremandaca, ashtahuan yalishpa shayachirca.
22Chai llactapi taita Israel causajui punllacunapimi, Rubenga, paipaj taitapaj huarmi Bilhahuan pacta puñurca. Chaitami, taita Israelca yachaj chayarca.
Jacobpaj churicunamanda
(1 Crón. 2:1-2)
Taita Israelpaj churicunaca, cai chunga ishcaicunami carca: 23Jacobca, Ruben shuti punda churitaca, Lea huarmihuanmi charirca. Paihuanllatami: Simeón, Leví, Judá, Isacar, Zabulón shuti churicunatapash charirca. 24Raquel huarmihuanga: Joseta, Benjamindami charishca. 25Raquel huarmipajta ruraj Bilha huarmihuanga: Dan, Neftalí shuti churicunatami charishca. 26Lea huarmipajta ruraj Zilpa huarmihuanga: Gad, Aser shuti churicunatami charirca. Jacobca, Padan-aram shuti llactapi causajushpami, chai churicunataca charirca.
Isaac huañushcatami villajun
27Chai jipami Jacobca, paipaj taita Isaac causajuj Mamre shuti pushtuman shamurca. Chaica, Arba nishpa rijsishca Hebrón shutimi carca. Chaipimi, Abrahambash, Isaacpash causashca carca. 28Isaac runaca, patsaj pusaj chunga huatatami causarca. 29Isaac runaca ña rucugupacha cashpa huañujpimi, paipaj churi Esaupash, Jacobpashmi, paipaj ayllucunahuan tandachishpa pambarca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia en Quichua de Imbambura: Diospaj Shimi © Sociedades Biblicas Unidas, 1994, 2023.