Yezhanq 3

Yezsuz Daj Laux Nihgozdowhmuq Naeh Laemh Kauq

1Miz goanz Fahliqsaiq ux, minxzwh rongx hoak Nihgozdowhmuq, zawh puj saeq puj Yaeuhtaiq. 2Dix zang'haemh maz dih Yezsuz naeh, daj Yezsuz hax: "Lazbix, jixzawh mboq miz dij Sen daj mawz zaemh yuq, sowh saenh yaengh saenh mawz hoak naeh, mboq miz gawz rux hoak, baenzzaqnaeh piu ruxndeq mawz zawh dij Sen nemz daeuj zau daenh." 3Yezsuz yaeng: "Gux haxdoq mawz swhlit, dij goanz jix mboq zawh daeuq rungj daeuj mbaedmawq, zoq mboq ndaej hoak dij goanz Goh dij Sen."#3:3 Goh dij Sen zoq zawh hax dij Sen haeggaj daeuj gvanx dij goanz dix, gvanx daengzle sowh gaenq dix chauq naeh. 4Nihgozdowhmuq hax: "Dij goanz haeuz jeq yaq, hoakrawz rux daeuq rungj daeuj mux? Nazniz gawz naengz rux ndonj mwz ndaw dongx meh hoakri rungj daeuj mbaedmawq baenz ah?" 5Yezsuz yaeng: "Gux haxdoq mawz swhlit, dij goanz jix mboq zawh Minghkoan dij Sen daj naemx rungj, zoq mboq ndaej mwz Goh dij Sen. 6Ndang mbaednduq zawh dij goanz rungj daeuj, gaj minghkoan mawq zawh Minghkoan dij Sen rungj daeuj. 7Laek cholaeng gux daj mawz hax: ‘Gaenqsu daeuq rungj daeuj mbaedmawq zuxbaenz.’ Laek cholaeng gaemz kauq naeh sawz. 8Laemz zawx baeuq bae rawz zoq baeuq bae rawz, mawz ruxnyinz hiang dix, gaj mboq ruxndeq dix daeq rawz daeuj, mwz rawz. Minghkoan dij Sen hawj gawz daeuq rungj mbaedmawq zwzrawz goj zawh baenzzaqnaeh." 9Nihgozdowhmuq hax: "Baenzrawz rux miz sowh saeh naeh mux?" 10Yezsuz hax: "Mawz zawh lauxswz dij goanz Yixsowhleh, naengz mboq ruxndeq mbaed saeh naeh maj? 11Gux haxdoq mawz swhlit, gaenqpiu ruxndeq, gaenqpiu zux laemh. Gaenqpiu ndaej taen, gaenqpiu zux haxdoq su, gaj gaenqsu mboq sinq sowh gaenq piu hax naeh. 12Gux daj su laemh sowh saeh dihndin naeh, gaenqsu naengz mboq sinq, jixzawh gux daj su laemh sowh saeh ndaw fax naeh, gaenqsu hoakrawz sinq mux? 13Mizgaj Lug Dij Goanz daeq ndaw fax loangz daeuj naeh,#3:13 Mbangj bwnz hoakzaqnaeh hax: Mizgaj Lug Dij Goanz daeq ndaw fax loangz daeuj yaq goj naengz yuq ndaw fax naeh. gvaqmaz mboq sanz miz gawz ndaej mwz ndaw fax. 14Moahciz yuq ndaw doanghmowz hoakzaqrawz yaeuj dij nguz dongz,#Anq Yixsowhleh 21:9. goanz rongx hoak Lug Dij Goanz naeh goj daj dij nguz dongz dungzlumj zaemh zoah yaeuj mboqyaq, 15hawj sowh puj sinq dix naeh daengzle ndaej aen mingh daengznauq. 16Unj, dij Sen nwh dij goanz dihndin, daengz lug zaiz doag dix naengz aeu hawj dij goanz dihndin, hawj sowh puj sinq lug dix naeh daengzle nauq mboq zoah lown, gajfa ndaej aen mingh daengznauq. 17Zoq zawh hax, dij Sen nemz lug zaiz dix daeuj dihndin, mboq zawh daeuj hawj dij goanz haeggaj tw sowh gaenq hoakri hoak loang naeh, zawh daeuj jeuq dij goanz dihndin. 18Gawz sinq lug zaiz dij Sen, dij Sen zoq mboq hawj gawz haeggaj tw sowh gaenq dix hoak loang naeh; gawz mboq sinq, dij Sen haeuz dingq hawj dix haeggaj tw sowh gaenq dix hoak loang naeh eh. Baenzzaqrawz mah? Sowh goanz naeh mboq sinq lug zaiz doag dij Sen. 19Gaenqrungh daeuj dihndin#3:19 Inxnaeh gaenqrungh zoq zawh hax Yezsuz hoakri., dij goanz dihndin cholaeng hoakri hoak gaenq ndoagndaeg, mboq ngaiq rungh, gajfa daeuq ngaiq ndaem, dij Sen hawj paenqdix haeggaj tw sowh gaenq paenqdix hoak loang naeh zawh cholaeng gaenq naeh. 20Gawz hoak gaenq ndoagndaeg, gawz zoq mbu sowh gaenq ndoagndaeg dix hoak naeh meq maz. Baenzzaqnaeh dix zoq hwnq gaenqrungh, mboq maz zawj gaenqrungh. 21Gawz biak kauqjing, zoq zawh hax, gawz biak kauq dij Sen bae hoak, gawz zoq maz zawj gaenqrungh, hoakzaqnaeh hawj daenh ruxndeq sowh gaenq dix hoak naeh zawh maengx dij Sen hoak."

Yezhanq Laemh Gaenq Yezsuz Dwk Daenh

22Gvaq ndauj ux yaq, Yezsuz daj cohsaenz dix mwz mbanj Yaeuhdaq, dix daj paenqdix zaemh yuq ndaw ka'mowngz dih naeh ndowj, saeh daenh hoak diauq zauh soiq naeh. 23-24Zwz naeh Yezhanq naengz baeq mwz kaeng lauz. Dix yuq ndaw Aiqnaenq dih haenz Saxlaengx naeh ndowj. Dix goj saeh daenh hoak diauq zauh soiq naeh, unj dihnaeh miz naemx lai, daenh zoq bae dihnaeh hawj dix saeh hoak diauq zauh soiq naeh. 25Cohsaenz Yezhanq daj goanz puj Yaeuhtaiq ux dungzjinj sowh gaenq zauh hoak hawj dij goanz saw naeh. 26Paenqdix maz dih Yezhanq naeh, daj dix hax: "Lazbix, goanz koax daekgoanq mawz yuq ka dah Yezdanq baih gaengnaeh hax dix zawh lug zaiz dij Sen naeh, gannaeh dix goj saeh daenh hoak diauq zauh soiq naeh, daengzle bae dih dix naeh hoak diauq zauh soiq naeh." 27Yezhanq yaeng: "Jix mboq zawh ndaw fax aeu hawj, dij goanz zoq mboq rux ndaej gaeng. 28Gux ndaej hax yaq, gux mboq zawh Jizduz, zawh goanz daeuj lauh ka loh hawj dix naeh naeuj. Gaemz kauq naeh su ndaej biaknyinz singjringh. 29Hoakqiag raep loz zawh goanz aeu mez naeh ndaej mijmez, dungzbownh goanz aeu mez naeh in yuq haenz biak, ruxnyinz hiang goanz aeu mez naeh zoq faengz. Gannaeh gux daj goanz dungzbownh goanz aeu mez naeh dungzlumj, gux ruxnyinz dij goanz bae nowngz Yezsuz, gux goj faengz taeuq. 30Dix kwnj huhhuh zuxbaenz, gux loangz runhrunh zuxbaenz."

Goanz Daeq Ndaw Fax Daeuj Naeh

31Goanz daeq dihndin maz naeh, zawh gaenq dihndin naeuj, gaenq dix hax naeh goj zawh gaenq dihndin naeuj. Gaj goanz daeq ndaw fax daeuj naeh, zawh yuq now daengzle.#3:31 Goanz daeq ndaw fax daeuj naeh zawh yuq now daengzle: Mbangj bwnz hax gaemz naeh song mbaed. Goanz daeq ndaw fax daeuj naeh 32aeu sowh gaenq dix taen singjringh naeh daj sowh gaenq dix ruxnyinz singjringh naeh haxdoq daenh, gaj mboq miz gawz sinq sowh gaenq dix hax naeh. 33Gawz sinq sowh gaenq dix hax naeh, zoq zawh hax dix yinq sowh gaenq dij Sen hax naeh zawh zaeh. 34Dij Sen aeu Minghkoan dix hawj goanz dix nemz daeuj naeh, hawj daengz mboq rux gah, baenzzaqnaeh, goanz dij Sen nemz daeuj naeh zawh hax kauq dij Sen. 35Dez ndaw fax nwh lug zaiz doag dix, haeuz aeu daengzle nyaengx mwz ndaw mungz dix. 36Gawz sinq lug, ndaej aen mingh daengznauq naeh. Gawz mboq sinq lug, toj mboq ndaej aen mingh daengznauq naeh, yaq naengz zoah dij Sen rikdwk chaenxfah daengznauq.

Currently Selected:

Yezhanq 3: ZHN

Highlight

Copy